|
|
ماكرهناش الفريق يمشي بعيد ولكن منين كتشوف خط الأمام بحال هذا راه علاقة صراحة
|
|
|
|
دابا هاد البيرلو تهبط ليه ولا تسبو ولا السكات أحسن
|
|
|
|
|
|
|
شوط من تقزقيز و تفركيل بلا فايدة
|
|
|
|
هجوم عقييييم
بركان بكرة وحدة عاودو ليك شمتة الديربي
|
|
|
|
الرجا هاد العام ماتستاهلش البطولة
المعادلة ساهلة بغيتي البطولة جيب قوامها و اللعابة ديالها
ماشي عندك فالاجنحة معموري و الضحاك و ساخو و الوسط مكهازي و فردوسي و باغي الالقاب
|
|
|
|
سبب الهزيمة
التنشيط الهجومي والهجوم العقيم
|
|
|
|
غنتباحو بلمركز الرابع دابا
|
|
|
|
70 درهم للدخلة باش بنادم يتفرج فهاد العهر الكروي
|
|
|
|
فاقد الشيئ لا يعطيه
فاش تتكون عندك تركيبة بشرية محدودة تتحاول تعاقد مع مدرب لي يعطي الإضافة و يحسن الفريق
و لكن مني تتكون عندك تركيبة بشرية ضعيفة و تتجيب مدرب أضعف منها حيت الصالير ديالو مقدور عليه متسناش تحدث شي مفاجأة و تربح البطولة
|
|
|
|
| إقتباس لمشاركة: | fire anas | 01:00 - 2026/06/04 | سبب الهزيمة
التنشيط الهجومي والهجوم العقيم
~~~~~~
سبب الهزيمة هو خيارات و توجهات زويتة مع مامون البلغيتي
لا انتدابات لا مدرب يحمر الوجه ، العقم الهجومي تحصيل حاصل لخيارات زويته |
|
|
|
|
|
قالك استراتيجية باريس سان جرمان و برشلونة
|
|
|
|
موسم صفري للفريق و فالغالب غادي يسالي الموسم فالمركز الخامس أو الرابع فأحسن الاحوال
|
|
|
|
| إقتباس لمشاركة: | admin | 01:08 - 2026/06/04 | موسم صفري للفريق و فالغالب غادي يسالي الموسم فالمركز الخامس أو الرابع فأحسن الاحوال
~~~~~~~
المصيبة ماشي فالموسم الصفري أو الترتيب
المصيبة هي أنك هاد العام ما ربحتي فريق ، ما ربحتي لاعبين ، ما ربحتي مدرب
موسم كارثي بامتياز رغم خسارة أموال طائلة |
|
|
|
|
|
ماقدرتش نكمل الماتش من ديك الباكية ديال فردوسي قالك باغي يضربها على الطاير ونفسها دارها في الديربي..دماغو كيقول ليه بيرلو ورجليه ديال شي كلون
يلاه شفت النتيجة دابا وكانت متوقعة وباينة شعباني كان جالس فرحان ميقول الله خبيزة جابها الله البنغالي ملعب 2 كاونات الوسط وهجوم عقيم ومع دلك مطلع البلوك للوسط وهوما عندهم لاعبين سراع في الكونتر
لباش تكو عندك تشكيل عقيم وتزيدها بمدرب سادج وغبي راه تتولي بحا اسيك ابيدجان ودوك الفراقي ديال لافريك لي كنا كنربحو غا بالضحك في الكاف
|
|
|
|
المهم كلشي ولى مقتنع اننا لا نستحق اللقب خاسر مع كل المنافسين
خاص الادارة تدخل او يدورو يتقودو تاهونا لا كان غي الننخرطين لي غادي يبقاو محكمين في الفرقة..ماتبدل والو بينوالعام لي فات وهاد العام نفس المستوى المقزز ونفس نوعية العاهات في الفرقة
|
|
|
|
الزيات لبارح سلت قبل مايسالي الماتش.
كون ربحات الرجا البارح كان يخرج و يبدا يصرح عاوتاني صبرنا على المدرب و ثقنا فيه حيت عندنا استراتيجية بحال ديال باريس
|
|
|
|
كولشي عرف العقم الهجومي ديال الفريق لدرجة أن لاعبي خط الدفاع سجلو أهداف أكثر من لاعبي الهجوم و الوسط
هدافو الفريق
النفاتي 5
خفيفي 3
شرارة 2
العملود 2
بولكسوت 2
ماتياس 2
خافي 2
باعدي هدف
بانون هدف
ساخو هدف
بوغرين - المعموري - ساخو - حليمي - الضحاك - برقوق - المكعازي - الفردوسي 0
|
|
|
|
البنغالي كولشي عاق بيه
كيسدو ليه العمق و كيلعبو ليه ببلوك هابط و كيلعبو ليه على المرتدات باش يخطفو الهدف
هادشي طرا ليه ضد مكناس و تواركة و الوز و بركان و تزكل منها ضد الجديدة
و غادي تعاود ليه ضد بقية الفرق
طيلة الموسم الفريق ماقدرش يرجع فالنتيجة مرة وحدة ضد تواركة
|
|
|
|
تحدثنا كثيرًا عن المدرب، وكيف استنزف كل أوراقه ولم يعد يملك ما يقدمه للفريق، وأكدنا أن رحيله أصبح ضرورة لا تحتمل التأجيل. كما وجهنا رسائل واضحة للاعبين وحملناهم جزءًا من المسؤولية.
لكن يبقى المحور الأهم، والأصل الحقيقي للمشكل، هو المكتب المديري.
الرجاء الرياضي اليوم يعيش سنوات طويلة دون إدارة رياضية حقيقية، ودون أشخاص يملكون الكفاءة والمعرفة الكروية لتقييم عمل المدرب واللاعبين ومناقشتهم في الجوانب التقنية. فلا الرئيس، ولا أغلب أعضاء مكتبه، يملكون التخصص أو الخبرة الكافية في كرة القدم لاتخاذ القرارات الرياضية المصيرية.
أما ما يسمى بالمدير التقني الذي تم تقديمه للجماهير في صورة مدير رياضي، فلا يملك السيرة الذاتية ولا الكفاءة التي تؤهله لهذا المنصب الحساس. فالرجل لم يحقق نجاحات تذكر حتى في تجارب متواضعة بالدوري التونسي، وغادرها من الباب الصغير، فكيف له أن يقود مشروعًا رياضيًا بحجم الرجاء؟
لطالما تحدثنا عن أهمية الإدارة الرياضية، بينما يخرج الرئيس للحديث عن “لجنة رياضية” تضم أشخاصًا لا يفرقون أصلًا بين دور المدير الرياضي ودور المدير التقني. وهذا وحده كافٍ لفهم حجم التخبط الذي يعيشه النادي.
أي فريق محترف في العالم يُبنى أولًا على إدارة رياضية قوية ومستقلة تشرف على كل ما هو تقني ورياضي، من اختيار المدرب إلى الانتدابات وتقييم الأداء. أما عند الرجاء، فالأدوار مختلطة، والقرارات الارتجالية مستمرة، وأعضاء المكتب يتدخلون في ملفات لا تدخل ضمن اختصاصاتهم.
ددر.
|
|
|
|
الزيات العام اللول ديالك فهاد الفرقة عرفتي ان كولشي يكون مخلص فالوقت ماشي هي لي كتربحك نهار الاحد و هادشي را ا فرق صغار و عندهم عادي جدا ، برزطتي لينا راسنا بباريس و البارصا .. فراسك باريس شكون عندهم مدرب و شكون عندهم كلعابة و شكون المدير الرياضي ؟ فراسك البارصا رغم تحقيقهم للدوري بامكانيات اقل من غريمهم ما راضينش و كيطالبو بتعزيز الصفوف و العام الجاي فحالة ما تقصاو ا تكون مهزلة ؟ هاد التسيير ديال ترشيد النفقات و أي لعبة خرجات من الجنب تزيد على الجمهور ماموكلش الخبز فعالم الكرة ممكن ديرو فدارك فشركتك فهاد الفرقة بهاد الحجم مستحيل و الخدمة للعام جاي خاص تبدا من دبا ولكن للأسف من بعد ما البلغيتي اللي بعيد على كل ما هو تقني متشبت باللي جاب فرا صعيب تكمل و توصل الرجا اللي طلقتيها علينا بها فاللول.
|
|
|
|
الزيات يلا ماجمعش راسو غادي يتسيف ليه بنادم
ساهلة جيب واحد مجرب هو اللي يتكلف بالشق الرياضي و عطيه الصلاحيات
ف 2019 خليتي فتحي جمال هو اللي تكلف بالميركاتو و قاد ليك فريق قوي
|
|
|
|
الفيفا يمنع الجماهير من إدخال زجاجات المياه إلى ملاعب كأس العالم 2026.. قرار مفاجئ يصب في مصلحة كوكاكولا ويثير الجدل قبل انطلاق المونديال بأسبوع فقط !
• قبل 3 أسابيع فقط، كان قانون الملاعب الرسمي يسمح صراحةً بإدخال "زجاجات بلاستيكية فارغة وشفافة وقابلة لإعادة الاستخدام حتى سعة 1 لتر"، لكن الفيفا حذف هذا البند بالكامل من اللائحة المحدثة يوم 2 يونيو الجاري.
• تنص النسخة المحدثة بوضوح: "لا يُسمح بإدخال زجاجات المياه القابلة لإعادة الاستخدام إلى الملاعب". ويشمل المنع أي نوع آخر من الزجاجات لتجنب "خطر التسبب في إصابات".
• هذا القرار يعني أن الجماهير لن تتمكن حتى من إعادة تعبئة زجاجة فارغة من برادات ونوافير المياه داخل الملعب، وسيكون الحل الوحيد لشرب المياه هو شراء الزجاجات المعبأة من منافذ البيع داخل الملاعب.
• في كأس العالم للأندية الصيف الماضي في أمريكا، باعت ملاعب الفيفا زجاجة المياه الواحدة بسعر يتراوح بين 4 و6 دولارات ، ولم تُعلن الأسعار الجديدة بعد لكن شركة "كوكاكولا" (الراعي الرسمي) ستبيع مياه علامتها التجارية "داساني" داخل الملاعب.
|
|
|
|
رئيس مستفز لي شافو كيدوي قبل ما يشد الرئاسة فالبرامج يقول غايرَجّع الرجا فريق أوروبي ، غا دعمو الجمهور و شد الكرسي و هو يصمكها علينا فالعهد ديالو فقدنا الهوية فقدنا القيمة لي جا يطّاول علينا وسط تيرانا .. ماكيدافع على فرقة مكيدافع على جمهور ما كايجيب لعابة مزيانين ما كيفهمش في الكورة شناهيا ، معندو مشروع رياضي فشل في جميع الفئات التكوين مات ، رزانا في طرف من الرجا و فرط فالأسهم و الجمعية بدون نتيجة .. شنو القيمة المضافة ديالو ؟ ، واش كيجيب لفلوس ؟ لا كلشي من جيب الجمهور العام كلو أغلى تدكرة في أفريقيا و التيران ديما عامر .. بان ليكم شي مستشهر مليح و بقيمة كبيرة و دخل مالي مهم ؟ لا مشفنا معاه تا جديد لا مستشهرين كبار لا raja média في مستوى تطلعات الجماهير
شنو عطانا شي حاجة ؟ .. من غير فرطنا فالهوية و فالقيمة و دخل فرتك الأسهم باش يصنع لينا أضعف نسخة في تاريخ الرجا ؟
|
|
|
|
قمة الاحباط والحسرة والاستياء والتقزز....معاشر الرفاق
أولا: العنطيز السينغالي مسجل الهدف خاصو توقيف إلى نهاية الموسم بسبب قلة الترابي والإخلال بالحياء العام في حق كل المغاربة
ثانياً: لست مع إقالة السريلانكي لأن مثل هذا القرار غير مناسب في هذه الظرفية وقد يسبب في انهيار الاستقرار التقني القائم رغم كل هشاشته... ولأن فارق النقط على المتصدر ليس أكثر من نقطتين وممكن نحصل على "شيء" في نهاية الموسم بضربة حظ لا بتكتيك السريلانكي طبعا.
|
|
|
|
مباريات صدامية "قد" تفيد الرجاء في تحسين ترتيبها في الثماني جولات المتبقية:
الدورة 23 : الماص ضد البشمرݣة
الدورة 24: البشمرݣة ضد بني كبشون
الدورة 26: الماص ضد بركان
الدورة 27: بركان ضد البشمرݣة و بني كبشون ضد الماص (يا حلااااااوة)
الدورة 29: بركان ضد بني كبشون
|
|
|
|
السلام عليكم سي سلمان
البنغالي عاقو بيه مني دارها بيه بنشريفة سد ليه اللعب و خلا ليه كرة و كيضربو بالمرتدات
موراها دارها الدشيرة المباركي غير ماكانش عندو الزهر و اللاعبين ديالو ضيعو بزاف
و اليوم عاودها ليه مدرب بركان و عاود ضربو
الماتش الجاي ضد الكوكب ديال الدميعي غادي يطرى نفس الشيء
و غادي يطرى نفس الشيء ضد الزمامرة
و غادي يطرى نفس السيناريو ضد طنجة
المشكل أخي سلمان أن الفريق ماغاديش يستافد من اصطدام الخصوم و غادي يضيع نقط كثيييرة
الرجا فالماتشات اللي باقيين كنظن يقدرو يربحو فقط الحسنية و تواركة و مكناس هنا فدونور و الباقي كنظن غادي يكون تعادلات أو هزائم لا ضد طنجة فطنجة لا ضد الكوكب فمراكش لا ضد الزمامرة فالزمامرة لا ضد أسفي فأسفي لا ضد يعقوب المنصور فالرباط
|
|
|
|
الأمس قبل المقابلة الزيات جدد العقد لكل من ساخو و الفردوسي
ساخو كان عندو نهاية العقد و زادو معاه سنة اضافية
و الفردوسي تاهو كان عندو نهاية العقد زادو معه سنة اضافية
دبا العام الجاي الأجانب اللي عندك ماتياس ساخو شرارة برقوق حاليمي ماعندك ماتزيد
|
|
|
|
يوم أمس فالصباح كان التواجد ديال أمين موريد و طارق تيسودالي اللي قبل من الماتش كان فالأكاديمية ديال النادي رفقة الوكيل ديالو باش يناقش مع الادارة ديال الرجا العقد ديالو
تيسودالي سالا العقد ديالو مع الخور لاعب جد عادي عندو اصابات كثيرة و متكررة و حتى المستوى ديالو جد جد عادي
أمين موريد احتياطي مع الفريق ديالو الروسي ( هاد الموسم مابين الكأس و الدوري شارك ف13 مقابلة 10 منهم دخل كأساسي و 3 دخل كاحتياطي ) و قالو ليه جيب لينا عرض ب 700 ألف دولار و سير الله يسهل عليك ( كان قريب من الرجا فالميركاتو اللي فات كانو بغاو اعارة و الفريق ديالو رفض قاليهم يتباع و لا بلاش )
يعني خلاصة القول الميركاتو غادي نعاودو نشوفو نفس سياسة الترقاع اللي كاينة
الهضرة اللي كاينة غادي يجيبو الأحمدي كمدير رياضي ( الأحمدي اللي ماعندو حتى تجربة كمدير رياضي عندو فقط دبلوم ديال التسيير الرياضي خداه فهولندا و خدم به واحد الفترة قصيرة ديال 8 أشهر مع اتحاد جدة كمستشار تقني و كان ضمن الادارة التقنية ديال الفريق ) يعني نفس خطأ سوماكال غادي يتعاود غير هاد المرة قاليك غادي يحطو معاه فاللجنة التقنية جريندو و السفري
الانتدابات من دبا كيقلبو على اللعابة ليبر باش يجيبوهم بأرخص مبلغ
الصراحة وليت كنتمنى الفريق يدخل فدوامة النتائج السلبية و لما لا نساليو البطولة فالمركز الخامس أو السادس
|
|
|
|
البنغالي الصالير ديالو مع الرجا هو 25 ألف دولار سنتيم شهريا تقريبا 23 أو 22 مليون سنتيم
موقع سنتين مع الرجا و ماكاينش بند ديال الاقالة و الهدف اللي كاين فنهاية الموسم هو المركز الأول أو الثاني فالبطولة فالموسم الأول و التتويج بالدوري فالموسم الثاني مع بلوغ نصف نصف نهائي العصبة
دبا بالمنطق واش الرجا تباعت و مابقاتش أزمة و الفلوس موجودة و مازال حاط سقف ديال المنح السنوية ف 250 مليون سنتيم و جايب مدرب ب 23 مليون فالشهر كيفاش بغيتي يكون المستوى ديال اللاعبين ديال 250 مليون ؟ الناس كتجيب اللعابة بالملاير راس السوق و نتا كتقلب على الكرارس
واش كاين شي جناح محترف كتجيبو ب 140 مليون كمنحة سنوية ؟ واش كاين شي مهاجم محترف كتجيبو بمنحة ديال 185 مليون سنتيم ؟
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
