| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
مستجدات ميركاتو الرجاء الرياضي :
- اتفاق نهائي حول الدحماني جناح اتحاد تواركة و المبلغ المتفق عليه كان هو 650 مليون سنتيم لتواركة؛ مع 20% من نسبة البيع مستقبلا. امضاء العقود و التقديم سيكون يوم الجمعة القادم كأقصى حد.
- المهدي موهوب ادارة الرجاء تواصلت مع فريقه الروسي الذي حدد ثمن البيع في 1,4 مليون دولار. و هو مبلغ حسب ادارة الرجاء مبالغ فيه و العرض الذي قدمه الرجاء يوم السبت الماضي كان هو الاعارة مع أداء منحة اللاعب السنوية و هي 450 ألف دولار مع أحقية الشراء مقابل 700 مليون سنتيم.
- في حين لاعبين أجنبيين المفاوضات لازالت معقدة و لذلك تواجد المدير الرياضي في البرتغال هذا الأسبوع في محاولة لحسم التعاقد معهما و هما جناح ايفواري وسط ميدان و مهاجم برازيلي. و كلاهما يلعبان بالدوري البرتغالي. و تبقى الأمور المادية هي العائق الأكبر.- المفاوضات مع المدافع محمد جواب لا زالت في بدايتها؛ و العائق هو المنحة السنوية للاعب.
للاشارة متبقي فقط 12 يوم لوضح اللائحة الافريقية و التي ستلعب الأدوار التمهيدية و المجموعات؛ اذا لم يحسم الفريق تعاقداته خلال هذه المدة فسيعاني كثيرا في مسابقة كأس الكاف.
|
|
|
|
ماعرفتش شكون اللي كيتفاوض ؟
ياك جابو مدير رياضي و عطاوه جميع الصلاحيات و عطاوه غلاف مالي مريح ( 3 المليار سنتيم مع امكانية تولي 4 ). المدير الرياضي خاصو بعدا يتفاهم مع المغادرين و يحاول ما أمكن يربح منهم الفريق ماديا و لو 100 مليون سنتيم في كل لاعب. عندك المعموري - ساخو - بانون - خافي - الفردوسي - المكعازي - خماس - ماتياس - العراسي هادو كاملين ساهل تضبر ليهم على عروض فالبطولة دير ليهم 100 مليون للواحد على الأقل هانتا ضبرتي على واحد المليار تقريبا
و فنفس الوقت هاد الملف ديال الانتدابات كان خاصو يكونو خدمو عليه يامات المونديال و طرقو المسامر
الماص و بركان و الخيش را سالاو الميركاتو و وقعو مع اللاعبين و دخلو للمعسكر باش يستعدو و الرجا مازال كيفاوضو
الأمور ساهلة خاص 5 الأجانب طوب هوما اللي غادي تجيب بدوك 4 المليار مع الحفاظ على بعض اللاعبين اللي المستوى ديالهم مزيان و زيد عليهم واحد 3 أو 4 اللاعبين من البطولة
|
|
|
|
خويا سفيان را ماكاين والو نفس الأسطوانة كتعاود غير سرحو بنادم
جواد الأمين هو اللي كيتفاوض مع اللاعبين و المكتب ديال الرجا هو اللي كيحدد قيمة العقود و داكشي علاش هادشي معطل بزااف
الزيات قانونيا هو اللي عندو الحق يوقع العقود و الشركة عندها الحق فالمحاسبة
الفريق تفاوض مع بزاف ديال اللاعبين اللي فراسي را واصلة لشي 14 لاعب قدرو يجيبو جوج قنيديل و الزيداني حيتاش رخاص
الافواري ادي دوي اللي هضرتي عليه فرقتو طالبة فيه مليار و بغاو يجيبوه اعارة و مابغاوش ليهم
و كلوفيس سيفطات ليهم الرجا عرض ب700 مليون سنتيم و فنفس الوقت سيفطات ليهم ليفسكي صوفيا عرض بمليون أورو و العروض بجوج ماجاوباتش عليهم فرقتو حيتاش كيشوفو أنهم بعاد بزاف على المبلغ المطلوب ( هوما را شراوه ب 1,25 مليون أورو ف 2023 و تألق معهم مزيان عندو أرقام مرعبة فموسمين معهم فالقسم الثاني ضارب 81 بيت و كان سبب باش طلعو للقسم ألأول البرتغالي خصوصا العام اللي فات اللي ماركا فيه 36 هدف و ختمها هداف الدوري و كيماركي بالرأس و القدمين بجوج زائد ماركا 8 الكوفرات مهاجم متكامل )
|
|
|
|
الدزاير عندهم شي اختيارات ديال المدربين عالام
من بعدما جابو بيتكوفيتش العاطل منذ مدة طويلة قبل مايجي لعندهم و كان كيتخلص 200 ألف أورو شهريا هاهوما دبا قراب يوقعو مع بينيتيز اللي سالا شحال هادي و جالس كيدور فدوريات البلقان و آخرها الدوري اليوناني و قاليك تفاهمو معاه على 350 ألف أورو شهريا
|
|
|
|
| إقتباس لمشاركة: | Youssef Lucci | 13:42 - 2026/08/04 | | شكون هاد يونس الدحماني ؟ ثم واش يستاهل كل هاد الاهتمام و الشد و الجذب ؟ |
|
كجناح دار أرقام مميزة الموسم الماضي عندو ميزة السرعة و المراوغة و لكن الصراحة كيبقى لاعب عادي جدا
|
|
|
|
الفريق غادي يدخل لمعسكر تدريبي فاسبانيا يوم 10 غشت يعني يوم الاثنين المقبل
يوم 14 غشت المقبل اللي مازال ليه 9 أيام آخر أجل لارسال اللائحة الافريقية و هي اللي غادي يلعب بها الفريق الدور التمهيدي و المجموعات
دبا السؤال شكون غادي يلعب فالكاف ؟ و شكون غادي يدير معسكر ؟ سيفطتي النص فالفرقة خط الدفاع كامل سيفطتيه باش ناوي تلعب العام الجاي الكاف و البطولة بنفس الكرارس ؟
اللائحة الحالية :
- حراسة المرمى : الحرار - العلوي - الزوبير
- محور الدفاع : بانون - مقدم - المشخشخ - عراصي
- الظهير الأيمن : بولكسوت - العملود
- الظهير الأيسر : شمس الدين قنيديل - خماس
- وسط الميدان : برقوق - المكعازي - الزيداني - الشرايبي
- الأجنحة : النفاتي - ساخو - المعموري- لفتح
- الهجوم : ماتياس - خافي - ايغيز
|
|
|
|
رسميا يونس الدحماني لاعب جديد للرجاء الرياضي لثلاثة مواسم.
|
|
|
|
الفريق قبل المعسكر سيحسم صفقتين محمد جواب مدافع و المهدي موهوب. و من بعد المعسكر غادي يستأنف التعاقدات مع أجانب. غير هو المكتب فاشل جدا فالمفاوضات.
|
|
|
|
| إقتباس لمشاركة: | Rajaoui wanted | 13:35 - 2026/08/05 | | المفاوضات كتبغي اللعاقة و المفاوض يكون متمرس بحال البوصيري الله يرحمو |
|
صفقة الدحماني كانت غادي تمشي و الصراحة اللاعب و رئيس اتحاد تواركة طلعو رجال و رفضو عرض بركان اللي كان البارح و كان أكثر من عرض الرجا الرئيس ديال تواركة اعتذر و قاليهم عطيت الكلمة للرجا و اتفقنا و غدا توقيع العقود من بعد دازو للأعب و الوكيل ديالو و اللاعب رفض المقترح عرض الرجا كان هو 600 مليون سنتيم لتواركة و منحة اللاعب السنوية 260 مليون سنتيم بركان البارح قدمو عرض لتواركة ب 750 مليون سنتيم و منحة للاعب 300 مليون سنتيم سنويا
هذا هو مشكل الزيات اللاعب كتفاوض معه 3 السيمانات علما أن العرض الأول ديال الرجا كان 500 مليون و كان ممكن بركان يخطفو ليه كون لقى رئيس تواركة شي شماتة
|
|
|
|
رئيس الجامعة لقجع و رئيس يعقوب المنصور بنسعيد من نفس الحزب
البارح كان عندهم لقاء فالحزب و تعشاو مجموعين
اليوم الصباح الأندية توصلو باستدعاء لحضور اجتماع عند العصبة الاحترافية
حضور ممثلي الأندية مع الخمسة ديال العشية حضر لقجع و قاليهم هاد العام غادي نتفاداو الهبوط و هاد العام غادي نلعبو ب 20 نادي فالبطولة يعني حتى اللي لعبو الباراج و تقصاو غادي يلعبو و غادي نصوتو على هاد القرار
بطبيعة الحال مع ماشي كلشي حضر تأجل اجتماع التصويت
هادشي كامل باش يعقوب المنصور ماطيحش و رفع المقاعد ل 20 عوض 18 باش حتى الأندية اللي نزلات من الباراج ماينوضوش الصداع بحال الدشيرة اللي كانت فالقسم الأول و لعبات الباراج و هبطات ماجاش تبقى فالقسم الثاني و يعقوب المنصور اللي طاحت نيشان تبقى فالقسم الأول
عندما تجتمع السياسة مع الرياضة على قبل فريق ديال حي صغير فالرباط و على قبل الانتخابات غادي نزيدو 4 الفراقي فالبطولة دفعة واحدة
مع العلم أن البطولة غادي تبدى تال أكتوبر و خاصها تسالي فماي على قبل كأس افريقيا و بهاد 38 دورة مع جوج نسخ ديال كأس العرش كيفاش غادي يسالي الموسم هادشي تنظيميا لا يمكن و لكن مني كدخل فيه السياسة كولشي كيضرب الطم
|
|
|
|
إعفاء الرجاء الرياضي من الدور التمهيدي الأول لمسابقة الكاف بعد اعتذار ستة أندية افريقية عن المشاركة لأسباب مادية و لوجيستيكية؛ و يتعلق الأمر بنادي البحر الأحمر الاريتيري؛ نيجيلي أرسي الاثيوبي؛ نادي هيكان الصومالي؛ أيجل نوار البوروندي ؛ أكاديمية براغا من الرأس الأخضر؛ و نادي إيشوكي تشولا تشولا الناميبي.
و بالتالي فالنادي الأخضر سيخوض مبارة واحدة فقط في الدور التمهيدي المؤهل لمجموعات مسابقة الكاف شأنه شأن نادي الجيش الملكي.
|
|
|
|
الرئيس الجديد ديال الوز ناض رجع جميع الشراف ديال الوز جبران الحسوني عطية الله و دبا ناوي يرجع داري و لورش غادي يدخلهم فحيط بهاد الانتدابات
|
|
|
|
الرجاء الرياضي سيواجه أحد هذه الأندية في الدور التمهيدي الذهاب خارج المغرب 16-18 أكتوبر و الاياب في دونور 23-25 أكتوبر :
ASPAC FC ????????: نادي أسباك (بنين)
Vitesse FC ????????: نادي فيتيس (بوركينا فاسو)
AS PSI ????????: نادي بي إس إي (تشاد)
AF Amadou Diallo ????????: نادي أمادو ديالو (كوت ديفوار)
CO de Korhogo ????????: نادي كورهوجو (كوت ديفوار)
The Panthers FC ????????: نادي البانثرز (غينيا الاستوائية)
Nations FC ????????: نادي نيشنز (غانا)
Hafia FC ????????: نادي حافيا كوناكري (غينيا)
UDIB ????????: نادي بينتا (غينيا بيساو)
FC Diarra ????????: نادي ديارا (مالي)
AS Douanes ????????: نادي الجمارك (موريتانيا)
AS ZAM ????????: نادي زام (النيجر)
El Kanemi Warriors ????????: نادي إل كانيمي واريورز (نيجيريا)
Shooting Stars SC ????????: نادي شوتينغ ستارز (نيجيريا)
Diambars FC ????????: نادي ديامبارز (السنغال)
East End Lions FC ????????: نادي إيست إند ليونز (سيراليون)
ES de Zarzis ????????: الترجي الرياضي الجرجيسي (تونس)
|
|
|
|
الرجا رفعو من العرض المقدم للفتح على قبل أمين صوان و حطو فيه 550 مليون سنتيم بعدما كانو حطو فالعرض الأول 400 مليون سنتيم هادشي بعدما دخلات بركان تاهي على الصفقة و حطات فوقت سابق 500 مليون
أمين صوان لاعب جيد و لكن 550 مليون سنتيم جاني رقم مبالغ فيه بالنسبة ليا كانو يستثمرو هادشي فالأجانب
صوان أو الدحماني نسبة النجاح ديالهم 50% حيتاش جاو من أندية مافيهاش ضغط جماهيري تواركة و الفتح ماشي هوما الرجا و لو أن الأرقام ديالهم جيدة و لكن اللعب فالرجا كيبغي واحد النوع ديال الشخصية
خفيفي براسو نهار جا أول مرة لعب فدونور ضد الخيش تلف و عطاهم التعادل و خرج بحمرة و بقى واحد المدة طويلة باش رجع للمستوى ديالو
الكناوي و الوادي كانو نجوم البطولة قبل مايجيو للرجا جاو ماقدروش على الضغط الكناوي فواحد الديربي مع البدية ديال الماتش دار عند روماو قاليه خرجني
الترجي عندها لاعبين محليين عاديين جدا و لكن حاليا خدامين على الميركاتو بالأجانب جابو وسط ميدان منتخب البيرو لاعب ممتاز ب 2 المليار و جابو جناح الاكوادور و جابو ريبيرو البرازيلي مهاجم صانداونز و حاليا داخلين فمفاوضات مع بوفال و ماندي يعني غادي يجيبو 5 الأجانب طوب هوما اللي غادي يهزو الفريق
الرجا بغاو يطبقو واحد السياسة صعيييب تطبقها من دبا و صعيب بالطريقة باش كيفاوضو أنك تجيب لاعبين صغار عندهم 23 22 عام و ضرب بيهم عام أو عامين و تعاود فيهم البيع
هادي سياسة ديال فريق ماشي ديال الألقاب هادي سياسة ديال نادي متوسط كيوجد اللاعبين للأندية اللي كاتنافس على الألقاب
|
|
|
|
| إقتباس لمشاركة: | الحاج كريم | 08:42 - 2026/08/07 | | إقتباس لمشاركة: | admin | 10:29 - 2026/08/04 | الدزاير عندهم شي اختيارات ديال المدربين عالام
من بعدما جابو بيتكوفيتش العاطل منذ مدة طويلة قبل مايجي لعندهم و كان كيتخلص 200 ألف أورو شهريا هاهوما دبا قراب يوقعو مع بينيتيز اللي سالا شحال هادي و جالس كيدور فدوريات البلقان و آخرها الدوري اليوناني و قاليك تفاهمو معاه على 350 ألف أورو شهريا |
|
روبرتو مارتينيز يرفض عرضا لتدريب منتخب اسكتلندا، ولا صحة لما يتردد عن موافقته على تدريب منتخب الجزائر |
|
ماشي مارتينيز ا الحاج بغاو يجيبو رافاييل بينيتيز اللي كان فليفيربول و الريال واااحد الوقت دبا كيتجلوق فاليونان شي 10 سنين دبا
|
|
|
|
أموال رهيبة كتخسر على الملاعب فالمغرب دبا كنقرى واحد المقال داكشي كثييير بزاف و معيق
ملاعب كازا كنقرى أنهم فوتو صفقة ملعب تسيما ل TGCC مقابل 1,8 مليار درهم كميزانية أولية قابلة للزيادة ب 20% ( اللي هي 180 مليار باش تبني ملعب صغير فكازا كيهز 25 ألف متفرج و ماغادي يستعملو حتى شي فريق فكازا مع امكانية اضافة 36 مليار يعني ممكن الملعب يسالي ب أكثر من 200 مليار )
ملعب فيلييس شداتو نفس الشركة بميزانية مليار درهم ( 100 مليار على قبل ملعب فيلييس ملعب صغير وسط كازا غادي يكون ب 17 ألف مقعد )
ملعب العربي الزاولي غادي يتهدم بالكامل و غادي يتعاود يتبنى فمنطقة زناتة بسعة 35 ألف مشجع قاليك غادي يرصدو ليه ميزانية 2,2 مليار درهم ( 220 مليار سنتيم من أجل ملعب ديال 30 ألف متفرج )
زيد عليهم ملعب بنسليمان اللي كان فالأول حطو ليه ميزانية 500 مليار سنتيم و المرحلة الأولية و الثانية ديال الحفريات و بناء الطابق الأول من المدرجات تقامو دبا ب 250 مليار سنتيم و من المرشح أن الملعب يكمل ب أكثر من 700 مليار سنتيم حيتاش مازال 3 المراحل أخرى و أغلى من هاد جوج مراحل
عاد مازال ماقالوش شحال غادي يخسرو على الأب جيكو اللي غادي يديرو ليه اعادة هيكلة على قبل المونديال باش يكون ملعب تداريب
دبا تخيل أنك خسرتي على ملاعب كازا بوحدها فمدة وجيزة ديال عامين أو 3 سنين تقريبا واحد 1500 مليار سنتيم و المشكل أن كازا فيها فقط جوج أندية اللي هوما الرجا و الوداد و باقي الأندية فالهواة
1500 مليار فقط على ملاعب اللي ماغادي دخل ليك والو من بعد بالنسبة لدولة تعاني اقتصاديا و عندها ديون تقدر بأكثر من 800% من الناتج ديالها السنوي ( عرفتي شناهي 800% من الناتج ديالها يعني خاص المغرب واحد 8 سنين ينتج و مايخسر حتى درهم على الدولة و المواطنين و مايكون عندو حتى عجز باش يخلص الديون ديالو مع العلم أن المغرب ديما عندو عجز سنوي )
|
|
|
|
المهدي موهوب ينتقل لنادي يونايتد دبي بالدوري الاماراتي بعد تماطل إدارة الرجاء.
|
|
|
|
نادي الرجاء الرياضي يقترب من حسم صفقة البلجيكي من أصول مغربية سامي لحسيني ويواصل تدعيم صفوفه
وحسب المعطيات التي توصلنا بها، فإن النادي في المراحل النهائية من التفاوض مع اللاعب البلجيكي من أصول مغربية سامي لحسيني لتعزيز خط وسط الفريق، ومن المنتظر الإعلان عن الصفقة في الأيام القليلة القادمة.
وفي السياق ذاته، يواصل المكتب المسير تحركاته في سوق الانتقالات، حيث تجري حاليا مفاوضات مع عدد من الأسماء الأجنبية، أبرزها: مدافع سنغالي ومهاجمين من إفريقيا.
إلى جانب ذلك، هناك لاعبان محليان أيضا في مفاوضات متقدمة، من المنتظر الإعلان عنهما الأسبوع المقبل
|
|
|
|
المشكل ديال الرجا هو الزيات و الفشل التااام ديالو هو و جواد الأمين فالمفاوضات اللي مامفهومش لحد الساعة
- محمد جواب مدافع بلد الوليد جوج الأسابيع و هوما كيفاوضو فيه مع العلم أن اللاعب حر المشكل أنهم تفاهمو معاه و فاللخر قالو ليه نقص المنحة ديالك السنوية و هو يطفي عليهم التلفون و شد الطيارة غادي لفاس باش يوقع معهم
- لحسياني تاهو غاديين معه فنفس السناريو مع فرقتو
- رجعو للمخلوفي تفاهمو مع يعقوب المنصور على 350 مليون سنتيم و مع اللاعب على منحة سنوية ديال 180 مليون و فاش جا لكازا قالو ليه واش ممكن نديرو 135 مليون منحة سنوية جمع حوايجو و رجع فحالو و حاليا الوز دخلو معه فمفاوضات و قراب يجيبوه
- المدير الرياضي ضبر ليهم على مهاجم برازيلي و رفضوه لسبب مادي قاليك غالي بزاف . مشى جاب ليهم مهاجم كونفولي كيلعب فالدوري الجنوب افريقي فرقتو طلبت ليهم 800 مليون سنتيم قالو ليه غالي بزاف مع العلم أنه لاعب دولي مع منتخب الكونغو الديموقراطية وخا ماشي أساسي و عندو أرقام محترمة فالدوري الجنوب افريقي.
- المدافع السنغالي عندو اصابة خايبة و كان قريب يوقع للماص و فالفحص الطبي تبين أن السيد خاصو عملية جراحية و دبا الرجا رجعات كتفاوض فيه
|
|
|
|
زيد عليهم فشلو يجدد لبولكسوت و لحرار اللي كان من المقرر أنهم يجددو معهم هاد الأسبوع
الغريب أنهم طالبوهم ينقصو من المنحة السنوية ديالهم باش يجددو معهم و هادشي اللي رفضو بولكسوت في حين لحرار أجل مسألة التجديد
|
|
|
|
لائحة الكاف اللي غادي يلعبو بها الكاف فالدور التمهيدي و المجموعات آخر أجل لارسالها هو الجمعة القادم يعني مازاليهم فقط 3 أيام
يعني 95% الفريق غادي يلعب الكاف بهاد السكواد الحالي (هادشي فحالة ماسيفطوش بانون و المعموري و ساخو و خافي حيتاش را هضرو معهم و قالو ليهم المدرب ماغاديش يعتامد عليكم )
و مانساوش را رجع ولد الشيخ و كيتريني مع الفريق عادي و ماشي بعيد نشوفوه أساسي ( ضربت طليلة على الأرقام ديال فالقسم الثاني الهولندي الموسم اللي فات كارثية لعب 12 مبارة ماسجل حتى هدف و عطى أسيست واحد و تقريبا من يناير مابقاش أساسي مع الفريق ديالو و أصبح لاعب احتياطي و كيدخل كبديل )
https://www.transfermarkt.fr/bilal-ould-chikh/leistungsdaten/spieler/241324/plus/0?saison=2025
تخيل هجوم فيه ولد الشيخ و ماتياس و ساخو و باغي تنافس به الأهلي و الخيش و الصفاقسي و اتحاد العاصمة و بلوزداد و كايزرشيفز فالكاف
|
|
|
|
| إقتباس لمشاركة: | Youssef Lucci | 14:13 - 2026/08/11 | | دابا السؤال هو واش الزيات هو لي تيتفاوض و تيقرر و تيوقع ولا الشركة ؟ حيت الزيات بهاد السياسة مغديش يكمل الموسم المقبل |
|
قانونيا عقود اللاعبين خاص تكون الجمعية الرياضية طرف فيها حيتاش فحالة النزاعات مابين اللاعب و الفريق كيرجعو للعقد قانونيا الرجا كتعامل مع المؤسسات الفيفا أو الجامعة أو باقي الأندية كجمعية رياضية و ماشي شركة حيتاش الشركة الرياضية RAJA SA شرات 60% من أسهم الجمعية يعني مؤسسة الرجا هي الجمعية الرياضية و ماشي الشركة اللاعب قانونيا خاصو يدير عقد مع الجمعية الرياضية و هنا الرجا دارو داك العام واحد القضية دارو عقود ثلاثية مابين الجمعية الرياضية و الشركة الرياضية و اللاعبين
الشركة هنا جابو المدير الرياضي و طالبو باش تكون عندو جميع الصلاحيات و كلفو ادارة الجمعية الرياضية بقيادة المفاوضات و وفرو ليهم 3 المليار مع امكانية زيادة مليار سنتيم بشرط انهم مايدخلوش فالمفاوضات و يفاوضو الأسماء اللي غادي يقتارحها المدير الرياضي فقط
|
|
|
|
| إقتباس لمشاركة: | Rajaoui wanted | 07:41 - 2026/08/12 | | إلى نفعني عقلي وهذا هو الإستنتاج لي كيبان منطقي حيث عييت نقلب على مبرر لفشل المفاوضات في اخر لحظة لقيت زوينة بغى يشياط باش يقول لهم ترشيد النفقات و حسن التدبير ولو على حساب الخصاص |
|
كاين هادشي الزيات كيهمو فقط الجانب المادي و يشيط الفلوس حيتاش عندو عقلية ديال الشركات المهنية و ماشي شركة رياضية اللي عندها أهداف مالية و رياضية و فحالة الفشل الرياضي حتى الجانب المادي غادي تفشل فيه
عندك 4 المليار تقدر تجيب بها 3 الأجانب طوب غادي يغيرو ليك وجه الفريق و كاين فشل حتى فتسريح الكرارس المعموري كان شوية و يمشي فابور للحسنية الفردوسي مشى فابور وخا جددتي ليه العقد ساخو طلبو 100 مليون للكوديم فقط علاش مايسوقوهمش لدوريات أخرى بحال الدوري الكويتي البحريني و العراق و ليبيا ممكن تسيفط لاعبين بأثمنة جد معقولة بيرواين سيفط زريدة لليبيا ب 500 مليون و الزرهوني نفس الشيء تاهو 500 ممكن المعموري و ساخو و الفردوسي و داك ولد الشيخ و الخماس و خافي و ماتياس تصدرهم بأثمنة جد معقولة يعاونوك باش دير ميركاتو ديالك
|
|
|
|
| إقتباس لمشاركة: | الحاج كريم | 20:43 - 2026/08/12 | ???????? اخيب كسوف هو هادا لي دارو الاردنيين للسلامي بالمستحقات ديالو
المدرب المغربي طالب بباقي المستحقات ديالو، واللي كتوصل تقريباً لـ 2 مليون دولار.
ولكن الاتحاد الأردني عطاه جواب غريب.. وقال ليه إن الحصول على الجنسية الأردنية كلف حوالي 1.4 مليون دولار، وزاد عليها الضرائب والرسوم ديال عامين بحوالي 700 ألف دولار.
وبهاد الحساب، الاتحاد الأردني كيقول إن الامور تقلبات، وماشي هو اللي خاصو يخلص السلامي.. لكن العكس المدرب المغربي هو لي خاصو يخلص 100 ألف دولار. ???????? |
|
كلام فارغ طلقتها واحد الصفحة مصرية و بنادم تيقها السلامي تخلص فكولشي قبل مايفسخ و ماكيتسال والو و بالنسبة للجنسية ماكايناش شي جنسية فالعالم كتباع بالفلوس بطريقة مباشرة اسبانيا مثلا يلا بغيتي الجنسية كيخصك تستثمر مبلغ 200 ألف يورو فشي مشروع فرنسا خاص تستثمر مليون أورو باش يعطيوك الجنسية الفرنسية
|
|
|
|
يعد التماطل فالتوقيع مع الجناح الجنوب افريقي تيتوس
وكيل اللاعب تلقى عرض تقريبا بنفس القيمة اللي كانت عند الرجا و غير الوجهة عند الماص
الرجا شي جوج سيمانات و هوما كيفاوضوه
|
|
|
|
آخر مستجدات ميركاتو الرجاء :
سامي لحسايني تم التفاهم معه و مع فريقه، و غادي يجي غدا ان شاء الله ياش يوقع
نبيل علوي صانع ألعاب مغربي فرنسي سبق ليه كان فلوهافر و الموسم الماضي كان فضمك السعودي
|
|
|
|
| إقتباس لمشاركة: | Youssef Lucci | 18:49 - 2026/08/13 | وخا تجيب لويس كامبوس ولا جوزيبي ماروتا و تحطو مدير رياضي للرجاء ، إلى موفرتيش ليه الميزانية الكافية راه معندو باش يفيدك
فاش يجيب ليك المدير الرياضي الخيار الأول و الثاني و الثالث و أنت تختار الخيار الرابع أو الخامس راه تتقزم تضعف فريقك و تتقزم عمل المدير الرياضي |
|
را هادشي اللي وقع مع الرجا
|
|
|
|
جابو لاعب برازيلي من أمل فلومينينسي 0 احصائية 0 مبارة مع الكبار 0 مبارة مع الفئات السنية ديال المنتخب البرازيلي
كل مايوجد واحد الفيديو ديالو فمبارة ودية مع أمل فلومينينسي
الانتداب المقبل هو نبيل العليوي لاعب كان مزيان فلوهافر و لكن تصاب اصابة خايبة بزاف خلاتو يفقد المكان ديالو رفقة لوهافر و من بعد مشى لشي فريق فالقسم الثاني الفرنسي كاعارة و مادار والو و من بعد مشى لضمك اللي حتى هي مادار فيها والو و الكارثة أنه ماقدروش يجيبوه مباشرة من ضمك و قالو ليه حاول تفسخ العقد ديالك مع ضمك باش نوقع ليك
لحسايني الصفقة ديالو دخلات فيها الماص و ممكن يخطفوه للرجا
للاشارة غدا هو آخر أجل لوضح اللائحة الافريقية
|
|
|
|
المفاوضات بدات مع لاعب وسط غاني ماولي منساه كيلعب مع فريق أراك الروماني و سبق ليه لعب مع فريق ريال سرقسطة
الفريق الروماني طلبو فيه 500 مليون و الرجا كيحاولو يهبطو قيمة الصفقة ل 350 أو 300
اللاعب كاسور ممتاز الصراحة عندو احصائيات ممتازة و كان باقتراح المدير الرياضي و لكن المشكل كيفما قال يوسف المدير الرياضي غادي يقترح عليك رقم 1 و 2 و 3 و نتا غادي تمشي للرقم 5 أو 6 لاسباب مادية
|
|
|
|
هاد الصفقة ديال البرازيلي شبيهة بصفقة الليبيري ويلسيون اللي كان جاب البدراوي و سينا ليه مع 12 ديال الليل ههههه و من بعد كلف الفريق مليار سنتيم ههههه
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
