|
|
حسب آخر الأخبار و من مصادر موثوقة سيتم استكمال مسابقة كأس العرش خلال شهر أكتوبر القادم. على أن تكون أولى جولات البطولة بدلية نونبر القادم و بمعدل مبارة كل ثلاثة أيام و ذلك لاستكمال مرحلة الذهاب نهاية شهر يناير القادم.
|
|
|
|
هاد السياسيين خرجو على البلاد في جميع المجالات كملوها الكرة حتى هي
|
|
|
|
هادو صافي وقيلا سادو الميركاتو خط الأمام يبقى هو هو
|
|
|
|
اليوم لقاء اعدادي ضد حسنية أكادير بين الوجه الكارثي ديال الفريق
اللقاء ماسالاش فالوقت ديالو بسبب مطايفة ناضت بين برقوق و أحد لاعبي الحسنية فالدقيقة 82 تقريبا
اللاعبين كانو ثقاااال و بطء كبييير فالتمرير و اتخاذ القرار ( للاشارة الشوط الثاني الحسنية لعب بفريق الأمل زائد الانتدبات اللي دارو و كانو هوما الأكثر استحواذا على الكرة)
المبارة ماكانوش فيها فرص فقط استحواذ الحسنية
الفريق دخل بالتشكيل التالي
لحرار
قنيديل مقدم المشخشخ بولكسوت
الغاني مكعازي
الزيداني
الدحماني خافي شرارة
الشوط الثاني عرف تغييرات فالفريق
خماس مكان قنيديل
العراصي مكان المشخشخ
البرتغالي مكان مقدم
برقوق مكان الغاني
الشرايبي مكان الزيداني
ساخو مكان الدحماني اللي غيرو المدرب بعد دخوله ب 35 دقيقة و دخل بلاصتو لفتح
ماتياس مكان خافي
ولد الشيخ مكان شرارة خرج بعد دخوله ب 30 دقيقة و دخل بلاصتو البرازيلي
حسب الحاضرين هناك
الهدف جاء بخطأ فادح من بولسكوت
خط الدفاع لم يختبر
الوسط الغاني كارثة ثقيييل و باينة شحال ماقاس كرة لدرجة أنه وقف مابقاش قادر يجري هادشي لعب فقط شوط واحد
النفاتي مالعبش مازال موعت من داك العام
المكعازي كارثة كيشد كرة كيعطيها للي حداه أو كيرجعها للوراء ماكيقطع كرة ماكيحطها للأمام
برقوق كان ناقص اليوم
الشرايبي مستوى عادي جدا لعب اليوم 10 مادارش شي حاجة من غير باص واحد حطو لخافي وراء ظهر لاعبي الحسنية
الزيداني نااقص لدرجة أنه ماقاصش كرة وخا لعب 10
خط الهجوم اليوم ماكانش و الكرة كانت فقط فوسط الملعب بنسبة كبيرة للحسنية و لكن فاللقطات القليلة اللي حاول فيها الفريق هجوميا
الدحماني مادار والو ماقدرش يقلب ماقدر يدير حتى حاجة
شرارة و ولد الشيخ عندهم وزن زائد و ثقااال
ساخو مشلل
لفتح و البرازيلي مالعبوش بزاف ( البرازيلي دار لقطة وحدة قلب مدافع الحسنية و حط باص لماتياس اللي ضيعها )
خافي و ماتياس ماوصلاتهمش كرة
|
|
|
|
الوز جابو البركاوي
الرجا كانت محتاجة للبركاوي و خاصها بروفيل بحال البركاوي
|
|
|
|
| إقتباس لمشاركة: | Rajaoui wanted | 06:54 - 2026/08/27 | | هادو صافي وقيلا سادو الميركاتو خط الأمام يبقى هو هو |
|
را قالها المدير الرياضي داك النهار فداك الحوار اللي دار مع الرياضية قاليهم نشتغل وفق الامكانيات المرصودة ( الغلاف المالي المهم اللي رصدوه على قبل الانتدابات )
|
|
|
|
غداً تتضح الصورة بخصوص انطلاق البطولة الاحترافية.
تُجرى يوم غد الجمعة قرعة البطولة الاحترافية «إنوي» للموسم الرياضي 2026-2027، على أن تُنقل مراسم القرعة مباشرة عبر قناة الرياضية.
ومن المنتظر أن تكشف القرعة أيضاً عن معطيات أوضح بخصوص تاريخ انطلاق منافسات البطولة، في ظل استمرار التساؤلات حول البرمجة الرسمية للموسم الجديد.
وحسب المعطيات المتداولة، فإن الموسم الرياضي قد ينطلق أولاً بمباريات كأس العرش للموسم الرياضي 2024-2025، حيث سيكون الرجاء الرياضي على موعد مع مواجهة حسنية أكادير.
أما انطلاق البطولة الاحترافية، فقد يكون خلال الأسبوع الأول أو الثاني من شهر أكتوبر، مع توجه لدى العصبة الوطنية لكرة القدم الاحترافية نحو إمكانية برمجة بعض المباريات خلال فترات التوقف الدولي.
وفي هذا السياق، كانت العصبة قد قررت تعديل شرط تأجيل المباريات بسبب استدعاء اللاعبين للمنتخبات، حيث أصبح من الضروري المناداة على أكثر من ثلاثة لاعبين حتى يحق للفريق طلب التأجيل، بعدما كان النظام السابق يسمح بذلك عند استدعاء ثلاثة لاعبين.
وفي المقابل، فإن الأخبار المتداولة بشأن تأجيل انطلاق البطولة الاحترافية إلى شهر نوفمبر لا أساس لها من الصحة حسب المعطيات المتوفرة حالياً.
غداً ستتضح الأمور أكثر، وستصبح ملامح الموسم الرياضي الجديد أكثر وضوحاً.
ددر
|
|
|
|
و الله و ماجبنا واحد 5 مزيانين ما بين الهجوم وسط الميدان و الأجنحة لدرنا شي وزة ، الوز جابو غير الشراف و عندهم إفكتيف أحسن منا لحد الآن
|
|
|
|
سفيان حسب مايروج الفريق غادي يقفل الميركاتو بصفقتين فقط على الأكثر
|
|
|
|
إلى كان هير جوج راه مايخرجش على مهاجم و وسط ميدان هجومي
|
|
|
|
| إقتباس لمشاركة: | Rajaoui wanted | 08:41 - 2026/08/28 | | إلى كان هير جوج راه مايخرجش على مهاجم و وسط ميدان هجومي |
|
المفاوضات حاليا مع وسط ميدان هجومي مازال لاصقين على أمين صوان و فحالة فشل الصفقة غادي يدوزو لحسايني اللي كاين فبلجيكا و كاين بالنسبة للمهاجم المفاوضات توقفات مع فولا الكونغولي ( ممكن يتعاقدو مع مهاجم مغربي كيلعب فالدوري الهولندي فالقسم الثاني كان مع منتخب أقل من 23 سنة يامات بوميل ف 2019 المهم السيد را زرك )
الاشكال اللي عند الزيات الفاشل هو ماقدرش يتخلص من الكرارس و على رأسهم ولد الشيخ - خماس - ساخو - خافي - شرارة شرارة رفض الاعارة نحو الكوكب و قاليهم بغيت نلعب فالرجا ساخو عاد جددو ليهم سنتين قاليهم عطيوني الشرط الجزائي ديالي اللي هو 400 مليون و نفسخو خماس بغاو يفسخو معاه و رفض و قاليهم عطيوني بقية العقد ( ماداروش معاه شرط جزائي )خافي جاه عرض من الرائد السعودي و لكن قالو ليه نوقعو معك ليبر فسخ مع فرقتك الرجا قالو ليه لا حط 250 مليون و نفسخو معك
الاشكال اللي كاين دبا الفريق عندو 6 الأجانب و الفريق غادي يضطر يقيد البرازيلي مع فئة الأمل و ماغاديش يقدر يجيب أجنبي جديد
|
|
|
|
قرعة البطولة الاحترافية للموسم الرياضي 2026-2027
***** برنامج الرجاء الرياضي *****
الدورة 1 : الجيش - الرجاء
الدورة 2 : الرجاء - الزمامرة
الدورة 3 : المغرب الفاسي - الرجاء
الدورة 4 : الفتح - الرجاء
الدورة 5 : الرجاء - حسنية اكادير
الدورة 6 : بركان - الرجاء
الدورة 7 : الرجاء - طنجة
الدورة 8 : وداد تمارة - الرجاء
الدورة 9 :الرجاء - الدفاع الجديدي
الدورة 10 : مكناس - الرجاء
الدورة 11 : الرجاء - الوداد
الدورة 12 : امل تزنيت - الرجاء
الدورة 13 : الرجاء - الكوكب المراكشي
الدورة 14 : التواركة - الرجاء
الدورة 15 : المغرب التطوان - الرجاء
ددر
|
|
|
|
قياسا بجدول المباريات و نوعية التعاقدات و الاستعدادات لي قام بها الفريق ، مدرب الرجاء مغاديش يفوت 6 أو 7 دورات
|
|
|
|
| إقتباس لمشاركة: | Youssef Lucci | 19:00 - 2026/08/28 | | قياسا بجدول المباريات و نوعية التعاقدات و الاستعدادات لي قام بها الفريق ، مدرب الرجاء مغاديش يفوت 6 أو 7 دورات |
|
المدرب ماعليه والو مايمكنش نتا عمرتي ليه الفرقة بالكرارس و كتسنى منو شي حاجة المدرب ماشي سحار عطيه لاعبين فالمستوى و ديك الساعة يلا ماقدرش يبين ليك عاد نقدرو نقولو أن الخلل فالمدرب
دبا يلا شدينا خط الهجوم بالأرقام و الاحصائيات ديال آخر 3 المواسم لكل لاعب شرارة فآخر 3 مواسم مابين التسجيل و الأسيست يعني المساهمات عندو 14 ف 3 سنوات الدحماني عندو 18 مساهمة ساخو عندو 14 مساهمة فيليبينو ماعندوش أرقام يعني السيد ماكانش ممارس ولد الشيخ عندو 11 مساهمة
دبا هادو أرقام ديال 3 مواسم
أجي نقارنوهم بأرقام موسم الدوبلي بوزوق فموسم الدوبلي موسم واحد عندو 31 مساهمة النفاتي عندو 22 مساهمة الزرهوني عندو 27 مساهمة موهوب كانت عندو 12 مساهمة
شوف غير الأرقام مابين السكواد اللي جاب ليك آخر دوبلي فموسم واحد و قارنو مع أرقام ديال 3 المواسم مع السكواد الحالي
|
|
|
|
تخيل أن منعم الادريسي اللي غادي يوقع غدا مع الرجا كمهاجم فالليغ 2 مع مجموعة من الأندية أجاكسيو طروا .... من 2018 و هو كيلعب مني كانت عندو 18 عام سجل خلال 8 المواسم 13 هدف
آخر 3 مواسم سجل 0 هدف
و كاين مهاجم مغربي فهولندا عندو 20 عام من تكوين مدرسة نيميخن العام اللي فات لعب فالقسم الثاني الهولندي عندو 0 هدف فالكارير ديالو
و كاين مهاجم مغربي فهولندا تاهو سميتو يونس الكشاطي كان العام اللي فات فالقسم الثاني الهولندي مع نيميخين هاد العام وقع مع سطاد ريمس و تصيدو فيه و بغاو يسيفطوه اعارة و الزيات عزيز عليه هاد الهوتات بغى يجيبو
هالا كان جاب عبد الرحمان السوسي الزيات بغى يجيب 3 بحالو
|
|
|
|
بالنسبة لأسماء الأجانب اللي كيتم الترويج ليها مامنها والو الفريق عندو فائض فالكرارس الأجانب و ماقدرش يتفك منهم
|
|
|
|
إلى أين أنتم ذاهبون؟
«ذاهبون إلى معركة بعتاد ضعيف.. من الصفوف الأمامية حتى مقدمة الجيش»
اليوم أُجريت قرعة البطولة الاحترافية التي ستنطلق بعد 30 يومًا من الآن، تزامنًا مع نهاية معسكر الرجاء الإعدادي في أكادير.
معسكر أكادير الذي استعد فيه ساخو وماتياس وولد الشيخ والخماس و و و.. استعدوا للموسم المقبل وهم في لائحة المغادرين.. ثم عادوا كأن شيئًا لم يكن.. كأنهم لم يعودوا من المغادرين..ألعاب العقل????
تبقّت 30 يومًا، ستحاول فيها الإدارة الرياضية إنقاذ ما يمكن إنقاذه، بعد أن فشلت المنظومة ككل في سياستها الخاصة بالانتدابات، أو على الأقل في احترام متطلبات نادٍ في حجم الرجاء، من خلال اختيار «بروفايلات» توازي القيمة الفنية والاعتبارية للنادي وتستجيب لمطالبه ومراكز الخصاص المهول التي ظهرت للصغير قبل الكبير.
ماذا تغيّر بين حقبة ما قبل البرتغالي ماتياس، وحين جيء بهذا البرتغالي مع طاقمه؟
هل كان من الضروري أن تدخل Marsa Maroc بذراعها الاجتماعي، وتصبح نوال العيداوي مديرة عامة لشركة الرجاء الرياضي، من أجل أن ننتدب لاعبًا أجنبيًا يسمى فيليبنيو، وآخر من غانا يدعى أغبيكبورنو؟
هل كنا نحتاج إلى قدوم ماتياس عبر الطائرة واستنفار سفن "مارسا ماروك" في ميناء الدار البيضاء من أجل رصد موهبة إسحاق الزيداني وشمس الدين قنديل؟
هل أصبح قميص الرجاء رخيصًا إلى هذا الحد، ليلبسه أول قادم من المهجر باحثًا عن فريق يضعه على حسابه في Transfermarkt؟
هل كان من الضروري توفير «الغلاف المالي المريح» لندخل سوق «الميركاتو» بهذه الطريقة المخجلة؟
فسعيد حسبان كان يوقّع مع حواد اليميق وسط «مخطط مارشال»، وعزيز البدراوي كان يكتفي بوجبة خفيفة داخل القطار من أجل الذهاب في البراق لإتمام التعاقدات.. أما أنيس محفوظ، فكان له أجر محاولة إقناع حمودان بالتوقيع!
لم تحتج الرجاء حينها لا لمدير رياضي ولا لهيكلة مؤسساتية… الله يرحم رشيد البوصيري!
في عالم كرة القدم المغربية.. بوادر الموسم تنطلق من صيفه، وبوادر خريفكم، سادتي الكرام، بدأت تظهر من صيفكم!
حين ستبدأ الكرة في الدوران.. لن تشفع لكم لا برتغالية ماتياس ولا فرنسية نوال.. ستقرؤون عنوان الرحيل بفصحى المدرجات.
هل تمادوا في مطالبهم؟
لا.
هل من حقهم أن يحاسبوكم على الانتدابات؟
نعم.
من حقهم أن يروا رجاءهم شامخًا شموخ النسور.. من حقهم أن يطالبوا بالجودة كما عهدوا رجاءهم منذ التأسيس؟ من حقهم أن يتطلعوا إلى رجاء أفضل مما هو عليه الآن!
لأن جمهورها هو رأسمالها الحقيقي.. هم رؤساء الشركة ومدراؤها العامون ومالكو الأسهم الحقيقيون.
أما أنتم؟ فقط موظفون عابرون.
إما أن تنجحوا في وظيفتكم أو ترحلوا!
انطلق العد العكسي ⌛️J-30..فلكم الاختيار
|
|
|
|
أمين مفهوم بلي المدرب ماعليه والو و الفرقة بالكرارس ووو ، ولكن إلى غابت النتائج و كانت بداية الفريق كارثية واش الزيات غادي يقدم استقالته مثلاً ؟
طبعاً الحيط لقصير هو المدرب ، باستثناء إلى ناضت شي ثروة استثنائيه ضد الرئيس و هرب الرئيس مجدداً
|
|
|
|
الثورة خاص تكون قبل بداية الموسم بمقاطعة المباريات و البطائق ، مكاينش اللي مضصر المسؤول قد الجمهور
|
|
|
|
منين مقدوش يبيعو شرارة و ماتياس و ولد الشيخ و ساخو و تجيب بلاصتهم أجانب كلاس A ، أشنو أندير أنا بهاد المسؤول
|
|
|
|
دابا اللعاب اللي كونفيرمي و تربطنا بيه بلطيب أيبقاو معاه شهر و شوف واش يسيني بحال لحسايني , أما لكرارس بزربة كيجيو لقاو خبزة سميينة مضمونة بلا إضافة
|
|
|
|
فاللخر أتلقانا مسينين مع 12 لعاب أغلبيتهم ممضمونيش ، علاش متجيبش غي 6 كونفيرمي و تسد خاصك تعمر الفرقة باش تبقا ديك الحلقة تاع جيب المتقوب فالرجاء
|
|
|
|
| إقتباس لمشاركة: | sofraj | 15:37 - 2026/08/29 | منين مقدوش يبيعو شرارة و ماتياس و ولد الشيخ و ساخو و تجيب بلاصتهم أجانب كلاس A ، أشنو أندير أنا بهاد المسؤول
~~~~~~~
الإشكال ماشي فعدم القدرة على البيع راه فراقي كبار و تيوحلو فعملية البيع مدام لاعب كروسة
المشكل هو أن تتعاقد مع كرارس نسبة فشلهم كثر 75% و تتراهن على نجاحهم ، كروسة بنسبة كبيرة تعني نزاع جديد وهادشي لي خص يفهم الزيات او غيرو
|
|
|
|
|
|
تما فين كيكونو الكوامل ولدالشيخ موقعين ليه ب 500 مليون فالعام فنظرك غادي ياخذها كاملة ؟؟
| إقتباس لمشاركة: | sofraj | 15:49 - 2026/08/29 | | فاللخر أتلقانا مسينين مع 12 لعاب أغلبيتهم ممضمونيش ، علاش متجيبش غي 6 كونفيرمي و تسد خاصك تعمر الفرقة باش تبقا ديك الحلقة تاع جيب المتقوب فالرجاء |
|
|
|
|
|
الجديد أن نابي ماراضيش على الميركاتو و هدد بوضع الاستقالة
|
|
|
|
ماذا يحدث بين نابي وماتياس؟
يتم اليوم تداول أخبار تفيد بأن العلاقة بين مدرب الرجاء الرياضي، نصر الدين نابي، والمدير الرياضي روجيرو ماتياس، ليست على ما يرام.
إذا كان ما يتم تداوله صحيحاً، فنحن أمام مؤشر مقلق جداً في بداية موسم يحتاج فيه الرجاء إلى الانسجام والاستقرار بين مختلف مكونات الإدارة الرياضية، لأن أي خلاف بين المدرب والمدير الرياضي قد تكون له انعكاسات مباشرة على الانتدابات، والتحضير، ومستقبل الفريق خلال الموسم.
أما إذا كانت هذه الأخبار غير صحيحة، فمن الضروري أن يخرج أحد الطرفين، أو إدارة النادي، لتوضيح الحقيقة وتكذيب ما يتم تداوله بشكل صريح.
وفي النهاية، ما نعيشه اليوم ليس سوى نتيجة طبيعية لغياب التواصل الرسمي. فحين يغيب الوضوح، تكثر الإشاعات والتأويلات، ويبقى الجمهور الرجاوي هو آخر من يعرف حقيقة ما يجري داخل ناديه.
ددر.
|
|
|
|
نصر الدين نابي وضع استقالته من تدريب الرجاء الرياضي؛ و السبب هو أنه لن يستطيع تحقيق الأهداف المسطرة في العقد و هي الفوز بالبطولة؛ لرداءة السكواد الحالي و الذي اعتبره المدرب التونسي أسوء من سكواد العام الماضي. كما أخبر إدارة الفريق أن الميركاتو لم تتم مشاروته في اللاعبين و كان يتفاجئ بالتعاقد معهم في وسائل التواصل الاجتماعي. و آخرهم منعم الإدريسي الذي لا يعرف عنه شيء. إدارة الرجاء رفضت مبدئيا استقالته و طالبته غدا بجلسة لمناقشة الوضع رفقة المدير الرياضي.
|
|
|
|
ملخص ما وقع بين نابي و ماتياس و علاش نابي حط الاستقالة ديالو
نابي بعدما شاف الادريسي فالأكاديمية اليوم دخل فنقاش مع المدير الرياضي و أنه ماتشاورش معه و مايمكنش يوقع مع لاعب هو ماعارفوش و ماخذاوش الرأي ديالو فيه. رد البرتغالي كان وقح و هو الشيء اللي نوض الصداع بين الطرفين و مباشرة النابي حط الاستقالة ديالو. و كيفما حطها ماتياس قال لإدارة الرجاء البديل موجود هو عشيرو باولو دوراتي مدرب برتغالي كان كيتجلوق فافريقيا مع بوركينافاصو و أنغولا ( داك العام كان قريب يوقع مع الوز )
المكتب ديال الرجا استدعى الطرفين المدرب و المدير الرياضي لجلسة صباح غد فمقر الأكاديمية لمناقشة الاحداث اللي طراو اليوم.
|
|
|
|
صراحة إلى تمسك نصر الدين نابي بالموقف ديالو و حط استقالته راه ترفع ليه القبعة ، و الموقف ديالو غادي يحط الإدارة و الرئيس الزيات فموقف لا يحسد عليه
|
|
|
|
غايجي مدرب جديد غايقولو ليه شوف خرج الزيت من ساخو والطبقة وضيع الوقت ثاني تايسالي ميركاتو
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
