|
|
| 00:51 - 08/03 |
 |
 |
| | |
|
|
|
|
مستجدات ميركاتو الرجاء الرياضي :
- اتفاق نهائي حول الدحماني جناح اتحاد تواركة و المبلغ المتفق عليه كان هو 650 مليون سنتيم لتواركة؛ مع 20% من نسبة البيع مستقبلا. امضاء العقود و التقديم سيكون يوم الجمعة القادم كأقصى حد.
- المهدي موهوب ادارة الرجاء تواصلت مع فريقه الروسي الذي حدد ثمن البيع في 1,4 مليون دولار. و هو مبلغ حسب ادارة الرجاء مبالغ فيه و العرض الذي قدمه الرجاء يوم السبت الماضي كان هو الاعارة مع أداء منحة اللاعب السنوية و هي 450 ألف دولار مع أحقية الشراء مقابل 700 مليون سنتيم.
- في حين لاعبين أجنبيين المفاوضات لازالت معقدة و لذلك تواجد المدير الرياضي في البرتغال هذا الأسبوع في محاولة لحسم التعاقد معهما و هما جناح ايفواري وسط ميدان و مهاجم برازيلي. و كلاهما يلعبان بالدوري البرتغالي. و تبقى الأمور المادية هي العائق الأكبر.- المفاوضات مع المدافع محمد جواب لا زالت في بدايتها؛ و العائق هو المنحة السنوية للاعب.
للاشارة متبقي فقط 12 يوم لوضح اللائحة الافريقية و التي ستلعب الأدوار التمهيدية و المجموعات؛ اذا لم يحسم الفريق تعاقداته خلال هذه المدة فسيعاني كثيرا في مسابقة كأس الكاف.
|
|
|
|
ماعرفتش شكون اللي كيتفاوض ؟
ياك جابو مدير رياضي و عطاوه جميع الصلاحيات و عطاوه غلاف مالي مريح ( 3 المليار سنتيم مع امكانية تولي 4 ). المدير الرياضي خاصو بعدا يتفاهم مع المغادرين و يحاول ما أمكن يربح منهم الفريق ماديا و لو 100 مليون سنتيم في كل لاعب. عندك المعموري - ساخو - بانون - خافي - الفردوسي - المكعازي - خماس - ماتياس - العراسي هادو كاملين ساهل تضبر ليهم على عروض فالبطولة دير ليهم 100 مليون للواحد على الأقل هانتا ضبرتي على واحد المليار تقريبا
و فنفس الوقت هاد الملف ديال الانتدابات كان خاصو يكونو خدمو عليه يامات المونديال و طرقو المسامر
الماص و بركان و الخيش را سالاو الميركاتو و وقعو مع اللاعبين و دخلو للمعسكر باش يستعدو و الرجا مازال كيفاوضو
الأمور ساهلة خاص 5 الأجانب طوب هوما اللي غادي تجيب بدوك 4 المليار مع الحفاظ على بعض اللاعبين اللي المستوى ديالهم مزيان و زيد عليهم واحد 3 أو 4 اللاعبين من البطولة
|
|
|
|
أسيدي غير ياخدو وقتهم و يجيبو لعابة مزيانين ، كنسمع بعض اللاعبين الأجانب اللي كيتفاوضو معهم كتقول هاد الناس راه باغين يطلعو البارة تخاف غير ليكون هادشي سريح
|
|
|
|
eddy doue و andre clovis مثلا راه لعابة طوب خايف اليكونو كيجرو لينا شحيمة هههه
|
|
|
|
أنا ضد الزربة و تجيب غير اللي كان راه الجيش جابو شي 6 و لكن كلهم عاديين ، الوز كيردو فالشيوخ ديالهم اللي كلهم سالاو تقريبا
|
|
|
|
خويا سفيان را ماكاين والو نفس الأسطوانة كتعاود غير سرحو بنادم
جواد الأمين هو اللي كيتفاوض مع اللاعبين و المكتب ديال الرجا هو اللي كيحدد قيمة العقود و داكشي علاش هادشي معطل بزااف
الزيات قانونيا هو اللي عندو الحق يوقع العقود و الشركة عندها الحق فالمحاسبة
الفريق تفاوض مع بزاف ديال اللاعبين اللي فراسي را واصلة لشي 14 لاعب قدرو يجيبو جوج قنيديل و الزيداني حيتاش رخاص
الافواري ادي دوي اللي هضرتي عليه فرقتو طالبة فيه مليار و بغاو يجيبوه اعارة و مابغاوش ليهم
و كلوفيس سيفطات ليهم الرجا عرض ب700 مليون سنتيم و فنفس الوقت سيفطات ليهم ليفسكي صوفيا عرض بمليون أورو و العروض بجوج ماجاوباتش عليهم فرقتو حيتاش كيشوفو أنهم بعاد بزاف على المبلغ المطلوب ( هوما را شراوه ب 1,25 مليون أورو ف 2023 و تألق معهم مزيان عندو أرقام مرعبة فموسمين معهم فالقسم الثاني ضارب 81 بيت و كان سبب باش طلعو للقسم ألأول البرتغالي خصوصا العام اللي فات اللي ماركا فيه 36 هدف و ختمها هداف الدوري و كيماركي بالرأس و القدمين بجوج زائد ماركا 8 الكوفرات مهاجم متكامل )
|
|
|
|
الدزاير عندهم شي اختيارات ديال المدربين عالام
من بعدما جابو بيتكوفيتش العاطل منذ مدة طويلة قبل مايجي لعندهم و كان كيتخلص 200 ألف أورو شهريا هاهوما دبا قراب يوقعو مع بينيتيز اللي سالا شحال هادي و جالس كيدور فدوريات البلقان و آخرها الدوري اليوناني و قاليك تفاهمو معاه على 350 ألف أورو شهريا
|
|
|
|
بينيتيز مازال عايش و تفكروه ..
|
|
|
|
شكون هاد يونس الدحماني ؟ ثم واش يستاهل كل هاد الاهتمام و الشد و الجذب ؟
|
|
|
|
| إقتباس لمشاركة: | Youssef Lucci | 13:42 - 2026/08/04 | | شكون هاد يونس الدحماني ؟ ثم واش يستاهل كل هاد الاهتمام و الشد و الجذب ؟ |
|
كجناح دار أرقام مميزة الموسم الماضي عندو ميزة السرعة و المراوغة و لكن الصراحة كيبقى لاعب عادي جدا
|
|
|
|
الفريق غادي يدخل لمعسكر تدريبي فاسبانيا يوم 10 غشت يعني يوم الاثنين المقبل
يوم 14 غشت المقبل اللي مازال ليه 9 أيام آخر أجل لارسال اللائحة الافريقية و هي اللي غادي يلعب بها الفريق الدور التمهيدي و المجموعات
دبا السؤال شكون غادي يلعب فالكاف ؟ و شكون غادي يدير معسكر ؟ سيفطتي النص فالفرقة خط الدفاع كامل سيفطتيه باش ناوي تلعب العام الجاي الكاف و البطولة بنفس الكرارس ؟
اللائحة الحالية :
- حراسة المرمى : الحرار - العلوي - الزوبير
- محور الدفاع : بانون - مقدم - المشخشخ - عراصي
- الظهير الأيمن : بولكسوت - العملود
- الظهير الأيسر : شمس الدين قنيديل - خماس
- وسط الميدان : برقوق - المكعازي - الزيداني - الشرايبي
- الأجنحة : النفاتي - ساخو - المعموري- لفتح
- الهجوم : ماتياس - خافي - ايغيز
|
|
|
|
مسلسل الدحماني إنتهى وأخيرا .. كثرة الهم كتضحك
|
|
|
|
رسميا يونس الدحماني لاعب جديد للرجاء الرياضي لثلاثة مواسم.
|
|
|
|
الفريق قبل المعسكر سيحسم صفقتين محمد جواب مدافع و المهدي موهوب. و من بعد المعسكر غادي يستأنف التعاقدات مع أجانب. غير هو المكتب فاشل جدا فالمفاوضات.
|
|
|
|
المفاوضات كتبغي اللعاقة و المفاوض يكون متمرس بحال البوصيري الله يرحمو
|
|
|
|
| إقتباس لمشاركة: | Rajaoui wanted | 13:35 - 2026/08/05 | | المفاوضات كتبغي اللعاقة و المفاوض يكون متمرس بحال البوصيري الله يرحمو |
|
صفقة الدحماني كانت غادي تمشي و الصراحة اللاعب و رئيس اتحاد تواركة طلعو رجال و رفضو عرض بركان اللي كان البارح و كان أكثر من عرض الرجا الرئيس ديال تواركة اعتذر و قاليهم عطيت الكلمة للرجا و اتفقنا و غدا توقيع العقود من بعد دازو للأعب و الوكيل ديالو و اللاعب رفض المقترح عرض الرجا كان هو 600 مليون سنتيم لتواركة و منحة اللاعب السنوية 260 مليون سنتيم بركان البارح قدمو عرض لتواركة ب 750 مليون سنتيم و منحة للاعب 300 مليون سنتيم سنويا
هذا هو مشكل الزيات اللاعب كتفاوض معه 3 السيمانات علما أن العرض الأول ديال الرجا كان 500 مليون و كان ممكن بركان يخطفو ليه كون لقى رئيس تواركة شي شماتة
|
|
|
|
رئيس الجامعة لقجع و رئيس يعقوب المنصور بنسعيد من نفس الحزب
البارح كان عندهم لقاء فالحزب و تعشاو مجموعين
اليوم الصباح الأندية توصلو باستدعاء لحضور اجتماع عند العصبة الاحترافية
حضور ممثلي الأندية مع الخمسة ديال العشية حضر لقجع و قاليهم هاد العام غادي نتفاداو الهبوط و هاد العام غادي نلعبو ب 20 نادي فالبطولة يعني حتى اللي لعبو الباراج و تقصاو غادي يلعبو و غادي نصوتو على هاد القرار
بطبيعة الحال مع ماشي كلشي حضر تأجل اجتماع التصويت
هادشي كامل باش يعقوب المنصور ماطيحش و رفع المقاعد ل 20 عوض 18 باش حتى الأندية اللي نزلات من الباراج ماينوضوش الصداع بحال الدشيرة اللي كانت فالقسم الأول و لعبات الباراج و هبطات ماجاش تبقى فالقسم الثاني و يعقوب المنصور اللي طاحت نيشان تبقى فالقسم الأول
عندما تجتمع السياسة مع الرياضة على قبل فريق ديال حي صغير فالرباط و على قبل الانتخابات غادي نزيدو 4 الفراقي فالبطولة دفعة واحدة
مع العلم أن البطولة غادي تبدى تال أكتوبر و خاصها تسالي فماي على قبل كأس افريقيا و بهاد 38 دورة مع جوج نسخ ديال كأس العرش كيفاش غادي يسالي الموسم هادشي تنظيميا لا يمكن و لكن مني كدخل فيه السياسة كولشي كيضرب الطم
|
|
|
|
كما قلتي راه حتى إلى صدقت صفقة حيث الأطراف طلعو رجال و بهاد الكيفية تمشي ثلاثة ..
|
|
|
|
بهاد الطريقة الخيش رجعت للقسم الأول مع شباب الساقية الحمراء بداية الثمانينات لغاو النزول بعد شهر من نهاية البطولة ..كما قلتي واحلين مع 30 دورة دابا راه 38 دورة
|
|
|
|
إعفاء الرجاء الرياضي من الدور التمهيدي الأول لمسابقة الكاف بعد اعتذار ستة أندية افريقية عن المشاركة لأسباب مادية و لوجيستيكية؛ و يتعلق الأمر بنادي البحر الأحمر الاريتيري؛ نيجيلي أرسي الاثيوبي؛ نادي هيكان الصومالي؛ أيجل نوار البوروندي ؛ أكاديمية براغا من الرأس الأخضر؛ و نادي إيشوكي تشولا تشولا الناميبي.
و بالتالي فالنادي الأخضر سيخوض مبارة واحدة فقط في الدور التمهيدي المؤهل لمجموعات مسابقة الكاف شأنه شأن نادي الجيش الملكي.
|
|
|
|
الرئيس الجديد ديال الوز ناض رجع جميع الشراف ديال الوز جبران الحسوني عطية الله و دبا ناوي يرجع داري و لورش غادي يدخلهم فحيط بهاد الانتدابات
|
|
|
|
الرجاء الرياضي سيواجه أحد هذه الأندية في الدور التمهيدي الذهاب خارج المغرب 16-18 أكتوبر و الاياب في دونور 23-25 أكتوبر :
ASPAC FC ????????: نادي أسباك (بنين)
Vitesse FC ????????: نادي فيتيس (بوركينا فاسو)
AS PSI ????????: نادي بي إس إي (تشاد)
AF Amadou Diallo ????????: نادي أمادو ديالو (كوت ديفوار)
CO de Korhogo ????????: نادي كورهوجو (كوت ديفوار)
The Panthers FC ????????: نادي البانثرز (غينيا الاستوائية)
Nations FC ????????: نادي نيشنز (غانا)
Hafia FC ????????: نادي حافيا كوناكري (غينيا)
UDIB ????????: نادي بينتا (غينيا بيساو)
FC Diarra ????????: نادي ديارا (مالي)
AS Douanes ????????: نادي الجمارك (موريتانيا)
AS ZAM ????????: نادي زام (النيجر)
El Kanemi Warriors ????????: نادي إل كانيمي واريورز (نيجيريا)
Shooting Stars SC ????????: نادي شوتينغ ستارز (نيجيريا)
Diambars FC ????????: نادي ديامبارز (السنغال)
East End Lions FC ????????: نادي إيست إند ليونز (سيراليون)
ES de Zarzis ????????: الترجي الرياضي الجرجيسي (تونس)
|
|
|
|
الرجا رفعو من العرض المقدم للفتح على قبل أمين صوان و حطو فيه 550 مليون سنتيم بعدما كانو حطو فالعرض الأول 400 مليون سنتيم هادشي بعدما دخلات بركان تاهي على الصفقة و حطات فوقت سابق 500 مليون
أمين صوان لاعب جيد و لكن 550 مليون سنتيم جاني رقم مبالغ فيه بالنسبة ليا كانو يستثمرو هادشي فالأجانب
صوان أو الدحماني نسبة النجاح ديالهم 50% حيتاش جاو من أندية مافيهاش ضغط جماهيري تواركة و الفتح ماشي هوما الرجا و لو أن الأرقام ديالهم جيدة و لكن اللعب فالرجا كيبغي واحد النوع ديال الشخصية
خفيفي براسو نهار جا أول مرة لعب فدونور ضد الخيش تلف و عطاهم التعادل و خرج بحمرة و بقى واحد المدة طويلة باش رجع للمستوى ديالو
الكناوي و الوادي كانو نجوم البطولة قبل مايجيو للرجا جاو ماقدروش على الضغط الكناوي فواحد الديربي مع البدية ديال الماتش دار عند روماو قاليه خرجني
الترجي عندها لاعبين محليين عاديين جدا و لكن حاليا خدامين على الميركاتو بالأجانب جابو وسط ميدان منتخب البيرو لاعب ممتاز ب 2 المليار و جابو جناح الاكوادور و جابو ريبيرو البرازيلي مهاجم صانداونز و حاليا داخلين فمفاوضات مع بوفال و ماندي يعني غادي يجيبو 5 الأجانب طوب هوما اللي غادي يهزو الفريق
الرجا بغاو يطبقو واحد السياسة صعيييب تطبقها من دبا و صعيب بالطريقة باش كيفاوضو أنك تجيب لاعبين صغار عندهم 23 22 عام و ضرب بيهم عام أو عامين و تعاود فيهم البيع
هادي سياسة ديال فريق ماشي ديال الألقاب هادي سياسة ديال نادي متوسط كيوجد اللاعبين للأندية اللي كاتنافس على الألقاب
|
|
|
|
هادشي أتخربيق و تضياع الفلوس زيداني و الصوان ، جيب كاسور أجنبي مزيان راه هو الساس تاع الفرقة تا الإيمتا أنبقاو نرقعو ، 5 أجانب خاص يمشيو فوسط ميدان دفاعي و 2 أجحة و صانع لعب و مهاجم ، بلا علم خاوي
|
|
|
|
جيب هادو و معاهوم موهوب و داك الوسط اللي فروسيا أتكون قاديتي الوسط و الهجوم أيبقاو 2 مراكز في الدفاع
|
|
|
|
خفيفي أتصيدنا فيه ، فين أتلقا مدافع صغير و ب 500 مليون، هداك جواب عآدي ماشي شي حاجة كبيرة ، بانون خاص يبقا حتا تلقا ما أحسن
|
|
|
|
Vox pedirá en el Congreso la exclusión de Marruecos en la organización del Mundial 2030
Para los de Abascal, Marruecos ha vuelto a utilizar la inmigración como un mecanismo de coerción
حال اسبانيا عامة واليمين الإسباني تحديداً مثير للشفقة بعد احداث سبتة ، الإسبان مرضهم المغرب باستعمال الحريق كادات ضغط وهما ملقاوش حل
|
|
|
|
البرسا قرر إلغاء مباراة طنجة الودية بعد أحداث طنجة
|
|
|
|
اليوم RNE نشرت خبر للرد على تسريبات صحيفة التايمز ، التي أكدت أن رئيس الفيفا الحالي " إنفانتينو " وعد المغرب بـ استضافة نهائي كأس العالم إذا ما دعم الاتحاد المغربي لكرة القدم ، و بالتبعية الاتحاد الأفريقي لكرة القدم له في حربه مع اليويفا
و يزعم التقرير على أن الفيفا نفى الأمر ، و سيعرض على المغرب استضافة كأس العالم للأندية 2029 مقابل منح نهائي كأس العالم 2030 لريال مدريد و تحديداً ملعب سانتياغو برنابيو ، على الرغم من أن الملعب لا يملك حتى موقف سيارات مناسباً لمثل هذا الحدث
بحكم متابعتي للإعلام و الصحف الإسبانية بصفة يومية ، السؤال هو علاش الإعلام المدريدي و أحزاب اليمين تيضغطو و خايفين تنظيم نهائي كأس العالم يمشي للمغرب الى كانت فعلا الأمور محسومة و الفينال فـ إسبانيا
|
|
|
|
| إقتباس لمشاركة: | admin | 10:29 - 2026/08/04 | الدزاير عندهم شي اختيارات ديال المدربين عالام
من بعدما جابو بيتكوفيتش العاطل منذ مدة طويلة قبل مايجي لعندهم و كان كيتخلص 200 ألف أورو شهريا هاهوما دبا قراب يوقعو مع بينيتيز اللي سالا شحال هادي و جالس كيدور فدوريات البلقان و آخرها الدوري اليوناني و قاليك تفاهمو معاه على 350 ألف أورو شهريا |
|
روبرتو مارتينيز يرفض عرضا لتدريب منتخب اسكتلندا، ولا صحة لما يتردد عن موافقته على تدريب منتخب الجزائر
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
