|
|
البرازيلي "فيليبينو" لويس فيليبي سيلفا جديد انتدابات الرجاء
اللاعب وقع عقده اليوم مع النادي، كما اجتاز الفحص الطبي بنجاح، في انتظار التقديم والإعلان الرسمي.
فيليبو، البالغ من العمر 21 سنة، قادم من فلومينينسي البرازيلي بعد نهاية عقده ووقع عقدًا يمتد لثلاث سنوات.
ميركاتو الرجاء لا يزال مستمرًا، ومن المحتمل أن يشهد صفقات أخرى في الفترة المقبلة.
بالتوفيق لفيليبي مع الرجاء.
ددر.
|
|
|
|
وخا تجيب لويس كامبوس ولا جوزيبي ماروتا و تحطو مدير رياضي للرجاء ، إلى موفرتيش ليه الميزانية الكافية راه معندو باش يفيدك
فاش يجيب ليك المدير الرياضي الخيار الأول و الثاني و الثالث و أنت تختار الخيار الرابع أو الخامس راه تتقزم تضعف فريقك و تتقزم عمل المدير الرياضي
|
|
|
|
| إقتباس لمشاركة: | Youssef Lucci | 18:49 - 2026/08/13 | وخا تجيب لويس كامبوس ولا جوزيبي ماروتا و تحطو مدير رياضي للرجاء ، إلى موفرتيش ليه الميزانية الكافية راه معندو باش يفيدك
فاش يجيب ليك المدير الرياضي الخيار الأول و الثاني و الثالث و أنت تختار الخيار الرابع أو الخامس راه تتقزم تضعف فريقك و تتقزم عمل المدير الرياضي |
|
را هادشي اللي وقع مع الرجا
|
|
|
|
جابو لاعب برازيلي من أمل فلومينينسي 0 احصائية 0 مبارة مع الكبار 0 مبارة مع الفئات السنية ديال المنتخب البرازيلي
كل مايوجد واحد الفيديو ديالو فمبارة ودية مع أمل فلومينينسي
الانتداب المقبل هو نبيل العليوي لاعب كان مزيان فلوهافر و لكن تصاب اصابة خايبة بزاف خلاتو يفقد المكان ديالو رفقة لوهافر و من بعد مشى لشي فريق فالقسم الثاني الفرنسي كاعارة و مادار والو و من بعد مشى لضمك اللي حتى هي مادار فيها والو و الكارثة أنه ماقدروش يجيبوه مباشرة من ضمك و قالو ليه حاول تفسخ العقد ديالك مع ضمك باش نوقع ليك
لحسايني الصفقة ديالو دخلات فيها الماص و ممكن يخطفوه للرجا
للاشارة غدا هو آخر أجل لوضح اللائحة الافريقية
|
|
|
|
المفاوضات بدات مع لاعب وسط غاني ماولي منساه كيلعب مع فريق أراك الروماني و سبق ليه لعب مع فريق ريال سرقسطة
الفريق الروماني طلبو فيه 500 مليون و الرجا كيحاولو يهبطو قيمة الصفقة ل 350 أو 300
اللاعب كاسور ممتاز الصراحة عندو احصائيات ممتازة و كان باقتراح المدير الرياضي و لكن المشكل كيفما قال يوسف المدير الرياضي غادي يقترح عليك رقم 1 و 2 و 3 و نتا غادي تمشي للرقم 5 أو 6 لاسباب مادية
|
|
|
|
هاد الصفقة ديال البرازيلي شبيهة بصفقة الليبيري ويلسيون اللي كان جاب البدراوي و سينا ليه مع 12 ديال الليل ههههه و من بعد كلف الفريق مليار سنتيم ههههه
|
|
|
|
اللعابة البرازيليين حاليا تجيبو من ساوباولو ورسمي في الفريق الاول يطلع ليك زرق فما بالك بلاعب مغمور ماسانع بيه تا موقع من مواقع الاحصائيات
مشااات يامات كنتي تجيب برازيلي من الشارع ويجي يتبورد على الهواة لي كانو كيلعبو في البطولة
|
|
|
|
الراجا ماحد ماعندهاش عمود فقري من ابناء النادي بحال فترة 2017 تال2020 راه ماغادي دير والو واخا تجيب 20 انتداب حيت هادشي كل. فرق الدوري كيديروه وبالعكس هوما كيجيبو لاعبين اجود من لي عندك
الراجا كانت ديما كتميز وكتفوق على باقي اندية الدوري بجودة لاعبيها من ابناء النادي ومن الاجانب
اما باش تعمر الفريق بلاعبي المهجر والبطاشة ديال الدوري راه غادي تبقى بحالك بحال طنجة بحال اسفي بحال جديدة..ماعندك تا حاجة كتميزك عليهم
|
|
|
|
كما قال عبدالله ، راه تتجيب دابا لاعب طوب من البرازيل لأوروبا و تيبان ليك زرg حيت الكرة بالبرازيل غاديا و تتموت فما بالك إلى جبتي لافيراي ديال البرازيل
|
|
|
|
مصر، المغرب، قطر، موريتانيا، السودان ولبنان يدعمون رئيس الفيفا جياني انفانتينو، ببيان مشترك نشر عبر صفحة الاتحاد المصري لكرة القدم في الفيسبوك
الغريب أن الإتحاد الأوروبي تيدفع ناصر الخليفي باش يترشح لرئاسة ولكن الدولة تدعم أنفانتينو ؟
و الإتحاد الأوروبي تيروج حالياً لرئاسة الفيفا بالتناوب بين القارات و حد المدة الرئاسية للرئيس فـ 2 ولايات لمنع استقواء الفيفا و رئيسها على الإتحادات القارية
|
|
|
|
| إقتباس لمشاركة: | admin | 22:38 - 2026/08/13 | المفاوضات بدات مع لاعب وسط غاني ماولي منساه كيلعب مع فريق أراك الروماني و سبق ليه لعب مع فريق ريال سرقسطة
الفريق الروماني طلبو فيه 500 مليون و الرجا كيحاولو يهبطو قيمة الصفقة ل 350 أو 300
اللاعب كاسور ممتاز الصراحة عندو احصائيات ممتازة و كان باقتراح المدير الرياضي و لكن المشكل كيفما قال يوسف المدير الرياضي غادي يقترح عليك رقم 1 و 2 و 3 و نتا غادي تمشي للرقم 5 أو 6 لاسباب مادية |
|
لا صافي فقدت الأمل في هاد المكتب, صباح فايقين على أكبر سرحة رياضية بلاعب قيمته السوقية 6 ملايير ، حتا كنتفاجئو فلعشية بكروسة جديدة و جايبينو بالطبال و الغياط ها 10 اللي غيهز الفرقة و هو مفارضش راسو فأمل فلومنينسي الشوهة صافي
|
|
|
|
هدا بحالو بحال آرثر و بيدرينيو تاع الوز و علم الله شحال أياخد ، و الله مكاينة أزمة مادية فالرجاء الرجال اللي مكينينش ، عمر الفرقة بالبراوط و فسخ ليهم و غوليا راه كاينة أزمة
|
|
|
|
| إقتباس لمشاركة: | sofraj | 22:47 - 2026/08/13 | | هدا بحالو بحال آرثر و بيدرينيو تاع الوز و علم الله شحال أياخد ، و الله مكاينة أزمة مادية فالرجاء الرجال اللي مكينينش ، عمر الفرقة بالبراوط و فسخ ليهم و غوليا راه كاينة أزمة |
|
منحة سنوية ديال 80 مليون سنتيم للموسم
|
|
|
|
????235 مليون سنتيم هي القيمة الاجمالية للصفقة (او عفواً التسمسيرة) يعني مجموع ما سيتقاضاه اللاعب مقسمة على 3 سنوات (مدة العقد)
اللاعب ليس له وكيل و هذا العقد هو أول عقد احترافي في مسيرته.
اللاعب سعيد جداً باللعب في الرجاء، إذ أنه سيتدوق لأول مرة طعم النجومية و الأضواء، طلبه الوحيد كان هو ارتداء الرقم 10 و بعض التفاصيل الصغيرة كشقة للسكن هو و صديقته و سيارة للتنقل.
???? البرازيلي فيليبينيو وافق على منحة سنوية صغيرة لا تتجاوز 80 مليون سنتيم سنوياً
|
|
|
|
الاشكال ماشي فالانتداب ديالو حيت مازال عندو 20 عام يمكن تقيدوا مع الأمل و تجيب اجنبي اخر الاشكال فالهالة الاعلامية اللي تعطات لهاد الانتداب تصور الصفحة الرسمية كتدوي عليه و لايحين التوني و 10 يا حسرة و فاللخر يطلع بهاد الاحصائيات المخزية اش غادي يقولوا علينا البرازيلين و حنا درنا هاد الشوهة على قبل لاعب عمروا لعب ماتش رسمي مع الفريق الاول
|
|
|
|
| إقتباس لمشاركة: | admin | 04:26 - 2026/08/14 | ????235 مليون سنتيم هي القيمة الاجمالية للصفقة (او عفواً التسمسيرة) يعني مجموع ما سيتقاضاه اللاعب مقسمة على 3 سنوات (مدة العقد)
اللاعب ليس له وكيل و هذا العقد هو أول عقد احترافي في مسيرته.
اللاعب سعيد جداً باللعب في الرجاء، إذ أنه سيتدوق لأول مرة طعم النجومية و الأضواء، طلبه الوحيد كان هو ارتداء الرقم 10 و بعض التفاصيل الصغيرة كشقة للسكن هو و صديقته و سيارة للتنقل.
???? البرازيلي فيليبينيو وافق على منحة سنوية صغيرة لا تتجاوز 80 مليون سنتيم سنوياً
~~~~~~~~
بعيداً عن كونها تسمسيرة أو لا ، هادشي لي تيقلب عليه الزيات باش يبان سبع قدام مارسا ماروك
جايب لاعب بجوج دريال ، صدق راه الجاك بوت ، مصدقش راه مغاديش يلكف النادي بزاف فالنزاعات
يعني حول الرجاء لمختبر ديال لافيراي |
|
|
|
|
|
|
|
|
عليوي لاعب جيد وخا دوز موسم سيئ فالسعودية ، ولكن فتركيا و فرنسا كان ممتاز ، الحسايني حتاهو لاعب جيد ، المشكل في هاد الناس هو مكيغيزوش دغيا + الأجانب اللي تربطنا بيهم فهاد يوماين عيانين وأكدوها فاش سناو مع لاعب كيعرفوه غير والديه
|
|
|
|
|
|
|
علاش الترجي قادرا تجيب أجانب بمستوى عالي و الرجاء لا وخا فايتينهم فمداخيل الجمهور و الشعبية
|
|
|
|
| إقتباس لمشاركة: | sofraj | 18:26 - 2026/08/14 | |
الترجي جابو ريبيرو و فرج جناح مغربي زماكري كوايري و عندهم البلايلي و كيفاوضو بوفال و جناح منتخب البيرو كيلعب فاسبانيا و جابو 8 ديال الاكوادور ( هو اللي كان ماركا ضد المنتخب فماتش ودي )
|
|
|
|
المفاوضات متوقفة بين الرجا و فريق لحسايني بسبب 50 مليون سنتيم و الماص دخلو على خط الصفقة
|
|
|
|
توصل عشية اليوم جميع رؤساء الأندية بإجتماع عاجل يوم الاثنين المقبل على الساعة الرابعة لمناقشة القرارات التي ناقشها رئيس الجامعة مع المدربين سابقاً أهمها موضوع زيادة عدد الأندية
|
|
|
|
وسط الميدان الغاني ميكائيل أكبيكبورنو، هو المرشح الأول من أجل التوقيع في صفوف الرجاء الرياضي، اللاعب الغاني قادم من تجربة مع نادي هويسكا الإسباني، حيث لم تتجاوز تجربته ستة أشهر رفقة الفريق الإسباني، كانت نهايتها بنزول فريق هويسكا إلى الدرجة الثالتة، بعدما شارك فيما مجموعه 290 دقيقة طوال تجربته مع الفريق الإسباني، لتقوم بعدها إدارة هذا الأخير، بفسخ تعاقده مع النادي ✅️
يبقى السؤال الأبرز و المحير ، ما هي الأرقام المعتمدة، فيما يخص إنتذابات الرجاء الرياضي.
|
|
|
|
الغاني تفاهمو معه على منحة سنوية ب 100 مليون سنتيم
|
|
|
|
كيفاش دابا هاد الميكروب يبقى يتجاوع على 50 مليون واش يحطها من جيبو
|
|
|
|
| إقتباس لمشاركة: | admin | 02:41 - 2026/08/15 | توصل عشية اليوم جميع رؤساء الأندية بإجتماع عاجل يوم الاثنين المقبل على الساعة الرابعة لمناقشة القرارات التي ناقشها رئيس الجامعة مع المدربين سابقاً أهمها موضوع زيادة عدد الأندية
~~~~~~
دبا شكون لي تيقرر فمضوع زيادة عدد الأندية واش الجامعة ولا الاندية ولا المدربين !!!!
منطقيا ، المدربين ما عندهم دخل فهاد الأمور حيت المدرب مجرد موظف عند النادي |
|
|
|
|
|
قرار زيادة الأندية إلى 20 للموسم المقبل، راه مجرد التفكير فيه راه غلط، أما تفعيل هذا القرار راه جريمة تضرب نزاهة المنظومة.
أما رفع القرار للمكتب المديري الجامعي من أجل الموافقة عليه بداية من نهاية الموسم المقبل، راه حتى هو غلط، لأن زيادة عدد الأندية غادي تكون نتائجها عكسية، وغادي تزيد غير تغرق الأندية ماديا، وللي هي أصلا غارقة.
زيادة عدد الأندية يعني زيادة التنقلات، زيادة عدد الأيام، زيادة عدد الفنادق، زيادة عدد منح المباريات، وزيادة المصاريف. وحنا في الأصل حاصلين حتى في 16 نادي.
أما إلى غادي نزيدو عدد الأندية باش يرضى علينا الوزير في هذا مشكل كبييييير اما الى غادي نزيدو عدد الاندية باش تزيد فرص الشغل للأطر الوطنية باش يتشغلو أكثر، فنقول إنهم ما غاديش يستافدو نهائيا من هذا الفرص، مادام المدرسة البرتغالية كتطلب صالير ما بين 7 و10 مليون سنتيم، يعني كولشي غادي يتوجه لها
|
|
|
|
خرج نادي الرجاء الرياضي بتوضيح جديد حول تحضيراته للموسم المقبل، مؤكداً أن العمل يسير وفق البرنامج المسطر، بعد مرور نحو شهر على تنصيب الإدارة الرياضية الجديدة.
وأوضح النادي في بلاغ اليوم السبت، أن المرحلة الحالية شهدت التعاقد رسمياً مع أربعة لاعبين، في انتظار الإعلان عن صفقات أخرى خلال الأيام المقبلة، على أن يلتحق الوافدون الجدد بالفريق خلال المعسكر الإعدادي بمدينة أكادير، المقرر انطلاقه يوم الاثنين 17 غشت الجاري.
وأشار الرجاء إلى أن معسكراً إعدادياً ثانياً سيتم برمجته بعد استكمال مسلسل الانتدابات، وذلك بهدف جمع كامل عناصر الفريق ومواصلة التحضيرات في أجواء تسمح للطاقم التقني بالعمل على الانسجام والتكامل بين مكونات المجموعة.
وأكد النادي، في السياق ذاته، دعمه للعمل الذي تقوم به الإدارة الرياضية بتنسيق مع الطاقم التقني واللجنة الرياضية، بهدف بناء فريق متوازن وتنافسي يستجيب لطموحات الرجاء وجماهيره في الموسم المقبل.
|
|
|
|
| إقتباس لمشاركة: | Youssef Lucci | 14:16 - 2026/08/15 | | إقتباس لمشاركة: | admin | 02:41 - 2026/08/15 | توصل عشية اليوم جميع رؤساء الأندية بإجتماع عاجل يوم الاثنين المقبل على الساعة الرابعة لمناقشة القرارات التي ناقشها رئيس الجامعة مع المدربين سابقاً أهمها موضوع زيادة عدد الأندية
~~~~~~
دبا شكون لي تيقرر فمضوع زيادة عدد الأندية واش الجامعة ولا الاندية ولا المدربين !!!!
منطقيا ، المدربين ما عندهم دخل فهاد الأمور حيت المدرب مجرد موظف عند النادي |
|
|
|
دارو لقاء تواصلي مع المدربين هوما الأولين و اقترحو عليهم زيادة الأندية و رحبو بالقرار ( تمهيد أولي من لقجع باش يبقى عشيرو فالحزب الوزير بنسعيد فالقسم الاول رفقة فريقه يعقوب المنصور )
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
