| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
| 13:50 - 05/12 |
 |
 |
| | |
|
|
|
|
إلا جمعنا راسنا راه عندنا أسهل مسار بين ال5 ، هاد التوقف خاص نخدمو فيه المشاكل الهجومية
**************************************
المشكل ا سفيان را ماعندكش لاعبين مزيانين فالهجوم شنو غادي تخدم معاهم ؟
الأجنحة : ساخو - المعموري - النفاتي - الضحاك
المهاجمين : خافي - ماتياس - ايغيز
ساخو عامين مادار والو السيد مضارب غير مع رجليه
المعموري مع احترامي لاعب أقل من العادي بلاصتو ففرقة متوسطة فالبطولة لاعب مايقلب مايسجل مايعطي أسيست
الضحاك نفس الشيء
النفاتي هو أكثر لاعب مساهمة تهديفية هاد العام مع الفريق واصل ل 12 مساهمة مابين أسيست و هدف
خافي العام كامل مسجل 2 الأهداف لا تمركز لا ضغط لا مهاجم محطة لا والو
ماتياس من غير الضغط و السرعة ضعيف بزاااف فالانهاء
جودة الرجاء الهجومية جد ضعيفة
من أصل 20 ماتش الفريق ربح 11 ماتش ( باستثناء ماتش الماص و أسفي و الزمامرة و الفتح اللي سجل فيهم 2 الأهداف و ماتش الفتح اياب اللي سجل 4 الاهداف ) يعني من أصل 20 ماتش الفريق 5 الماتشات فقط الفريق قدر يسجل هدفين أو أكثر و هادشي كان باين من مرحلة الذهاب الفريق خاصو خط هجوم كامل بجودة مزيانة اللي يقدر يخدم معاهم المدرب أما هادو هادشي اللي عطا الله
الفريق ممتاز دفاعيا
الوسط مقبول نوعا ما ( خاص نحيدو العواول )
الهجوم ميت
|
|
|
|
| إقتباس لمشاركة: | sofraj | 14:13 - 2026/05/12 | | متافق معاك أ أمين داكشي لاش مكنلومش المدرب بزاف ، كتحس كاينة شي حاجة كتبنا كأسلوب لعب مزال خاص الجودة المطلوبة |
|
المدرب يلام على التفلسيف و على القيام بأشياء غير مفهومة
|
|
|
|
الفيفا ستقوم بتعويض الأندية عن كل لاعب يتواجد بالمونديال بمبلغ 11 ألف دولار أمريكي عن كل يوم ابتداءا من بداية معسكر منتخبه، و حتى آخر يوم من اقصاءه.
************
شرارة غادي يكون فالمعسكر ديالهم من يوم 2 يونيو و آخر مبارة للأردن فالمجموعات غتكون يوم 1 يوليوز.
هادشي فحالة الاقصاء من المجموعات الزيات ضامن 290 ألف دولار تقريبا واحد 260 مليون من شرارة.
فحالة استدعاء لحرار و هو أمر جد ممكن غادي يضمن واحد 260 مليون أخرى هادشي فحالة اقصاء المنتخبين من المجموعات
500 مليون مضمونة و ممكن ترتفع لأكثر
|
|
|
|
هانسي فليك:????️????????????????????????????
" رفع لامين للعلم الفلسطيني ؟ لا أفضل أن يدخل اللاعبون في النقاشات الـسياسية، لكن في النهاية هذا قرار يخص لامين وحده وله كامل الحـ،ـرية. تحدثت معه في الأمر و تصحته بأن يركز فقط في الملعب و الاستمتاع بفرحة التتويج و ترك القضايا السياسية جانبا.
" الجماهير كانت سعيدة جدًا بالأمس بالألقاب، وهذا هو سبب وجودنا هنا.
و مني كان هو فمونديال قطر داخل شاد فمو هو و دوك رباعة المثليين اللي معاه فالمنتخب ديك الساعة ماكانتش قضية دولية
" ورغم النجاح، كان الموسم صعبًا بسبب كثرة الإصـ،ـابات.
|
|
|
|
النادي الافريقي نفس تشكيلة الموسم الماضي ( الفريق كان يعاني من أزمة مالية و كان محروم من الانتدابات ) هذه التشكيلة نفسها احتلت المركز الخامس في الدوري الموسم الماضي هذه التشكيلة هي التي انهزمت الموسم الماضي أمام الترجي 4-0 هذه التشكيلة نفسها خرجت من ثمن نهائي كأس تونس أمام نادي باب العواشية المنتمي للهواة 2-1
فريق منهار يعيش أزمة رياضية لم يفز بأي لقب منذ 2015 و لم يشارك قاريا منذ 2016 يعيش تعاسة مادية
المنقذ كان هذه المرة هو البنزرتي الذي قام بمعسكر في جبال تونس في بداية الموسم و ضحك عليه المحللون و النقاد بأن فوزي يعيش في فترة التسعينات فوزي الذي يؤمن أن الجانب البدني هو أهم شيء في الفريق فوزي الذي يحب أن يتوفر على نادي قوي بدنيا و يحرث الميدان طولا و عرضا
هذا المعسكر كان له تأثير قوي على النادي الافريقي و الدليل أن الفريق يلعب بريثم عالي في كل مبارياته و يلعب لأكثر من 90 دقيقة فاز على الترجي ذهابا و ايابا فاز على الصفاقسي ذهابا و ايابا فاز على النجم ذهابا و تعادل معهم ايابا
الافريقي حقق اللقب بعد غياب 11 سنة عن منصات التتويج و عاد بعد 11 سنة للمشاركة افريقيا و أظن أنه سيكون رقم صعب الموسم القادم في العصبة
|
|
|
|
| واحد اللقطة من الديربي كتبين ضعف الهجوم بصفة عامة و الأجنحة بصفة خاصة هنا ساخو كون كان كيفكر و كان تقنيا مزيان كان يقلب ظهير الوز يهرب عليه شوفو المساحة وراء ظهر الظهير ديال الوز قداش كون هاد القضية تعاودات بزاف المرات مع ساخو و الضحاك هاد اللقطة شدها رجعها للوراء عند مقدم و مقدم رجعها لبانون و فنفس هاد اللقطة حتى لو كان ساخو تقنيا ضعيف كان بامكان واحد من كراكيز الوسط يدخل للمساحة الخاوية من مورا ظهر الظهير ديال الوز ياخد الكرة لا بوغرين لا المكعازي لا الفردوسي و بالخصوص هاد الأخير حيتاش حتى واحد ماشادو عكس بوغرين و المكعازي
|
|
|
|
الأهلي في مفاوضات مع المهاجم المغربي ريان مايي
**********************
ريان مايي داير موسم واعر فقبرص و عندو أرقام جد ممتازة هداف الدوري تما
لاعب سريع و ممتاز فالانهاء يقدر يلعب جناح أو مهاجم أو 10
هداف الدوري هاد الموسم ب 23 هدف و عاطي 9 ديال الاسيست
للاشارة الموسم الماضي كان مشى لسطوك سيتي و لكن ماكانش أساسي
القيمة ديالو مليار سنتيم
و فبداية الموسم كان باغي يلعب كأس افريقيا مع المنتخب و عرض راسو على الرجا و لكن قالو ليه غالي بزاف و عرض راسو على الوز و ماوقعوش معاه الوز كانو منيشين على زياش و بوفال ديك الساعة
|
|
|
|
برقوق الأرقام ديالو لحد الأن فالبطولة :
رقم 1 فالبطولة من بين 91 لاعب من حيث active Defense..
رقم 1 فالبطولة من بين 91 لاعب من حيث intelligent Défense..
رقم 1 فالبطولة من بين 91 لاعب من حيث Involvement ..
مع العلم من هادشي كااامل وهو أنه برقوق ما كيلعبش بزااف ويالله لعب 10 الماتشات و مالعبش فيهم حتى 90 دقيقة مقادة.. كون كان ديما لاعب ، باقي المؤاشرات ديالو غاتكون مكتاملة وغايكون أحسن لاعب تكاملاً فالبطولة فاللخر المدرب كيدخل لينا ديال العام. حيت لعاب عندو فرجليه وكوايري وخاااتر فالعبوا .. المكعازي و الفردوسي
و حتى حاليمي كنظن ماغاديش يكون أسوء من ثنائي العواول
أما واحد الغيني جابوه دخل لعب واحد 10 الدقائق ضد تواركة و من بعد مابقيناش شفناه
|
|
|
|
نظام المنافسات FRMF
المادة 5 : كأس العرش
⬅️ تُجرى المباريات على ملعب الفريق الذي تم سحب اسمه أولاً.
⬅️ غير أن ملعب الفريق المستضيف يجب أن يستجيب لمعايير السلامة والأمن.
⬅️ وعلاوة على ذلك، ابتداءً من دور سدس عشر النهائي، يتعين على الفريق المستضيف إجراء مباراة كأس العرش بملعب يتوفر إلزاميًا على :
✅️ أرضية عشبية طبيعية؛
✅️ نظام للإنارة الليلية؛
✅️ موافقة المديرية الوطنية للتحكيم (DNA) لاستغلال تقنية حكم الفيديو المساعد (VAR).
⬅️ وفي حالة تعذر ذلك، تقرر الجامعة الملكية المغربية لكرة القدم برمجة المباراة المذكورة في أقرب ملعب يستجيب للمعايير المطلوبة، يقترحه الفريق المستضيف، ولا يمكن بأي حال من الأحوال أن يكون ملعب الفريق المنافس.
العام الماضي شباب خنيفرة ماكانش عندهم ملعب و فاش بغاو يدخلو الرجا فدونور رفضات ليهم الجامعة و قالت ليهم لا القانون لا يسمح
هاد العام بني ملال ماعندهمش ملعب و دار طلب باش يستضفو الوز و وافقت ليهم العصبة الاحترافية
القانون واضح خاص الرجا تعتارض على هادشي
بني ملال حداهم ملعب الفوسفاط ديال خريبكة يستجيب للمعايير فيه الضو و فيه امكانية الفار و فيه العشب طبيعي بجودة ممتازة
|
|
|
|
الاسماعيلي المصري أحد الاندية العريقة في مصر يهبط للقسم الثاني.
|
|
|
|
الترجي الرياضي يقيل مدربه الفرنسي باتريس بوميل بعد خسارة الدوري التونسي و عدم تحقيق لقب عصبة الأبطال. و إدارة الفريق ترشح مدربين اثنين لقيادة النادي الألماني جوزيف زينباور؛ و الاسباني لويس خافي فيريرو.
*************************************
المنطق هو هذا مدرب ماحققش الأهداف الباب ا الحباب أما ديك الهضرة ديال الاستقرار و البلابلا ماواكلاش
كنجيب أحسن اللاعبين راس السوق و كنجيب مدرب يلا نجح هاهو معانا مانجحش الله يعاون و النجاح هو الفوز بالألقاب
|
|
|
|
استعدادا لكأس العالم سيخوض المنتخب الوطني المغربي ثلاث مباريات ودية أمام كل من بوروندي؛ مدغشقر؛ و منتخب النرويج. و هذا هو برنامج المنتخب قبل الدخول لكأس العالم:
- الدخول في معسكر أولي يوم 24 ماي المقبل بالرباط بمركز محمد السادس
- الثلاثاء 26 ماي 2026 على الساعة السادسة مساءا مبارة ودية من ثلاثة أشواط (كل شوط 30 دقيقة) أمام منتخب بوروندي بدون جمهور و بدون نقل تلفزي.
- الثلاثاء 2 يونيو 2026 على الساعة السادسة مبارة ودية ثانية بملعب الأمير مولاي عبد الله بالرباط أمام منتخب مدغشقر
- يوم الأربعاء 3 يونيو 2026 السفر نحو الولايات المتحدة الأمريكية للدخول لمعسكر تدريبي ثاني بنيوجيرسي
- يوم الأحد 7 يونيو 2026 مبارة ودية ثالثة على الساعة الثامنة بالتوقيت المغربي أمام منتخب النرويج بملعب ريدبول أرينا
- استمرار المعسكر التدريبي بنيوجيرسي حتى المبارة الأولى أمام منتخب البرازيل يوم الجمعة 19 يونيو 2026 على الساعة الحادية عشرة ليلا بالتوقيت المغربي.
|
|
|
|
ريال بيتيس يعود لدوري الأبطال بعد غياب دام 21 سنة.
الفريق الأندلسي شارك آخر مرة في دوري أبطال أوروبا موسم 2005-2006 و خرج من دوري المجموعات ( في مجموعة كانت تضم ليفيربول - تشيلسي - أندرليخت )
|
|
|
|
الجامعة الملكية تدرس إقامة كأس السوبر ابتداءا من موسم 2027-2028 و سيكون خلال نهاية مرحلة الذهاب. سيشارك فيه البطل و الوصيف من البطولة و كأس العرش. و سيحمل كأس محمد السادس للأندية الأبطال.
******************************
دبا المشكل عندك فالبرمجة كل عام عندك سيتكوم فالبرمجة و هاد العام اللي حنا فيه الناس سالاو و كيحتافلو بالدوريات ديالهم حتى من الجيران كاين اللي سالا بحال تونس و كاين اللي بقات ليه جولة و يسالي البطولة بحال مصر و الدزاير
حتى من ليبيا اللي عندهم مشاكل و مامشاركينش فكأس العالم مازاليهم 4 مباريات على نهاية الدوري
المغرب الدولة الوحيدة فالعالم اللي عندها كأس العرش ديال الموسم الماضي كيتلعب هاد الموسم و ماكيبدى حتى كيقرب يسالي الموسم الكروي
المغرب من 6 الدول فالعالم اللي ماعندهاش كأس السوبر ( الهند - نويزيلاندا - الولايات المتحدة الأمريكية - كندا - اليمن - المغرب ) هادوك الدول كلهم ماشي دول ديال كرة القدم نقدر نفهما و كندا و الولايات المتحدة الأمريكية عندهم نظام ديال الدوري فشكل مختلف
علاش مايدارش كأس سوبر عادي فبداية الموسم قبل ماتبدى البطولة مابين حامل لقب كأس العرش و حامل لقب البطولة
علاش كأس العرش مايبداش مع بداية الموسم الكروي و يسالي مع نهاية الموسم الكروي
|
|
|
|
فلورنتينو بيريز فاش شاف الصداع ناض فالفيستيير والصحافة كاملة ولات كا تهضر على غياب الإنضباط ، وفاش شاف أن الحصانة لي كانت عندو من طرف جمهور الفريق غادا وكا تنقص بسبب الخروج للموسم الثاني على التوالي بموسم صفري ، قرر أنه يستعمل أسلوب وليد الركراكي لي هو إستعطاف فئة من الجمهور وثنيهم عن مشاهدة الحقيقة ، لذلك قرر يجبد قضية نيغريرا من جديد ، والهدف كيفما قلت كي بقا واضح لي هو توجيه النقاش من الفشل الكروي للفريق ديالو لواحد القضية كا يهضر عليها غا هو.
فلورنتينو بيريز إيلا كان كي احتارم راسو ، خاصو يقدم الإستقالة عوض ما يولي الجمهور وسط البيرنابيو كي قول ليه سير بحالك ، وهادشي لي غا يوقع إيلا قرر الإستمرار في رئاسة النادي.
|
|
|
|
| إقتباس لمشاركة: | Youssef Lucci | 02:52 - 2026/05/13 | علاش كأس العرش مايبداش مع بداية الموسم الكروي و يسالي مع نهاية الموسم الكروي
~~~~~~~~~
حيت كأس العرش و تحديداً المباراة النهائية مرتبطة بحضور فرد من العائلة الملكية ، لو يتم إنهاء العمل بهاد البروتوكول
و يتعطى شرف تسليم الكأس لرئيس الجامعة و رئيس الحكومة غادي يتحل المشكل |
|
مابقاتش هاد القضية آخر مرة حضر عضو من القصر لتسليم الكأس كانت سنة 2019 فاش الامير مولاي رشيد سلم الكأس للطاس من بعد كوفيد مابقاتش و حتى تاريخ نهائي الكأس مابقاش كيعطيه الديوان الملكي
|
|
|
|
من بعد كوفيد كأس العرش مابقاتش عندو أهمية كبيرة
النهائي ديال 2020 تلعب فملعب أدرار أكادير فوز الخيش على تطوان 3-0 لقجع هو اللي سلم الكأس للخيش ( النهائي تلعب فيونيو 2022 )
النهائي ديال 2021 تلعب فمولاي عبد الله مابين بركان و الوز فوز بركان بضربات الجزاء و لقجع هو اللي سلك الكأس لبركان ( النهائي تلعب فيوليوز 2022)
النهائي ديال 2022 تلعب فمولاي عبد الله مابين بركان و الرجا و سالا بفوز بركان 1-0 و بلقشور هو اللي سلم الكأس ( النهائي تلعب فيونيو 2023)
النهائي ديال 2023 تلعب فملعب أدرار مابين الرجا و الخيش و سالا بفوز الرجا 2-1 و بلقشور هو اللي سلم الكأس ( النهائي تلعب فيوليوز 2024)
النهائي ديال 2024 تلعب مابين بركان و أسفي النهائي تلعب فملعب فاس و سالا بفوز أسفي بضربات الجزاء و المودني عضو جامعي هو اللي سلم الكأس لأسفي ( النهائي تلعب فيوليوز 2025)
حتى من لقجع مابقاش كيحضر لنهائي الكأس بعدما واحد الوقت كان النهائي كيحضر ليه الحسن الثاني شخصيا و بعض المرات كيجمعو جوج نهائيات فنهار واحد حتى لهنا هنا كان مولاي رشيد هو اللي كيحضر للنهائي
آخر مرة جمعو فيها جوج نهائيات كانت سنة 2004 فمولاي عبد الله كان نهائي 2002 مابين الرجا و الماص و اللي سالا بفوز الرجا 2-0 و نهائي 2003 الخيش و الوز و سالا بفوز الخيش 1-0 و فنفس الموسم ديال 2004 كانت المسابقة واصلة للنهائي هههه غير حشمو يزيدوه تاهو ديك الساعة معاهم
|
|
|
|
النهائيات منذ 2000
2000مجد المدينةالنهضة السطاتية1 - 1 (5-4 tab)الرباط ( تلعبات المبارة فنونبر 2001)
2001الوداد الرياضيالمغرب الفاسي1 - 0الرباط ( تلعبات المبارة فنونبر 2002)
2002الرجاء الرياضيالمغرب الفاسي2 - 0الرباط ( تلعبات المبارة فنونبر 2003)
2003الجيش الملكيالوداد الرياضي1 - 0الرباط ( تلعبات المبارة فنونبر 2003)
2004الجيش الملكيالوداد الرياضي0 - 0 (3-0 tab)الرباط (تلعبات المبارة فنونبر 2004)
2005الرجاء الرياضيأولمبيك خريبكة0 - 0 (5-4 tab)الرباط ( تلعبات المبارة فيوليوز 2005)
2006أولمبيك خريبكةحسنية أكادير1 - 0الرباط (تلعبات المبارة فنونبر 2006)
2007الجيش الملكيالرشاد البرنوصي1 - 1 (5-3 tab)فاس (تلعبات المبارة فنونبر 2007)
2008الجيش الملكيالمغرب الفاسي1 - 0الرباط (تلعبات المبارة فنونبر 2008)
2009الجيش الملكيالفتح الرباطي1 - 1 (5-4 tab)الرباط (تلعبات المبارة فنونبر 2009)
2010الفتح الرباطيالمغرب الفاسي2 - 1الرباط (تلعبات المبارة فنونبر 2010)
2011المغرب الفاسيالنادي المكناسي1 - 0الرباط (تلعبات المبارة فنونبر 2011)
2012الرجاء الرياضيالجيش الملكي0 - 0 (5-4 tab)الرباط (تلعبات المبارة فنونبر 2012)
2013الدفاع الحسني الجديديالرجاء الرياضي0 - 0 (5-4 tab)الرباط ( تلعبات المبارة فنونبر 2013)
2014الفتح الرباطينهضة بركان2 - 0الرباط ( تلعبات المبارة فنونبر 2014)
2015أولمبيك خريبكةالفتح الرباطي0 - 0 (4-1 tab)طنجة (تلعبات المبارة فنونبر 2015)
2016المغرب الفاسيأولمبيك آسفي2 - 1العيون (تلعبات المبارة فنونبر 2016)
2017الرجاء الرياضيالدفاع الحسني الجديدي1 - 1 (3-1 tab)الرباط ( تلعبات المبارة فنونبر 2017)
2018نهضة بركانوداد فاس2 - 2 (2-3 tab)الرباط (تلعبات المبارة فنونبر 2018)
2019الاتحاد البيضاويحسنية أكادير2 - 1وجدة (تلعبات المبارة فنونبر 2019)
2020الجيش الملكيالمغرب التطواني3 - 0أكادير (تلعبات المبارة فماي 2022)
2021نهضة بركانالوداد الرياضي0 - 0 (2-3 tab)الرباط (تلعبات المبارة فيوليوز 2022)
2022نهضة بركانالرجاء الرياضي1 - 0الرباط (تلعبات المبارة فيوليوز 2023)
2023الرجاء الرياضيالجيش الملكي2 - 1أكادير (تلعبات المبارة فيوليوز 2024)
2024أولمبيك آسفينهضة بركان1 - 1 (5-6 tab)فاس (تلعبات المبارة فيوليوز 2025)
|
|
|
|
أعضاء مجلس إدارة الرجاء يتجهون لإقالة المدير الرياضي سوماكال و تعيين لجنة رياضية خلال الأيام المقبلة.
|
|
|
|
تقدم نادي العين الاماراتي بعرض قيمته مليون دولار للرجاء الرياضي من أجل ضم مدافعه محمد بولكسوت.
|
|
|
|
السلام عليكم
المقابلة القادمة في دور ثمن نهائي الكأس ضد الحسنية بأكادير، بعدها ب 3 أيام لقاء البطولة ضد الدشيرة بأكادير.
|
|
|
|
| إقتباس لمشاركة: | الشمقمق | 21:08 - 2026/05/17 | | متى استئناف مسابقة موروكن بريمر ليغ؟ |
|
أهلا السي سلمان مباشرة بعد عيد الأضحى
كان مقرر تلعب الدورة 20 يومي الاثنين و الثلاثاء 25 و 26 ماي و لكن قررو تأجيلها ليومي السبت و الاحد 30 و 31 ماي
|
|
|
|
تعرض الظهير الأيسر لفريق الرجاء الرياضي أمين الخماس لكسر على مستوى القدم عقب تعرضه لتدخل خشن من أحد لاعبي فريق شباب المسيرة في بداية مباراتهما امس السبت برسم سدس عشر كأس العرش و بالتالي نهاية الموسم للخماس
|
|
|
|
طريق الرجاء نحو نصف نهائي كأس العرش سالك بعد إقصاء المغرب الفاسي. الرجاء الرياضي سيواجه في الثمن نادي حسنية أكادير؛ وفي حال تأهله للربع سيواجه الفائز في مبارة اتحاد يعقوب المنصور و أولمبيك أسفي.
|
|
|
|
الخيش اليوم تزكلو كانو يخرجو على الأقل ب 3-0 اليوم
كيفما قال عبد الله تلاقاو مع أغبياء جنوب افريقيا
|
|
|
|
حسب مصادر داخل نادي الرجاء الرياضي؛ إدارة الفريق غير راضية على المدرب فادلو دافيدز؛ و تنتظر فقط نهاية الموسم لإقالته.
************************
هاهي الشركة الرياضية ها الفلوس و مازال العشوائية
أولا هادي ماشي وقت تلوح هاد الخبر اللي كاين و جميع مكونات النادي فراسهم أن فادلو ماغاديش يكمل للعام الجاي إلا فحالة جاب البطولة و هاد القضية كانو داروها حتى فاش كان الشابي
اولا ماشي غادي تسنى البلغيتي هو اللي يجيب ليك مدرب ( حيتاش حاليا كيفكرو يرجعو زينباور ) و حتى من الانتدابات كيفكرو يرجعو اللعابة ديال موسم الدوبلي ( بوزوق اللي عندو نهاية عقد مع فرقتو - موهوب تاهو بغاو يرجعوه - و زيدك كيفكرو يجيبو بلعمري و لو اعارة )
يعني بغيتي تجيب الفرقة ديال 2024 بالمدرب ديالهم و بغيتيهم يعاودو ليك نفس الانجاز ف 2027 من بعد 3 سنين بحالا لاعب البلاي
خاص ادارة رياضية و ادارة تقنية هي اللي تخدم و باركة من العشوائية و التساطيح
|
|
|
|
ثمن نهائي كأس العرش :
1- اتحاد طنجة - نهضة بركان ( الملعب الكبير طنجة)
2- اتحاد تواركة - شباب بنجرير ( ملعب البريد )
3- النادي المكناسي - المغرب التطواني (الملعب البلدي مكناس)
4- نهضة الزمامرة - الدفاع الحسني الجديدي ( ملعب أحمد شكري)
5- أولمبيك أسفي - اتحاد يعقوب المنصور ( ملعب المسيرة أسفي)
6- حسنية أكادير - الرجاء الرياضي ( ملعب أدرار )
7- الكوكب المراكشي - الفتح الرباطي ( الملعب الكبير مراكش)
8- الفائز من الجيش الملكي و سطاد المغربي - الوداد الرياضي ( الملعب الاولمبي الرباط )
دور الربع
9- الفائز من 1 يستقبل الفائز من 2
10- الفائز من 3 يستقبل الفائز من 4
11- الفائز من 5 يستقبل الفائز من 6
12- الفائز من 7 يستقبل الفائز من 8
دور نصف النهائي ( المبارتان في ملعب محايد )
الفائز من 9 ضد الفائز من 10
الفائز من 11 ضد الفائز من 12
النهائي ( مركب الأمير مولاي عبد الله )
|
|
|
|
الإشاعة التي تم ترويجها في بعض المنابر الصحفية : في حالة تتويج الجيش الملكي بلقب عصبة الأبطال الافريقية سيشارك بصفته حامل اللقب الموسم المقبل؛ و في حالة عدم احتلاله للمركز الثالث فسيمثل المغرب صاحب المركز الأول في عصبة الأبطال رفقة النادي العسكري؛ و صاحب المركز الثاني و حامل لقب كأس العرش سيمثلان المغرب في كأس الكونفيديرالية الافريقية.
للتصحيح في حالة احتلال الجيش الملكي للمركز الثالث في الدوري المغربي فسيشارك في كأس الكاف لأن الكاف لم تعد تعتمد حامل اللقب في النسخة الموالية منذ سنة 2018 مع التغيير الجديد في قوائم الكاف. و ندعو الصحفيين للبحث جيدا قبل نشر الخبر عن جهل خصوصا عندما يأتي من صحفي يشتغل براديو و سبق أن اشتغل بالقناة الثانية و لديه أكثر من 25 سنة من الخبرة.
|
|
|
|
بعد سقوطه رفقة نادي نانط للدرجة الثانية، البوسني وحيد هاليلوزيتش يعتزل التدريب نهائيا عن سن 74 سنة.
البوسني كانت أول تجاربه في التدريب سنة 1993 رفقة نادي فيليز موستار البوسني. و بعدها قاد نادي بوفيه الفرنسي في القسم الوطني الأول هواة لموسمين. ليغير بوصلته سنة 1997 نحو القارة السمراء و بالضبط لفريق الرجاء المغربي و توج وحيد بأول ألقابه كمدرب رفقة النسر الأخضر؛ حيث توج بلقبي الدوري و عصبة الأبطال الافريقية في نفس الموسم. هذه المسيرة المميزة رفقة نادي رجاء كازابلانكا أعطته زخما كبيرا للعودة لفرنسا. و هو ماكان له بتدريب نادي ليل الذي كان يمارس في الدرجة الثانية الفرنسي، و قاده نحو الصعود سنة 2001. و بعدها قاد مجموعة من الأندية في الليغ 1 أبرزها سطاد رين و باريس سان جيرمان.
ليغير الوجهة سنة 2005 نحو الدوري التركي ليقود نادي طرابزون سبورت، و بعدها نحو الاتحاد السعودي في أول تجاربه الأسيوية سنة 2006. بعدها سيعود وحيد للقارة الافريقية سنة 2008 و بالضبط بعد نهاية كان 2008 ليقود منتخب الكوتديفوار لمدة سنتين من 2008 حتى 2010، و قاد الفيلة للتأهل نحو كأس العالم 2010 بجنوب افريقيا. بعد نهاية المونديال الإفريقي عاد لتدريب الأندية و هذه المرة نادي دينامو زغرب الكرواتي.
و في سنة 2011 قاد المنتخب الجزائري لمدة ثلاث سنوات توجها بالتأهل لكأس العالم 2014 بالبرازيل و بلوغ الدور الثاني، بعدها بسنة قاد منتخب الساموراي من سنة 2015 حتى سنة 2018 حيث قاد اليابان للتأهل لكأس العالم 2018.
و في سنة 2019 عاد لإفريقيا و بالضبط للمغرب حيث قاد أسود الأطلس للتأهل لمونديال قطر 2022. ليختتم مسيرته التدريبية رفقة نادي نانط بطريقة سيئة.
أبرز انجازاته هو الفوز بلقب الدوري المغربي و عصبة الأبطال رفقة الرجاء المغربي، قاد منتخب الجزائر للدور الثاني بمونديال البرازيل، قاد كل من ساح العاج، المغرب، و اليابان للتأهل للمونديال.
************************
أول مرة كنعرف أن وحيد عندو جوج ألقاب فقط فالمسيرة ديالو و بجوجهم مع الرجا موسم 97
|
|
|
|
السلامي حط لاليست ديال الأردن حاط فيها شرارة ها واحد 300 مليون جابها الله للزيات هههههه
الحرار كنظن ماغاديش يكون فلاليست ديال وهبي خصوصا مني عيط للمحمدي و لمح أن الحارس الثالث غادي يكون داك اللي كان معاه فمنتخب الشبان فالمونديال
الفيفا كتعطيك لائحة احتياطية ديال 3 اللاعبين ممكن يدير التكناوتي أو الحرار فاللائحة الاحتياطية و غالبا غادي يحط فيها التكناوتي
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
