|
|
اتفاق بين الجامعة الملكية المغربية لكرة القدم و الدولي الاسباني السابق أندريس إنيستا لشغل منصب مستشار تقني, يذكر أن الجامعة الملكية متعاقدة مع عدة مستشاريين تقنيين كالفرنسي أرسين فينجر, و الهولندي المدرب السابق لبرشلونة رايكارد, و الاسباني ماريو خوطا الاطار السابق في الاتحاد الاسباني و المشرف العام على مشروع التكوين في اسبانيا في الفترة مابين 1999 و 2012.
السؤال المطروح ما دور هؤلاء الأسماء داخل المنظومة الكروية المغربية؟ و كم يكلفون ؟ و ما هي الأهداف المسطرة معهم ؟ و هل ضروري التعاقد معهم لانجاح مشروع الكرة داخل المغرب ؟
|
|
|
|
حتى نسينا إنوي أصبرو دابا خاص تبدا باش بنادم ينسى شوية المهزلة
|
|
|
|
ونااااري البعض بصح تياق السحر و الشعوذة سبب العقم الهجومي *-*
|
|
|
|
تخيل الأسبوع المقبل البطولة غادي تلعب فيها الدورة 9 و كاين بزاف ديال الأندية مازال عندها مؤجلات و عندهم الأسبوع المقبل و الأسبوع اللي من بعدو خرجات افريقية يعني مزيد من التأجيل
و البطولة خاصها تسالي قبل 17 ماي المقبل يعني ف 4 أشهر خاصك تلعب 21 دورة زائد المؤجلات و كأس العرش و عندك 4 الفراقي لاعبين فلافريك و هادشي داخل فيه توقف دولي فمارس ديال جوج أسابيع هههههه
|
|
|
|
| إقتباس لمشاركة: | Rajaoui wanted | 16:40 - 2026/01/19 | | ونااااري البعض بصح تياق السحر و الشعوذة سبب العقم الهجومي *-* |
|
قبيلا فقهوة واحد السيد بعقلو كيهضر مع صاحبو قاليه را هبطو للفيستيار دارو السحور فالفوطة ماشفتيش كيفاش ماخلاوش المغاربة يحيدوها ليهم ههههههه
|
|
|
|
الكان المقبل سيكون في الفترة الممتدة من 1 الى 29 غشت 2027, و سيقام في ثلاث دول و هي كينيا بمدينة واحدة و هي العاصمة نيروبي, تنزانيا بمدينتين زنجيبار و دار السلام, و أوغندا بمدينتين و هي أوهوي,و العاصمة كامبالا.
الكان المقبل سيقام لأول مرة في شرق القارة منذ نسخة اثيوبيا سنة 1976, و سيقام على ستة ملاعب و هي :
- ملعب نيروبي الوطني و الذي سيحتضن النهائي و يتسع ل 57 متفرج ( قيد الانشاء)
- ملعب بينجامين مكابا دار السلام بتنزانيا و يتسع ل 60 ألف مشجع و سيحتضن الافتتاح (جاهز)
- ملعب مانديلا بالعاصمة كامبالا و يتسع ل 40 مشجع ( قيد الانشاء )
- ملعب موا الدولي بالعاصمة نيروبي و يتسع ل 65 ألف مشجع (جاهز)
- ملعب عمان بزنجيبار و يتسع ل 20 ألف مشجع (جاهز)
- ملعب أوهوي الدولي و يتسع ل 20 ألف مشجع (قيد الانشاء)
الكان سيلعب بستة ملاعب و في خمس مدن, هذه الأخيرة بها مطارات و سيكون التنقل بينها فقط عبر الطائرة, لكون المسافة بين هاته المدن بعيدة ( أقرب مسافة بين زانجيبار و دار السلام 500 كلم و أبعد مسافة بين نيروبي و أوهوي 1900 كلم )
فترة غشت في هذه الدول تعرف تقلبات جوية كثيرة و لكن الحرارة تكون مرتفعة في هذا الوقت من السنة, و ستكون نسخة مشابهة للشان الأخير الذي أقيم بها.
بعد كان بنكهة أوروبية سنعود سنة 2027 للأجواء الافريقية
النسخة الأكيد ستعرف مفاجئات كثيرة خصوصا أن توقيتها سيكون بداية الموسم, و أيضا المجموعات الثلاث الأولى ستعرف تواجد كينيا, تنزانيا, و أوغندا, مما يعني رؤوس المجموعات الأخرى ستعرف الثلاث منتخبات أكثر تصنيفا في الفيفا و هي المغرب, السنغال, و نيجيريا, و البقية ستكون في القبعة الثانية ( مصر - تونس - الجزائر - الكوتديفوار - الكامرون - جنوب افريقيا ) و منتخبات أخرى ستتواجد بالمستوى الثالث كمالي و الكونغوالديموقراطية و الغابون مما سيعطي ثلاث مجموعات نارية.
|
|
|
|
صحاب نظرية المؤامرة قالك ثم الإتفاق على ضياع ضربة جزاء بدليل الحارس كان خارج من الخط و الحكام حتى واحد فيهم مانتبه و اللاعبين السنغاليين حتى واحد ما فرح بالتصدي في وقت جد حساس حلل و ناقش مع هاد القوم
|
|
|
|
أعلنت الجامعة الملكية المغربية لكرة القدم من خلال بلاغ لها أنها ستلجأ للمساطر القانونية لدى الكونفدرالية الإفريقية لكرة القدم والاتحاد الدولي لكرة القدم، للبث في انسحاب المنتخب السنغالي من ملعب المباراة النهائية أمام المنتخب الوطني ، وما صاحبه من أحداث بعد إعلان الحكم عن ضربة جزاء صحيحة باجماع المختصين ،مما اثر بشكل كبير على السير العادي للمباراة ومردود اللاعبين.
من جهة أخرى تتقدم الجامعة الملكيةالمغربية لكرةالقدم بالشكر الجزيل لكافة الجماهير المغربية التي ظلت وفية للمنتخب الوطني بحضورها الكثيف وتشجيعاتها المثالية في كافة مباريات المنتخب الوطني وباقي المباريات. كما تشكر كل من ساهم في إنجاح هذه البطولة القارية
|
|
|
|
| إقتباس لمشاركة: | Rajaoui wanted | 17:27 - 2026/01/19 | صحاب نظرية المؤامرة قالك ثم الإتفاق على ضياع ضربة جزاء بدليل الحارس كان خارج من الخط و الحكام حتى واحد فيهم مانتبه و اللاعبين السنغاليين حتى واحد ما فرح بالتصدي في وقت جد حساس حلل و ناقش مع هاد القوم
~~~~~~~
سمير طريقة التسديد ديال دياز تتحل الباب لمثل هاد النظرييات
مثلاً بالنسبة للحكم ، أي لاعب تيخرج من الملعب لـ الفيستيار بلا إذن الحكم = ورقة صفرة مباشرة ، و لكن بعد عودة اللاعبين حتى واحد ما شد ورقة صفرة
حيت كولشي : الكاف + اللجنة المنظمة + الحكم ... كان الهدف ديالو انهاء المباراة و الكان ف ظروف طبيعية |
|
|
|
|
|
| إقتباس لمشاركة: | Youssef Lucci | 19:19 - 2026/01/19 | أعلنت الجامعة الملكية المغربية لكرة القدم من خلال بلاغ لها أنها ستلجأ للمساطر القانونية لدى الكونفدرالية الإفريقية لكرة القدم والاتحاد الدولي لكرة القدم، للبث في انسحاب المنتخب السنغالي من ملعب المباراة النهائية أمام المنتخب الوطني ، وما صاحبه من أحداث بعد إعلان الحكم عن ضربة جزاء صحيحة باجماع المختصين ،مما اثر بشكل كبير على السير العادي للمباراة ومردود اللاعبين.
من جهة أخرى تتقدم الجامعة الملكيةالمغربية لكرةالقدم بالشكر الجزيل لكافة الجماهير المغربية التي ظلت وفية للمنتخب الوطني بحضورها الكثيف وتشجيعاتها المثالية في كافة مباريات المنتخب الوطني وباقي المباريات. كما تشكر كل من ساهم في إنجاح هذه البطولة القارية |
|
بلاغ ديبلوماسي من الجامعة
الكاف غادي تسنى واحد يوماين أو 3 أيام بينما بردات القضية و غادي ينزلو بعقوبات مالية على السنغال و ممكن العقوبات توصل لتوقيف مدرب السنغال و بعض اللاعبين لمبارة أو مبارتين و حتى يلا كانو قاسحين معاهم يعطيهم ماتش أو جوج ماتشات بدون جمهور
|
|
|
|
الصورة من ربع النهائي ديال كان 2004 مابين تونس و السنغال ديال الساعة المنتخب السنغالي كان منتخب قوي أيضا الشوط الأول الحكم حرم السنغال من ضربة جزاء واضحة و كان متحيز للتوانسة مع بداية الشوط الثاني المناري سجل هدف من تسلل مورق و تحسب الهدف السنغال جهلو و دارو بحال داكشي اللي دارو البارح انسحبو و خرجو من الملعب و شوية رجعو و بغاو يديرو الفوضى الماتش توقف لمدة 25 دقيقة و كان تدخل عنيف من الشرطة التونسية فحق السنغاليين و رجعو للماتش و التوانسة ربحو الماتش ديالهم و دازو صحة
|
|
|
|
المغرب يدرس تثبيت فرض التأشيرة على بعض الدول الإفريقية بعد تقييم تجربتها في كأس أمم إفريقيا
|
|
|
|
امين السنغال ديماوكيديرو هاد الفوضى ولكن في كل الحالات كانو تعرضو لظلم واضح داكشي لاش بقات عندهم هاد الحساسية من البلد المستضيف..ويلا جيتي راه هادشي لي خدام في لافريك..اللوم على دوك الحنان لي عندنا مشاو كيحزروهم يرجعو وزاد كمل براهيم الباهية بداك التحلوين ديالو
|
|
|
|
2000 في ربع النهاية كانو رابحين نيجيريا البلد المنظم تا قرب الماتش يسالي هو يهبط الجمهور للتيران والامن دخلو للمستطيل الخضر بالاحصنة تابعين الجمهور وكاينين لاعيدبين من السنغال كلاو لعصى وبعد توقف كمل الماتش والحكم ماصفر تا ضربت نيجيريا التعادل ومشاو للاشواط زادوهم الثاني وتقصا السنغال
2004 الماتش لي قلتي ديال تونس لعبو في الضبابة ماكيبان والو توانسة ماركاو مشاو احتفلو صحة والحكم ماقدرش يصفر اورجو اولا يمكن الكرة اصلا ناتجاوزتش خط المرمى
2006 ضد مصر في آخر الدقائق بينالتي قد السخط للسنغال مدافع مصر دار طاكل جمع مهاجم السنغال وماقاصش كرة نهائيا
|
|
|
|
افريقيا عنده خصوصياتها مايمكنش طبق فيها قوانين اوروبا
كايني اعراف متعارف عليها في لافريك البلد المنضم خاصو دفيعة باش يوصل
مباراة النهائي صعيييب تخرج فيها طرد او تصفر بينالتي في آخر ثانية واخا تكون صحيحة
|
|
|
|
بصراحة أي منتخب بلاصة السينغال كان غادي يدير نفس التصرف
حيت إعلامياً ترسخات قناعة عند الجميع بلي الكاف باغيا تعطي الكأس صحة للمغرب ، و أكثر من روج للفكرة هو الإعلام الفرنسي
تصور مصر أو كوت ديفوار بلاصة السينغال و تتحسب ضدهم بيلانتي فداك التوقيت ؟
عموماً هاد الكان تعطي دروس للقجع لـ وضع حد لسياسة استضافة مباريات جميع المنتخبات لي معندهاش ملاعب فـ ملاعبنا
|
|
|
|
هاد الهضرة لي قال دومينيك على تحلوين سي براهيم مايقولوهش اعلام مارس عندنا
https://www.facebook.com/share/v/1D9iBEhy9U/
|
|
|
|
| إقتباس لمشاركة: | عبدالله الرجاوي | 00:17 - 2026/01/20 | هاد الهضرة لي قال دومينيك على تحلوين سي براهيم مايقولوهش اعلام مارس عندنا
https://www.facebook.com/share/v/1D9iBEhy9U/ |
|
راديو مارس شفتهم هاد العشية تكاو على راس لافوكا عكس البارح و الصباح كانو كيهضرو بتحفظ عليه و لكن العشية صافي كولشي تكا عليه كنظن عندهم شي خبر أن راس لافوكا ماغاديش يكمل نفس البلان كان وقع يامات الشرعي ديال الأولمبي مادواوش عليه فالكان حتى دازت شي شهرين من بعد و هوما يتكاو عليه موراها بشي أيام تقال و تعوض بالسكيتيوي
|
|
|
|
وليد الرگراگي عندما استضافه المنشط الإسباني جوسيب بيدريرول في برنامجه الرياضي الشهير El chiringuito خلال شهر أبريل الماضي، كان قد سأله عن مدة عقده مع الجامعة الملكية المغربية لكرة القدم، فأجاب أنه سينتهي حتى مونديال 2026، لكن الصحفي الكتلاني عاود سؤاله بشكل ذكي :"وإذا لم تفز بكأس إفريقيا؟" أجاب الركراكي وهو يضحك :"واضح جدا... سينتهي حينها مع نهاية كأس إفريقيا".
|
|
|
|
هل تعلم أن المنتخب السينغالي لعب يوم أمس بمدافع أوسط خريج مدرسة أولمبيك ليون مامادو سار لم يتجاوز 20 سنة
ودخل لاعب باريس سان جيرمان إبراهيم مباي صاحب 17 سنة
في الوقت الذي صرح المدرب المغربي وليد الركراكي أن باعوف ومعما باقيين صغار و خاصهم الوقت باش يجي للمنتخب الأول
|
|
|
|
دول المغرب العربي و قنواتهم تتفهم موقفهم من الكان و المغرب ، ولكن فرنسا و خصوصا ليكيب و قناتهم متتفهمش موقفهم
|
|
|
|
أنا كنت من الناس اللي قالوا أن ابراهيم دياز لم يتعمد اضاعة ضربة الجزاء و لكن ملي بردت و عاودت اللقطات من بعد و الفيديوهات ديال ضربة جزاء من داخل الملعب و ردة فعل الاعبين السنغاليين تيقنت مليار فالمئة أنه تعمد يعطيها ليه فيديه من اجل ارضاء واحد الفئة و باش ما يتقالش اعلاميا انن نظمنا الكاس و خديناه صحة ضحينا بمشاعر أمة على قدها أنا كنكون لاعب غير مع ولاد الدرب كنتناقشوا على كرة فيها بيلانتي لا مافيهاش شوية كياخدوه و يلعبوه كيجبدها الحارس كنغوتوا كاملين بالفرحة هاهي مافيهاش و ما تماركاتش و انت لاعب على كأس افريقيا مجهود شهر ديال الماتشات و فالدقيقة 98 و فالعقل ديالك كتقول انا مظلوم و يجبدها الحارس ديالك و حتى واحد من اللعابة مايفرح كلهم طلعوا للوسط بحالا غادي يلعب ضربة خطأ او ضربة مرمى غير هادي كافية على أنها تبين ليك أن داك الشي مخدوم فرقة كلها خرجات من الملعب اعتقادا منهم أنهم تظلموا و ماكاملاش دقيقة كلهم رجعوا بغاو يكملوا الماتش شفتي غير لو بقاو واحد 10 الدقايق عاد رجعوا نقولوا بقاو كيطلبوا فيهم رجعوا ... اما هوما دقيقة خداو ضمانة ان البيلانتي ماغاديش يتماركا رجعوا كلهم للتيران واحد اللقطة البيلانتي غادي يتضرب الكاميرا شادة على وجه دياز وراه مدافع سنيغالي عوض يكون كاعي خايف السيد كيضحك مع صاحبو ضامن مليار فالمئة أن البيلانتي غادي يضيع
|
|
|
|
ضيع البيلانتي سيروا للاشواط و كلها يضرب على راسو مشينا للأشواط ماركاو عليك بيت و قول بحالا تطرد ليك لعاب ( ايغامان ) و مشا الكاس ( علما أنهم فالماتش كيستحقوا الرباح ) انا كندوي على الاحداث اللي طرات و كيفاش ضحاو بشعب على قدو باش تبقى الصورة ديال الكان مزيانة خلصنا ضريبة أننا كنديروا الخاطر للبراني و لو على حسب ولاد البلاد
|
|
|
|
فرنسا ا يوسف كتجيني هي مصر ديال أوروبا
حنا هوما اللي درنا الثورة فأوروبا و حنى هوما القياد ديال أوروبا و حنا اللي درنا النهضة و حنا هوما مركز أوروبا و الكون ...
كتجيهم فشكل دولة من المستعمرات ديالها نظمات نسخة مميزة من الكان و بلا ماتعول عليها فحتى حاجة لا من بناء الملاعب لا من التنظيم لا والو عادي تكون ديك الحساسية من هادشي فالاعلام ديالهم
|
|
|
|
توفي أحد عمال ملعب مولاي عبد الله متأثرا باصابة في الرأس, أصيب بها أثناء الشغب الذي قامت به الجماهير السنغالية, أحدهم ضربه بكرسي على رأسه, و نقل يوم أمس على وجه السرعة للمستعجلات, و هذا المساء توفي.
انا لله و انا اليه راجعون
|
|
|
|
سعيد زدوق : وليد الركراكي مازال هو المدرب ديال المنتخب و هو اللي غادي يكون فكأس العالم, لحد الآن ماقدمش الاستقالة ديالو و ماغاديش يقدمها, و حتى واحد من الجامعة ماهضر معاه فالموضوع, الأمور واضحة الركراكي مازال مدرب للمنتخب حتال نهاية العقد بنهاية آخر مبارة للمنتخب فكأس العالم المقبل, و لكن كرأي شخصي فالحقيقة وليد دار أشياء رائعة مع المنتخب وصل لنصف النهاية فمونديال قطر, و وصل لنهائي الكان و لكن كنظن أنه وصل لواحد المرحلة اللي ماعندو مايزيد, كاين غضب جماهيري كبير عليه خصوصا من بعد ضياع اللقب, و كنظن هادشي غادي يخلي فقط المشاكل تزاد على الجامعة و على المنتخب من طرف الجمهور و الصحافة , اللي كانو صابرين عليه فقط على قبل الكان.
|
|
|
|
من الحوايج اللي ماعجبونيش البارح هو النزول ديال كلود لوروا لأرضية الملعب و كيهضر مع ساديو ماني, بأشمن صفة هبط لأرضية الملعب ؟ واش مسؤول فالكاف ؟ واش مسؤول فالجامعة السنغالية ؟ اللي فراسي هو فقط مدعو لحضور النهائي بحالو بحال مجموعة من المدربين و اللاعبين السابقين
علاش هبط لأرضية الملعب و بدى كيهضر مع ماني ؟
|
|
|
|
السي سلمان الله يجازيك بالخير يلا عندك شي خبر على موعد النهار الأول ديال رمضان و يوم العيد
|
|
|
|
الجمعة 11 يونيو 2010 ملعب سوكر سيتي بجوهانسبورغ افتتاح كأس العالم 2010 بين جنوب افريقيا و المكسيك
الخميس 11 يونيو 2026 ملعب مونتيري بالمكسيك افتتاح كأس العالم 2026 بين المكسيك و جنوب افريقيا
بعد 16 سنة في نفس اليوم و بين نفس المنتخبين
|
|
|
|
حاجة أخرى استمرار راس لافوكا مدربا للمنتخب فكأس العالم غادي يسالي بنكبة أو فضيحة جديدة, نفس الأخطاء من راس لافوكا كتعاود و غادية تعاود
كاين التوقف الدولي ديال مارس هو الأخير قبل المونديال المنتخب لحدود الساعة مابرمج حتى ماتش ودي وخا عارف الخصوم ديالو فكأس العالم شكون هوما مع العلم عندك منتخبات ممكن تلعب ضدهم من أوروبا أو أمريكا الجنوبية
و لكن غادي كيف العادة غادي يبقاو تاتبقى واحد 2 أو 3 السيمانات و يجيبو عاوتاني الكونغو و الموزمبيق و البحرين ...
مصر الللي كنضحكو عليهم عندهم جوج ماتشات ودية واحد ضد اسبانيا و الآخر ضد السعودية
الكوتديفوار عندها جوج ماتشات ودية واحد ضد فرنسا و الآخر ضد البيرو
الدزاير عندهم جوج ماتشات ودية واحد ضد كولومبيا و الآخر ضد ايران
تونس عندهم جوج ماتشات ودية واحد ضد كندا و الآخر ضد أمريكا
جنوب افريقيا عندهم جوج ماتشات واحد ضد كوريا الجنوبية و الآخر ضد هولندا
السنغال عندهم جوج ماتشات ودية واحد ضد السعودية و الآخر ضد كوريا الجنوبية
الوحيديدن اللي مادايرينش ماتشات ودية من المتأهلين لكأس العالم المغرب و الرأس الأخضر
غادي يجيب عاوتاني شي منتخبات موضرين و يربحهم بزز بواحد و يمشي للمونديال يتشوه و ديك الساعة عاد غادي يمشي فحالو
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
