|
|
وحتى الراجا نيت مابقيتش كنتحمس ليها بعد هاد السنوات ديال الفساد التسييري واستحمار الجماهير
|
|
|
|
وباش نزيد نفقصك هو اصلا دا هداف الدورة وقاعما كان محتاج داك البيت هه
================
هادي راه كنت عارفها قبل مايمشي يتيري
غير حادة اللي خرجها من راسو قاليك عطاه الكرة النصيري باش ياخذ الهداف
أما مسألة النكير
طبعا نكرو
واش عرفتي شنو دار اليوم ؟؟؟؟؟؟
واش عرفتي تبعات هاد الهزيمة كي غتكون ؟؟؟؟
واش عرفتي بلي 50 عام و حنا كنتسناو نربحو الكاس و تجيك فرصة بين رجليك باش تسالي الحزاق كامل و ضيعها هكاك ؟؟؟؟؟؟
لا لا لا بزاف
|
|
|
|
للإشارة أنا راه متندويش هكا و نسبو هكا حيت ضيعها
أنا كنهدر علی الطريقة باش ضرب الكرة هي اللي صافي سالات معايا
|
|
|
|
دابا تخاف غا ينوضو دوك هركاوة يطبلو للسكيتيوي ونصدقو مبدلين قشبال بزروال
يلا كان شي تغيير خاص تجيب مدرب اجنبي كبيير ويكون معه مدرب الشبان باش دير خليط بين هاد الجيل واللعابة ديال مونديال الشباب
|
|
|
|
النجوم كاينين عندنا ولكن خاص لي يعجنهم مزيان تكتيكيا ويخرج منهم احسن نسخة
بونو حارس لا نقاش فيه
خط الدفاع خاصو ورش كبيير
الاظهرة لا نقاش فيهم
وسط الميدان عيناوي الرسمية المطلقة وخاص تقلب ليه على بديل وامرابط يمشي يعتزل عند ايت منا مع صحابو
الاجنحة والهجوم خاصو تاهو عمل كبير
|
|
|
|
عادل
براهيم موحال واش كان واعي بهاد القضية ديال 50 عام وحنا نتسناو
كن غا ضربها بقوة للسما مايلومو تا واحد
|
|
|
|
أ سيدي الفلوس كتخسر كتخسر جيب لينا مدرب عالمي
باركا من هاد التخربيق د والو
السيد 3 سنين و هو غير كيخور باش فاللخر ف 3 ماتشات قاصحين و فبلادنا ربح واحد و تعادل فجوج ب 0-0
لا يعقل بتاتا ما حدث لا يعقل
|
|
|
|
| إقتباس لمشاركة: | عادل | 02:29 - 2026/01/19 | أ سيدي الفلوس كتخسر كتخسر جيب لينا مدرب عالمي
باركا من هاد التخربيق د والو
السيد 3 سنين و هو غير كيخور باش فاللخر ف 3 ماتشات قاصحين و فبلادنا ربح واحد و تعادل فجوج ب 0-0
لا يعقل بتاتا ما حدث لا يعقل
~~~~~~~
بحال من مثلاً ؟ راه المشكل أن المدرب الجديد صعيب يوقف منتخب فـ ستة أشهر لكأس العالمي
يعني إلى غادي تجيب مدرب عالمي خصك تعطيه الوقت و تصبر عليه |
|
|
|
|
|
نبداو ماتش بماتش المجموعات الماتش الاول ضد جزر القمر فوز بشق الأنفس ضد منتخب مجهري فالقارة الماتش الثاني ضد مالي تعادل كان ممكن يكون هزيمة ضد منتخب جد عادي فالقارة الافريقية الماتش الثالث كان شوية هجومي ضد زامبيا و رغم ذلك ماكانش مقنع
الماتش ضد تنزانيا كارثي بكل معنى للكلمة فوز صعب 1-0 الماتش ديال الكامرون ماركاو جوج كرات تابثة (كوفرة و كورنير ) الماتش ديال نيجيريا التأهل بضربات الجزاء و حتى نيجيريا كان عندهم مشاكل فالهجوم ديالهم أوسيمين لعب موعت و كان شوية ديال زهر ضدهم و لكن كتدبير ديال الماتش كان خاصك نعفط عليهم ف 90 دقيقة الماتش ديال اليوم كان ممكن السنغال تساليه ف 90 دقيقة
لقجع مانكروش أنه خدم الكرة المغربية مزيان و لكن الغلط اللي دار بقى معول على الركراكي اللي كان خاص يسيفطو من بعد ماتش جنوب افريقيا فالكان اللي فات و كيفما قال عبد الله يلا بغيتي اللقب خاصك 28 لاعب جاهزة وهبي فمونديال الشباب فماتش النصف ضد فرنسا مشى ليه الحارس الأول لقى الحارس الثاني واجد و فاش توعت تاهو لقى الحارس الثالث واجد و هو اللي كان متألق فبيلانتيات السنغال اليوم كانو عندها 5 الغيابات و مع ذلك مابانش ليك الفرق
لقجع خاصو من هاد السيمانا يفاريها مع راس لافوكا و يجيب مدرب آخر للمونديال
| إقتباس لمشاركة: | عادل | 01:42 - 2026/01/19 | للأسف ضاع كل شيء
كلشي ضاع
كلشي مشی
براهيم خرجتي علينا الله ياخذ فيك الحق
من عندي مايزيدش مازال يدخل للمغرب
المدرب كما قلت شحال هادي خرج علينا الكلب لاخر
3 سنوات و هو خدام كيتخلص و لكن فالحقيقة مكيخدم مكيدير والو
لا خطة هجومية واضحة لا تناسق بين اللاعبين فالخصائص ديالهم لا كوتشينغ مقاد أثناء المباريات لا واااااااااالو
فاشل فاشل فاشل |
|
|
|
|
|
| إقتباس لمشاركة: | عبدالله الرجاوي | 01:45 - 2026/01/19 | اهلا عادل
دياز واخا بكا في اللخر ولكن راه ضيع حلم شعب كامل بالانانية ديالو
المسدد الاول هو حكيمي او شي واحد من لي ضربو ضد نيجيريا بحال العيناوي مثلا لي ضربها بطريقة رائعة |
|
كرة اللقب خاصها لاعب عندو كاريزما كان خاص حكيمي اللي يسدد هاديك الضربة
المشكل ماكاينش فالمنتخب مسدد أول و ثاني و ثالث اللي رشقات كيتيري الماتش الأول تعطات الكرة لرحيمي فاش زكلها ناض جلسو بخطرة الماتش الثاني ضد مالي جا بيلانتي عطاوه لدياز وخا ماعمرو ضرب شي بيلانتي الماتش ديال اليوم فالأول الكرة هزها حكيمي هو اللي كان غادي يتيري و من بعد داك التوقف تبدلات الأمور و تعطات لدياز
|
|
|
|
| إقتباس لمشاركة: | عادل | 01:46 - 2026/01/19 | نجيو للتنظيم
كلشي عارف أن أقوی منتخب هو السنغال كيفاش فرشتي ليه الطريق بسهولة يوصل للفينال بلا عذاب بلا والو
كيفاش تخليه فطنجة مبرع مكسل مع راسو حتی للفينال
عالأقل اخترع ليهم شي ديبلاصمون فالدومي |
|
وجد فرقة و عيط على 28 مقاتل هادوك وخا تعطيهم الدومي يلعبوه فالعيون و ترجعهم للفينال لكازا غادي يجيو يضربوك من اللخر
لائحة فيها سايس العجوز و ماسينا اللي كيلعب ظهير أيسر احتياطي مع طورينو و ايت بودلال و الياميق اللي كيلعب فالقسم الثاني ديال السعودية بلا ماندوي على الهجوم و الوسط
و بلا مانهضرو على دوك الماتشات ديال الاستعدادات ضد البحرين و الكونغو برازافيل و الموزمبيق ...
خاصك منظومة متكاملة للفوز باللقب مصر ف 2006 من غير الكواليس و التحكيم وجدو فرقة قوية و الدليل را عاودو داوها ف 2008 و 2010 من قلب الأدغال الافريقية و كون ما الثورة و المشاكل السياسية اللي طرات فمصر و تسببات فتوقف كرة القدم عندهم تما ل4 سنوات كان ممكن يديو حتى دورة 2012 و 2013
|
|
|
|
واع كنعاود نتفكر السيناريو كنبغي نفgسهم
و الله كون كنت من الملك داك الزامل د براهيم مايزيدش مازال يدخل للمغرب
صافي انتهی كل شيء معه
|
|
|
|
| إقتباس لمشاركة: | عبدالله الرجاوي | 02:06 - 2026/01/19 | انا كورة والله مابقات كتاثر فيا وخصوصا مباريات المنتخب من نكسة الغابون 2012
كان عندي واحد الحماس في ديك الدورة مايمكنش بعدنا بيعونا لعجل بغيريتس والنجوم لي كانو في المنتخب
بعد الاقصاء مرضت مزيااان من تما حلفت مانبقى نتحمس للمنتخب |
|
من كان 2013 مابقيت كنتسوق لشي منتخب من نهار الاقصاء ضد جنوب افريقيا بسبب داك التعادل فآخر اللحظات
من تما صافي 2017 و 2019 و 2021 و حتى 2023 ماتسوقتش ليهم نهائيا
الاستثناء كان هو 2022 تفاعلت شوية معاهم حيتاش المونديال
أما قبل باقي نعقل فكان 2008 من مورا ماتش غينيا ماقدرتش نعس هههههه ديك الكوفرة ديال فايندونو خصوصا ديك الساعة كان المنتخب مرشح للفوز باللقب داير ماتشات كبار فالاستعدادات تعادل ضد فرنسا و ربح السنغال ب 3-0 و ربح زامبيا 3-0 و ربح أنغولا 2-0 و كانت تشكيلة زوينة ديك الساعة فوهامي - المياغري - الجرموني الدفاع كان الرباطي ديك الساعة متألق مع مارسيليا و كيلعب معهم العصبة كان معاه وادو و فالاحتياط كان القرقوري و واحد الدري كان كيلعب ففرنسا مشات ليا سميتو الأظهرة كان كريستيان بصير ظهير أيمن و القادوري ظهير أيسر الوسط كان قيسي - كابوس - خرجة - البخاري - المختاري الأجنحة كان السكيتيوي - العلودي - أبوشروان - المباركي الهجوم كان الشماخ و حجي
ديك الوقت كانو هادو أفضل العناصر و كانو دايرين ماشتات مزيانة و مع أول ماتش ضد ناميبيا و ضربوهم ب 5 صافي كلشي طمع الساعة الصدمة كانت قوية ضد غينيا
من بعد منها جا التقهقر الكروي 2010 ماوصلناش للكان تال 2012 و حتى داك الاقصاء كان قاسي ضد الغابون و تونس مع غيريتس كولشي كان معول على المنتخب خصوصا فاش ضربو الدزاير ب 4-0 فمراكش و لكن مازال قبل داك الكان كانو الماتشات الودية بانو فيهم عيوب واحد الهزيمة ضد أوغندا فمراكش و من بعد تعادل مع الكامرون بصعوبة مع العلم أن الكامرون كانو كيمرو بفترة سيئة ديك الساعة واحد الماتش ضد تنزانيا تاهو كان فيه فوز صعيييب هاد الماتشات كانو دارو لينا شوية المناعة
من بعد عام جا الطاوسي طاح فمجموعة سهلة مع الرأس الأخضر و أنغولا و جنوب افريقيا كان كلشي زوين هههه رابحين 2-1 وصلات الدقيقة 88 حتى سيفطو جنوب افريقيا بوطة للمياغري موراها الرأس الأخضر ضربو بيت الرباح ضد أنغولا فالدقيقة 90 و دازو ههههه من تما صافي مابقيتش كنتسوق لشي منتخب
|
|
|
|
| إقتباس لمشاركة: | عبدالله الرجاوي | 02:17 - 2026/01/19 | دابا تخاف غا ينوضو دوك هركاوة يطبلو للسكيتيوي ونصدقو مبدلين قشبال بزروال
يلا كان شي تغيير خاص تجيب مدرب اجنبي كبيير ويكون معه مدرب الشبان باش دير خليط بين هاد الجيل واللعابة ديال مونديال الشباب |
|
اللي كيفهم فكرة غادي يعرف أن السكيتيوي مايصلاحش للمنتخب السكيتيوي فالأولمبياد تفرش ماكيعرفش يقرى الماتشات الشان و كأس العرب ماشي معيار باش تحطو كمدرب للمنتخب الأول
الخيار الأول اللي يفكرو فيه هو وهبي و ممكن يكون معاه السكيتيوي كمساعد
|
|
|
|
| إقتباس لمشاركة: | عبدالله الرجاوي | 02:21 - 2026/01/19 | النجوم كاينين عندنا ولكن خاص لي يعجنهم مزيان تكتيكيا ويخرج منهم احسن نسخة
بونو حارس لا نقاش فيه
خط الدفاع خاصو ورش كبيير
الاظهرة لا نقاش فيهم
وسط الميدان عيناوي الرسمية المطلقة وخاص تقلب ليه على بديل وامرابط يمشي يعتزل عند ايت منا مع صحابو
الاجنحة والهجوم خاصو تاهو عمل كبير |
|
كاينين الركائز اللي خاص تحافظ عليهم بونو - حكيمي - المزراوي - العيناوي - دياز - الزلزوليو بنسبة أقل ممكن فالاحتياط أخوماش - الخنوس - صلاح الدين
خاص تزيد عليهم بعض العناصر من المنتخب ديال أقل من 20 عام يلا حافظو على التوهج ديالهم بحال معما و الزابيري تبارك الله انتفضو من بعد كأس العالم خصوصا معما اللي كان خاصو يكون حاضر فهاد الكان و لكن الأهم هو المدرب اللي خاص يعرف يخرج التوليفة و يقرى الخصوم مزيااان و كيقرى الماتشات مزيان
|
|
|
|
الندوة الصحافية بعد المبارة
الصحفي عمر الشرايبي يسأل وليد الركراكي عن وضعيته رفقة المنتخب هل سيكون مدربا خلال المونديال أم أنه خاض آخر لقاء مع المنتخب
الجواب كان مستفز من وليد : ماشي سوقك فالوضعية ديالي ماغاديش نجاوبك عليها
|
|
|
|
حمزة ايغامان يصاب بقطع في الرباط الصليبي الأمامي للركبة, و بالتالي سيغيب لبقية الموسم.
|
|
|
|
مع هاد الهمج يال عوازا ، منظنش الدولة تفكر تنظم الكان مرة اخرى إلا بعدسنوات
https://x.com/Le360fr/status/2012996837225963830?s=20
|
|
|
|
الصحفي محمد فضال : احتراما لمشاعر المغاربة يتوجب عليك الاستقالة من منصبك
الركراكي : لو سجل دياز ضربة الجزاء كنت ستقول كلام آخر, لست أنت من يأمرني بالاستقالة هناك جامعة ملكية هي التي تحسم هذه الأمور.
بااااز على تخراج العينين فيه ماعمرني شفت شي واحد كيخرج عينيه بحال هذا
|
|
|
|
نهاية "كان" حزينة
مكتوب علينا أننا سنبقى نستدعي في كل مناسبة "كان" اللاعب الدولي السابق بابا إلى أن يرث الله الارض ومن عليها
|
|
|
|
مستحيل نجيبو الكان من خارج المغرب بالروجولة خاصنا نعاودو نظموه و شوف تشوف اللعابة من ماتش الكاميرون كيديرو قتالية كبيييرة مستحيل تكون في بلاد آخر بسبب تغير الاجواء و الجمهور و الحافز
|
|
|
|
صاااااافي بلا مانبقاو نحلمو بالكاس مرة أخری
طارت الطيور بأرزاقها
مع كامل الأسف براهيم ضيعنا و خرج علينا
أما داك راس لافوكا راه من زمان غسلنا يدينا عليه
و دبا بكل صراحة و كل حيادية نقولها :
لولا الدفيع د الحكام و الله ما كنا نوصلو للفينال
ماتش الكاميرون كلشي كيتصفر لينا، اللي علينا و اللي لينا، كلشي لصالحنا
نهار نيجيريا كذلك و مثال و المصيبة ماقدرنا نديرو و لا كرة خطيرة واااااالو و لا وحدة
و اليوم أيضا نفس الشيء شحال من كرة واااضحة كوفرة ليهم كيعطيها لنا حنا و أيضا لم نخلق إلا فرصة وحدة خطيرة اللي ضيعها الكعبي
|
|
|
|
تا شوف هاد المغاربة الحنان عاوتاني
قالك أ سيدي الأوامر جات للسي ابراهيم باش يضيع البينو
واااا هيا الرب العالي مع من عايشين
و الله حتی سركم نيت هاد الفقصة
|
|
|
|
باش نختمو هاد اليوم الكئيب جدا
شكرا ياسين بونو
يا بونو يا بونو يا حبيبي يا بونو
أسطورة حراسة المرمی ما كاين لا الزاكي لا غيرو
لولا بونو لما وصلنا لنصف نهائي المونديال و لما وصلنا أصلا للأشواط الإضافية اليوم
|
|
|
|
| إقتباس لمشاركة: | sofraj | 04:39 - 2026/01/19 | | مستحيل نجيبو الكان من خارج المغرب بالروجولة خاصنا نعاودو نظموه و شوف تشوف اللعابة من ماتش الكاميرون كيديرو قتالية كبيييرة مستحيل تكون في بلاد آخر بسبب تغير الاجواء و الجمهور و الحافز |
|
خاص طيح فجيل ديال افريقيا من اللخركيفما طاحو المصريين على جيل 2008 أو شي مي زهرة شي باركور ساهل تلقى راسك فالفينال و غادي يخصك تلعب على الفينال
من غير هادشي مستحيل ديها
|
|
|
|
| إقتباس لمشاركة: | عادل | 04:53 - 2026/01/19 | تا شوف هاد المغاربة الحنان عاوتاني
قالك أ سيدي الأوامر جات للسي ابراهيم باش يضيع البينو
واااا هيا الرب العالي مع من عايشين
و الله حتی سركم نيت هاد الفقصة |
|
كنجي نشوف كنلقى كولشي مسغي بمغرفة وحدة كيفما المغرب كيفما مصر كيفما الدزاير كيفما التوانسة كتربح نتا مقود و كاين كتخسر كتسبيها فشي حاجة و المؤامرات ...
1994 ضربتنا السعودية قاليك باعو ليهم الماتش 1998 تقصينا قاليك البرازيل دارو لينا مؤامرة مع النرويج 2004 فاش خسرنا الفينال قاليك را عطاوها للتوانسة باش يصوتو لينا على ملف المونديال ديال 2010 2018 تقصينا من مجموعات المونديال قاليك الفار مابغاش يعطينا حقنا حيتاش نافسنا الميريكان على تنظيم مونديال 2026 2022 لا را الأوامر فرنسا خاص دوز للنصف را أمير قطر ماحضرش لينا و ماركون جا يتفرج و الأوامر تعطات باش فرنسا دوز للفينال 2026 خسرنا الفينال لا را براهيم عيطو ليه و قالو ليه ضيعها باش نكملو الماتش
|
|
|
|
| إقتباس لمشاركة: | عادل | 05:01 - 2026/01/19 | باش نختمو هاد اليوم الكئيب جدا
شكرا ياسين بونو
يا بونو يا بونو يا حبيبي يا بونو
أسطورة حراسة المرمی ما كاين لا الزاكي لا غيرو
لولا بونو لما وصلنا لنصف نهائي المونديال و لما وصلنا أصلا للأشواط الإضافية اليوم |
|
الصراحة بونو دار كان كبيرة من ماتش جزر القمر بداك التصدي اللي كان غادي يرجعهم فالماتش و كان جبد واحد الكرة ديال مالي كانت غاتعطيهم الرباح ماتش تنزانيا دار تصدي ممتاز ماتش نيجيريا ديك الكرة ديال لوكمان كتبان ساهلة و لكن هادوك را كانو كيتماركاو على المياغري
ماتش الفينال را جبد بزاف و كرات صعاب
|
|
|
|
أمين راه كاين لي كيأمن و يصدق هاد الخزعبلات واحد الصديق منهم ولو طارت معزة يقول لك ديما السياسة هادي
|
|
|
|
جياني إنفانتينو رئيس الفيفا :
- أُدين بشدة تصرفات المنتخب السنغالي ، وما حدث يُعد سلوكًا غير مقبول إطلاقًا
- المشاهد المؤسفة التي شاهدناها يجب إدانتها وألا تتكرر أبدًا
- مغادرة أرضية الملعب بهذه الطريقة أمر غير مقبول ، و العنف لا يمكن التساهل معه في كرة القدم — هذا مرفوض تمامًا
- يجب احترام قرارات الحكام داخل الملعب و خارجه ، وع لى الفرق الالتزام بقوانين اللعبة ، لأن أي سلوك آخر يهدد جوهر كرة القدم نفسها
|
|
|
|
عودة لأجواء البطولة الوطنية ههههه يوم السبت القادم
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
