|
|
اللاعب الدانماركي من أصول مغربية يونس باكيز قريب جدا من تعزيز خط وسط الميدان الهجومي لفريق الرجاء الرياضي. اللاعب سيتم قيده كأجنبي لأنه لا يملك الجنسية المغربية.
|
|
|
|
مفاوضات بين الرجاء الرياضي و اتحاد تواركة من أجل اللاعب حسام الصادق عميد منتخب الشباب المتوج بكأس العالم؛ و بطل الشان رفقة المحليين. ما يعرقل الصفقة هو دخول نادي الفتح السعودي الذي قدم عرضا هو الآخر لنادي اتحاد تواركة لاستعارة اللاعب موسم واحد مقابل 400 ألف دولار. الرجاء لحدود الساعة قدم عرض لشراء عقد اللاعب مقابل 600 مليون سنتيم.
اللاعب بعدما فشل في الاحتراف في أوروبا لا يرغب في اللعب بالخليج؛ ولا يريد الاستمرار رفقة النادي التوركي. و رغبته هي حمل قميص نادي الرجاء الرياضي. في انتظار ما ستسفر عنه الأيام القادمة.
|
|
|
|
وفاة الحاج يوعري والد سفيان و الحسين رحيمي بأحد مصحات الدار البيضاء، إنا لله و إن إليه راجعون. نسأل له الرحمة و المغفرة.
|
|
|
|
بسبب أزمته المادية و ديونه الثقيلة، و التي ظلت تتراكم لسنوات طويلة. قرر الاتحاد الفرنسي لكرة القدم تنزيل عقوبات جديدة في حق نادي بوردو. و ذلك بإنزاله للدوري الجهوي الأول أي مايعادل دوري الدرجة السادسة، مع منحه مهلة ستة أشهر لأداء جزء من ديونه أو يتم حل النادي بصفة نهائية مع إحالته للتصفية القضائية.
|
|
|
|
بوردو غير ف 2010 كانو وصلو رلع نهائي العصبة و كانو قراب يلعبو النصف. و فازو بالدوري الفرنسي ف 2009 و كأس فرنسا 2011
و كان عندهم عدد كبير من النجوم الشماخ كوركيف كان عندهم واحد المهاجم بلغاري مشات ليا سميتو هو واحد الوسط ديال السويد.
فريق بهاد العراقة مع العلم أن بوردو من أكبر المدن ديال فرنسا و ماعقلوش عليهم و ممكن جدا مايبقاش نادي سميتو بوردو
|
|
|
|
أوروبا ماعندهم مع الحزارة لي ماواجدش ينزل ..
|
|
|
|
هنا فريق طاح بغاو 20 فريق في القسم الأول هههه من غير البريمير ليغ و الكالشيو و الليغا لي عندهم 20 فريق باقي البطولات الأوروبية 18 الفريق وهنا من 16 ل20
|
|
|
|
الواعرة في قصة بوردو ان مالك النادي لي تسبب في الافلاس ديالو هو ايضا مالك لنادي بوافيشتا البرتغالي ولي حتى هو دار ليه الافلاس وهاد العام تعلن الحل ديالو نهائيا وتمحى من تاريخ اللعبة
المالك ديال هاد الاندية هو جيرار لوبيز ايت منا الكرة الاوروبية ههه
|
|
|
|
شرا بوردو في 2021 و في 5 سنين تسبب في الافلاس ديالو العام لي فات وحتى ملي بدات الديون كتراكم على النادي بقى شاد الزكير ورفض يبيعو تا دار الافلاس عاد باعو العام لي فات لشركة انجليزية
بوافيشتا تاهو شراه في 2020 وهاد العام دار افلاس وتم حل الفريق نهائيا وتباع الملعب ديالو للبنك
|
|
|
|
أوااه بواڤيستا كان ديما ضمن الأربعة في الأندية البرتغالية في ظرف 6 سنوات سيفطو ههه
|
|
|
|
المشكل ماشي فـ جيرار لوبيز و لي بحالو ، المشكل فالنظام لي ف فرنسا و إيطاليا و البرتغال ...
مثلاً فـ إسبانيا ، الصرف و التعاقدات على قد مداخيل النادي ، أما حتى يغرق الفريق فالديون عاد يدخل القانون و يعلن إفلاس الفريق لي غارق فالديون ما عندو حتى معنى
|
|
|
|
بعد أول أسبوع من التداريب؛ و بعد لقاء نهضة بركان؛ اجتمع المدرب الإسباني باكو خيميز رفقة طاقمه و رفقة المدير الرياضي روجيريو ماتياس صباح أمس الجمعة؛ و قد تم خلال هذا الإجتماع وضع لائحة المغادرين. و ضمت اللائحة كل من :
- بلال ولد الشيخ؛ الذي سقط في الإختبار البدني بسبب وزنه الزائد. و أيضا لتكاسله في التداريب.
- عصمان ساخو الذي يراه المدرب أنه ليس من مستوى الرجاء و لن يقدم أكثر من هذا المستوى الذي عليه.
- بوشعيب العراصي المدرب رفقة طاقمه يرى أن اللاعب هو الأخير في لائحة المدافعين؛ إذ أن كل من هويجا؛ بانون؛ المقدم؛ و المشخشخ أحسن جودة منه؛ و الطاقم المرافق للمدرب بعد تحليل أداء اللاعب خلال الموسم الماضي في الدوري الأرميني رفقة ناديه لم يطور من أداءه و مازال لديه عيوب لا تجعل منه لاعب بقيمة الرجاء.
- أمين الخماس بسبب ضعف مستواه دفاعيا و هجوميا اللاعب ليس من قيمة النادي؛ و لا يصلح حتى كبديل. و المدرب لازال مصرا أن قنيديل قد يكون فقط كبديل و الفريق بحاجة لظهير أيسر بمقومات بدنية و تقنية عالية.
- إسماعيل خافي و ماتياس المدرب يرى أن اللاعبين لا يصلحان كبروفايل مهاجم في الرجاء؛ المدرب أخبر إدارة النادي أنه في حاجة لمهاجم صندوق كبروفايل ثاني؛ خصوصا أن سيعتمد على بالطيب كمهاجم محطة. المدرب لم يقتنع أيضا بالوافد الجديد منعم الإدريسي كمهاجم صندوق.
|
|
|
|
الواعرة أن ماتياس سيناو معاه 2 مواسم و نصف ب 150 مليون سنتيم للموسم
و فاش جلسو معه رفض جميع مقترحات المدير الرياضي و قاليهم عطيوني بقية العقد اللي هي 300 مليون سنتيم أو نبقى فالرجا
ساخو كان جلس معه المدير الرياضي شهر دبا و كان عندو عروض من مكناس و الكوكب و الحسنية
اللاعب رفض جميع هاد العروض و قال للمدير الرياضي عطيوني فرصة فالمعسكر يلا مابينتش سيفطوني و هادشي اللي وقع
البارح فاش جلسو معه قاليهم عطيوني رزقي كامل منحة موسمين 320 مليون أو خليوني فالرجا
بالنسبة لبقية اللاعبين لحد الساعة ماعندهمش مشكل فالمغادرة باستثناء خافي اللي طالب بفسخ العقد و يتفاهمو معه على مبلغ مالي اللي ياخذو مقابل الفسخ
خماس مازال المدير الرياضي متردد فالبقاء ديالو و فالغالب غادي يبقى حيتاش صعيب يلقاو ظهير أيسر يكون أساسي حاليا
الفريق حاليا عندو 2 انتدابات غادي يسد بهم الميركاتو رقم 10 اللي هو الدانماركي من أصل مغربي اللي فالغالب غادي يجي اعارة مع بند الشراء
و مهاجم صندوق اللي عاد غادي يبداو يقلبو عليه
|
|
|
|
اسبانيا مابين 2009 2010 2012 ، بعض الفراقي مكانتش قادرة تخلص اللاعبين
و فاش تدخلات الجهات العليا و بغات تلقى حل للفرق كان طلب الفرق هو بيع حقوق البث التلفزيوني بشكل جماعي و توزيعها بطريقة أكثر عدالة
و لكن شرط الدولة كان باش دعم الأندية و الرابطة فـ بيع حقوق البث التلفزيوني بشكل جماعي هو تطبيق قانون صارمة فقانون اللعب المالي النظيف و لكانت سبب رحيل ميسي من البارسا
|
|
|
|
لي باين دابا هو أن الفريق من بداية الموسم و حتى لنهاية مرحلة الذهاب أي قبل ميركاتو الشتاء غادي تكون المرحلة غير مرحلة التجارب و إعادة البناء
|
|
|
|
أكد حكيم بنعبد الله رئيس فريق نهضة بركان بأن قيمة انتقال كامارا للدوري الليبي تقارب 3 مليارات و160 مليون سنتيم
|
|
|
|
| إقتباس لمشاركة: | Rajaoui wanted | 12:40 - 2026/09/05 | | أوااه بواڤيستا كان ديما ضمن الأربعة في الأندية البرتغالية في ظرف 6 سنوات سيفطو ههه |
|
واييه تصدمت فاش سمعت الخبر بوافيستا من الفرق المعروفة في البرتغال ولكن القانون عندهم مافبهش الحزارةكن كان هاد القانون كيطبق عندنا كن حنا والوز لاعبين الديربي في القسم الشرفي هه
|
|
|
|
مارسيليا تاهي في ازمة غرقهم بنعطية والمدير ديالو بصفقات فاشلة تا ولى عندهم عجز مالي وهاد العام ماقدرو يديرو تا انتداب وباعو مجموعة من اللاعبين ومان خاصهم يبيعو اكثر ولكن مالقاوش عروض لبعض اللاعبين بحال اكرد
كانو معولين ينافسو باريس صدقو دابا واحلين غا مع الفريق الثاني لمدينة باريس لي طلع غا العام لي فات وجا دابا ضربهم في تيرانهم
|
|
|
|
أغلب اندية اوروبا فـ أزمة بسبب أندية الدوري الانجليزي لي تما طالقين اللعب للمستثمرين حتى لغسيل الأموال
و بسبب القدرة الشرائية ديال أندية الدوري الانجليزي السوق ولا مرتفع على اندية مدخولها جد محدود
مثلاً صاحب المركز الأخير فـ ايطاليا و ألمانيا تيشد 30 مليون من فلوس حقوق البث و لكن فـ الدوري الانجليزي صاحب المركز الأخير تيشد 130 مليون أما ففرنسا صاحب المركز الأخير تيشد 6 مليون ههههه
|
|
|
|
| إقتباس لمشاركة: | Youssef Lucci | 23:43 - 2026/09/06 | أغلب اندية اوروبا فـ أزمة بسبب أندية الدوري الانجليزي لي تما طالقين اللعب للمستثمرين حتى لغسيل الأموال
و بسبب القدرة الشرائية ديال أندية الدوري الانجليزي السوق ولا مرتفع على اندية مدخولها جد محدود
مثلاً صاحب المركز الأخير فـ ايطاليا و ألمانيا تيشد 30 مليون من فلوس حقوق البث و لكن فـ الدوري الانجليزي صاحب المركز الأخير تيشد 130 مليون أما ففرنسا صاحب المركز الأخير تيشد 6 مليون ههههه |
|
بطل الشامبيانشيب كيربح جوائز أكثر من بطل دوري أبطال أوروبا ههههههه
بطل الشامبيانشيب الموسم الماضي ربح 245 مليون أورو مابين مكافئة الفوز بلقب الشامبيانشيب اللي هي 180 مليون أورو و أيضا مكافئة الصعود للبروميير ليغ اللي هي 65 مليون أورو بطل دوري أبطال أوروبا باريس العام اللي فات ربحو 150 مليون أورو حيتاش من موسم 2025 أصبحت الجوائز تراكمية التأهل لدوري أبطال أوروبا كتعطيك 19 مليون أورو التأهل لدور 16 كتربح 11 مليون أورو اضافية التأهل لدور ربع النهائي 12 مليون اضافية التأهل لنصف النهائي كتزادك 15 مليون أورو التأهل للنهائي كتزادك 18,5 مليون أورو الفائز بالنهائي كتزادو 30 مليون أورو مني كتجمع هادشي كامل كيعطيك 150 مليون أورو تقريبا
بطل القسم الثاني فانجلترا مجرد التأهل للقسم الممتاز كيربح 245 مليون أورو ههههه هادشي بلا عوائد النقل التلفزي و المستشهرين
|
|
|
|
النسور يتوصلون لاتفاق مع متوسط الميدان البرتغالي ميغيل روسينهو، قادمًا من ماميلودي صنداونز الجنوب إفريقي.
**********************************
|
|
|
|
جوج برتغاليين مع مطلع الموسم القادم تلقى جميع الأجانب من البرطقيز
|
|
|
|
لاعب عادي ك10 فشل فصنداونز
|
|
|
|
15 شتنبر قريبة و غادا تبان نوايا المكتب و معهم الإلطرات يا يترجلو يا خاص الجمهور العادي ينقلب عليهم
|
|
|
|
قطاع الطرق تلقاهم موجدين بيان تبريدي خاص هير الوقت المناسب باش يحطوه
|
|
|
|
| إقتباس لمشاركة: | sofraj | 12:45 - 2026/09/07 | | لاعب عادي ك10 فشل فصنداونز |
|
المشكل أنه ماشي صانع ألعاب البورفيل ديالو لاعب ربط بوكس تو بوكس بحالو بحال برقوق بحال الشرايبي بحال المكعازي كلهم نفس البروفيل غير هو برقوق كيبقى أفضل بدرجة أولى و من بعد منو البرتغالي كأرقام مع غيماريتش أما مع صانداونز كان عندو مشاكل مع المدرب البرتغالي ميغيل ماكانش كيلعب أما المكعازي بلا مانهضر عليه البارح فالملخص واحد اللقطة قنيديل قطع كرة و حط ليه باص طويل و الله ماقدر يجري يتبعها صدق قنيديل هو اللي كيجري باش يجيبها عاوتاني
|
|
|
|
| إقتباس لمشاركة: | Rajaoui wanted | 14:14 - 2026/09/07 | | قطاع الطرق تلقاهم موجدين بيان تبريدي خاص هير الوقت المناسب باش يحطوه |
|
عبدة البيشان تابعين غير ميمي را قاليك الكورفا تراقب هههههه حاضيين رزقهم عند الزيات البطائق و فلوس الديبلاصمون
|
|
|
|
أخليوها على الله ، هاد المدرب عندنا كيعرف غي الضغط و كيخلي مساحات اللور ، إيلا مجبتيش ليه وسط و هجوم قوي غادي نشبعو انفرادات مع الحرار
|
|
|
|
العلم لله و لكن عوتاني هاد العام مكاين والو الأمور اللي كنشوفوا لا تبشر بالخير قلتها و نعاودها مستحيل تجيب مدير رياضي ما كيعرف حتى حاجة على الدوري المغربي و على القارة الافريقية و تقول ليه دير ما بغيتي يستحيل أنت كتشوف واحد بحال السوسي كان عندك غا عام قبل و أرقامو ضعيفة جدا و تجيب واحد بنفس الارقام اللي هو هاد الادريسي و بغيتيه ينجح و اصل قبل منو وقعتي مع ولد الشيخ بمليار لموسمين و تبين على أنه صفقة فاشلة ساخو بدون اضافة حتى قلنا تفكينا منو جددتوا ليه فشهر 6 و باغيين تفسخوا معاه فشهر 9 و هو طالع ليكم للسما جميع الفرق كيلقاو حلول و كيتفكوا من الكرارس سواء بالفسخ بالتراضي أو البيع و يسمح فشي حاجة لا حنا فالرجاء كلشي كيقول ليك عطيني قيمة العقد ديالي كامل و ماقادرين نبيعوا حتى كروسة مدرب باغي يلعب بسيستيم كيلعبوا بيه غير الفراقي فاسبانيا و بوسط ميدان شفاف 5 اشهر دازت تبني فيها تيران و هادو مقدروش يصوبوا فرقة علما على ان الخصاص كان باين و الفلوس موجودة الامل فرتكوهم كل واحد مشا لفرقة و من هنا لواحد 4 سنين يحطوا فلوس صحيحة باش يشريوهم هاد الشي ايلا كانت شي فلوس بقات 3 المليار ديال العام المقبل و من وراها ترجع للصينية
|
|
|
|
خاصك ظهير ايسر خاصك كاسور ديال بصح ( خلاو الخلوفي ديال تواركة مشا للوز و جابو واحد خاصو بزاااف باش يشد الريثم ) خاصك صانع العاب و البديل ديالو خاصك رأس حربة مزيان و خاصك 2 اجنحة الفرقة مازال خاصها واحد 6 انتدابات على الأقل و لكن هادو غادي يزيدوا شي جوج عاطلين عن اللعب واحد العام اولى 6 اشهر و يقولوا ليك سالينا الميركاتو
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
