| يعرض حالياً جميع ردود للعضو admin - لمشاهدة الموضوع بالكامل إضغط هنا |
|
|
| 00:04 - 01/07 |
 |
 |
| | |
|
|
|
|
الجمعة كنظن بنسبة جد جد جد كبيرة المنتخب غادي يكون خارج الكان من الربع
اللاعبين ماعندهش شخصية البطل كيلعبو خايفين
و زيد عليها عندك مدرب مرافق (accompagnateur) يعني غير صاحب اللعابة ماكيديرش شي قراءة للعب و للماتش كيحفز اللاعبين و صافي
|
|
|
|
توقعاتي
الجمعة
المغرب - الكامرون تأهل الكامرون
السنغال - مالي تأهل السنغال بصعوبة و ممكن مالي دير المفاجئة
السبت
نيجيريا - الجزائر تأهل الجزائر
مصر - الكوتديفوار تأهل الكوتديفوار
نصف النهائي
الكامرون - الجزائر
الكوتديفوار - السنغال
النهائي
الجزائر - الكوتديفوار
هذا هو السيناريو الأقرب للواقع و للمنطق حسب ماشفنا لحدود الساعة فالدورة
|
|
|
|
| إقتباس لمشاركة: | منير رجاوي 2 | 01:03 - 2026/01/07 | القجع خصو يهبط غاع المدربين المغاربة
يدرو اجتماع مع رمراكي ويديرو تخليل مزيان للماميرون
ويوجدو الخطة المناسبة لاستغلال نقاط الضعف ديالهم
اما اذا عولنا على راس لافوكا
غادي يخرجنا فحيط
مايمكنش جميع المدربين عندهم طاقم تقني كيتشاورو معاه
الا حنا راس لافوكا كيبقى كيتفرج بحالنا بدون اي قراءة للمقابلة ولا لخطة الخصم |
|
المكشل ماشي فالتحليل المشكل الأول فاللاعبين المنادى عليهم خصوصا فالشق الدفاعي محور الدفاع كامل شفاف
المشكل الثاني فقراءة الخصم راس لافوكا وسط الماتش ماكيعرفش شنو يدير ماكيقراش الماتش بصفة عامة و مني كيتلاقى مع مدربين من الدرجة الثانية كيقراوه و كيقريوه كرة غاموندي اللي كنا كنضحكو عليه و واحد الوقت مابغيناهش يجي للرجا عطى درس طكتيكي لراس لافوكا و كون كانت عندو جودة أحسن فاللاعبين كون زمطو نفس الشيء مع مدرب مالي
|
|
|
|
| إقتباس لمشاركة: | عادل | 03:13 - 2026/01/07 | الرفاق الحذاق أ السي سلمان غيطرطقو ههههه
رانا ماشي غير مفقوصين رانا غنتفرغعو
3 سنوات و هو خدام و مادار والو
3 سنوات و هو كيتفشش علينا و مادار والو
3 سنوات و هو يتنفخ علينا و مادار والو
3 سنوات و هو يهز علينا فقنانفو و مادار والو
الناس جات موراه و دارت خدمة نقية و طورات من مستوی المنتخبات اللي شادة
الله يصبرنا و خلاص
قودها قودها قودها تقويدة ديال الكلاب تفو |
|
راس لافوكا لا يصلح للمنتخب و لا يصلح للتدريب من الاستعدادات كلشي كان باين فاش كتجيب البحرين و الموزمبيق و أوغندا و كتربحهم بزز ب 1-0 و بداك العك الكروي و من قبل لعبتي التصفيات ديال المونديال كلها مابين أكادير و وجدة ذهاب اياب مع الكونغو برازافيل و لوسوطو و النيجر و كتربح بزز ب 1-0 عامين و هو مخبي وراء هاد الماتشات ضد المنتخبات المجهرية و كان كيحصل معهم آخر اختبار قوي و حقيقي كان ضد جنوب افريقيا فالكان الماضي و خسر ب 2-0 اليوم فالكان 4 الماتشات لعب ضد منتخبات ضعيفة و وحل معهم لا جزر القمر لا تنزانيا لا مالي يمكن من غير ماتش زامبيا اللي المنتخب بان بوجه لا بأس به بقية الماتشات ربحهم بمجهود فردي ديال دياز دبا أول محك حقيقي ضد الكامرون غادي يهزو عاوتاني و غير الله يحفظ من شي نتيجة تاريخية ضدهم
|
|
|
|
يوم أمس في الملعب في مبارة نيجيريا و الموزمبيق, بالغ لوكمان في اللعب الفردي كثير, و جاءه عتاب من أوسيمين, و بعد نهاية المبارة في غرفة تبديل الملابس, واصل أوسيمين عتابه للوكمان:
- لست تلعب وحدك في هذا المنتخب, نحن في لعبة جماعية
- لوكمان مابك فزنا 4 0 و سجلت هدفين
- أوسيمين ليست المبارة الاولى حتى مبارة تونس كنا متقدمين 3 0 و أضعت علينا العديد من الأهداف حتى عادو 3 2
و استمر الحوار بسب اللاعبين لبعض, و تطور الأمر لاشتباك بالأيدي, حتى تدخل مدرب منتخب نيجيريا و الذي عاتب أوسيمين بأنه ليس من شأنه التدخل في هذه الأمور, و أن المدرب هو الوحيد الذي لديه سلطة ليعاتب اللاعبين. أوسمين غضب و أخبر مسؤولي الاتحاد النيجيري بالأمر, و أخبرهم بأنه لن يواصل الكان. أوسيمين فعلا حجز رحلة لتركيا و كان من المقرر أن يغادر اليوم صوب اسطمبول, و لكن تدخل أعضاء الاتحاد النيجيري و أثنوه على الرحيل.
|
|
|
|
المدرب ديال الدزاير مقود بزااااف
اليوم بنسبعيني كان فالشوط الأول خسر تقريبا جميع الكرات الهوائية وحدة فيهم كانت خطيرة و كانت غاتماركا ناض رجعو ظهير ودخل بلعيد والنتيجة ظهرت بوضوح من بعد الكونغو مابقاوش قادرين يدوزو عبرالكرات الطويلة
النقطة الثانية شاف راسو هجوميا ماقدرش يضرب الخطوط بواسطة عمورة ناض دخل بونجاح كمهاجم ثاني و ميلو شوية للجنب لعب مابين الجناح و المهاجم و كيفما دخل بانت اللمسة ضاعو 3 الأهداف محققة
الركراكي عيت مانحاول نفهم شنو دار فماتش طنزانيا والووو التغييرات غير مفهومة تماما شي حوايج كانو باينين لينا حنا اللي ماعندنا علاقة بالتدريب و هو دار العكس ديالهم
أصلا التشكيلة علاش غادي بسايس و هو عندو 37 عام و عاد راجع من اصابة و فضى مع كرة شحال هاااادي
علاش معيط على ماسينا اللي مالعب حتى ماتش مع فرقتو هاد العام
علاش معيط على الياميق اللي ماشي أساسي مع فرقتو فالقسم الثاني ديال السعودية
علاش معيط على أيت بودلال حيتاش دار جوج ماتشات مزيانين مع رين ( رين كيلعبو ب 5 فالدفاع )
علاش ماعيطش على الزابيري و معما و باعوف ؟ علاش ماعيطش على بوفتيني و سعدان ؟ علاش ماعيطش على بوفال ؟
|
|
|
|
| إقتباس لمشاركة: | عادل | 04:16 - 2026/01/07 | دبا اللي عطی الله عطااااااااااه و طاحت يدينا فالتراب هاد المرة مع هاد راس الحمار
و بما أنه كان 28 عاوتاني غتكون فالمغرب
ف اللي خصو يدار من بعد هاد الكان هو تجيب مدرب للفوز باللقب الإفريقي
مدرب تكتيكي أكثر منه تقني أو ناخب
داكشي ديال كيروش كوبر و هاد بيتكوفيتش
مدرب اللي يوقف الفرقة علی الصح المتين
مدرب اللي يقرا تكتيكيا المباريات بالزربة ماشي حتی يفوت الفوت
مدرب اللي يجمع الجميع علی كلمة وحدة اللي هي روح الجماعة و الفريق
مدرب اللي يجيب شباب و يخلط ما بين هادوك اللي ربحو المونديال و قلة قليلة من اللي ربحو الشان و كأس العرب بالإضافة للنجوم ديال دبا بحال حكيمي بونو براهيم و الكعبي |
|
بالنسبة ليا ا عادل يلا ماجابوش هادي وخا ينظمو ديال 2028 و وخا يديوها ماغاتكونش ديك الحلاوة ديال الفوز بها
|
|
|
|
فيديو يوم أمس لبونجاح داخل الملعب بعد المبارة يقول للجمهور الجزائري راح نيكوهوم هنا وسط بلادهم و نديوها ليهم
|
|
|
|
يلا داوها الدزاير كنظن أكثر واحد غادي يقودها هو راس لافوكا
|
|
|
|
| إقتباس لمشاركة: | عبدالله الرجاوي | 22:37 - 2026/01/07 | | إقتباس لمشاركة: | admin | 13:49 - 2026/01/07 | | فيديو يوم أمس لبونجاح داخل الملعب بعد المبارة يقول للجمهور الجزائري راح نيكوهوم هنا وسط بلادهم و نديوها ليهم |
|
يلا كان بصح خاصو يترفع للجنة الاخلاقيات باش يتوقف او تدخل السلطة قاع وتجري عليه من البلاد |
|
https://web.facebook.com/reel/25527655186918896
الفيديو بصح و كاين
|
|
|
|
كيمهد للاقصاء
زعما هانيا يلا تقصينا حنا را من بعد 4 أشهر غنلعبو المونديال و الكامرون يلا تقصاو من بعد عامين عاد يلعبو الكان
| إقتباس لمشاركة: | sofraj | 15:48 - 2026/01/08 | |
|
|
|
|
امرابط موعت و ماغاديش يكمل الكان و هادشي مزيان
كتبقى أفضل تشكيلة
بونو
مزراوي أكرد الياميق ماسينا حكيمي
العيناوي تيرغالين
دياز
الكعبي رحيمي
3 5 2 فاش تكون عندك الكرة كتحول ل 5 3 2 للدفاع
هادشي اللي خاص يدير بما أنه مدرب لا يجيد قراءة المباريات
|
|
|
|
| إقتباس لمشاركة: | عبد المالك | 17:32 - 2026/01/08 | | إقتباس لمشاركة: | admin | 17:20 - 2026/01/08 | امرابط موعت و ماغاديش يكمل الكان و هادشي مزيان
كتبقى أفضل تشكيلة
بونو
مزراوي أكرد الياميق ماسينا حكيمي
العيناوي تيرغالين
دياز
الكعبي رحيمي
3 5 2 فاش تكون عندك الكرة كتحول ل 5 3 2 للدفاع
هادشي اللي خاص يدير بما أنه مدرب لا يجيد قراءة المباريات |
|
غير نسا السيد ماغاديش يبدل اللعابة و ماغاديش يبدل طريقة اللعب رحيمي من نهار ضيع البيلانتي حطو سطل بلا تقرقيب و غالبا ماغاديش يبقى يعتمد ليه لنهاية الكان تيرغالين كذلك حكيمي مواجدش و لكن معندوش الجرأة باش يبركوا فالاحتياط غادي يظلم عوتاني داك الظهير الأيسر و غادي يدخل مزراوي و حكيمي كأظهرة |
|
رحيمي كان ينفعو فشحال من ماتش و كان مصر يدخل النصيري اللي ماكيدير والو مثلا غير ماتش تنزانيا رحيمي كان ممكن يجيب ليك بيلانتي فداك الماتش و يبرزط الدفاع و لكن بسبب أنه ضيع بيلانتي حطو فالتوش حكيمي مازال ماوجدش و كيلعب واقف و حتى فماتش تنزانيا فاش كيطلع ماكيرجعش و مازال مصر يدخلو و غدا ممكن جدا يدخل بسايس را لمح ليها فالندوة قبيلا
|
|
|
|
فرق كبييير مابين ربع نهائي النسخة الماضية و هاد النسخة
|
|
|
|
لحدود الساعة الأهلي المصري لم يوقع العقد مع الرجاء الرياضي و يوسف بلعماري, الذي يعتبر خيار ثاني بعد البرازيلي فرطاو لينيو. الفريق المصري يماطل خصوصا بعد تجدد مفاوضاته مع الظهير البرازيلي.
|
|
|
|
السلام عليكم
مبروك تأهل المنتخب لنصف النهائي
و لكن را نصف النهائي غادي يكون صعيب سواء ضد نيجيريا أو الجزائر و خصوصا ضد الجزائر
|
|
|
|
المشكل فمواجهة الجزائر هو نقدرو نربحوهم و لكن السلطات العليا غادي يديرو ضغط رهيب على اللاعبين باش يربحو الماتش كيفما وقع فكأس العرب را كان قالها عموتة ديك الساعة ف 2021 كانت بداية المناوشات مابين المغرب و الدزاير و فاش تلاقاو فكأس العرب لقجع جا عندهم و قاليهم هاد الماتش خاص تربحوه لاعتبارات سياسية و دار ضغط على اللاعبين لدرجة كانو شي لاعبين جاو عند عموتة طلبو منو يعفيهم من الماتش
|
|
|
|
و من واحد الناحية ماكرهتش نتلاقاو مع الدزاير و نعطيوهم طريحة
|
|
|
|
اش خلاها واحد خاينة قاليك الفوز على نيجيريا غادي يكون رائع و لكن الفوز على الجزائر غادي يكون تاريخي و أسطوري
|
|
|
|
بالعودة للماتش اليوم الشوط الأول كان مثالي و أحسن شوط دارو المنتخب من ماتش البرازيل فرمضان 2023
خنقو الكامرون لدرجة أن الكامرون دارو 0 تسديدة على بونو و 0 ركنية ماشافوش بوطو ديال المغرب
الشوط الثاني كانو أخطاء طكتيكية و تغييرات كارثية و الحمد لله جا البيت الثاني اللي نقص الضغط على اللاعبين
الدفاع وخا استقبل هدف واحد طيلة الكان من ضربة جزاء و لكن را قنبلة موقوتة لا أكرد لا ماسينا فأي لحظة ممكن يعطيو للخصم ضربة جزاء أو هدية
أمرابط دخل ولينا ناقصين واحد و عاق بيها راس لافوكا و زاد معه تيرغالين و وخا هكاك كان غادي يعورها فاللخر و يتسبب بهدف بونو غير ظريف و عصبو فديك اللقطة
رحيمي هربات عليه ديال بصح لدرجة مابقاش قادر يدردك جاتو واحد الكرة مع الدخلة من الكواري اللي كيعجبوه و لكن بان ثقييييل فيها و بان أنه فقد الكثير من المستوى ديالو
النصيري بدون تعليق
أما واحد العيناوي تبارك الله اليوم دار أحسن أداء ليه كتلقاه فكل بلاصة و استطع يفتك مجموعة من الكرات فالمنطقة ديال الكامرون لاعب رائع تبارك الله
دياز كيبقى رجل الكان لحدود اللحظة أداء رائع تبارك الله
حكيمي لاعب فقط ب50% كيبان ليك تأثير الاصابة عليه
مزراوي تبارك الله أداء رائع و أداء طكتيكي ممتاز ماجاتش البايرن و مانشيستر و سيناو معاه غير هكاك
|
|
|
|
حاجة أخرى اليوم الجمهور مبدل ماشي نفس الجمهور اللي كان فالماتشات اللي فاتو
|
|
|
|
السلام عليكم
الدزاير اليوم بانو على حقيقتهم و فأول محك حقيقي كلاو قتلة لدرجة أن نبجيريا دارو علبهم 22 تسديدة مقابل 5 للدزاير
|
|
|
|
اللي داز من ماتش المنتخب و نيجيريا هو اللي غادي يديها
|
|
|
|
كيفما قال يوسف نيجيريا قوية هجوميا و عندهم لاعب ممتاز فالوسط ايوبي يلا ضغطو عليه ووقفوه لاعبي الوسط غادي تكون مهمة الدفاع أسهل. الخوف من لاكس فقط
أما دفاعيا نيجيريا منتخب عادي جدا و ممكن تماركي عليه
البارح راس لافوكا فرطها فالشوط الثاني
|
|
|
|
يبدو أن ميركاتو الرجاء انتهى, حسب الأخبار القادمة من أسوار النادي, فالمكتب المديري بقيادة جواد الزيات يرى أن الانتدابات التي قام بها النادي كافية, وهي المهاجم النيجيري ماتياس, الدولي المغربي السابق برقوق, و الدولي الأردني شرارة.
الفريق فشل في التعاقد مع ظهير أيسر يعوض يوسف بلعماري, بسبب سقف الأجور الذي وضعه جواد الزيات, المفاوضات كانت مع الدولي الفلسطيني وجدي النبهان, و لاعب الكوديم شمس الدين قنديل, و اللاعب الجزائري شميشة. و كلها فشلت لنفس السبب.
و دائما لنفس السبب فشل النادي في التعاقد مع متوسط ميدان الكونغو الديموقراطية و نادي أسيطوس اليوناني سامويل موتوماسي.
|
|
|
|
| إقتباس لمشاركة: | Rajaoui wanted | 12:37 - 2026/01/12 | | مامعنى هذا واش ترشيد نفقات ولا تزقريم ولا شنو .. |
|
فالأصل بعتي 60% من النادي باش مايكونش هاد المشكل المادي و فبداية الموسم خارج كيقول غادي نافسو الأهلي و الزمالك و غادي نطلعو ميزانية النادي و فاللخر باع ليهم بلعمري ب 2 دريال باش ناوي تنافسهم ؟ بالتسقريم ؟
|
|
|
|
| إقتباس لمشاركة: | Rajaoui wanted | 15:09 - 2026/01/12 | | اخي يوسف بخصوص الأسماء في لائحة المغادرين واش تفكو منهم ولا لصقة وفين هي هاد الحكامة ديالهم |
|
موزيس كانو ناويين يغمقو عليه و هو موقع 3 سنوات بشرط جزائي ديال 800 مليون سنتيم قالو ليه نعطيوك المنحة ديال موسم و نصف و الله يعاون هي 180 مليون مابغاش قاليهم بغيت 800 مليون كاملة بقاو كيقلبو ليه على فرقة مالقاوش ليه ( و لو أن اللي موقع ليه هو بيرواين يعني هو اللي لصق فيهم هذا كان ممكن تلقى شي طريقة باش تسوقو )
أبريغو رفض يمشي قاليهم باغي الفرصة ديالو تاهوأبريغو ماعندوش شرط جزائي و بقات ليه فقط 6 أشهر من العقد و ماقدروش يصدروه
أما الانتدابات دارو جلسة مع فادلو شحال هادي قاليهم بغيت 10 و 9 متحرك و جناح أيمن و كاسور قالو ليه صافي وخا اش دارو من بعد ناض البلغيتي قاليهم اللي تعرف حسن من اللي ماتعرفش نرجعو بوزوق و الزرهوني و زريدة را كانو فالفرقة و كيعرفهم فادلو مزيان ماقدروش يرجعوهم بقاو جالسين حتى مشى بلعمري قاليهم فادلو خاصني 3 ناضو كيتفاوضو مع عطية الله طلب ليهم فالأول 650 مليون سنتيم قالو ليه بغيتي 350 عقد ديال عامين قاليهم لا مشاو وصاو السلامي كان داير معسكر مع الأردن فالسعودية قالو ليه شوف لينا شي لعابة تما نجيبوهم هو اللي اقترح عليهم نبهان و شرارة و واحد الكاسور غاني كيلعب فالبطولة ديالهم فادلو اقترح عليهم مهاجم جنوب افريقي كيلعب فأورلاندو و اقترح عليهم كاسور افواري كيلعب فسيمبا ماقدروش يجيبوهم واحد السمسار اقترح عليهم المهاجم البوروندي و 3 ديال شبيبة الساورة المهاجم البوروندي جا دوز المعسكر مع الفريق و لعب جوج ماتشات ماقنعوش فادلو 3 ديال الدزاير مابغاش يجي يدير التيست
من بعد ناضو دازو لقنديل ديال مكناس حيتاش غادي تسالي ليه الكونطرا مع الكوديم نهاية الموسم بغاو يزيروهم الساعة مكناس جددو ليه العقد و قالو ليهم دبا نتفاوضو
برقوق هو اللي اقترح راسو عليهم و الوكيل ديالو هو اللي اقترح عليهم فالأول مهاجم نيجيري آخر و لمتطلباته المادية قالو ليه شوف لينا مهاجم آخر و جاب ليهم ماتياس دبا رجعو لعطية الله عطاوه 450 مليون سنتيم و عقد ديال 3 المواسم و كيتسناو الرد ديالو
|
|
|
|
الوز تفاهمو مع بوفال بمنحة سنوية ديال 900 مليون سنتيم غادي يوقع لموسم و نصف
الوز بلا شركة بلا والو قدرو يجيبو زياش بوفال امرابط بنيدر و لاعب الشبان بيار و لو أن النجوم ماكتعنيش غادي تكون عندك فرقة و لكن على الأقل كتشوف فاش بغاو يجيبو شي لعاب را جابوه
الرجا كل ميركاتو كيتعاود نفس السيناريو سواء كان حسبان أو البدراوي أو الزيات أو مارسا ماروك شتي الوليد بن طلال يشري الرجا غادي نلقاو نفس المشاكل
|
|
|
|
| إقتباس لمشاركة: | عبد المالك | 18:24 - 2026/01/12 | موزيس موقع عقد لموسيمن وماشي 3 120 مليون للموسم الواحد كياخدها 10 للشهر أبريغو غادي يصرفوه لفرقة فبلادو ايلا بقا راه هو اللي ضايع غادي يزيد 6 أشهر أخرى بدون ممارسة شمس الدين قنيديل موقع عقد ديال 3 سنوات مع الكوديم و لكن قيمة فسخ العقد لا تتعدى 80 مليون سنتيم الادارة ديالهم باغيين يطلقوه و لكن الجمهور مابغاش حيت هو أحسن واحد عندهم و غير بدية العام سيفطوا المهراوي ما تبقا غا العشوائية و التسمسير فرقة عمرها تقلع مع هاد الشفارة و النصابة
| إقتباس لمشاركة: | admin | 18:05 - 2026/01/12 | | إقتباس لمشاركة: | Rajaoui wanted | 15:09 - 2026/01/12 | | اخي يوسف بخصوص الأسماء في لائحة المغادرين واش تفكو منهم ولا لصقة وفين هي هاد الحكامة ديالهم |
|
موزيس كانو ناويين يغمقو عليه و هو موقع 3 سنوات بشرط جزائي ديال 800 مليون سنتيم أبريغو رفض يمشي قاليهم باغي الفرصة ديالو تاهومن بعد ناضو دازو لقنديل ديال مكناس حيتاش غادي تسالي ليه الكونطرا مع الكوديم نهاية الموسم بغاو يزيروهم الساعة مكناس جددو ليه العقد و قالو ليهم دبا نتفاوضو
برقوق هو اللي اقترح راسو عليهم و الوكيل ديالو هو اللي اقترح عليهم فالأول مهاجم نيجيري آخر و لمتطلباته المادية قالو ليه شوف لينا مهاجم آخر و جاب ليهم ماتياس دبا رجعو لعطية الله عطاوه 450 مليون سنتيم و عقد ديال 3 المواسم و كيتسناو الرد ديالو
|
|
|
|
مشكلة هاد الفرقة ا عبد المالك السماسرية و الشفارة من كل جهة يمكن من غير بودريقة جميع اللي دازو كلهم نفس السياسة جي كول و غمس و سير المشكل كون غير كانو كيغمسو و الفرقة غادية مزيان تقول يضبرو راسهم المهم عندنا فرقة هوما والو اللي جا خاص يغمس و يبيع يلا لقى مايبيع و ينصب و يرونها و يزيد
الزيات فاش بدا بالشعبوية فالأول و بدا كيقول غادي نافسو على العصبة و غادي نديرو فرقة ديال الألقاب و الله العظيم حسيت بنفس الاحساس ديال يامات البدراوي قلت ربما مع الشركة تقدر تبدل الأمور مني شفت الميركاتو الصيفي ديك الساعة صافي سنيت عليها نهاية الموسم الزيات ماغاديش يكمل
|
|
|
|
المربع الذهبي لهذه النسخة يشبه لحد كبير ل نسخ 76 و 80 و 2006
- المربع الذهبي لسنة 1976 ( الدور النهائي ): ضم المغرب ومصر ونيجيريا، وكان المنتخب الرابع هو غينيا, لعب على شكل دوري و توج المغرب باللقب و حل غينيا ثانيا و نيجيريا ثالثة
- المربع الذهبي لسنة 1980: ضم المغرب ونيجيريا ومصر، وكان المنتخب الرابع هو الجزائر. فالنصف الأول فاز نيجيريا 1-0 على المغرب و فاز الجزائر على مصر بضربات الترجيح 4-2 بعد نهاية المبارة بالتعادل 2-2 و في الترتيب فاز المغرب على مصر 2-0 و النهائي عرف تتويج نيجيريا بعد فوزها على الجزائر 3-0
- المربع الذهبي لسنة 2006: ضم مصر والسنغال ونيجيريا، وكان المنتخب الرابع هو الساحل العاج. النصف الأول كان بين مصر و السنغال و عرف فوز صعب لمصر 2-1, النصف الثاني فاز فيه ساحل العاج على نيجيريا 1-0, مبارة الترتيب فازت بها نيجيريا على السنغال 1-0, و التتويج كان مصريا بضربات الجزاء ضد ساحل العاج 3-1 بعد نهاية المبارة 0-0
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
