الزيات جا على قبل أهداف غامضة 

التصاريح ديالو دائما كيهضر على الشق المالي أولا و بشكل كبير وبالتفصيل الممل و فالشق الرياضي كيهضر بواحد الشعبوية كيقول جملة وحدة خاصنا نبقاو نلعبو نصف نهائي العصبة و خاصنا نلعبو على البطولة 

ماكاين لا مشروع لا والو 

بالنسبة للمشروع الخيش را عندهم مشروع  و لو أنهم باعو سليم و زحزوح و ايغامان و بنعبيد و داك العزي اللي كان عندهم فالهجوم نسيت سميتو 

 و لكن را كيعوضو جابو فحلي جابو حمودان  جابو التغناوتي 

الصراحة الخيش و لو الكره ديالي ليهم و لكن را كيبان ليك مشروع كاين و أهداف مرسومة و هادشي علاش هاد 4 سنوات كتلقاهم فالبوديم و دبا قراب يلعبو نهائي العصبة و ممكن يربحوها و هاد العام اللي بداو المشروع ديالهم هوما الماص بشرط يواصلو فيه حاطين حاليا بدر القادوري كمدير رياضي و هو اللي كان وراء مجيء مجموعة من اللاعبين 

و حتى تألق بنجديدة مباشرة بدلو معاه العقد زادو فيه تال 2030 و بشرط جزائي واصل ل 5 المليار 

 

مازال بركان و الوز غير كيخربقو و ماعندهم لا مشروع لا والو غير كيجبو فاللاعبين هاكاك بالنسبة ليهم غنجيبو النجوم صافي غانحكموها و هادشي غالط