|
|
ااه لو يتحقق الدوبلي
غادي يكون موسم تاريخي نجمعو لديلمهم حب وتبن
نديرو ميييسة بصوت البدراوي
|
|
|
|
ميييييسة ديال بصح خليني من أحلام الهضراوي ولد دوار الحاجة (بصوت الرفيقين سلمان وعادل هه)
كنا غا كنضحكو بيها دبا ولات قرييبة
|
|
|
|
الى كتبتو زينباور فتويتر غادي تلقاو الجنوب أفارقة منوضين عليه حاااالة خيت كيتحسرو عليه
نقاشهم يتمحور حول: واش زينباور مقود وأورلاندو بيراتس اللي خارية
أو زينباور عيان ومستوى البطولة عندنا مدعدع
|
|
|
|
والواقع أن زينباور مدرب مزيان وتلاقى مع لعابة عندهم روح الجماهير ومقاتلين لاسترجاع الصينية
مدرب أفضل استمراره (إلى ماحسش براسو وشاف نفسه أكبر من البطولة)
ويلا مشى غير يتقود لأنه الخاسر الأكبر فهاد المعادلة
وحنا كجراد موالفين "حبة فوق وحبة تحت"
|
|
|
|
الزملاوي الله يوسع لمو الكر
ردنا ضحكة أمام الجميع و للجميع
واش أ عباد الله هداك مستوی د رئيس فحجم فريق الرجاء
|
|
|
|
المدرب مزيان
فأول المباريات اللي ماكانش تيعجبني الكوتشينغ ديالو
و هادي حقيقة مايجيش شي واحد يقول لا
و لكن من بعد بدينا تنشوفو اللمسة ديالو فالاستحواذ
و هادي حتی هي حقيقة لا غبار عليها
ضد جميع الخصوم كيفما كان مستواهم تنسترجعو الكرة بسرعة و تنبنيو من التحت
مع مرور المباريات و اللاهزيمة ماعرفتش واش صدقات لينا أو اللعابة هضمو الطريقة ديالو
ولينا تنماركيو كما فالأول و لكن ولينا تنزيدو الثاني و الأهم هو متنرجعوش اللور ضد أي خصم أيضا كيفما كان مستواه
إذن المدرب واعر ماعندنا مانقولو دبا
الخطير و الأخطر هو اللي كنت قلتها شحال هادي
يا خوفي غير من بعد ما عرف خبايا البطولة معانا و كلشي عرف الطريقة د اللعب ديالو يبغيو يطيروه لينا و يستافدو منو
كنت كنقصد الوداد
دبا الحمد لله راهم طايحين حتی للقاع و بالتالي مستحيييييل ياخذوه
|
|
|
|
الماتش الأخير مافيه لا خطة لا مدرب لا والو
فيه الروح و الغرينتا د اللاعبين و فط لا غير
بحال البنزرتي راه ماشي هو اللي خسر 2014 راه اللعابة اللي خسروها
نتمناو و ندعيو أنه مايطراش لينا نفس البلان
|
|
|
|
أرا برع مبابي رسميا مدريدي
يا ويل أوروبا يا سواد ليلها
هي فالحقيقة يا ويل الليغا يا سواد ليلها خاصة دوك سوسييداد و ديك الطبقة اللي كتعنكش مرة مرة المدريد
أما فالشامبينز المدريد غييييييير
به و لا بلا به
|
|
|
|
فيني خلی الرقم 7 و مبابي غياخذ 9
يمكن أيضا حتی فطريقة اللعب
العزي غيبقی ديما يلعب فاليسار
العزي بالون دور يستاهلها
|
|
|
|
| إقتباس لمشاركة: | عادل | 20:37 - 2024/06/03 |
الخطير و الأخطر هو اللي كنت قلتها شحال هادي
يا خوفي غير من بعد ما عرف خبايا البطولة معانا و كلشي عرف الطريقة د اللعب ديالو يبغيو يطيروه لينا و يستافدو منو
كنت كنقصد الوداد
دبا الحمد لله راهم طايحين حتی للقاع و بالتالي مستحيييييل ياخذوه |
|
منخافش عليه من الوزة.. صافي خوتنا جابو الربحة ودخلو فالسنوات العجافالخوف كلو من العروض الخليجية + فوزي يعوض بيه الركراكي ابن المحزوزة
|
|
|
|
رسميا الجولة الاخيرة من البطولة تلعب يومي الخميس و الجمعة ان شاء الله
ماتش الرجا و وجدة يوم الجمعة 14 يونيو على الساعة السادسة مساءا
|
|
|
|
هاااااااااا
هذا خبر رائع
باش داكشي يكون يدو فيد خوه
ماشي حنا نبقاو نتسناو حتی هاد الأدرينالين اللي طالعة تهبط عاوتاني
خلي جد مهم هوما داخلين فأزمة نفسية مشات ليهم الصدارة
و مازال غيتقبهم السلامي عقلو عليها
علی أكثر تقدير غيجيبو التعادل مع الفتح
|
|
|
|
ماتش تواركة تاهو خاصو يكون نهار الجمعة ماشي الخميس تواركة الا ربحات اتضمن المركز الرابع فهاد الحالة الفتح ايكون عندها ماتش شكلي ضد الفيران
|
|
|
|
10 ايام كافية لاسترجاع الانفاس و الدخول في تربص اعدادي في الاكاديمية وجدة راه ميتين حتا فتيرانهم الماتش خاص يسالي فالشوط الاول و هادشي مغيجي الا لحترمناهم بما فيه الكفاية ..
|
|
|
|
4 بطولات مشاو لينا فابور
بطولة الفضيحة ديال القرعة
بطولة الزهو مع الجمهور حتا تماركا عليك التعادل
بطولة النحس ضد الفيران
بطولة ملعب البطاطس فآسفي
|
|
|
|
| إقتباس لمشاركة: | sofraj | 21:49 - 2024/06/03 | | 10 ايام كافية لاسترجاع الانفاس و الدخول في تربص اعدادي في الاكاديمية وجدة راه ميتين حتا فتيرانهم الماتش خاص يسالي فالشوط الاول و هادشي مغيجي الا لحترمناهم بما فيه الكفاية .. |
|
ماكاين ما أصعب أنك تواجه فريق لاعب على الطيوح حيتاش ماعندو مايخسر غادي يلعب معك الكل في الكل كيفما طرا للخيش ضد الحسنية تاهوما كانو جايين من 4 الهزائم متتالية و لقاو راسهم فالمركز ماقبل الاخير و فماتشهم ضد الخيش لعبو الكل للكل و جابو 3 النقط
|
|
|
|
| إقتباس لمشاركة: | sofraj | 21:46 - 2024/06/03 | | ماتش تواركة تاهو خاصو يكون نهار الجمعة ماشي الخميس تواركة الا ربحات اتضمن المركز الرابع فهاد الحالة الفتح ايكون عندها ماتش شكلي ضد الفيران |
|
على حسب ماسمعت قبيلا فالراديو فحالة تأهل الخيش و الرجا لنهائي الكأس غادي تدوز الماص تلعب الكاف بحكم أن ترتيبها فالبطولة أحسن من وجدة صاحب المركز الرابع ماعندو فين يشارك
|
|
|
|
زينبارو لعب 3 الديربيات ربحهم كلهم
داك العام ديربي كأس العرش ربحو ب 1-0
هاد العام ديربي الذهاب ربحو ب 2-0
و الاياب ربحو 1-0
|
|
|
|
الجمعة 14 يونيو:
18:00/ يوسفية برشيد - شباب السوالم
18:00/ الجيش الملكي - الفتح الرياضي
18:00/ اتحاد طنجة - شباب المحمدية
18:00/ مولودية وجدة - الرجاء الرياضي
|
|
|
|
الخميس 13 يونيو:
18:00/ المغرب الفاسي - أولمبيك آسفي
18:00/ نهضة بركان - نهضة الزمامرة
18:00/ اتحاد تواركة - حسنية أكادير
18:00/ الوداد الرياضي - المغرب التطواني
|
|
|
|
شهدت مباراة الديربي، بين الرجاء والوداد الرياضيين، حضور النجم المغربي، بدر بانون، الذي دعم فريقه السابق أمام الغريم، وكان شاهدا لصعود الفريق إلى المركز الأول في ترتيب البطولة الوطنية، مقابل تراجع الجيش الملكي.
واستقى موقع “سيت أنفو” تصريحا من بدر بانون، الذي أبدى حنينه للرجاء وقميصه، مؤكدا لبعض الحاضرين، رغبته واستعداده للعودة إلى الفريق.
وسؤل المدافع حول إمكانية العودة إلى الرجاء في الصيف القادم، ليرد: “علاش لا، إن شاء الله غير الخير”.
وكان مصدر “سيت أنفو”، قد أكد في وقت سابق، إمكانية تعاقد الرجاء مع بانون، في الميركاتو الصيفي، في ظل استعداد اللاعب للعودة إلى فريقه الأم، بعد تجربته السابقة مع كل من الأهلي المصري، والحالية مع قطر القطري.
ويرتبط بانون بعقد مع قطر القطري، يمتد إلى 30 يونيو الحالي، ما يجعله لاعبا حرا ومتاحا في الميركاتو الصيفي القادم، لتكون فرصة الرجاء لاستعادة ابنه البار.
|
|
|
|
السوالم نقصو ليها 3 نقاط و بالتالي اسفل الترتيب ولا
وجدة 25 نقطة
السوالم 24
المحمدية 24
|
|
|
|
مكرهتش يوريو للعابة كيفاش مشاو لينا بطولات بسذاااجة فآخر جولة باش يدخلو جيعانين لماتش وجدة
|
|
|
|
عندنا دبا جوج نهائيات ضد وجدة
ماتش = بطولة
ماتش=نهائي كاس العرش
المهم حنا على بعد خطوة من جوج ديال الالقاب خاص ندردكو على وجدة هه
|
|
|
|
كاينين شي رجاوين فالفتح من غير المدرب اجيبو لينا اللقب بلا عناء هه
|
|
|
|
تغيير جديد في برمجة المباريات، بعد موافقة شركة "الفار" على توفير 7 حافلات للعب جميع المباريات بتقنية الفيديو.
العصبة الاحترافية بعد حصولها على موافقة الشركة البرتغالية، قررت إجراء جميع المباريات يوم 14 يونيو 2024، بإستثناء مباراة نهضة بركان أمام نهضة الزمامرة ستجرى يوم 13 يونيو 2024.
إكراهات وجود 4 حافلات للفار هي من فرضت على العصبة الاحترافية برمجة 4 مباريات يوم 13 يونيو و4 مباريات يوم 14 يونيو، قبل أن تحصل بعد مفاوضات مع الشركة البرتغالية على موافقتها للاستعانة بثلاث حافلات جديدة.
|
|
|
|
السيرفر الاسباني يعود إلى رشده..
بعد "الدوخة" الذي اصاب السيرفر الاسباني ، تم تدارك الامر وبرمجة جميع المباريات السبع المهمة في يوم واحد وفي نفس التوقيت .
تخبط واضح للجنة البرمجة التي اضطرت إلى تعديل البرمجة للمرة الثالثة بعد ان ضربت مبدأ تكافؤ الفرص عرض الحائط في النسخة الأولى من البرمجة الخاصة بالدورة الأخيرة الذي اصدرته يوم امس .
ورغم تدارك الموقف فلابد من مراجعة الطريقة التي يتم بها تدبير البرمجة مستقبلا، فما نعيشه كل موسم قمة التخبط، الارتجالية والعشوائية .
ددر
|
|
|
|
من بعد أولمبيك أسفي و شباب المحمدية جادور المولودية في ظرف وجيز في مباراة الدوري و الكأس
|
|
|
|
جماهير وجدة تطالب بمنع جمهور الرجاء من التنقل
تخصيص الملعب بكامله للجماهير الوجدية فقط ، هذا هو مطلب جمهورنا ، الفريق يلعب على تفادي النزول و تعتبر المباراة جد حساسة لذلك على السلطات إتخاد هذا القرار الذي سيكون في صالح الجميع ✅
الرسالة موجهة للجماهير الوجدية من كافة أنحاء المملكة و بديار المهجر للحضور بكثافة من أجل ضمان البقاء ????
|
|
|
|
لا حول و لا قوة إلا بالله
تيقتلوني و ساليو معايا بحال هاد البلاغات
أولا : كيفاش هاد العبارة د الجماهير ولات تستعمل غير هكاك
أصلا كلمة جمهور تعني الكثير من الناس يعني جمع
لاااااااش كديرو ليها الجمع هي أيضا
و زايدون أشمن جماهير عندكم نتوما ؟؟؟؟
اللي قرا هاد الهدرة يقول هادو غير جمهور ليفربول و لا الأرسنال و نتوماالنهار المخير كتلعبو أمام 10000 متفرج
ثانيا : كيفاش عاوتاني هاد القضية د أنحاء المملكة و ديال المهجر !!!!!! هههههه
واش نتا هبيل و لا شوية لاباس فداك العقل
شكون هاد الحمق اللي غيشجع وجدة و عايش فمدينة أخری ( إلا ماكانش وجدي زيادة و خلوق و مشی لمدينة أخری لسبب ما ) ؟؟؟؟
و الطامة الكبری شكون هاد المزعزع المسطي اللي غيجي من الخارج باش يشجع هاد وجدة علاش ؟ حيت لاعبة علی تفادي النزول !!! هههههه
ماشي حتی لاعبة علی اللقب نقدرو ندوزوها
هادشي تقدر تقولو علی الرجا الوداد و بنسبة أقل علی الجيش
أما علی وجدة و لا أي نادي آخر لا و ألف لا
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
