بزاف افلام ماعاقلش عليهم حتى انا حيث كنتي تفرج وتكتاشف هاد العام السينمائي الساحر والغريب ونتا ماشي في وعيك هههه فيلم عاقل عليه ومشيت شريتو هو the one ديال جيت لي هههه من بعد كما قال عبدو معلم كانو يدوزو بزاف كاست اواي في mbc وتيتانيك هههه
تاورق عبدو تصور علينا فهاد اللحظة ده احنا اللي طلعنا هواة ههههه يا لعيب عملتها ازاي دي .. سول راه شفت اول حلقة شحال هادي لكن قلت باقي ماسالاش غايبقاو يجرجرو فيا اجلو حتى يسالي ودابا من نهار سالا وانا عاكز نشوفو ههه
فين وصلتو في سول؟ انا يالاه شفت 3 حلقات هاد السيمانة كنت مبرزط شوية .. خاص نخدم السرعة النهائية ههه واخا البداية بطيئة لكن مستمتع بأجواء مسلسل ويذكرني بأيام الخوالي ههههه
أول فيلم شفتو .. المهم كان الوالد كايجيب لينا كل مرة شي كاسيط ديال شي فيلم أنيمشن أمثال الملك الأسد و كنبقاو نتفرجو فيها صباح مساء حتى يجيب لينا شي كاسيط أخرى بعد شهور
و من بعد ما طلع لينا الأنيمشن فراسنا جاب لينا أول فيلم و كنا مازال صغار ههه فيلم Game of death ديال بروسلي هههه تفرجنا فيه شي 40 و لا 400 مرة هه
وو مع كانت سينيما المدنية حدانا كانو كايديرو فيها 2 أنواع ديال الأفلام لي هما أفلام بروسلي و الشاروخان دونك الصغر كامل دوزتو فأفلام هاد ال2
- و أول فيلم هوليودي تفرجت فيه هو cast away و كنت باقي صغير تساطحت معه فشي قناة فالنيميريك و هو ده كان سبب العشق السينيمائي لدرجة بكثرة ماعجبني و أنـا ماعارف تا سميتو لي تلاقيت معه فالمدرسة نقول ليه تفرجت فواحد الفيلم واعر و نبدا نعاود ليهم عليه
و الرحلة ديال الفرجة بدات مني شرا الوالد الفيسيدي و كان حدانا محل ديال السيديهات كاتشري سيدي تتفرج و تبقا تبدلو بثمن رمزي كنت كنختار الأفلام غا من الأفيش
شناهو اول فيلم شفتوه وكان سبب في دخول عالم السينما ؟
ههههههههه نفس الشيء كتبدا بأفلام السطحية ديال الكونغ فو والمطايفات وتخرج للدرب تطبق فيهم هههههه هاد كاست اواي عندنا معاه نفس الواقعة هي شفتو بالصدفة حتى انا وماعرفتش سميتو ومشيت عند مول السيديهات و بارك عليه خويا واحد الفيلم ديال واحد عايش فالجزيرة وبلا بلا وهو كيشوف مافاهم والو فالاخر صبرني بواحد فيلم ديال جيت لي هههه وتقول داك الفيلم مشا ليا من بالي حتال واحد نهار كنشوف mbc هو يبان اووووبا ده انا بدور عليك من زمان هههههه تاراه داك البحث على الأفلام كان عندو واحد الحلاوة ياسلام دابا بزر تجبد اي فيلم هههه
بفف بنادم باقي في الموسم الاول من Better call saul ومصدعنا في الملحق يصحابلي كتنو متبعينه سنوات هادي إحنا وقعنا مع ناس هواة ولا إييه ههه انس باقي في سول سميتو جيمي ميغييل سير تال الموسم الرابع عاد غادي يحلا السوري
بادي سول غودمان و مساليه عاد غادي تبدا بريكينغ باد يعني نتـا طول هاد المدة مفرج فالموسم الأول و كتناقش معانا عادي .. انت يــاض من مدرسة لاكاسا و لا إيــه حكايتك ههه
صراحة بزاف كيقولو بريكينغ باد ثقيل وملل في البداية ماعرفتش علاش انا عمري حسيت انه ثقيل حتى ملي شفتو اول مرة .. قاعدة في عالم المسلسلات البداية المشوقة والريتم السريع = مواسم نهائية سيئة وبايخة حيث كلشي المخرج حطو فالبداية ورفع سقف بالتالي ماغيبقاش الابداع ويزيد مزال يرفع السقف داكشي علاش اغلب مسلسلات اللي كتبدا بريتم سريع كتسالي بنهاية سيئة .. راه هاد القضية جاري بيها العمل فجميع مجالات بما فيها الكورة وحتى فعلاقات الحياة هههه لذلك البداية البطيئة راه مزيانة ومطمئنة حيث غاتشوف مواسم خرافية من بعد غير صبر علشان تاخذ حاجة نظيفة ههههه
فيين وصلتو في سول غودمان؟ انا حاليا استمتع ببريكينغ باد احسن حاجة اصلا هي تبدا بسول غودمان عاد دوز لهايزنبيرغ كتولي ساهلة دخل في عالم السيري وتفهمو مزيان واخا قبل كانت كتجيني سيري تقيلة ولكن هاد المرة زربت على السيزون الاول ولقيت حل لداك البطى هو تجاوز اي مقطع فيه سكايلر او والتر جونيور حيت ماعندهم تا دور في السيري غا معمرين بيهم الوقت الميت هه
جيتلي و أونغ باك أفلام ماعندها ساسا من راس بس يلا كانت قاضية الغرض ههه
تقريبا جيل التسعينات عشاق السينيما كاملين بادينو مع كاست أواي ههه
البحث عن الأفلام كان بحد ذاتو شغف هه نهار قرا معايا واحد الدري فالليسي تاهو عاشق للأفلام كنديرو بلان باش نتقداو الأفلام هابطين لدرب غلف فالطوبيس و نشحفو أصحاب السيديهات و ياخذ هو النص يتفرج فيه و أنـا النصف و نتبادلو هههه أيــاااام
الحريف اعتمان مامعروفش بزاف عند الجمهور العادي اما خبراء السيما امثالكم اكيد مفرجين فيه هه هو معروف بزاف غا بالافلام الكوميدية ديال شباك التداكر بحال التجربة الدنماركية ومرجان والسفارة في العمارة
حتى عمارة يعقوبيان دور عادل إمام فيه ماكانش كوميدي .. بزاف كانو كيشككو في عادل إمام ديك الوقت كيقولو ليه مالكش فالتراجيدي ونتا ماشي بحال احمد زكي ونور الشريف نتا كوميدي فقط داكشي علاش بدأ كينوع من ادواره .. هو راه فعلا يقدر عادل إمام ماشي داك الممثل الخارق في جيله لكن اذكاهم
▐╣ مــــلـــتـــقــى النقــــــــاش الفـــنـــي ╠ ▐(عـ2ـدد) | We Are Back Again
Duhok Forum 3.0
