و دائما حسب الصحافة المصرية حتى من نسخة الكان ديال 2027 فالغالب ماغاديش تلعب فالوقت ديالها لسببين الأول الدول المنظمة خصوصا أوغندا مازال معطلين بزااااف فالملاعب ديالهم و خصوصا أوغندا اللي الأشغال عندهم واقفة ف 3 الملاعب بسبب مشاكل مادية مع الشركة المكلفة و فالغالب الاتجاه غادي يكون تأجيل النسخة لسنة 2028 و السبب الثاني متعلق بهاد النسخة حيتاش لأول مرة الكاف مالقاوش دولة اللي تنظم ليهم نسخة 2028 و خصوصا ب 28 منتخب المغرب من بعد داكشي اللي وقع رجع للور و مابغاش ينظمها و حيتاش الملاعب غاتكون مازال فطور اعادة التهيئة للمونديال و مازال ماوجداش ( أكادير - مراكش - فاس - الملعب الجديد ديال كازا ) الاتجاه اللي غادي يسلكو الكاف هو يتدخل باش ينقذ هاد النسختين بجوج و غاتلعب كان وحدة فصيف 2028 و غتكون فكينيا و تنزانيا و أوغندا مع امكانية اضافة اثيوبيا فالتنظيم و من بعد غادي ينظم نسخة 2032 ب 32 منتخب ( للتذكير البارح كان مقرر اعلان الدول المنظمة لدورة 2032-2036-2040 الكاف كان خذا وعد من مصر بتنظيم دورة 2032 أو 2036 و لكن خواو بهم بعدما الحكومة المصرية رفضات التنظيم خصوصا بعد رفع عدد المنتخبات و الشروط الجديدة اللي حطو الكاف زائد أن الكاف ماغاديش يساعد مصر فالتنظيم و حتى من الجزائر اللي كانو كينقزو على التنظيم رجعو للوراء نفس الشيء بالنسبة للسنغال اللي كانو ناويين يديرو تنظيم ثلاثي مع موريتانيا و غينيا و فالأخير غينيا تراجعو على الفكرة بقرار حكومي و بالتالي كان تراجع ديال السنغال و موريتانيا )
الكاف تجمعو فيه الأغبياء كيسحاب ليهم تنظيم الكان ساهل ب 32 منتخب الساعة هوما 3 أشهر حتى واحد مابغى يترشح ينظمها و فالأخير يا إما غادي يرجعو يزاوكو فمصر و المغرب و جنوب افريقيا باش يعتقوهم يا اما غادي يرجعو الكان كيفما كانت ب 24 و يعطيوها لدول بتنظيم مشترك و يعاونوهم ماديا
لا يمكن إضافة ردود لهذا الموضوع لأنه تجاوز الحد الأقصى وهو (500) رد
|| ملـــ☆ [183] ☆حق || الرجاء الرياضي العالمي / عيد مبارك سعيد
Duhok Forum 3.0
