حسب الصحافة ديال جنوب افريقيا كيقولو أن الرجا تفاهمو مع جناح كايزرشيفس ماكابي غلودي ليليبو هو لاعب من الكونغو الديموقراطية كيلعب كجناح أيمن السن ديالو 27 سنة

كان كيلعب مع نادي فيطا كلوب و كان حاضر ضد الرجا فنهائي الكاف ديال 2018 شارك فلقاء الذهاب كاحتياطي هنا فدونور من بعد مشى للهلال السوداني و من بعد فالنسيان الفرنسي و رجع لجنوب افريقيا لكايزرشيفز القيمة السوقية ديالو 500 ألف دولار فقط 

شفت الاحصائيات ديالو هاد الموسم لعب كأساسي ف 27 ماتش فالدوري الجنوب افريقي سجل فقط 5 الأهداف و عطى 4 ديال الأسيست طيلة الموسم و تحصل على الورقة الحمراء مرة وحدة و فكأس الكاف لعب 8 الماتشات كأساسي سجل 4 الأهداف و ماعطى حتى أسيست بالنسبة لمسابقة الكأس لعب فقط 45 دقيقة و الفريق ديالو تقصى من أول لقاء 

حتى الموسم اللي قبل من هذا مع فالنسيان كانت عندو أرقام ضعيفة كجناح لعب فقط 15 لقاء طيلة الموسم فالدوري الوطني الأول للهواة  سجل 6 الأهداف و عطى أسيست واحد و فمسابقة كأس فرنسا لعب شارك ف 5 الماتشات سجل 4 الأهداف ( 3 منها فلقاء واحد كان ضد فريق ضعيف من القسم الوطني الثاني للهواة و كان انتهى بفوز فالنسيان ب 9-1 ) 

لاعب ماشي سريع ماشي مراوغ عندو ميزة وحدة هي الضربات الرأسية و هي اللي سجل منها أغلب الأهداف ديالو 

مافهمتش علاش الاصرار على التعاقد مع هاد الكرارس حيتاش لاعب ليبر و غادي يجيبوه بمبلغ ضعيف لدرجة أن الفريق ديالو كايزشيفس من بعد موسم واحد حطوه فلائحة الانتقالات مباشرة بعد نهاية الدوري 

أشمن مشروع رياضي و أشمن رؤية داوي عليها الزيات ؟؟