| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
| 02:37 - 03/23 |
 |
 |
| | |
|
|
|
|
الكاف اللي ربحات الرجا آخر مرة سنة 2021 كون ما كانتش فرقة مزيانة ديك الساعة و الله لا ربحاتها
كان عندك الزنيتي - الورفلي - الشاكير - الحافيظي - متولي - رحيمي - مالانغو - نغوما ...
و تقريبا نفس التشكيلة فالموسم اللي قبل تأهلو للنصف ديال العصبة و جابو البطولة
و نفس التشكيلة تقريبا من 2019 تال 2022 لمدة ديال 4 سنوات جابو البطولة مرة و الوصيف 3 المرات
مني تباع رحيمي و مالانغو و بانون و سيفطو متولي و الحفيظي و الورفلي و الشاكير و جابو باديبانغا و كابانغو و كوناطي الموسم ديال 2023 رابت الفرقة
نفس الشيء وقع فموسم الدوبلي كانت بوادر فرقة مزيانة كان خاص يعض الروتوشات ناش هالا ريبها
دبا جا الزيات بقى على نفس المنوال كيعمر الفرقة بالكرارس
|
|
|
|
التتويج بالعصبة يضمن لصاحبه مبلغ أزيد من 20 مليون دولار.
6 مليون دولار قيمة التتويج باللقب
9,5 مليون دولار منحة المشاركة فقط في كأس العالم للأندية.
بالإضافة للمشاركة في كأس السوبر الإفريقي الذي تبلغ جوائزه مليون دولار في حالة الفوز به.
دون نسيان المشاركة في كأس القارات وما قد ينتج عنها من عوائد مادية تبدأ ب2,5 مليون دولار و تزداد كلما تأهلت مع تقدم الأدوار
بمعنى التتويج بالعصبة قد يضمن لصاحبه على الأقل مبلغ 19 مليون دولار بدون تفعيل الشركة. للتذكير الرجاء فعل الشركة ببيع 60% من أسهمه مقابل 15 مليار سنتيم مقسمة على 3 سنوات.
|
|
|
|
بخصوص أحداث نهائي الكان، السنغال لحدود اليوم و بعد مرور أسبوع على قرار الكاف، الاتحاد السنغالي لكرة القدم لم يقدم أي طعن للمحكمة الرياضية الدولية. و هناك توجه في السنغال بعدم استئناف قرار الكاف داخل أروقة الطاس، و الرضوخ للأمر الواقع و قبول هزيمة النهائي على الورق.
|
|
|
|
حنا اليوم 23 مارس هناك توجه بعدم اجراء المؤجلات
أسبوع الفيفا غادي يسالي يوم الأربعاء 1 أبريل يعني عندهم الأحد 5 أبريل و الأربعاء 8 أبريل لإجراء جوج مؤجلات
يوم الأحد 12 أبريل كاين الخيش و بركان لاعبين العصبة و أسفي لاعبة الكاف و بما أنهم كلهم لاعبين فالمغرب و الدزاير فغالبا غادي يتم برمجة مؤجل يوم الأربعاء 14 أبريل
الاياب ديال العصبة و الكاف غادي يكون يوم الأحد 19 أبريل يعني آخر مؤجل غادي يتلعب يوم الأربعاء 22 أبريل
عاد غادي يتم استئناف الدوري يوم الأحد 26 أبريل الدورة 16
البطولة خاصها توقف يوم 17 ماي
3 الأسابيع يستحيل تلعب فيها 15 ماتش فالغالب غادي يتم برمجة 5 الدورات دورة كل 3 أيام و غادي يحبسو البطولة فالدورة 20
غادي يبقاو 10 الماتشات غادي يكملوهم من بعد المونديال
( واحد القضية وخا يتقصى المنتخب الفيفا كتمنع اجراء أي دوري فوقت كأس العالم يعني استئناف البطولة غادي يكون من بعد المونديال اللي غادي يسالي يوم 21 يوليوز )
البطولة و كأس العرش غادي يتم الاستئناف ديالهم يوم 24 يوليوز غادي يساليو فمنتصف شتنبر جميع المنافسات و من بعد منها مباشرة غادي يبداو الموسم الجديد فنهاية غشت
و هادشي غادي يدير بزااااف ديال المشاكل أول حاجة حتى نادي ماغادي يستعد للموسم الجديد
الاندية غادي تلعب موسمين متتالين بدون توقف
لائحة الأندية اللي خاصها تلعب الكاف و العصبة غادي يكون مشكل كبير شكون غادي يلعب الموسم الجاي
|
|
|
|
الزيات في حوار مع راديو بلوس :
- قضينا عن 90% من ديون الرجاء و من هنا لنهاية الموسم سيكون الرجاء أول نادي في المغرب ب 0% من الديون؛ و حاليا كل اللاعبين و العمال و الأطر داخل النادي نالت رواتبها و منحها و لا أحد يدين بدرهم واحد للرجاء.
- أتفهم غضب الجمهور من أداء النادي و لكن سير البطولة أثر كثيرا على النادي و أيضا لا ننسى أننا قمنا في الميركاتو بانتداب ستة لاعبين؛ خمسة منهم أساسيون تقريبا نصف الفريق و يحتاجون وقتا للتأقلم
- بالنسبة لسوماكال يقود معنا مشروع ضخم جدا؛ حاليا النادي يتوفر على أكثر من 800 ممارس من 6 سنوات ل 19 سنة. نتحدث عن السنة الأولى من مشروع التنقيب الذي قمنا به. الرجاء سيقوم بتكون عالي المستوى لهؤلاء اللاعبين. و هذه القاعدة الضخمة و التي سنضاعفها في المواسم المقبلة ستشكل موردا رياضيا و ماديا هاما للفريق.
- مازلنا نعمل على هدفنا و هو بلوغ رقم معاملاتي يصل ل 25 مليار سنتيم سنويا و هوما قد نصل له الموسم المقبل ان شاء الله؛ نحن الآن في صدد التوقيع لمستشهرين جدد و نعمل على مشاريع جديدة ستمكننا من بلوغ هذا الرقم الذي و بدون شك سيشكل دعامة حقيقية للنادي رياضيا و اقتصاديا.
- من بين المشاريع التي نناقشها و نعمل عليها هو اقتناء ملعب خاص بنادي الرجاء الرياضي؛ ننسق حاليا مع مجموعة من المؤسسات و الهدف هو حصول الرجاء على ملعب خاص به. خصوصا أن مدينة الدار البيضاء ستعرف بناء و تشييد ملاعب جديدة. و سيكون من المفيد للفريق أن يكون له ملعب خاص به. بالاضافة للملعب ندرس تشييد مركز تجاري و سياحي خاص بالرجاء الرياضي في القريب العاجل.
- بعد نهاية الموسم سنقوم بتقييم شامل على أمل أن نكون الموسم المقبل حاضرين بأحد المسابقات الافريقية؛ و النتائج في نهاية الموسم هي التي ستحدد لنا استراتيجية الموسم المقبل. و أنا دائما على وعدي للجمهور الرجاوي نحن الآن في صدد بناء فريق قوي يعود للواجهة القارية و يكون أحد الأندية المنافسة باستمرار على العصبة و البطولة الوطنية.
|
|
|
|
الزيات لاحظت فيه واحد القضية كيكون غابر حتى كيتقصاو الوز أو كيخسرو عاد كيخرج يهضر
و فاش كيخرج يهضر كتلقى 80% من الهضرة ديالو حول مالية الفريق يعني الهدف ديالو هو يطلع ميزانية الفريق فقط بحال تسيير شي معمل و لكن يمكن مافراسوش أن العامل الرياضي هو أهم حاجة باش يطلع الميزانية
را ماميكمنش بفريق متوسط كيحتل وسط الترتيب فالبطولة و كينشط البطولة غادي تطلع الميزانية ديالك
|
|
|
|
| إقتباس لمشاركة: | sofraj | 22:12 - 2026/03/23 | السلام عليكم
الوز مسااالين ايت منا عزيييز عليه صفقات البهرجة و الفوحان الخاوي ، زياش داير فيها باطرون اي كورة كيشدها كيباكي هههه و امرابط بحال شي مقاتا تاع المصارعة غي مطايف ... كان عندو لورش و عزيز كي و مايلولا و الزمراوي كيقضي الغراض ناض باعهم و جاب صفقات بالملايير كلها فاشلة باسثناء فاكا .. |
|
تعاقد مع هرماش كمدير تقني هههههه هو اللي جاب ليه عشرانو مرابط و بن يدر و ناسي و الساخي ...
زياش عندو اصابة خايبة فالركبة و هي اللي كانت سبب ففسخ العقد ديالو مع غالاطاسراي مابغاش يدير عملية و حتى فاش بغاو اشبيلية وصلو معاه للتسيت ميديكال قاليهم سيفطو ليا الطبيب ديالكم لهولندا مانجيش لعندكم الشباب السعودي تواصلو معاه و كانو غادي يسنيو معاه وقع نفس المشكل أبويل ديال قبرص نفس المشكل شاف راسو غادي يبقى جالس وقع مع الوز ب 3 المليار
الصراحة أنا ضد تجيب النجوم المنتهية كيفما قلتي ا سفيان صفقات البهرجة ديما كتهرس الفريق
|
|
|
|
| إقتباس لمشاركة: | sofraj | 22:22 - 2026/03/23 | | لا اتوقع ينجح معاهم شي مدرب هادي فترة جد صعبة و غادي ندخلو على ماتش كل 3 ايام ابتداءا من 1 ابريل اي مدرب ايجي خاصو يبدا يبدل فالخطط و فتجريب اللاعبين تما ايضيع نقاط و ايريب كلشي |
|
تفاهمو مع كارتيرون ب 70 مليون للشهر ههههه
كارتيرون مدرب كيخدم بزاف على العامل البدني و اللياقة البدنية و كيحتاج للوقت باش يبني لك فرقة و هادشي اللي كان وقع ليه مع الأهلي و الرجا و مازمبي مع الوز و مع هاد كثرة المباريات اللي جاية فالطريق غادي يوضرهم
عموتة خوا بهم قاليهم أنا نوقع كمشرف عام حتال العام الجاي عاد نشد الفرقة كيفما دار مع الخيش مني عيطو ليه الأردن ناض مشى و خلاهم حاصلين كيقلبو على مدرب
|
|
|
|
| إقتباس لمشاركة: | sofraj | 22:25 - 2026/03/23 | | الا قدر يطلع الميزانية ا امين ل25 مليار را ه برافو يعني اتقد تجيب لعاب تاع 900 مليون و مليار |
|
باش غادي يطلعها ؟ نتا ماحاضرش لا فمنافسات افريقية لا بطولة
غادي تعول على الجمهور ؟ شكون هاد المستشهر اللي غادي يعطيك الملاير و نتا فريق متوسط
|
|
|
|
غير هاد العام الفريق توصل ب 8 المليار سنتيم من مارسا ماروك
المستشهرين كاملين كان قالها الزيات واحد المرة بعدما ما جددش مع 1XBET كيدخليو للنادي 5 المليار سنتيم
الجمهور تقريبا كيخلي سنويا للفريق مابين 2 تال 3 المليار سنتيم ( هاد العام دونور ديما عامر )
مجلس المدينة كيدعم الفراقي بجوج ديال كازا بمليار سنتيم 500 مليون للواحد ( داك العام كان استثناء عطاوهم مليار حيتاش دونور تسد )
الجامعة كتعطيك 600 مليون سنتيم ديال النقل التلفزي
هادشي دبا كنهضرو على واحد 16 أو 17 مليار سنتيم تقريبا
عاد زيد عليها أن النادي غادي يحصل على 10 آلاف دولار يوميا على الحرار و شرارة من التواجد ديالهم فكأس العالم من أول يوم للمعسكر تال آخر يوم
عاد زيد المنحة ديال الجامعة المركز اللي غادي يجيبو فالبطولة المركز الخامس أو الرابع أو الثالث على حسب الترتيب ديالهم
عاد زيد مارسا ماروك فنهاية الموسم غادي تحط 5 المليار سنتيم للفريق باش تدعمو للموسم المقبل
كنظن الزيات اعتمد على هاد المداخيل باش يقول أن الفريق العام الجاي غادي يوصل ل 25 مليار سنتيم و لكن من بعد ؟
أنا كمشجع رجاوي وخا الفريق يدخل حتى 100 مليار و لكن مني كنشوف هاد العهر الكروي ديال الفرقة و هاد العشوائية و كنشوف بركان و الخيش اللي جاو غير البارح واصلين لنصف نهائي العصبة و كنشوف البطولة غادية و كتهرب عليا و كنشوف الماص و الوز بالمشاكل ديالهم و الخيش و بركان لاعبين عليها و أنا فرقتي حاصلة مع يعقوب المنصور و مكناس
|
|
|
|
بعدما تأكدت العصبة الاحترافية لكرة القدم من عدم استكمال الموسم الحالي قبل المونديال؛ سيتم اجراء اجتماع بعد التوقف الدولي بين العصبة الإحترافية؛ الجامعة الملكية؛ و ممثلي الأندية الوطنية لمعرفة كيفية تحديد الأندية المشاركة في المنافسة القارية الموسم القادم. حسب مصادر مطلعة هناك ثلاثة اقتراحات :
- الإقتراح الأول هو اعتماد ترتيب الموسم الماضي.
- الإقتراح الثاني اعتماد ترتيب مرحلة الذهاب.
- الإقتراح الثالث اعتماد ترتيب البطولة عند توقفها مع اجراء جميع المؤجلات.
الإقتراح الثاني و الثالث من الصعب تحقيقهما خصوصا أن لوائح الكاف ترفض اعتماد ترتيب موسم غير منتهي للمشاركة في المنافسات القارية؛ و بالتالي ستتوجه الجامعة الملكية للكاف بملتمس استثنائي في حالة اعتماد أحد الإقتراحين؛ و في حالة الرفض سيتم الاحتكام للمقترح الأول بقوة القانون.
***************************
من دبا كيمهدو باش تعاود تشارك بركان و الخيش فالعصبة ( خصوصا بركان حيتاش بالترتيب الحالي ديالها ماغاتشارك فحتى مسابقة قارية )
قانون الكاف كيعتمد التصنيف ديال موسم منتهي و غادي يقوليك درنا طلب للكاف و مابغاوش و ماعندنا مانديرو ليكم عاوتاني بركان و الخيش فالعصبة و الوز و أسفي فالكاف.
من واحد الناحية أخرى الكاف عندهم الحق كيفاش تعتامد على تصنيف موسم مازال ماسالاش تخيل مثلا أثناء التوقف الرجا كانت فالمركز الخامس و فنهاية الموسم جابت المركز الثاني أو الأول و هادي را وقعات موسم 2019 فالدورة 22 الرجا كانت فالمركز الخامس و من بعد سلسلة انتصارات فالدورة 27 كنا خلف الاوز فالمركز الثاني و ب 4 النقط ديال الفرق معهم
وقعات موسم 2014 الدورة 20 الرجا كانت فالمركز الرابع و فالدورة 30 الرجا أنهت البطولة فالمركز الثاني خلف تطوان و كان ممكن تساليه فالمركز الأول
حتى اعتماد نتائج مرحلة الذهاب ماعندو حتى معنى غير هادي عامين أو 3 سنين طنجة سالاو مرحلة الذهاب بنقطة و الاياب ب28 نقطة
المشكل ماشي ديال الكاف ديال العصبة اللي كدير الخواطر حتى طاحت فمشكل أكبر و فنفس الوقت جات على الكانة ديال مول البالون فرقتو غاتضمن العصبة الموسم المقبل كيفما دار واحد العام بقاو كيلعبو الكاف بكأس العرش داوه قبل 3 سنين
|
|
|
|
| إقتباس لمشاركة: | Rajaoui wanted | 14:46 - 2026/03/24 | | كأس العرش العام الماضي باقي كاتلعب هير هذا دليل كافي على الفشل |
|
كأس العرش المشكل ديالو كان فكوفيد ماتلعبش و بقى مديكالي بعام من 2020
|
|
|
|
الاتحاد السنغالي ماكنظنش كيفما قلتي يسمح فحقو بهاد السهولة و لكن المهلة اللي كاينة فلوائح الطاس هي 10 أيام من آخر استئناف و فحالة كان حكم أولي كتكون 21 يوم آخر أجل للسنغال باش يطعنو فالحكم هو 27 مارس و لحدود اللحظة الطاس مازال ماتوصلات حتى بشي طعن يا إما جهل السنغاليين بالقانون أو كيوجدو شي ضوسي مهور يرجعو به اللقب
| إقتباس لمشاركة: | Youssef Lucci | 16:36 - 2026/03/24 | وفق أحد أعضاء المكتب التنفيذي للاتحاد السنغالي لكرة القدم فإن الاتحاد سيقوم بوضع شكواه الرسمية عند المحكمة الرياضية الأعلى اليوم الثلاثاء
~~~~~~
وخا تكون القضية خاسرة ، صعيب الإتحاد السنغالي ميتوجهش للطاس
حيت عدم التوجه للطاس غادي يبان قدام الشعب و اللاعبين تحديدًا خيانة ليهم و بيع لانجازهم |
|
|
|
|
|
| إقتباس لمشاركة: | الشمقمق | 21:30 - 2026/03/24 | تصويب سي أمين
بخصوص المدة الزمنية التي حددتها (طاس) لتقديم طلب الطعن في القرار الصادر عن آخر هيئة قضائية (وطنية/قارئة/دولية) هو 21 يوم بشكل عام ، ولكن (طاس) عطات الحق لهاد الاتحادات الوطنية ولا القارية تحديد المدة الزمنية للي بغات شريطة ألا تكون أكثر من 21 يوم.
فحالة الإتحاد الإفريقي لكرة القدم فقرر تكون هاد المدة هي 10 أيام. |
|
مشكور السي سلمان على التوضيح
|
|
|
|
تفاصيل عقد الوز مع كارتيرون :
عقد لغاية نهاية الموسم الحالي
راتب شهري 70 ألف أورو
الأهداف : درع البطولة الاحترافية = تفعيل التجديد التلقائي للعقد لمدة سنتين مع صالير 90 ألف أورو
70 مليون راتب ههههههه وا كون غير كان شي مدرب مقود و عالمي مع احتراماتي لكارتيرون حتى مع الأهلي و الزمالك ماكانش كيشد هاد الصالير ههههه تخيل غادي يشدهم لمدة 6 أشهر هاهي 450 مليون سنتيم و حتى يلا جاب ليهم البطولة ( اللي ساوية 600 مليون ) غادي يلصق ليهم عامين ب 90 مليون هههههه
|
|
|
|
الوز فاش كيبغيو يجيبو مدرب جديد كيقلبو ف google على مدرب سابق للرجاء :
- فيلوني بعدما نجح مع الرجا و جاب العصبة ديال 99 ناضو جابوه ف 2002 و فاش جابوه الرجا ف 2005-2006 ناضو جابوه ف 2006-2007
- البنزرتي بعدما نجح مع الرجا فالوصول لنهائي كأس العالم للأندية ف 2013 ناضو جابوه ف 2018
- غاريدو نجح فالحصول مع الرجا على كأس العرش 2017 و الكاف 2018 ناضو جابوه ف 2019
- كارتيرون ربح مع الرجا السوبر ف 2019 ناضو جابوه ف 2026 ( مع العلم تفاوضو حتى مع زينباور اللي رفض بحجة أنه عندو عرض فالامارات و كيتسنى فقط تهدئة الأمور فالشرق الأوسط باش يتعاقد معهم )
|
|
|
|
تدخل الجامعة الملكية على الخط في ملف استكمال البطولة الوطنية؛ و حسب مصادر جامعية مطلعة فإن الفيفا تلزم توقف الدوري في حالة واحدة و هو تواجد ثلاثة لاعبين أو أكثر من نادي واحد في كأس العالم. غير ذلك يمكن استكمال الدوري بشكل طبيعي خلال منافسات كأس العالم. و هو ما تم خلال الاجتماع الذي دار اليوم بين الجامعة الملكية؛ العصبة الاحترافية؛ و ممثلي الأندية.
يذكر أن بعض الأندية احتجت على هذا القرار بحجة أنها ستكون محرومة من أهم عناصر خلال آخر جولات الدوري. و لكن هذا القرار يبقى معلقا حتى انتظار استدعاء اللاعبين خلال المونديال في حالة تواجد ثلاثة لاعبين من فريق واحد بالمونديال؛ أنذاك سيتم استكمال الدوري بعد منافسات كأس العالم. بالنسبة لمنافسات كأس العرش فقد تقرر اجراءها خلال شهر غشت القادم .
*****************
الرجا غادي يغيب ليهم شرارة و الحرار
الوز غادي يغيب ليهم بنعبيد و ممكن داك البوليفي فحالة ماتأهلات بوليفيا لكأس العالم
الخيش غادي يغيب ليهم حريمات
يعني أكثر فريق غادي يتضرر هو الرجا
من جهة أخرى كيفاش غادي يكون طعم البطولة وقت كأس العالم ؟
|
|
|
|
????⚖️ السنغال تلجأ إلى “الطاس” بملف قوي ضد الكاف و بهيئة قوية يقودها المكتب الفرنسي جانيت المختص في القضايا الرياضي برئاسة المحامي السويسري المخضرم ميشيل بويون ( للإشارة ربح قضية المغرب ضد الكاف في ملف ايبولا؛ و سبق أن ربح قضية السنغال ضد جنوب افريقيا سنة 2017 و تم اعادة اللقاء؛ و قاد ملف الترجي ضد الوداد في انسحاب رادس ). المكتب جانيت معروف بقوته و ربح أغلب النزاعات الرياضية في محكمة الطاس. كما أنه معروف أنه لا يدافع على الملفات الضعيفة. و سبب تأخر تقديم طعن السنغال هو دراسة الملف من قبل المكتب الفرنسي.
و هاته أبرز مطالبه ودفوعاته السنغال:
• إلغاء قرار استئناف “الكاف” وإعادة اعتماد نتيجة المباراة.
• اعتبار مغادرة اللاعبين ليست انسحابًا لأنهم عادوا وأُكملت المواجهة.
• التأكيد أن الحكم أنهى المباراة وقراراته نهائية وغير قابلة للطعن.
• التشكيك في تطبيق المادة 84 من قانون “الكاف”.
• اعتبار سحب اللقب عقوبة قاسية وغير متناسبة مع الأحداث.
• الإشارة إلى “ظروف غير رياضية” (ليزر وضغوط تنظيمية).
???? مطالب إضافية:
• تصحيح السجلات الرسمية.
• تعويضات مالية.
• أو استبدال العقوبة بأخرى أخف في حال ثبوت مخالفة.
|
|
|
|
| إقتباس لمشاركة: | عبدالله الرجاوي | 19:47 - 2026/03/25 | امين
كاس العالم ماغادي يبداةتال ينونيو غي الفيفا كطلب انتهاء الدوريات في ماي حيت كتعطي للمنتخبات ديك 20 يوم ديال الاستعداد
يعني يلا تلعب الدوري بنظام 3 مباريات في الاسبوع غادي يكمل قبل الاسبوع الاول من يونيو |
|
و لكن را داخل فيها مبارة ذهاب و اياب ديال نصف نهائي الكاف و العصبة و عاد ضروري يكون فريق مغربي فنهائي العصبة و ممكن أسفي تاهما يطلعو للنهائي ها 4 الجولات مشاو
حاجة أخرى المؤجلات ماغادي يتلعبو حتال من بعد التوقف الدولي البداية ديال المؤجلات غاتكون يوم الأحد 4 أبريل و غادي يساليو الأربعاء 15 أبريل ( حيتاش الأحد 12 أبريل كاين ذهاب العصبة و الكاف ) يعني استئناف البطولة غادي يكون يوم الأحد 19 أبريل بالجولة 16 صعيب ا عبد الله تسالي قبل شهرين 15 ماتش و ضروري غادي يتلاقى مع المونديال البطولة بهاد الريتم على الأقل غادي تسالي بداية يوليوز
|
|
|
|
| إقتباس لمشاركة: | عبدالله الرجاوي | 19:54 - 2026/03/25 | تصور دابا لعابة ديال الراجا موسم باقي فيه شهر ومص فقط وهوما يلا لاعبين 15 ماتش رسمي !!
كي غادي تكون اللياقة البدنية ديال هاد اللعابة مع العلم تا دوك الماتشات لي لعبو كاملين ريتم مقتوول |
|
داك النهار سمعت فراديو مارس للمعد البدني ديال الجديدة هو فرنسي قاليهم كيشتغل كمعد بدني لمدة 13 سنة و ماعمرو شاف بحال هاد الموسم قاليهم أصعب موسم قاليهم ماعندناش برنامج المباريات ماكنعرفوش كيفاش نخدمو مع اللاعبين بدنيا واش نعطيوهم لاشارج أو لا حيتاش كنلعبو 2 أو 3 الماتشات و كتوقف البطولة شهرين أو أكثر
|
|
|
|
| إقتباس لمشاركة: | عبدالله الرجاوي | 19:58 - 2026/03/25 | خوت لي عندو مع الفيسبوك يشرح ليا واحد القضية
ملي كيطلعو ليا شي فيديوهات ديال قنوات اخبارية فرنسية كندخل نقرا التعليقات كنلقا 99% عوازة ديال لافريك..كنبغي غي نعرف رأي الفرنسيين في الحرب كنلقا غا عوازة ههه
السؤال هو واش دباب الكتروني او ان ادارة الفايس كتبين لك تعاليق حسب المنطقة الجغرافية ديالك؟ |
|
الصفحات الكبرى كيديرو تقسيم البوسط على المناطق الجغرافية مثلا داك البوسط ممكن ماتلقاهش طالع فأوروبا طالع فافريقيا و البوسط اللي طالع فأوروبا ماطالعش فافريقيا كيكون مختلف هاد القضية كيديروها حتى الأندية الكبرى مثلا باريس كيديرو بوسطات بالدارجة على حكيمي و لكن كيكونو موجهين للمغرب أو شمال افريقيا و لكن ماغاديش يطلع للجمهور الباريسي
|
|
|
|
| إقتباس لمشاركة: | Rajaoui wanted | 07:41 - 2026/03/26 | الدعوة لي حطت السنغال قالك للطاس في صالح المغرب حيث أصبح طرف مباشر ماشي رغم مستفيد
https://www.facebook.com/100075976264260/posts/pfbid02gb1Q6hRsTYyanvqQhDAgcoMb1asEH1E3rACPtXLhG3TaLyLaGKAvvynthm86yRhRl/ |
|
لا بالعكس السنغال حطات دعوة ضد قرار الكاف اللي حيد ليهم اللقب و مادخلوش المغرب أو الجامعة فالطاس و الملف ديالهم حسب خبراء قانونيين قوي و استغلو فيه ثغرات قانونية ديال الكاف بنسبة كبيرة الطاس غادي ترجع اللقب للسنغال حيتاش بكل بساطة الماتش كمل وخا انسحبو عناصر منتخب السنغال و هذا كان خطأ الحكم ماشي ديال السنغال
|
|
|
|
وزير الدفاع الباكستاني خواجة محمد آصف : يبدو أن هدف الحرب ضد إيران قد تغيّر إلى فتح مضيق هرمز، وهو كان مفتوحًا قبل الحرب
|
|
|
|
المادة 3 من قانون IFAB التي تستند إليها السنغال:
الحجة تقول إن السنغال تعتمد على المادة 3 من قوانين IFAB الخاصة بعدد اللاعبين، ومفادها أن المباراة لا تُوقَف تلقائيًا إلا إذا صار عدد لاعبي الفريق أقل من 7. والنص الرسمي يوضح أيضًا أنه إذا غادر لاعب أو أكثر أرضية الملعب عمدًا، فالحكم ليس ملزمًا بإيقاف اللعب فورًا، لكن لا يجوز استئناف اللعب بعد خروج الكرة إذا كان الفريق لا يملك الحد الأدنى وهو 7 لاعبين. هذا النص ينظّم استمرار المباراة من زاوية تحكيمية أثناء اللعب، وليس بالضرورة العقوبة الانضباطية بعد المباراة.
✍️أين مشكلة الحجة السنغالية؟
لأن لوائح الكاف الخاصة بالكان تذهب أبعد من قانون IFAB. فالمادة 82 من لوائح الكان، بحسب النص الرسمي المنشور من الكاف، تتحدث عن حالة الفريق الذي يرفض اللعب أو يغادر الميدان قبل النهاية القانونية للمباراة دون إذن الحكم، وتعتبره خاسرًا. ثم تأتي المادة 84 لتقول إن الفريق الذي يخالف المادتين 82 و83 يُقصى من المنافسة ويخسر المباراة 3-0، مع إمكانية اتخاذ تدابير إضافية. بمعنى آخر: حتى لو أمكن جدلًا القول إن المباراة لم يكن يجب أن تتوقف لحظتها بموجب Law 3، فهذا لا يمحو تلقائيًا احتمال قيام مخالفة انضباطية مستقلة بموجب لوائح الكاف.
✍️هل “التواجد الجزئي” يشفع للسنغال؟
صعب جدًا. لأن النص الذي استندت إليه الكاف لا يقول: “يجب أن يغادر جميع اللاعبين بالكامل حتى تقوم المخالفة”. بل العبرة القانونية الأقرب هنا هي: هل كان هناك رفض للعب أو مغادرة للميدان قبل نهاية المباراة دون إذن الحكم من طرف الفريق، بوصفه فريقًا؟ إذا أثبتت الكاف او الطاس أن القرار كان جماعيًا وأن المباراة تعطلت لأن الفريق السنغالي انسحب احتجاجًا، فوجود بعض اللاعبين على الخط أو في المنطقة الفنية أو حتى بقاء لاعب أو اثنين داخل المستطيل الأخضر قد لا يغيّر التكييف القانوني كثيرًا. لأن القضية ليست فقط “كم لاعب بقي”، بل: هل الفريق واصل اللعب فعليًا أم علّق اللعب/انسحب احتجاجًا؟ وهذا فرق مهم جدًا بين قانون اللعبة وقانون الانضباط والمسابقات.
|
|
|
|
الفيفا يتجه لفرض مسابقة السوبر على الاتحادات القارية؛ بعدما تم اعتمادها في أوروبا منذ سنة 2020. و إعلان افريقيا أيضا عن اعتمادها ابتداءا من سنة 2029. سيتم تعميمها على باقي الاتحادات القارية. وهناك حديث على دمج القارتين الأمريكيتين؛ و أيضا دمج قارة أوقيانوسيا مع آسيا.
و الهدف إقامة مسابقة جديدة يتأهل لها كل الفائزين بالسوبر داخل القارات.
***********
هاد الفيفا غاديين و كيخورو
|
|
|
|
لماذا تحوّل جمع عام الرجاء إلى لقاء تواصلي؟
كان من المنتظر أن يعقد نادي الرجاء الرياضي جمعه العام التكميلي لعرض والمصادقة على تقارير الجمعية الرياضية الخاصة بفترة رئاسة عادل هالا وعبد الله بيرواين، قبل أن يتم تأجيله وعقد لقاء تواصلي يسبق الموعد.
اللبس الحاصل يتعلق ببعض الأرقام المالية المرتبطة بقيمة اللاعبين (Valorisation des joueurs)، والتي تندرج ضمن تقييم الرأسمال الذي تم على أساسه دخول جمعية Ports4Impact في رأسمال شركة الرجاء الرياضي، ابتداءً من غشت 2025.
إدارة جواد الزيات، ومن خلال دراسة دقيقة، قامت بتحيين التقييم المالي لبعض اللاعبين. فعلى سبيل المثال، فإن قيمة الحارس مهدي الحرار، التي لم تكن تتجاوز 200 مليون سنتيم في “بورصة” اللاعبين عند انضمامه إلى الرجاء في أكتوبر 2024، لم تعد هي نفسها اليوم، إذ تصل إلى سقف 1 مليار سنتيم.
وحدها القيمة التسويقية للاعبين داخل الرجاء تصل حاليا إلى قرابة 13 مليار سنتيم، وهو رقم مالي مهم يجب تحيينه في إطار تقييم الرأسمال الحقيقي للنادي.
وفي إطار ما يُعرف بـ«البهلوانيات المالية» (La gymnastique financière)، وهي عبارة متداولة لدى خبراء المال والاقتصاد، سعت إدارة الرجاء إلى تحيين التقييم المالي للاعبين ضمن التقارير المالية التي سبقت مرحلة التحول إلى شركة، وهو ما قد يُعفي النادي من أداء ضريبي يُقدّر بمليار سنتيم (1M Dhs) إذا تمت العملية قبل غشت2025.
موضوع اللقاء التواصلي، الذي سيحضره الرؤساء السابقون، هو تقريب وجهات النظر وتوضيح هذا اللبس في قراءة التقارير المعروضة على الجمع العام للجمعية.
|
|
|
|
| إقتباس لمشاركة: | Youssef Lucci | 14:48 - 2026/03/26 | | إقتباس لمشاركة: | Rajaoui wanted | 17:10 - 2026/03/26 | القانون كيبقى قانون و لا إجتهاد مع النص حتى لو كان توافق بين جميع الأطراف أي إحتجاج من طرف كترجع للقانون المنظم
~~~~~~
و هنا أساس المشكل سمير ، لا يوجد نص قانوني واضح حول مفهوم الانسحاب هل دقيقة او عشرين دقيقة ، وهل الانسحاب ثم العودة و استكمال اللقاء يعد انسحاب
المسألة فالنهاية غادي تبقى مجرد تأويل و اجتهاد |
|
|
|
المادة 82 من قانون الكاف كتقول بالحرف ممنوع مغادرة اللاعبين للملعب دون اذن الحكم ( المادة لم تحدد واش لاعب أو جوج أو كلهم ) هنا كنرجعو لقانون الفيفا اللي كيقول أقل من 7 اللاعبين ماكاينينش فالملعب اذن المبارة ماتلعبش
المادة 84 كتقول اللي خالف المادة 82 كيتعتابر منساحب و منهزم ب 3-0
تقرير الحكم كيقول فيه مغادرة جميع لاعبي منتخب السنغال للمبارة بما فيهم ساديو ماني اللي هبط يعيط على صحابو
و لكن الاشكال أن الحكم مادارش الخدمة ديالو هههه كان خاصو يصفر الماتش هو قاليهم فالتقرير صفرت نهاية المبارة و لكن مسؤول التحكيم قاليه تسنى ماتصفرش نهاية المقابلة من بعدها رجعو لاعبي السنغال للماتش هنا عاوتاني غانطيحو فاشكال آخر أن الحكم هو اللي خالف القوانين و المصير ديالو كان التوقيف مابين 6 أشهر و سنة مع امكانية سحب الشارة الدولية حسب قوانين الفيفا و فهاد الحالة المنتخب السنغالي را رجع و كمل الماتش و حتى المنتخب المغربي رجعو كملو الماتش هاد النقطة كل واحد و كيفاش غادي يشوفها
|
|
|
|
أرسل كل من عبد الله بيرواين و عادل هالا مفوض قضائي لنادي الرجاء الرياضي لاستفسار المكتب الحالي حول التغيير الذي قام به في التقرير المالي الذي تم إعداده في فترتهما. و عرف التقرير المالي تضخيما لمقتنيات تمت في عهدهما بما فيهم منح اللاعبين.
رسالة الرئيسين السابقين للمكتب الحالي واضحة تصحيح الأرقام و إعادة التقرير المعد كما كان أو رفع دعوة قضائية ضد المكتب الحالي.
|
|
|
|
محامي الإتحاد السنغالي :
بالإضافة للطعن المقدم ضد الكاف قمنا بتقديم شكوى فساد ضد 5 أشخاص داخل الكاف، نحن لا نتهم المملكة المغربية. لدينا أدلة تثبت تورطهم في الفساد لصالح المملكة المغربية.
|
|
|
|
نهائي الملحق الأوروبي المؤهل إلى كأس العالم 2026 ????
• البوسنة ???????? × إيطاليا ????????
• السويد ???????? × بولندا ????????
• كوسوفو ???????? × تركيا ????????
• التشيك ???????? × الدنمارك ????????
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
