|
|
السلام عليكم
يلا كان الزيات مطور خاصو من دابا يبدا يفكر في مدرب جديد يكون واجد لتسلم الفريق بداية من الجولة 5 ههه
غادي يجي يلقى ماتشات ساهلين مسقيين ليه
اما جردة بان ليا غير غادي يتقب الفرقة في الانتدابات ويزيد فحالو
|
|
|
|
امين مالك اخويا عندك الراجا ديال 97 باغي تربح كلشي هههه
يلا ربحنا 5 ماتشات اللولين عا يعطيونا اللقب بلا مايكملو 30 جولة هه
جردة بالراجا ديال متولي وحافيضي ورحيمي وملانغو وماكانش كيقدر يدير 3 رباحات متابعين
|
|
|
|
أي مهاجم شاب في العالم، سيحلم باللعب مع فرانكفورت ..
يحولك لنجم كبير خلال سنة ونصف، ثم يسهل رحيلك لفريق كبير ..
فرانكفورت باع مهاجمين منذ 2019 بقيمة 431 مليون يورو، علماً أن تكلفتهم عليه كانت تقريباً 60 مليون يورو.
بالتالي حقق الأرباح التالية:
- 371 مليون يورو صافي ربح.
- مشاركة أوروبية شبه دائمة بسبب نجاح المهاجمين.
- سمعة مميزة في السوق بأنه يصنع مهاجمين.
الآن هو تعاقد مع المهاجم الألماني الشاب جوناثان بوركارد مقابل 21 مليون يورو، لنتابع أين سيكون بعد موسمين.
|
|
|
|
ميجيبش لينا الزيات المدير الرياضي تاع فرانكفورت هههههه
|
|
|
|
| إقتباس لمشاركة: | عبدالله الرجاوي | 13:38 - 2025/07/20 | امين مالك اخويا عندك الراجا ديال 97 باغي تربح كلشي هههه
يلا ربحنا 5 ماتشات اللولين عا يعطيونا اللقب بلا مايكملو 30 جولة هه
جردة بالراجا ديال متولي وحافيضي ورحيمي وملانغو وماكانش كيقدر يدير 3 رباحات متابعين |
|
بالنسبة للبطولة اخويا عبد الله را ساااهلة داك العام بكل المشاكل اللي كانت عند الرجا و الكرارس اللي عندها واحد الوقت كان ممكن الرجا تربح الوصافة فآخر الدورات
ف 2021 بدون رحيمي و بدون مالانغو و بدون متولي و دار أقوى انطلاقة فتاريخ البطولة ديال الرجا ف 9 الماتشات كان دار 7 الانتصارات و هزيمة و تعادلين و خلا الفريق فالوصافة خلق الاوز بفارق نقطة هي فاش جا محفوظ و سيفطو و جاب البلجيكي هو الصراحة الشابي كيعرف يجيري ماتشات البطولة بالافيكتيف اللي عندو وخا مرة مرة كيتفلسف و فيه الهضرة بزاف و هو كيبقى مدرب متوسط بحا اللي يقدر يديبانيك فالبطولة أوشي مسابقة افريقية ثانوية بحال شكل الكاف حتى فالعصبة مايزططش حدو يوصل لشي فرقة كبيرة يوحل بحالو بحال السلامي بحال فاخر ... و لكن ماشي مدرب كبير أو أسطوري كيفما كيوصفو البعض
|
|
|
|
جواد الزيات خلال عبوره مع الصحفي أبوالسهل زوال اليوم على راديو م ف م:
- تفعيل الشركة الرياضية سيتم خلال أيام, كل شيء جاهز و الشركة المساهمة ستضخ مبلغ 80 مليون درهم في حساب الرجاء بعد أسبوعين على أكثر تقدير
- الفريق في مفاوضات متقدمة مع مدير رياضي و مدير تقني أوربيين و لديهما من الكفاءة ما يكفي لبناء مشروع الرجاء الرياضي
- طلبنا من الجامعة الملكية تغيير المشرف على التكوين داخل أكاديمية الرجاء الرياضي, بسبب غيابه المتكرر, و حسب مالدي من معلومات هو يقيم بفرنسا و يأتي للأكاديمية مرة كل شهر يقضي بضعة أيام و يعود لفرنسا.
- بالنسبة لملف الانتدابات أتفهم قلق الجمهور, و لكن أطمئن الجمهور الرجاوي أننا سنعلن خلال هذا الأسبوع على 5 أسماء من المستوى الكبير
- هناك مفاوضات جد متقدمة مع مستشهر مغربي, هو عبارة عن شركة جد معروفة عالميا و متعددة الجنسيات, اختارت أن تكون الراعي الرسمي للرجاء الرياضي و بقيمة مالية ستكون الأعلى في تاريخ البطولة الوطنية
- الشهر المقبل ستكون مبارتين وديتين بمركب محمد الخامس استعدادا للبطولة الوطنية ضد نادي أوروبي و واحدة ضد نادي عربي, لم نحدد بعد الناديين مازالت هناك مفاوضات مع الشركة المنظمة. المبارة ليست ضد أجاكس كما روج البعض هناك ناديين اسبانيين و نادي ايطالي, أما بالنسبة للنادي العربي مازلنا في مفاوضات مع مجموعة من الأندية الكبيرة من شمال افريقيا لإجراء اللقاء الحبي
- بالنسبة لقرعة البطولة, لدينا 30 مبارة سنواجه من خلالها 15 ناديا ذهابا و ايابا, اذا كان لنا طموح الفوز باللقب فيتوجب علينا العمل بجد في كل المباريات و جمع أكبر عدد من النقاط للفوز بالدوري, أو على الأقل ضمان الوصافة للعودة من جديد لعصبة الأبطال الافريقية.
|
|
|
|
ادارة الرجاء تخبر فيكتور أبريغو و وكيله أن المدرب الأسعد الشابي لم يقتنع بمردوده, ويتوجب عليه ايجاد نادي جديد.
|
|
|
|
تم وضع لائحة المغادرين لنادي الرجاء الرياضي. مكتب الرجاء الرياضي أخبرهم أن النادي لن يعتمد عليهم, و يتعلق الأمر بكل من مروان زيلا, فيكتورابريغو, مامادو ساخو, محسن بودة, وعبد الكريم باعدي, في حين لازالت المفاوضات جارية مع هاني اعمامو الذي مازال مصرا على رفض مغادرة النادي الا في حالة توصله بقيمة الشرط الجزائي و التي تبلغ 500 مليون سنتيم. يذكر سابقا أنه تم فسخ عقد المدافع بنعيسى بنعمر, و المهاجم عبد الرحمان السوسي.
بالنسبة للاعبي الأمل الذين يتدربون مع النادي الأول, فهناك مفاوضات مع عدة أندية في القسمين الأول و الثاني من أجل اعارتهم و يتعلق الأمر بكل من نبيل دواح , المهدي زوبير, مروان اومسوت, كريم اشقر,عبد العالي ازرور,نجاري زياد. في حين سيتم الاحتفاظ بأنور العلام, و زكرياء لبيب مع الفريق الأول.
في حين الأسعد الشابي قرر الاحتفاظ بالمهاجم يونس النجاري مع الفريق, بعدما كان في وقت سابق قد وضعه في لائحة المغادرين.
|
|
|
|
نجم اتحاد تواركة و منتخب أقل من 20 سنة معاد الضحاك يقترب من الانضمام لنادي الرجاء الرياضي
|
|
|
|
علاش مدير رياضي و مدير تقني بجوج في نفس الوقت ؟
مدير تقني أجنبي يشرف على قطاع التكوين بأكمله أمر مفهوم و مزيان
و لكن مدير رياضي أجنبي ؟ حد الآن مزال مفهمتهاش ، شحال خص هاد المدير الرياضي ديال الوقت باش يعرف السوق المحلي ؟
|
|
|
|
| إقتباس لمشاركة: | Youssef Lucci | 15:00 - 2025/07/21 | علاش مدير رياضي و مدير تقني بجوج في نفس الوقت ؟
مدير تقني أجنبي يشرف على قطاع التكوين بأكمله أمر مفهوم و مزيان
و لكن مدير رياضي أجنبي ؟ حد الآن مزال مفهمتهاش ، شحال خص هاد المدير الرياضي ديال الوقت باش يعرف السوق المحلي ؟ |
|
كيبان ليا العكس ممكن مدير رياضي أجنبي يلا بغيتي يدير لك مشروع رياضي كبير ولكن ماشي غير مدير أجنبي رياضي بالاسم خاص يكون عندو الوزن ديالو و كيشتغل بالمنصات العالمية ديال الاحصائيات هو اللي كيدير الهيكلة الرياضية ديال النادي ككل فالمغرب يمكن فتحي جمال و حسن حرمة الله الوحيدين اللي عندهم هاد البروفيل بالنسبة لمدير تقني هو اللي كيتبع مسار اللاعبين و كينسق مابين الفئات و الفريق الأول هذا خاصو يكون مغربي اللي كيفهم العقلية ديال المغاربة
|
|
|
|
|
|
|
بالنسبة ليا و كرأي شخصي محايد كانفضل المدير الرياضي على المدير التقني و ذلك لعدة إعتبارات منها تقنية و منها رياضية و كانصن أن أحسن مثال يقتدى به حاليا هو تجربة فريق ... تا من نيتك باقي كاتقرا ههههه تا راه هادشي كايجيني بحال يامات المكتب المديري و المكتب الاداري ههه انا كانعرف غا الرئيس و المدرب و لعابة هههه الباقي ما على باليش ههههه
|
|
|
|
| إقتباس لمشاركة: | اسم مستخدم متاح | 19:45 - 2025/07/21 | | بالنسبة ليا و كرأي شخصي محايد كانفضل المدير الرياضي على المدير التقني و ذلك لعدة إعتبارات منها تقنية و منها رياضية و كانصن أن أحسن مثال يقتدى به حاليا هو تجربة فريق ... تا من نيتك باقي كاتقرا ههههه تا راه هادشي كايجيني بحال يامات المكتب المديري و المكتب الاداري ههه انا كانعرف غا الرئيس و المدرب و لعابة هههه الباقي ما على باليش ههههه |
|
هيكلة الفريق رياضيا حاجة مزيانة و لكن النتائج ديالها ماغاديش تبان تادوز على الأقل واحد 4 أو 5 سنوات و هادشي ضروري يلا بغينا فرقة فمستوى الأهلي المصري أو صانداونز قارياولكن فهاد 4 أو 5 سنوات خاص الفريق يكون ديما لاعب على البطولة يا المركز الأول يا الثاني حاليا بالنسبة لهاد العام الفريق مامحتاجش لمدير رياضي أو مدير تقني خاص فقط الاستشارة مع الناس ديال الخبرة بحال فاخر فتحي جمال ... باش يديرو ميركاتو فمستوى الرجا و باش الرجا تقدر العام الجاي تنافس بقوة
كاين مشكل ديال ضيق الوقت و حتى المدرب اللي كان بلان سوكور و الزيات ماقدرش يسيفطو للنتائج اللي دار و باينة أن الزيات مامتحملش الشابي و كيقلب على أقل فرصة باش يسيفطوأما الشابي كيبقى مدرب فمستوى ديال البطولة أو شي كاف أو شي كأس عرب المستوى ديالو بحال السلامي بحال غاريدو بحال فاخر
هاد العشوائية كاملة اللي فيها الفريق خاصها مدير رياضي اللي يبدا الخدمة من دبا باش تبان من هنا لواحد 4 سنوات أو 5 بالنسبة للأهلي داك النهار تخلعت فاش سمعت شحال من واحد خدام فالادارة الرياضية ديال الفريق 187 شخص خدامين مابين المسؤولين على الفريق الأول و المسؤولين على الفئات السنية و المسؤولين على التنقيب ديال اللاعبين الصغار داخل مصر و خارج مصر و المسؤولين على تعقب اللاعبين تخيل كاين اللي عاطينو بوسط كيراقب فقط المدافعين فالدوريات الافريقية هادي هي الخدمة ديالو و كاين اللي مراقب الحراس و كاين اللي مراقب المهاجمين و كل شهر كيحطو تقارير على اللاعبين اللي مراقبينهم و كاينين ناس آخرين كيشوفو التقارير و كيتبعو دوك اللاعبين و غادية و لكن هادشي مادارتوش الأهلي فعام را سنوات من الخدمة و اللي عاونهم فالخدمة ديالهم فالبداية هو جابو فرقة كانت هي الأساس ديال المشروع عاوناتهم باش خدمو على خاطرهم طيلة هاد السنوات
|
|
|
|
كلام شيء سي أمين ... لي عودة فيما بعد ل "مداعبة" ما قيل فوق هه شكرا على التفهم يا بطل هه
|
|
|
|
الرجاء يستعد للإعلان عن المدير الرياضي الجديد للنادي.
المكتب المسير استقر على اسم سيباستيان سوماكال، الذي يحمل الجنسية الفرنسية والإيطالية. بدأ مسيرته مع نادي بوردو الفرنسي، وراكم تجارب إفريقية مع النجم الساحلي والنادي الرياضي البنزرتي.
كل التوفيق للسيد سيباستيان في مهامه الجديدة.
ددر.
|
|
|
|
التوقيع مع "مرسى ماروك" يقترب..
تتجه جميع المؤشرات نحو توقيع عقد الشراكة بين نادي الرجاء الرياضي وشركة "مرسى ماروك" خلال هذا الأسبوع.
بموجب هذه الاتفاقية، ستحتفظ جمعية الرجاء بنسبة 40% من أسهم الشركة، بينما سيتكون المجلس الإداري من عشرة أعضاء: ستة يُعينون من طرف "مرسى ماروك" وأربعة من طرف المكتب المديري لجمعية الرجاء.
ستتولى الشركة تدبير الجوانب التسييرية والمالية، في حين ستبقى المسؤولية الرياضية تحت إشراف الجمعية الرياضية لنادي الرجاء.
ومن المرتقب أن تقوم شركة "مرسى ماروك" *هذا الموسم* بضخ مبلغ 8 مليارات سنتيم في خزينة النادي. كما سيتم تحيين جميع عقود اللاعبين، بحيث تصبح العلاقة التعاقدية مباشرة بين اللاعبين والشركة.
ددر
|
|
|
|
الرجاء الرياضي يختار الفرنسي سيباستيان سوماكال مديرا رياضيا للفريق.
المدير الرياضي الجديد سبق أن اشتغل بالدوري التونسي رفقة فريقي نجم الساحل والبنزرتي.
معلومات عن المدير الرياضي الجديد:
مدير رياضي بنجم الساحل من 2015 إلى 2017
مدير رياضي بأكاديمية فرنسا من 2017 إلى 2018
مدير رياضي بنادي تور الفرنسي من 2019 إلى 2021، مدير رياضي بالنادي البنزرتي التونسي من 2023 إلى .2024
|
|
|
|
البروفيل ديالو ضعيف سبق و أن كان مدير للتكوين فبوردو و من بعد اشتغل كمدير رياضي بمجموعة من المحطات ماعمرو فات عامين فشي بلاصة
|
|
|
|
الزيات عيق بقوة الهضرة, البارح مع أبوالسهل فالراديو اليوم جيت شعلت التلفازة لقيتو مع بوزرارة فMBC نفس الهضرة كيعاود فيها
|
|
|
|
البلجيكي مارتن بيلفورت المدير التقني لنادي الرجاء الرياضي, سبق له الإشتغال في مجموعة من الأندية الأوروبية ابرزها ساندرلانج البلجيكي ايكيا مالمو السويدي هيبير السكوتلندي و ابويل نيقوصيا اليوناني.
|
|
|
|
إستدعاء مدرب المنتخب الوطني الرديف طارق السكيتيوي لثمانية لاعبين دفعة واحدة من الرجاء يربك إستعدادات الفريق الأخضر للموسم المقبل
|
|
|
|
| إقتباس لمشاركة: | admin | 00:27 - 2025/07/22 | البروفيل ديالو ضعيف سبق و أن كان مدير للتكوين فبوردو و من بعد اشتغل كمدير رياضي بمجموعة من المحطات ماعمرو فات عامين فشي بلاصة
~~~~~~~~
أمين باش تجيب مدرب كاليبر كبير و الصطاف ديالو + مدير رياضي أجنبي كبير + مدير تقني أجنبي كبير
يعني 3 ديال لصالير كبار راه مسألة صعيبة بزاف
المدير الرياضي بالنسبة لي شخصياً لا فـ البارسا و لا فـ الرجاء ... ما هو إلا بلاكة
حيت لي تيختار اللاعبين فعلياً هو مجلس الإدارة بالتنسيق مع الوكلاء الكبار و بتزكية من المدرب
|
|
|
|
|
|
بالنسبه ل منصب المدير الرياضي بصفة عامة :
إما يكون عندك مدير رياضي بحال لويس كامبوس ولا جوزيبي ماروتا ... مدير رياضي كبير ب صلاحيات موسعة
و إما تيكون المدير الرياضي مجرد لاعب سابق او اسم مغمور بحال فـ البارسا
يعني المدير الرياضي مجرد بلاكة و الرئيس بالتنسيق مع الوكلاء الكبار هو لي تيختار الأسماء
|
|
|
|
توصل نادي الرجاء الرياضي اليوم بعرض جديد من مستشهره الحالي 1XBET, قيمته 4,5 مليار سنتيم للموسم. لمدة ثلاث سنوات. الفريق الأخضر طلب مهلة للرد على العرض, علما أن النادي الأخضر في مفاوضات مع مستشهر آخر خارج المغرب, و الذي عرض 5 مليار سنتيم لموسمين.
|
|
|
|
ما حدث خلال 24 ساعة الماضية بالمنتخب المحلي ، يدين المعنيين المنشورة صورهم أسفله..
1 من اتخذ قرار إعادة ضميس الكارطة و إلغاء تسقيف السن ؟
2 هل يعلم المعنيون أنهم سيربكون تحضيرات الأندية ؟
3 هل تم التغيير بعلم وليد الركراكي "المشرف" كما قال ؟
أخيرا ، نصيحة لوجه الله ....
من الأفضل إلغاء الندوة الصحافية ليوم الغذ
علاش ؟ لأن السكيتوي ربما لا يملك أجوبة للأسئلة أعلاه و للأسئلة المنتظرة غذا ، اللهم اذا كانت من قبيل "واش غاتشريو لعابة جداد قبل الشان
|
|
|
|
قمة العبث القجعي أن تسحب 8 لاعبين من فريق في عز تحضيراته قبل-الموسمية للمشاركة في مسابقة قارية تافهة.
العواقب المترتبة عن هذا القرار:
1. دخول غمار مسابقة الدوري بإعداد غير مكتمل
2. منح تمييز إيجابي لمنافسي الرجاء في الجولات الأولى من الدوري
3. منح أعذار (موضوعية) للمدرب التونسي في حال السقوط في مباريات الإنطلاق
|
|
|
|
ماعندها حتى معنى تشارك فالشان اللي هو مسابقة جد ثانوية و تحرم أندية من الاستعداد للموسم الجديد, هاد الاستعدادات الصيفية هي الأهم
|
|
|
|
|
|
|
هيكلة الفريق رياضيا حاجة مزيانة و لكن النتائج ديالها ماغاديش تبان تادوز على الأقل واحد 4 أو 5 سنوات و هادشي ضروري يلا بغينا فرقة فمستوى الأهلي المصري أو صانداونز قاريا
ولكن فهاد 4 أو 5 سنوات خاص الفريق يكون ديما لاعب على البطولة يا المركز الأول يا الثاني حاليا بالنسبة لهاد العام الفريق مامحتاجش لمدير رياضي أو مدير تقني خاص فقط الاستشارة مع الناس ديال الخبرة بحال فاخر فتحي جمال ... باش يديرو ميركاتو فمستوى الرجا و باش الرجا تقدر العام الجاي تنافس بقوة
..........
ما قل ة دل ... الله يعطيك الصحة سي أمين !
و لكن... ما محل الشناقة من الاعراب ؟؟؟ المنخرطين و دوك وكلاء اللاعبين ؟؟؟ زعما غا يحبسو عليهم الما و الضو ؟؟؟ نتمنى ذلك صادقين !
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
