| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
المكسيك تودع المونديال
ثاني منتخب من المنتخبات المنظمة تغادر
أتوقع حتى الميريكان سيغادرون و لكن ماشي هاد الدور فالربع ضد اسبانيا أو البرتغال
|
|
|
|
المكسيك لعبت المونديال 18 مرة تتأهل غير حيتاش طاحت فقارة أمريكا الشمالية كيلعبو مع كندا و الهندوراس و كوسطاريكا ...
فاش كيطلعو للمونديال كيطيحو ديما فالقبعة الثانية بسبب التصنيف ديال الفيفا حيتاش كيلعبو فقط فالقارة ديالهم و عندهم سنويا ديك الكأس الذهبية للكونكاكاف يعني ضروري يطيحو مع منتخبات الصف الثالث و الرابع
من 18 مرة دازو المكسيك للثمن 10 المرات 9 المرات دازو فالمركز الثاني و 3 المرات تأهلو كمتصدرين 1970-1986-2026 و هي النسخ اللي نظماتها حيتاش كانت فالقبعة الأولى
تأهلو للربع جوج مرات 1970 و 1986
المكسيك من المنتخبات المتوسطة غير ناصبين على العالم كون كانو كيلعبو مع منتخبات أمريكا الجنوبية كون ماكيدوزوش نهائيا لكأس العالم
|
|
|
|
أولى مباريات الربع :
المغرب - فرنسا
انجلترا - النرويج
أتوقع و الله أعلم تأهل اسبانيا و أمريكا و الأرجنتين و كولومبيا للربع
|
|
|
|
مجموعة من اللاعبين سيغادرون نادي الرجاء الرياضي و يتعلق الأمر بكل من محمد بولكسوت؛ صابر بوغرين؛ أدم النفاتي؛ المهدي المشخشخ.
|
|
|
|
تأجيل منافسات كأس العرش لبداية الموسم المقبل.
هههههههه تخيل كأس العرش ديال 2024-2025 غادي تلعب موسم 2026-2027 ماكاينة فحتى شي دولة.
|
|
|
|
| إقتباس لمشاركة: | عبدالله الرجاوي | 21:06 - 2026/07/06 | الامس نيمار واليوم رونالدو
اي مدرب كيبقى متمسك بشي واحد منتهي كيلقى راسو غادي ضد منطق كرة القدم
المستوى العالي خاصك 11 ضد 11 وشوف تشوف واش تزطط راسك |
|
المشكل أنه مابغاش يبدلو و خلاه 90 دقيقة واحد الوقت كان خاصو يتبدل و يدخل راموس
|
|
|
|
???? كريستيانو رونالدو عن مستقبله مع منتخب البرتغال:
"لا أتخذ قراراتي في لحظة انفعال.. هذا ليس الوقت المناسب للحديث عن الاعتزال الدولي."
مازال ناوي يلعب المونديال الجاي واقيلا هههههه غادي يقول بلاتي المونديال فالبرتغال غادي نلعبو فبلادي
|
|
|
|
بلجيكا 4-1 أمريكا و بالتالي كل الدول المنظمة تودع من دور الثمن كما توقعت
|
|
|
|
المغرب - فرنسا
اسبانيا - بلجيكا
انجلترا - النرويج
في انتظار المتأهل من الأرجنتين ضد مصر و كولومبيا ضد سويسرا
أحد طرفي النهائي سيكون هو المغرب - فرنسا - اسبانيا - بلجيكا
الطرف الثاني سيكون انجلترا - النرويج - الأرجنتين - مصر - كولومبيا - سويسرا
|
|
|
|
رودي غارسيا عاق باللي ديبروين كان قاتل ليه الوسط و جلسو
|
|
|
|
حسب مراسل قناة بيين الفرنسية : لاعبو وطاقم فرنسا شاهدو مبارة اسبانيا و البرتغال للتعرف على منافسهم في النصف؛ حيث يعتبرون نفسهم رفقة اسبانيا أو البرتغال الأوفر حظا للعب النهائي.
|
|
|
|
وفقا للصحفي الأردني هشام أبو مازن العائلة الملكية الأردنية في تواصل مستمر مع المدرب المغربي وليد الركراكي ليخلف جمال السلامي على رأس المنتخب الأردني.
***************
راس لافوكا مايقدرش يمشي هنا غادي يتفرش مع الاردن كيفما رفض عرضي السعودية و غانا من قبل و رفض عرض الاتحاد السعودي و الأهلي و الوز
راس لافوكا عارف راسو غادي يحرق لاكارط ديالو حيتاش طكتيكيا مدرب فقير و فنفس الوقت خواف
|
|
|
|
منتخب فرنسا منتخب مرعب جدا الصراحة تقال خصوصا فالشق الهجومي
صحيح ماعندهمش مدرب ممتاز و لكن عندهم لاعبين ممتازين
مني كتشوف الشق الهجومي فيه ديمبيلي دوي مبابي أوليسي هاد الرباعي و فالهجوم كيطلعو الأظهرة كيدخلو للكاري و خصوصا كوندي اللي كيتبربص وسط الكاري
و فوقت الهجمة قلوب الدفاع كيطلعو و كيشكلو رباعي مع الكاسورات فبلوك طالع و كيبريسيو فالمناطق ديال الخصم مباشرة بعد ضياع الكرة
داكشي علاش كتجي أوقات فالمباريات كتلقاهم كيديرو هجمات مسترسلة و غالبا كتكون فالشوط الأول و كيساليوه ب 3 أو 4 الأهداف و الشوط الثاني كيدخل ريان شرقي و تورام و البقية لاراحة خط الهجوم و فالغالب فالشوط الثاني كيلعبو ب 4 4 2 تقليدية و غالبا كتكون ديك الساعة النتيجة 3 أو 4 لفرنسا و تما كيقدرو يستقبلو شي هدف
المبارة الأولى كان وقع ليهم مشكل ديال عدم الانسجام فالشوط الأول ضد السنغال و لكن فالشوط الثاني فأول ربع ساعة صمكوهم بثلاثية و ريح العناصر ديالو و من بعد استقبل هدف من عند السنغال
المبارة الثانية ضد العراق فأول 20 دقيقة 3-0 و من بعد بدا كيسير الماتش
المبارة الثالثة ضد النرويج الشوط الأول 3-0 و الشوط الثاني سالا ب 4-1
مبارة دور 32 ضد السويد الشوط الأول سالا 2-0 و الشوط الثاني 3-0
مبارة الباراغواي الوحيدة اللي كانت مختلفة حيتاش الباراغواي دافعو الكل للكل و لعبو بداك الجوع
كنظن مفاتيح اللعب غتكون عندنا هي الأظهرة و الوسط الدفاعي يلا كانو فنهارهم قادرين يوقفو ضد فرنسا
المشكل عندنا فحكيمي هاد المونديال كان كارثي دفاعيا ماكيرجعش و شحال من مرة ديوب أو العيناوي كيرجع كيغطي جهتو لدرجة فماتش كندا واحد الكرة دياز رجع غطى جهة حكيمي اللي بقى واقف القدام ماكيرجعش
هجوميا رحيمي كمتمنى يكون فالمستوى حيتاش غادي يواجه جوج قلوب الدفاع أذكياء فاللعب ديالهم و كيقراو مسار الكرة بشكل استباقي و ربحو تقريبا جميع النزالات ديالهم الهوائية أو الأرضية
الاشكال اللي عند فرنسا فالوضعية الدفاعية الأظهرة فواحد ضد واحد كيتقلبو بسهولة و عندهم مشكل فالكرات العرضية الزاحفة و فالكرات الثابتة و الأهداف اللي تماركاو عليهم كلهم جاو بهاد الطريقة السنغال سجلو عليهم فاش اسماعيلا سار قلب كوندي و شير عليها ( حتى الحارس ديال فرنسا ناقص بزاااااف )
هدف النرويج جا من كرة ثابتة
فرنسا أكثر منتخب متوازن دفاعيا و هجوميا مع خطورة هجومية كبيرة جدا
كنظن و الله أعلم وهبي غادي يدخل ب 4 3 2 1
رباعي دفاعي فيكس ديوب رياض فاللاكس و الأظهرة حكيمي و مزراوي
الوسط غادي يدخل بامرابط و بوعدي و العيناوي جوج فيهم غادي يعاونو الأظهرة و واحد غادي يراقب أوليسي
أوناحي أو الخنوس و دياز قدامهم فالتحولات الهجومية
رأس الحربة الصيباري أو رحيمي ( حسب الحالة الصحية ديال الصيباري ) و لو كنظن بنسبة كبيرة رحيمي غادي يكون أساسي
الأهم غادي يكون عند وهبي هو عدم استقبال هدف فالشوط الأول و الشوط الثاني غادي يبدل على حسب مجريات اللقاء
و فحالة خطف هدف الأكيد غادي يزيد لاعب فاللاكس بلاصة أوناحي أو الخنوس يقدر يدخل صلاح الدين 3 و المزراوي يتحول لوسط الدفاع مع ديوب و رياض
|
|
|
|
|
|
|
اسبانيا المنتخب الوحيد حاليا فالمونديال لم يستقبل أي هدف بأقوى دفاع
1- اسبانيا 0 هدف
2- فرنسا هدفين
3- الأرجنتين و المكسيك و البرتغال 3 الأهداف
4- المغرب و بلجيكا و مصر 4 الأهداف
|
|
|
|
| إقتباس لمشاركة: | sofraj | 12:33 - 2026/07/07 | زيد مزال 5 آخرين خاص يمشيو
ماتياس خافي المعموري ساخو الشرايبي |
|
اللي خاص يبقى ة تبني عليهم :الحراربولكسوت خفيفي بانونمقدمالعملودالمشخشخبرقوق المكعازي ( كاحتياطي )النفاتي ( كاحتياطي)ايغيز
اللي خاصهم يمشيو مازال خماسماتياس خافيالمعموري ساخوالشرايبيشرارة
يعني خاصك بالدرجة الأولى خط هجوم كامل أجنحة و مهاجم و خاصك صانع ألعاب و خاصك كاسور و ظهير أيسر
كاينين جوج يلا بغاو يزربو عليهم حيتاش سالات ليهم الكونطرا ديالهم مع الخيش حدراف و الضراك كاين حتى الفحلي و لكن وقع عقد مبدئي مع شي فرقة فالامارات
كاين البركاوي اللي سالا ليه العقد مع الظفرة و لو كاحتياطي غادي ينفعك بزاااف كاين أسامة طنان سالا ليه العقد ديالو مع أم صلال
خاص لعابة عندهم تجربة و خاص أجانب فالمستوى و لكن الأهم خاص تحط يماهم صحاح تخيل الميركاتو كانو حاطين ليه مليار و دبا طلعوها لمليار و نص واش مليار و نص غادي تبني بها فرقة تنافس بها البطولة العام الجاي و تنافس بها فالكاف مع الأهلي و الصفاقسي ...
|
|
|
|
| إقتباس لمشاركة: | sofraj | 12:39 - 2026/07/07 | | سماسرة الإنتدابات بداو تاني فنشر الخردة تاعهم على أساس راهم ( نجوم ) لا بديل على إدارة رياضي قوية |
|
تعطلو بزاااف باش يجيبو مدير رياضي المدير الرياضي كان خاصو يجي فمارس أو أبريل باش يخدم ليك على الموسم الجاي مايمكنش تجيب مدير رياضي و تقوليه قاد ليا فرقة فشهر مستحيييل
و المدير الرياضي فاش غادي يجي غادي يقوليك خاصك واحد 3 تال 4 المليار باش نديرو انتدابات ( هذا مدير رياضي اللي عارف شغلو ماشي سوماكال ) غادي يقوليه الزيات حنا حاطين غير مليار و شوف لينا اللاعبين ليبر
|
|
|
|
|
|
|
| إقتباس لمشاركة: | sofraj | 14:37 - 2026/07/07 | | باصير فاخر مستودع الحيمر السلامي جريندو فهادو زعما ميقدوش يقادو إدارة رياضية |
|
مستودع و الحيمر و جريندو مانظنش مازال فاخر و بصير ممكن و لكن لا فاخر و لا بصير غادي يعطيك لائحة ديال لاعبين بقوليك أنا نجيبهم ليك ولكن ها بشحال غادي يطلعو عليك بواحد 3 أو 4 المليار السؤال واش الزيات غادي يحطها ؟ هو حاط ميزانية ديال مليار و من بعد نابي قاليه مامسكاش هزها لمليار و نص
|
|
|
|
الله على راحة
ريمونتادا هناتنا من واحد تطبيل لا نهائي الى يوم يبعثون
|
|
|
|
| إقتباس لمشاركة: | Rajaoui wanted | 21:00 - 2026/07/07 | | ضربة جزاء لمصر غير محتسبة |
|
سمحليا كانو رابحين بجوج لصفر قبل 15 دقيقة من نهاية اللقاء كان خاصك تحافظ على النتيجة يلا بغيتي دوز ماقدرتيش جا ميسي بداك السن ديالو فرعك ف10 دقائق دار ليك ريمونتادا
|
|
|
|
الأرجنتين ماشي هي هاديك فالمجموعات حكرو على الدزاير و الأردن و النمسا
فلقاء دور 32 ضد الرأس الأخضر حصلو حصلة خايبة
و اليوم فالثمن عاودو حصلو ضد مصر
كنظن غادي يلقاو مشاكل مع كولومبيا و حتى فحالة المرور ديالهم لنصف النهائي ضد النرويج أو انجلترا غادي يعانيو
كنظن الأرجنتين صعيب تكون طرف فالنهائي
|
|
|
|
| إقتباس لمشاركة: | Youssef Lucci | 21:57 - 2026/07/07 | | إستعان نصر الدين نابي المدرب الجديد للرجاء البيضاوي لكرة القدم بمواطنه مجدي الصافي، والبرتغالي فابيو نونو لمساعدته في تدريب الفريق الأخضر. ويتولى التونسي مجدي الصافي الإعداد البدني للرجاء البيضاوي لكرة القدم، فيما تم تعيين البرتغالي فابيو نونو محللا، فيما تم الاحتفاظ بهشام أبوشروان في منصبه مع تعزيزه بالمغربي مراد الطويل. |
|
مافهمتش هاد القضية ديال 3 المساعدين دبا شنو الدور ديال أبوشروان ؟ و شكون هاد مراد الطويل و شنو الدور ديالو تاهوا ؟
المنتخب كامل و فيه جوج مساعدين ساكرامينتو و حجي بجوجهم عندهم يوفا برو و وهبي قاليهم كنتشاور معاهم فكل حاجة أبوشروان مازال ماعندوش حتى كاف A شنو الدور ديالو فالفريق ؟ الله أعلم جاية دبا ل 10 سنين و هو مساعد ثاني فالفريق
|
|
|
|
| إقتباس لمشاركة: | Youssef Lucci | 22:01 - 2026/07/07 | هاد كأس العالم هي الأسوء لي شفت فحياتي ، فجميع كؤوس العالم تتلقى 2 أو 3 المنتخبات على الأقل فالمستوى و مقنعين
فهاد كأس العالم باستثناء فرنسا لي تتبان واقفة بقية المنتخبات صراحة دون المستوى |
|
كمستوى كاينة فرنسا بوحدها فمستوى عالي جدا على البقية بقية المنتخبات غير مقنعة و أي منتخب ممكن يتقصى من منتخب أقل منو
مثلا فالمونديالات اللي فاتو كتشوف ألمانيا ضد الباراغواي كتقول صافي ألمانيا دايزة و كدوز ألمانيا بسهولة أو مثلا الأرجنتين ضد مصر أو الرأس الأخضر كتدوز بسهولة المفاجئات فالمونديالات السابقة كانت شبه منعدمة بسبب مستوى المنتخبات اللي مرشحة للقب حتى كيطيحو بيناتهم فالربع عاد كيبداو يتفيلتراو دبا حتى هاد القضية ديال 48 منتخب خلات كولشي يتأهل حتى المنتخبات الأوروبية وخا تكون دايزة من فترة خايبة كتلقاها واكلة العصى فالمونديال
|
|
|
|
| إقتباس لمشاركة: | Rajaoui wanted | 07:57 - 2026/07/08 | مباريات دور الربع النهائي
المغرب : فرنسا
إسبانيا : بلجيكا
الأرجنتين : سويسرا
إنجلترا : النرويج
6 من أوروبا 1 من أفريقيا 1 من أمريكا |
|
2002 فالربع كان البرازيل - انجلترا - ألمانيا - أمريكا - كوريا - اسبانيا - تركيا - السنغال 4 من أوروبا 1 من أمريكا الشمالية 1 من أمريكا الجنوبية 1 من افريقيا 1 من آسيا
2006 فالربع كان ايطاليا - أوكرانيا - البرازيل - فرنسا - ألمانيا - الأرجنتين - البرتغال - انجلترا 6 من أوروبا 2 من أمريكا الجنوبية
2010 فالربع كان اسبانيا - ألمانيا - غانا - هولندا - الأوروغواي - الأرجنتين - الباراغواي - البرازيل 3 من أوروبا 4 من أمريكا الجنوبية 1 من افريقيا
2014 فالربع كان الأرجنتين - ألمانيا - البرازيل - كولومبيا - هولندا - كوسطاريكا - فرنسا - بلجيكا 4 من أوروبا 3 من أمريكا الجنوبية 1 من أمريكا الشمالية
2018 فالربع كان كرواتيا - فرنسا - الأورغواي - روسيا - انجلترا - الأرجنتين - البرازيل - بلجيكا 5 من أوروبا 3 من أمريكا الجنوبية
2022 فالربع كان المغرب - فرنسا - الأرجنتين - انجلترا - هولندا - البرازيل - البرتغال - كرواتيا 5 من أوروبا 2 من أمريكا الجنوبية 1 من افريقيا
تاريخيا أوروبا حاضرة بالحصة الأكبر و هادشي علاش ديما عندهم مقاعد أكثر بدرجة أقل أمريكا الجنوبية حاضرة بالأرجنتين و البرازيل و بعض المرات الأوروغواي أو كولوبيا و بعض المرات كتكون مفاجئات من افريقيا و الكونكاكاف بحضور ممثل واحد فقط
أما آسيا تاريخيا مرة وحدة لعبو الربع ف 2002 بالنسبة ليا آسيا خاص ينقصو ليها المقاعد
|
|
|
|
| إقتباس لمشاركة: | Rajaoui wanted | 11:46 - 2026/07/08 | | تماما أخي أمين.. حتى داك النصف في 2002 راه كوريا الجنوبية دفعها التحكيم بطريقة مفروشة عاين بيان تعداو على الطاليان في الثمن و السبليون في الربع |
|
آسيا ماعندهاش كرة را حشومة تعطيها 9 المقاعد و نص كولشي تقصى من المجموعات باستثناء اليابان و أستراليا
و اليابان و أستراليا خرجو من الثمن
الصراحة كأس العالم نسخة 32 منتخب كتبقى هي الأحسن المشكل داك النهار أنفانتينو قاليهم نسخة 2034 غاتكون ب 64 منتخب و غادي تلعب على شهرين و فوسط الموسم شهر 11 و 12 تخيل توقف المنافسات و البطولات لمدة شهرين باش تلعب كأس العالم ب 64 منتخب غتبقى تشوف منتخبات عمرك سمعتيها فين تبان شي كوراساو ولا هايتي
تخيل غادي تبقى تلقى مجموعات فيها البرازيل - النمسا - الامارات - النيجر غتبقى تسنى تال الربع عاد تبدى تفرج فكرة الصراحة هادشي حماض بزااااف و غادي نبقاو نشوفو كأس العالم كيتلعب فنفس الأماكن دبا من بعد 2034 حتى دولة ماتقدمات لنسخة 2038 و قاليك ممكن يعاودو يعطيوها لأمريكا باش تعاود تنظمها غادي تبقى تشوف أمريكا و السعودية و قطر كيتناوبو على التنظيم ديال المونديال عمرك مازال ماغادي تشوفو فأوروبا ربما آخر نسخة كانت ديال روسيا 2018
|
|
|
|
سوماكال رفض فسخ العقد و تسيف للزيات و طالب بكل الرواتب ديالو حتى نهاية العقد ديالو ف 2028
ماعندوش شرط جزائي فالعقد كيفما كيروجو
فك الارتباط مع سوماكال يلا مابغاش يتفاهم معاهم هو 330 مليون سنتيم
|
|
|
|
تم تجديد عقد بوغرين بطلب من النابي
النابي حاليا هو اللي مكلف بالانتدابات رفقة اللجنة السرية ( اللجنة السرية فيها وكيل لاعبين تونسي سميتو محي الدين زهري - فيها المساعد ديالو اللي جا اليوم - أبوشروان - مراد الطويل )
حاليا حاطين لائحة فيها 9 الأسماء 3 منهم أجانب
|
|
|
|
رغم تحديد موعد الجمع العام هشام ايت منا أخبر المنخرطين في رسالة عبر الواتساب انه سيبدا العمل على الميركاتو الصيفي القادم خلال هذا الأسبوع
|
|
|
|
بعد خروج البرتغال وأميركا.. سوق التذاكر بكأس العالم برد فجأة..
حسب فوربس.. ونقلا عن TickPick وSeatPick:
أسعار تذاكر ربع النهائي طاحت بقوة..
مباراة كانت مفترض تكون نار:
البرتغال ضد أميركا.. رونالدو ضد البلد المستضيف
لكن بعد خروج المنتخبين.. صارت إسبانيا ضد بلجيكا..
والنتيجة.. التذكرة نزلت من 2950 دولار إلى حوالي 1200 دولار..
يعني هبوط يقارب 60%..
وبشكل عام، أسعار ربع النهائي نزلت 31.5% في آخر يوم، و50.4% خلال 3 أيام..
حتى عدد التذاكر المعروضة زاد من 28 ألف إلى أكثر من 49 ألف..
وأرخص مباراة .. فرنسا ضد المغرب.. تبدأ من 989 دولار.
|
|
Duhok Forum 3.0
