|
|
آه الحلقة 10 عالمية
بقات فيا غا ديك لعزية عايشة لي صوتت لصالح كاندال هه
رومان شاف القضية حماضت هو يتحول لبطة بلدي هه
ملي تحسم التصويت لصالحه ديك الطريقة باش طرد هدوك لي صوتو ضدو ياسلام
https://youtu.be/9AiVYMS7IXk
|
|
|
|
واش السيري مبني على قصة حقيقية؟
شكون هدوك لي كيبانو في الافتتاحية ؟
|
|
|
|
| إقتباس لمشاركة: | عبدالله الرجاوي | 00:51 - 2023/08/22 | آه الحلقة 10 عالمية
بقات فيا غا ديك لعزية عايشة لي صوتت لصالح كاندال هه
رومان شاف القضية حماضت هو يتحول لبطة بلدي هه
ملي تحسم التصويت لصالحه ديك الطريقة باش طرد هدوك لي صوتو ضدو ياسلام
https://youtu.be/9AiVYMS7IXk |
|
ملا لقطة لوغان غول ثمثيل بصراحة واحد صعود دارو عجيب في بداية المسلسل كتشوف شخص عجوز عاجز حتى الحمام ماقدش يمشي ليه كتعاطف معاه فديك اللقطة هووووب كيبدا داك التعاطف اتجاهه ينقص بشوية بشوية فاش كتعرف هو الشيطان وسطهم هههه ماباغيش نحرق عليك حتى تفرج لكن راه تقريبا كيلعب معاه سياسة المسخوط هههه
|
|
|
|
لا ماشي قصة حقيقية لكن راه نموذج صغير على أي عائلة غنية لذلك هو أقرب للواقع دوك فالانترو أبناء روغان وهما صغار وروغان زعمى صغير وفيه دلالات أن هاد الأب من صغره كعما حاضر مع الأبناء وكعما مهتم بيهم ( اشارة ديما اعطيهم بظهرو ) وحتى واحد لقطة كيدير ليهم باليد حركة موضوع محسوم زعمى ههههه سواء صغار أو كبار خاص دائما الأبناء يسمعو كلامه
|
|
|
|
بالنسبة لتأسيس إمبراطورية راه فعلا ماشي ساهل كون ساهل كون راه كلشي دارها هههه ضايرين بيك غير الثعالب والذئاب خاص أحيانا تكون غير أخلاقي باش تحافظ على الإمبراطورية وتفوق على أي منافس وتزيد تكبرها ومحدك كتكبر هاد الإمبراطورية والاعتداء كتزيد وكتزيد تقرب من سلطة وتولي أهم من رئاسة الدولة أو توازيه في القوة هههه السلطة من بعيد مغرية لكن عندها ضريبة انك عمرك تعرف السلام النفسي
|
|
|
|
|
|
|
السلام عليكمعدنــــــــــــا الصراحة هاد الصيف الله يسمح ليـا كايسالي معايا خصوصا هاد الأسبوعين كنحس براسي ماقادر ندير والو التيليفون كنهزو بزز ههه
|
|
|
|
| بقــى أغيب سبوعيــــن.. سبوعيـــــن بس أرجع ألاقي الواد عبدو العنصري محتل الملتقـى بففففف
|
|
|
|
 
| إقتباس لمشاركة: | عبدالله الرجاوي | 19:29 - 2023/08/21 | في إطار المستملحات الهشامية على خطى الجوكر لي تولد في القطار
يقال ان كاتب السيري نقلها عن المسلسل المغربي وجع التراب
حيث يمثل لوكان روي دور شفيق السحيمي سيدي احمد وكاندل في دور المهيدي وشيف في دور ديك الهبيلة ورومان روي في دور البسطاوي الله يرحمو |
|
|
|
|
|
|
|
|
|
|
|
|
|
|
منين نبدا نقـاش الموسم الأول هه
نبتدي بالإنطبـاع العــام : مسلسل من ريحة المسلسلات الغالية لي كنعشقوهـا دراما ثقيلة مبنية بشوية و الشخصيات محطوطو بالميليمتر كل شخصية واخذة حقها باش نعرفوها مزيان من غريغ حتال كونور العبيط هه و الجميل فالأمر أن المسلسل جا وسط عصر السرعة و المسلسلات التجارية الباسلة يعني ماغايدير ديك الضجة و الشو الإعلامي عند عشاق هاد الفئة و لكن غايدير بلاصتو بين التحف التلفزيونية عندنا حنا جيل الدراما الثقيلة و العميقة هه
|
|
|
|
|
|
|
| ندخلو فالإنطباع الخاص : المسلسل فالبداية كايعطيك إنطبـاع أنه غادي فسكة ديال حرب الأبناء مع بعضهم و أن الأب بالنظر لصحته و عمره دوره غايكون شبيه بدور سالامانكا فبريكينغ باد ههه و بشوية بشوية كايتبدل مسار المسلسل و كايتبدلو توجهات الشخصيات الشخصية و حتى كيفاش عطاو لكيندل مبتغاه فبداية المسلسل باش يكون CEO ديال مجموعة روي و بان أنه الماتش كبير عليه و كيفاش ردو لوغان روي مغفل و طيب فاش عطاه يسيني وراق ديال مارشا باش يدخلوها فاللعبة معهم بلا مايعيق مستغلا سذاجته كون لوغان هو الأب ديالو على عكس مثلا شيف لي رفضات و قالت ليه خاص المحامي ديالي يشوف هادشي بعدا ههه ملا انطباعات و فاش مرض الأب دوك الصراعات لي بداو شكون غايشد المسؤولية و يطلع CEO و المسكين كيندل عاود خدا المنصب و لقا راسو غارق فمصيبة القرض الكبير و بالرغم من المجهود الكبير لي دار باش يعتق المجموعة فاش باع الأسهم و الفرحة الكبيرة لي فرح كأنه حقق انتصار لنفسه حسب منظوره و أنه عتق المجموعة من هاد المصيبة و مشا يخبر لوغان بآشنو وقع و أنه تدبر المشكل و بمجرد ما قال ليه شنو دار باش يحل المشكل لوغان روي رجع بينو صغييير و ضرب ليه هاد المجهود و الفرحة و الإعتزاز بنفسه فالزيرو بجملة وحدة خرجها بزز نظرا لأنه مازال فيه آثار المرض ملا لقطة و ملا صدمة على وجه كيندل ( https://youtu.be/zQwsXTKmPik?si=GQ56PPaAm7STHzrQ ) باش يعاود عاوتاني يرجعو لنقطة الصفر باش يثبت راسو و يخرج من جلباب أبيه الداهية الوحش
|
|
|
|
اهلا ولد باطيمات الصباغة والنواحي بخير ؟ كين بعدا شي تبحورات ولاوالو هه الصيف ديما هكا وخصوصا هاد العام كتحس براسك مسالي وعظامك ثقال عليك هههه كتلقى بنادم ساكن في كازا وعزيز عليه هاد الفصل بففف الصيف زوين خاص يقولوها غير ولاد لوغان روي هههههه
| إقتباس لمشاركة: | كاف شرطة | 11:42 - 2023/08/25 | السلام عليكمعدنــــــــــــا الصراحة هاد الصيف الله يسمح ليـا كايسالي معايا خصوصا هاد الأسبوعين كنحس براسي ماقادر ندير والو التيليفون كنهزو بزز ههه
|
|
|
|
|
|
بالنسبة ليا الموسم الأول مقسم ل3 أجزاء الجزء الأول هو فترة مرض لوغان روي و بيع كيندا لأسهم المجموعة بطريقة غير مباشرة لعدوه ساندي
الجزء الثـاني ديال الإنقلاب من بعد ما جمع كيندل شتات نفسه و بدا خطة الإنقلاب و جمع الأصوات من الصراعات الجميلة فهاد الجزء أو ماشي صراع غا خلاف لوغان مع خوه إيوان روي و كيفاش بداو كايتعاطاو قدام البقية ههه هنا كتعرف أن لوغان فعلا وحش لا يهمه شيء سوى الحفاظ على ما تم بنائه و غير مستعد يتنازل على أفكاره وخا كان قاب قوسين يودع بسبب المرض و لكن تا حاجة متبدلات عندو
و حلقة التصويت كتبقى حلقة فخمة و كمية أدرينالين مش طبيعية كيفاش حتى تبدلات آراء البعض منهم جيري و رومان و ستيوي و إيوان روي لي وفي لمبادئه بالرغم من الخلاف مع لوغان .. آداء لوغان فهاد المشهد غير طبيعي و كيفاش كايدير الضغط على المصوتين هه خصوصا الغر رومان لي بينو فحال شي طفل صغير.
المسكين كيندل للمرة الثانية حتى كايقرب يوصل لهدفه كايرجعو لوغان لنقطة الصفر و هاد المرة رجعو لناقص 0 و دخلو فمتاهة اكتئاب رجعاتو لسكة الإدمان
|
|
|
|
الجزء الثالث من الموسم الأول خرافي بالنسبة ليا بداية باستغلال لوغان لأولاده باش ينفي شائعات المشاكل و يلمع صورته فاش داهم للعلاج العائلي و أخذ الصو و كيفاش لوغان براسو مابقاش مستسلم للتمثيلية لي داير و بدا كايتيري فولادو بداية بشيف لي تلاحت لدعم جيل العدو الآخر للوغان المرشح للرئاسة والواد كيندل هنا بدا كيبان ليا قادر يجابه لوغان خصوصا من بعد ما قرر يتعاون مع ستيوي و ساندي باش يشريوالمجموعة و يحيدوها من تحكم العائلة.. نسخة كيندل المدمن هي أحسن نسخة حواراته مع لوغان فهاد المرحلة وليتي كتحس بيه أكثر وحشية و مابقاش داك كيندل المدمدم خصوصا أول لقاء بينه و بينو من بعد الإنقلاب و كيفاش تجاوب معه و حتى من بعد فاش رفضو دوك 2 فتيات يخدمو معه بدعوى أنه ابن هيتلر (لوغان) و كيفاش قرر يدمرهم و يشوههم و هنا بدات كتبان علامات لوغان صغير ماعندوش كود أخلاقي إلى راك ماشي معه راك ضدو هه.. الصراحة استمتعت بهاد النسخة ديال كيندل و أصبح شخصيتي المفضلة خصوصا أن الواد عامل آداء مقود هاد التقلبات لي كايعيش صعيب يجسدهم أي واحد و الواد ليه نظرات بوحدها كتوصلك الحالة ديالو.
|
|
|
|
لقاء كيندل ب لوغان باش يعطيه عرض البيع كان خطير بالرغم من أن لوغان عارف خطورة الموقف و عارف أنه فموقف ضعف كيفاش كان واقف زي الثور كايربي فكيندل بالهضرة ههه كايرجعو يبان صغير وخا هو لي فوضع مسيطر أكثر لدرجة كتبدا تقول واش فعلا الوضع خطير و لا غا الآخرين كايزيدو فيه و لكن بمجرد خرج كيندل رجعنا لوغان للوافع و أن الأمر خطير فعلا و هو فموقف ضعف هه
المسكين كيندل كالعادة الخبرة تنقصه كايجي حتال للنهار الكبير و كاياخذ شي قرار كايكون كافي باش يهدم ليه الخطة ديالو فجزء الإنقلاب الأول خذا قرار يمشي يسافر فيوم التصويت و فانقلاب العرس خذا قرار يخرجو يقلبو على مول الكوكايين من شدة الضغط لي عاش خصوصا من بعد ما عاود رباه لوغان قدام خوتو بالهضرة طبعا ههه .. قرار صغير تسبب ليه فخراب الخطة و آداء كيندل من بعد الحادثة أسطوري ميكس مشاعر صدمة و خوف و شك و فنفس الوقت فاش كتجرو بنتو يشطح و خاصو يضحك ههه
|
|
|
|
مشهد ختام الموسم الأول يااااه على الجمال ههه لوغان الوحش آداء خرافي و كاريزما غير عادية الواد ياعيني ماعارفش يقول كلمتين على بعض بسبب طريقة كلام لوغان و أسئلته لي ظاهرها كيبان أب باغي مصلحة ابنه و باطنها إنت خسرت يا ابني مرة ثانية و انهيار الواد يا عيني فمشهد كتبان فيه قوة و وحشية لوغان أكثر من أي حاجة.
الملفت للنظر أن لوغان فكاع محاولات الإنقلاب عليه تقريبا كايكون مركز على حوايج آخرين تا كايقربو يعلنو على الإنقلاب عاد كايعرف و لكن ابن الإيييه وحش يا جبل مايهزك ريح و الكاريزما و الآداء التمثيلي للشخصية أسطوري بجد شابوووه
|
|
|
|
هادو جات معهم إلى قالوها بنادم عندو يخت و لا كايمشي يجلس فقصر تتوضر فيه و لا أوطيل 17 نجمة مع شوية مزز حلوين ضايرين بك ههههههههنا كتلقـى بنادم كايتبحر فزناتة و إلى مشا مرة مرة لبوزنيقة كايعتابر راسو من عائلة روي و فاضحنـا ما أجمل الصيف ههههالصراحة التبحرات مرة مرة كنمشي حتى كايقرب المغرب نضرب عومة بلا شمس بلا عمورية و نطلع فحالي هههه
| إقتباس لمشاركة: | كايزر سوزي | 16:31 - 2023/08/25 | اهلا ولد باطيمات الصباغة والنواحي بخير ؟ كين بعدا شي تبحورات ولاوالو هه الصيف ديما هكا وخصوصا هاد العام كتحس براسك مسالي وعظامك ثقال عليك هههه كتلقى بنادم ساكن في كازا وعزيز عليه هاد الفصل بففف الصيف زوين خاص يقولوها غير ولاد لوغان روي هههههه
|
|
|
|
|
|
وي صناع المسلسل دارو خدعة صغيرة للمشاهد بديك الدخلة ديال البداية رجل عجوز فايق من النعاس ماعارف حتى راسو فين وكتظهر عليه أعراض المرض مباشرة من بعد لقطة لكنيدال جاي فالسيارة كيتمزك وسعيد ومن بعد كتعرف هو المسؤول والأب في المنزل كيطمن على نتيجة المفاوضات من الهاتف اوتاماتيكيا كتقول صافي هذا اب صافي سلم لولدو السلطة وكلها شوية والحج هيتوكل عالله وتنوض حرب بين الورثة هوب الحج لوغان بستغفلنا بعدما شاف وجه كيندال على المجلة وجن جنونه هههه ديك اللقطة صراحة صدمة حتى للمشاهد يعني بعد جهد كيندال كتوقع لوغان غايشكرو الشيء اللي كيبحث عليه كيندال دائما من والده الشكر والتقدير وانه يحس انه فخور بنفسه وثبث ذاته بعيدا عن ظل ابيه لكن الصدمة ان لوغان ضرب داك مجهوده كامل في الزيرو
| إقتباس لمشاركة: | كاف شرطة | 14:45 - 2023/08/25 | | ندخلو فالإنطباع الخاص : المسلسل فالبداية كايعطيك إنطبـاع أنه غادي فسكة ديال حرب الأبناء مع بعضهم و أن الأب بالنظر لصحته و عمره دوره غايكون شبيه بدور سالامانكا فبريكينغ باد ههه و بشوية بشوية كايتبدل مسار المسلسل و كايتبدلو توجهات الشخصيات الشخصية و حتى كيفاش عطاو لكيندل مبتغاه فبداية المسلسل باش يكون CEO ديال مجموعة روي و بان أنه الماتش كبير عليه و كيفاش ردو لوغان روي مغفل و طيب فاش عطاه يسيني وراق ديال مارشا باش يدخلوها فاللعبة معهم بلا مايعيق مستغلا سذاجته كون لوغان هو الأب ديالو على عكس مثلا شيف لي رفضات و قالت ليه خاص المحامي ديالي يشوف هادشي بعدا ههه ملا انطباعات و فاش مرض الأب دوك الصراعات لي بداو شكون غايشد المسؤولية و يطلع CEO و المسكين كيندل عاود خدا المنصب و لقا راسو غارق فمصيبة القرض الكبير و بالرغم من المجهود الكبير لي دار باش يعتق المجموعة فاش باع الأسهم و الفرحة الكبيرة لي فرح كأنه حقق انتصار لنفسه حسب منظوره و أنه عتق المجموعة من هاد المصيبة و مشا يخبر لوغان بآشنو وقع و أنه تدبر المشكل و بمجرد ما قال ليه شنو دار باش يحل المشكل لوغان روي رجع بينو صغييير و ضرب ليه هاد المجهود و الفرحة و الإعتزاز بنفسه فالزيرو بجملة وحدة خرجها بزز نظرا لأنه مازال فيه آثار المرض ملا لقطة و ملا صدمة على وجه كيندل ( https://youtu.be/zQwsXTKmPik?si=GQ56PPaAm7STHzrQ ) باش يعاود عاوتاني يرجعو لنقطة الصفر باش يثبت راسو و يخرج من جلباب أبيه الداهية الوحش
|
|
|
|
|
|
لقطة خرافية ديال الانقلاب الاجتماع غايبدا وفرانك كيأجل الاجتماع بنما وصل كيندال ولوغان مافاهم والو بشوية بشوية كيبدا يدخلو الشك حتى صارحوه لكن لوغان بالخبرة عرف سيطر على الموقف ويخلي التصويت في صالحه خصوصا صوت رومان الحاسم كيفاش تعالب وسيطر عليه فديك اللقطة ماخلا ليه مايقول بقى غير كيشوف ههههه
| إقتباس لمشاركة: | كاف شرطة | 16:58 - 2023/08/25 | بالنسبة ليا الموسم الأول مقسم ل3 أجزاء الجزء الأول هو فترة مرض لوغان روي و بيع كيندا لأسهم المجموعة بطريقة غير مباشرة لعدوه ساندي
الجزء الثـاني ديال الإنقلاب من بعد ما جمع كيندل شتات نفسه و بدا خطة الإنقلاب و جمع الأصوات من الصراعات الجميلة فهاد الجزء أو ماشي صراع غا خلاف لوغان مع خوه إيوان روي و كيفاش بداو كايتعاطاو قدام البقية ههه هنا كتعرف أن لوغان فعلا وحش لا يهمه شيء سوى الحفاظ على ما تم بنائه و غير مستعد يتنازل على أفكاره وخا كان قاب قوسين يودع بسبب المرض و لكن تا حاجة متبدلات عندو
و حلقة التصويت كتبقى حلقة فخمة و كمية أدرينالين مش طبيعية كيفاش حتى تبدلات آراء البعض منهم جيري و رومان و ستيوي و إيوان روي لي وفي لمبادئه بالرغم من الخلاف مع لوغان .. آداء لوغان فهاد المشهد غير طبيعي و كيفاش كايدير الضغط على المصوتين هه خصوصا الغر رومان لي بينو فحال شي طفل صغير.
المسكين كيندل للمرة الثانية حتى كايقرب يوصل لهدفه كايرجعو لوغان لنقطة الصفر و هاد المرة رجعو لناقص 0 و دخلو فمتاهة اكتئاب رجعاتو لسكة الإدمان |
|
|
|
|
|
ديك اللحظة اللي غايقول فيها لوغان mr president ohh ناري فكرتني فديك الخبرة ديال عادل إمام
https://youtu.be/ArH9uIhK5QE?si=iDWzesAgad5K-dqI
|
|
|
|
الموسم الأول جيد جدا للبناء وحتى تعريف للشخصيات وتبدا تنساجم معاهم لكن المواسم التالية اكثر روعة وكل شخصية غاتاخذ المساحة ديالها في القصة وغيدخلو في الصراع والمسلسل غايبدا في منحى تصاعدي .. حقيقة الواد كيندال عامل أداء رعب أما لوغان هداك استاذ ورئيس قسم هه ممثل عندو داكشي بميزان الذهب ماكيناش الافوة نهائيا ... اللقطة اللي هضرتي عليها في المشهد الأخير حلقة 10 كيفاش من دخلة كيندال كتشوف لوغان مريح مرتاح كيحسسك شاد شيحاجة على كيندال وطريق فاش قال لمارشا وولدها يخرجو ووقف وكيأمر كيندال ( اللي اصلا ديك لقطة واحد جالس والآخر واقف في لغة الجسد كتعني دائما الآخر فوق منك سلطة ) ومن بعد خاذو بالحضن وقال ليه انت ابني المفضل ههه وكيندال تاهو ابدع فداك المشهد بالثلعثم وكتشوف انه ضعيف ويأس ونادم مشاعر كلها جسدها غير من عينيه ولغة جسده مريح منطوي على نفسه وانه فاقد الثقة وكيحاول يخبي جريمته قبل ماينهار بالبكاء .. وفعلا لوغان ديما آخر من يعلم في الانقلاباته ابنه لكن كيعرف يسيطر على الموقف بسرعة وبدهاء .. خونا شبعان خبرة فالمجال وكتحس بيه كيقول لكيندال ماتصحى يا ابني انا صارعت وحوش قبلك ههههههه
صراحة تنافس رهيب بين هاد جوج ممثلين شكون يتفوق على الاخر
|
|
|
|
نفس شكل ملامح عادل إمام و هو كايقول يا سعادة الرايس هههه
| إقتباس لمشاركة: | كايزر سوزي | 19:57 - 2023/08/25 | ديك اللحظة اللي غايقول فيها لوغان mr president ohh ناري فكرتني فديك الخبرة ديال عادل إمام
https://youtu.be/ArH9uIhK5QE?si=iDWzesAgad5K-dqI |
|
|
|
|
|
ماسك لساني بالعافية لانحرق ههههه ملا مشاهد فهاد التحفة .. من شحال هادي ماشدني شي مسلسل هكا عرفتي شحال من مرة كنعاود لقطات بعد إنهاء اي حلقة ههه والله حتى الفن هاد صناع المسلسل عرفتي راه كيجيبو شي لقطات ونهايات مع طلعة ساوندتراك جميلة كتجيب لك القشعريرة هههههه المسلسل شبعان ساوندتراكات رهيبة والظاهر كده هنتمتع يا ابن باطيمات الصباغة بشوية تحف على اليوتيوب ياسلام ههه
|
|
|
|
ملا صراع خصوصا بين أب و ابنه هذا غا موسم واحد و خرج و الموسم الأول لي كايكون عادة خاص بالبناء و خرج منو هادشي كامل باقي المواسم غايكونو تكسير عظام مافيهاش شكداكشي علاش باغي ناخذ راحتي فالفرجة و نستمتع بيه قبل الكآبة لي غاتشدني بعدما نساليه هههه
| إقتباس لمشاركة: | كايزر سوزي | 20:15 - 2023/08/25 | الموسم الأول جيد جدا للبناء وحتى تعريف للشخصيات وتبدا تنساجم معاهم لكن المواسم التالية اكثر روعة وكل شخصية غاتاخذ المساحة ديالها في القصة وغيدخلو في الصراع والمسلسل غايبدا في منحى تصاعدي .. حقيقة الواد كيندال عامل أداء رعب أما لوغان هداك استاذ ورئيس قسم هه ممثل عندو داكشي بميزان الذهب ماكيناش الافوة نهائيا ... اللقطة اللي هضرتي عليها في المشهد الأخير حلقة 10 كيفاش من دخلة كيندال كتشوف لوغان مريح مرتاح كيحسسك شاد شيحاجة على كيندال وطريق فاش قال لمارشا وولدها يخرجو ووقف وكيأمر كيندال ( اللي اصلا ديك لقطة واحد جالس والآخر واقف في لغة الجسد كتعني دائما الآخر فوق منك سلطة ) ومن بعد خاذو بالحضن وقال ليه انت ابني المفضل ههه وكيندال تاهو ابدع فداك المشهد بالثلعثم وكتشوف انه ضعيف ويأس ونادم مشاعر كلها جسدها غير من عينيه ولغة جسده مريح منطوي على نفسه وانه فاقد الثقة وكيحاول يخبي جريمته قبل ماينهار بالبكاء .. وفعلا لوغان ديما آخر من يعلم في الانقلاباته ابنه لكن كيعرف يسيطر على الموقف بسرعة وبدهاء .. خونا شبعان خبرة فالمجال وكتحس بيه كيقول لكيندال ماتصحى يا ابني انا صارعت وحوش قبلك ههههههه
صراحة تنافس رهيب بين هاد جوج ممثلين شكون يتفوق على الاخر |
|
|
|
|
|
| إقتباس لمشاركة: | كاف شرطة | 20:16 - 2023/08/25 | نفس شكل ملامح عادل إمام و هو كايقول يا سعادة الرايس هههه
|
|
|
|
|
|
تصدق و تأمن بالله يلا باغي نكتب رد على الساوندتراك الهادئ فنهاية الحلقة كايخليك تحس بالنشوة ديال الفرجة و كتسالي الحلقةة و نتا منتشي بجرعة فن كنتي فيــــــن يا لحمة لما كنا جزارين هههه و لكن جا فوقتو لإعادة الشغف
| إقتباس لمشاركة: | كايزر سوزي | 20:21 - 2023/08/25 | | ماسك لساني بالعافية لانحرق ههههه ملا مشاهد فهاد التحفة .. من شحال هادي ماشدني شي مسلسل هكا عرفتي شحال من مرة كنعاود لقطات بعد إنهاء اي حلقة ههه والله حتى الفن هاد صناع المسلسل عرفتي راه كيجيبو شي لقطات ونهايات مع طلعة ساوندتراك جميلة كتجيب لك القشعريرة هههههه المسلسل شبعان ساوندتراكات رهيبة والظاهر كده هنتمتع يا ابن باطيمات الصباغة بشوية تحف على اليوتيوب ياسلام ههه |
|
|
|
Duhok Forum 3.0
