|
|
بعض الانتدابات قدموا اشارات لا بأس بها و لكن راه لعبنا ضد منافس ضعيف برقوق لعب شوط مزيان الخماس كويري فرجليه و لكن وااااضح أنه كيفتقد للتنافسية فأخر ربع ساعة ولى غا كيجر فرجليه المدرب ديال تواركة كون دخل فوزير قبل كون دارو طريق و المهاجم كيتحرك واخا موصلوهش كواري بزاف و لاحظت فيه أنه مافيهش التحرميات هنا اللعاب غا كيتقاص وسط الكاري كيبدا يتماوت هو الحارس ضربوا بكروشية للوجه ناض كمل الهجمة عادي
|
|
|
|
ديما كنقولوها أسوء و أتفه و أحقر لعاب فالرجاء هو النفاتي و للأسف ضاحك على بزااااااف من الجمهور تا حلوة ما كيديرها اليوم بعدا ملي دخل ضيع كاع الكواري ( تمريرات خاطئة و شي كواري لاحهم للتوش ) و جاتو كرة فالدقيقة 90 قدام الكاري عطاهم ليهم لقطة اخرى فالوقت بدل الضائع المدافعين ديال الرجاء خرجوا الكرة بززز من وسط الكاري جا هو ردها لمهاجم تواركة و كان يمكن تتماركا اما واحد السي المكعازي أكثر واحد سلبي فالرجاء كيعجبك على فالتعراض و يرد الكرة للخلف 70 مليار كرة كيبان ليك واحد من الأظهرة دايز ورا المدافعين والله لا عطاك باص طويل السيد تقول البالون تقيل عليه والو واش يهز باص طويل الضحاك 10 السي المدرب كيلعبوا جناح و حتى هو على مرض فيه فين ما يشد البالون باغي يضربها للبوطو واخا يكون واقف عليه واحد السي المدرب كيفضل شرارة و ساخو و بن الشيخ على المعموري ... مابقاش بغاه و فنفس الوقت مابغاهش يمشي بريطي فهم تتسطا
|
|
|
|
| إقتباس لمشاركة: | admin | 23:51 - 2026/01/25 | | إقتباس لمشاركة: | عبدالله الرجاوي | 20:10 - 2026/01/25 | هاد شرارة فين كيلعب علاش مافكروش يشريوه عوض الاعارة؟؟
على الاقل كانو غادي ياخدو عليه تعويض من الفيفا يلا داه السلامي لكاس العالم |
|
را شارينو ماشي اعارة |
|
انا يصحابلي غا اعارةيلا شراوه راه مزيان حيت عندو شعبية في الاردن والسلامي ضروري يديه للمونديالماعرت ديك القضية ديال تعويض الفيفا للاندية على لاعبيها النشاركين في المونديال واش باقة ام لا
|
|
|
|
اما تقنيا ماغدي يعطي والو دابا خاصو واحد 10 الماتشات غا باش ينقص الوزن شوية ويقدر يجري
في كاس العرب بي قبل من هدا كان بان مزيان وكان خفيف منها شرلوه الترجي ولكن ماصدقش معهم حيت ضعيف تكتيكيا وماكيقدرش على الالتحامات واللعب ديال لافريك
|
|
|
|
شفت الترتيب دابا باااقي اللعب تا فريق ما هارب..كن داك الزمر ظار انتدابات ووقف فرقة كن استغلينا تراكم المباريات على الخصوم ونكونو حنا المنافس الاقوى على اللقب
ولكن ماكينش معامن فينما كان شي واحد تفرجزفي جوج ماتشات كيجي يلعبها علبنا مدير رياضي ويبدا يطبق علينا الفانتازم الكروي المكبوت عندو.
سالينا من محفوظ و باقيلي هاهو بلغيتي تاهو خدا المشعل هاد العام وبارك يخربق في الفرقة كيف بغا وحاطين مدير رياضي ديكور
|
|
|
|
الغريب هو بركان لاعبة غي 6 الماتشات وباقي الفرق لاعبين 9 والوز والجيش لاعبين 8
علاش بركان بالدات عندها جوج مؤجلات زايدين وكيف غادي يديرو يكملو الموسم وهوما باقي مشاركين في لافريك ومكاليفين للدرو القادم
|
|
|
|
مستوی ضعييييف جدا من لاعبي الرجا هذا هو الواقع
لا شيء تغير
نفس الملاحظات بالضبط أ عبد المالك علی السي النفاتي خاصة الكرة الأخيرة
هو لاعب مزيان و لكن مع فرقة ديجا واقفة و كتلعب الهجوم بمعنی ماشي هو اللي غيوقف لك الفرقة
اللوين اللي كان فالهجوم عجبني و إن شاء الله مع توالي المباريات تكون منو الكاينة
حمرة مستحقة لا نقاش في ذلك
هادشي اللي عطی الله و السوق
كما قال الزاكي ف 2004 : عطيني راس مزيان نعطيك حسانة مزيانة
ماعندناش لعابة اللي فالقمة باش حتی لو يلعبو منقوصين العدد ينتصرو علی متذيل الترتيب فوق أرضية جميلة
|
|
|
|
مر أسبوع بالتمام و الكمال علی صدمة العمر فكأس افريقيا
كان اللقب قريب جدا جدا جدا جدا منا و لكن قدر الله و ما شاء فعل
شخصيا لن أسامح ابراهيم علی داكشي اللي دار و إلا كانو متافقين لن أسامح أبدا اللي ضغط عليه باش يضيعها
الله يعذبو كيف ما عذبنا و الله ياخذ فيه الحق
بالنسبة ل طيح الرواح أ سيدي طيح الرواح حنا مالنا
50 عام و حنا كنتسناو أنا راه ماعمري ماشفت فحياتي عميد المنتخب رافع الكاس
علاش علاش تحرمونا منها ؟؟؟؟؟ من بعد كاع داكشي اللي دار
من بعد كاع داك الدفيع د الحكام و التخربيق فالمتاشات و إقصاء الخصوم و يمكن كاع حتی الترتيب مع الخصوم (نيجيريا و الكامرون)
و تجي نتا فاللخر ضيعها حيت قالو لك ضيعها
ماركيها أ سيدي و اللي بغا يطرا يطرا نتا مالك ؟؟؟؟ نتا وزير الداخلية اللي غيتحاسب و لا رئيس الأمن الوطني ؟؟؟
أ سيدي ماركيها و هز الكاس و سير فحالاتك لاسبانيا و سبنا كااااااااملين
جمع لافريك كلها و بدا تسب و قول
قارة كحلة زحلة كتمشي غير بالتيليفون و الكولسة و قالو ليا ضيعها و لكن أنا عندي ضمير و ديك البلابلا
حنا قااااااابلين أ سيدي تعايرنا غيييير ماركيها الله يعطيك العذاب
|
|
|
|
البارح المخرج حالف حتی يعذبنا من بداية اللقاء حتی لضربة الجزاء فآخر ثانية
أنا كاع شكيت مبابي دارها ليه بلعاني
حيت ديك المرة كان قال ليهم راني عارف كلشي اللي طرا بقيت فالهاتف مع أشرف الليل كامل
غالبا غيكون أشرف شبع فبراهيم (ولا اللي ضغط عليه) سبان
كما قال دومينيك فليكيب دي سوار : اللعابة صحابو لن يسامحوه مدی الحياة ، الضحكة الصفرة و الموس فالظهر
|
|
|
|
واحد القضية شفت المغاربة تيقولك الإعلام الجزائري هو السبب فهادشي
أودي هادوك عشرة فعقل غيديو عليهم الناس، كتكبرو الشان لبوجعران
اللي دار هادشي كامل هو داك الحمار داك البهلوان فقناة ليكيب (شنيدير) اللي ديما خاسر فالثنائيات و ديما كيضحكو عليه و يطنزو عليه فالبلاطو
هو السبب فهادشي ملي خرج بعد مباراة تانزانيا و هدر
و لكن هنا فين غنقولو الإعلام ديالنا مكيدر
كون دارو عليه كونطر حملة و شبعو فيه طنز و ضحك كون البراني جمع راسو معانا
و مع ذلك كلشي كان غادي مزيان و الحكام كانو ديما معانا و مكاين غير الدفيع الدفيع حتی جات لقطة البينو و الأحداث المصاحبة لها
اللي أقولها و أكررها كان بإمكان براهيم يخشيها فالشبكة و اللي بغا يطرا يطرا
يقوليهم هو كاع أنا مافهمتكمش أنكم اتافقتو معاهم و يخرج من باب واسع
|
|
|
|
دوك الزبابل د الفلوس اللي كتعطی لراديو مارس كتخسر غير هكاك
و ديك الفرنسوية ديال العبار مانفعات بوالو
كون ديك الساعة قلبتوها سباط علی داك الكلون و شريو الصفحات فمواقع التواصل و بداو تعطيوه العصير صباح مساء
كون هو و لا غيرو جمعو راسهم و حتی حد مايتجرأ علينا من بعد
أما دوك التويتات و لا الكتابات بالعربية د الجزائريين و لا قنواتهم المحلية شكون كيسمع ليها و لا كيديها فيها
|
|
|
|
| إقتباس لمشاركة: | عبدالله الرجاوي | 00:47 - 2026/01/26 | | إقتباس لمشاركة: | admin | 23:51 - 2026/01/25 | | إقتباس لمشاركة: | عبدالله الرجاوي | 20:10 - 2026/01/25 | هاد شرارة فين كيلعب علاش مافكروش يشريوه عوض الاعارة؟؟
على الاقل كانو غادي ياخدو عليه تعويض من الفيفا يلا داه السلامي لكاس العالم |
|
را شارينو ماشي اعارة |
|
انا يصحابلي غا اعارةيلا شراوه راه مزيان حيت عندو شعبية في الاردن والسلامي ضروري يديه للمونديالماعرت ديك القضية ديال تعويض الفيفا للاندية على لاعبيها النشاركين في المونديال واش باقة ام لا |
|
مازال كيعيطو الفيفا لكل فريق عندو لاعب مشارك فالمونديال 10 آلاف دولار لليوم ( تقريبا 10 مليون سنتيم لكل يوم ) ف 2022 كان دارها راس لافوكا مع الوز و دا شي لاعبين غير باش يديهم الوز كان عندهم التكناوتي و جبران و داري دوزو شهر فقطر كل نهار ب 30 مليون داخلة ههههه
|
|
|
|
| إقتباس لمشاركة: | عبدالله الرجاوي | 00:56 - 2026/01/26 | اما تقنيا ماغدي يعطي والو دابا خاصو واحد 10 الماتشات غا باش ينقص الوزن شوية ويقدر يجري
في كاس العرب بي قبل من هدا كان بان مزيان وكان خفيف منها شرلوه الترجي ولكن ماصدقش معهم حيت ضعيف تكتيكيا وماكيقدرش على الالتحامات واللعب ديال لافريك |
|
المشكل ماشي فالوزن ديالو المشكل انه لاعب زجاجي ماكاينش شي موسم مادوزوش غاب فيه على الأقل شهر للاصابة الترجي وقعو معاه ف 2021 دوز معاهم 3 أشهر كلها مصاب لعب 4 الماتشات فقط و صيفطوه مع أهلي طرابلس دوز معهم نصف موسم أغلبها كان مصاب تاهما صيفطوه و قبل كأس العرب را كان موعت من توقف أكتوبر كان توعت مع المنتخب و بقى مصاب حتال كأس العرب را مالعبش الماشتات الأولى كأساسي كان كيدخل كاحتياطي تال النصف عاد لعب ماتش السعودية كامل
زائد واحد القضية عطيني لاعب واحد من عرب آسيا جا لافريقيا و تألق فيها من غير الفلسطيني اللي كانو جابو الأهلي هاداك أصلا كان زايد و كابر و مكون فالسويد يعني عقلية أوروبية عندو غير قبل سنتين جبتي داك العراقي أيمن حسين ماقدرش يفرض راسو مع الفريق و كان أصلا طرى ليه نفس البلان مع الصفاقسي جا دوز معهم 3 أشهر قاليهم ماقدرتش نولف
|
|
|
|
| إقتباس لمشاركة: | عبدالله الرجاوي | 01:07 - 2026/01/26 | شفت الترتيب دابا باااقي اللعب تا فريق ما هارب..كن داك الزمر ظار انتدابات ووقف فرقة كن استغلينا تراكم المباريات على الخصوم ونكونو حنا المنافس الاقوى على اللقب
ولكن ماكينش معامن فينما كان شي واحد تفرجزفي جوج ماتشات كيجي يلعبها علبنا مدير رياضي ويبدا يطبق علينا الفانتازم الكروي المكبوت عندو.
سالينا من محفوظ و باقيلي هاهو بلغيتي تاهو خدا المشعل هاد العام وبارك يخربق في الفرقة كيف بغا وحاطين مدير رياضي ديكور |
|
كون الهارب ديال الزيات دار انتدابات مزيانة و وقف الفرقة كان يكون هارب على كولشي و داير ضغط على الفرق المشاركة فافريقيا الوز و الخيش و بركان و الأكيد غادي يزيدو يتلفو مع تراكم المقابلات و صعوبتها في الأدوار المقبلة را مازال ليهم 22 ماتش فالبطولة زائد ماتشات الكأس زائد السفريات فافريقيا هادشي كامل خاص يدار فأقل من 4 أشهر
|
|
|
|
| إقتباس لمشاركة: | عبدالله الرجاوي | 01:09 - 2026/01/26 | الغريب هو بركان لاعبة غي 6 الماتشات وباقي الفرق لاعبين 9 والوز والجيش لاعبين 8
علاش بركان بالدات عندها جوج مؤجلات زايدين وكيف غادي يديرو يكملو الموسم وهوما باقي مشاركين في لافريك ومكاليفين للدرو القادم |
|
بركان كان عندهم ماتش السوبر فقطر قبل توقف البطولة من موراها كانو مشاو لعبو فنيجيريا فداك الأسبوع ماتش مؤجل ديال العصبة حيتاش ماتش السوبر تبرمج السبت اللي كانت ملعوبة فيه الجولة الثانية ديال العصبة داك الأسبوع فالبطولة تلعبو 3 الماتشات منهم المؤجلات ( فاش تلعب مؤجل الديربي ) الأسبوع اللي من بعدو كان عندهم مؤجل مع الرجا و لكن تاهو تأجل حيتاش السكيتيوي دا معاه 4 اللاعبين من الرجا و 3 من بركان
|
|
|
|
بولكسوت خاصو الضرة
حيتاش كيتمركل بزاف هاد الموسم ( الموسم ديال الدوبلي كان كيدخل بلاصتو زيلا و كان كيدير الدور ديالو مزيان داكشي علاش كان جامع راسو و حتى مع المنتخب المحلي مايقدرش يتنفنف عارف كاين لاعبين آخرين قادرين يحيدو ليه البلاصة )
و الكاسور يحاولو يجيبو أيمن موريد عندو أرقام مزيانة فقط الكرة و فالاسترجاع و اللعب العمودي للأمام
فادلو الصراحة كيبان ليا مزيان فقراءة اللعب و الحاجة اللي عجبني فيها ماعندوش مع العاطفة اللي واجد هو اللي كيدخل, بانون بان ليه مامسلكش را ماكيدخلش, خاصو لاعبين و هو براسو را قالها فالندوة من بعد الماتش قال مازال خاصني لاعبين باش نوصلو لطريقة لعب مثالية
|
|
|
|
أبرز ما جاء في ندوة فادلو بعد نهاية اللقاء :
- خماس تدرب معانا جوج حصص فقط عاد وقع مع الفريق نهار الخميس ولعب 90 دقيقة و دار ماتش مقبول
- ماتياس عطانا إضافة عندو السرعة والقوة والإنهاء الي تيتميز بيه لاعب رقم 9 مهاجم و هو اللي غادي نحتاجوه باش نحلو مشكل التسجيل اللي كنا كانعينو منو
- بولكسوت كان غير محظوظ فاللقطة، لأنه قلب على الكرة وكان خص يحط رجيله، وهادشي كيوقع فلحظة ديال غياب التركيز, الصراحة الطرد ديالو أثر علينا فهاد الماتش وخا استحوذنا على الكرة
- أنا محبط على النتيجة رغم النقص، ولكن شفت إشارات إيجابية لي تخلينا نتحسنو كثر ونكونو أقوى بشكل أكبر, و وخا هكاك خاصنا مازال ندعمو الفريق بلاعبين خصوصا مركز الوسط الدفاعي
- تنحاولو نبنيو نظام لعب خاص بالفريق و هادشي ماغاديش يعطي نجاح آني ولكن مبني على أسس، واليوم بعد 9 مباريات مزال فنفس الترتيب و نفس عدد النقط لي كنا فيه فالموسم ديال الثنائية والقادم أفضل
- كيف شفتو مرجعناش للخلف وبقينا تنقلبو على التعديل و الرباح ، وحاولنا ننساجمو مع النقص العددي ودرنا تغييرات باش نلعب بتوازن وقدرنا نديرو فرص و لكن ماقدرناش نسجلو منها للأسف
- توقف الدوري لهاد المدة الطويلة ماسهلاش و الأكيد غادي يكون عندها تأثير , استغلينا هاد التوقف باش نخدمو فيه على ميكانيزمات و حاولنا نطبقوهم فماتشات ودية و اليوم للأسف معطيات الماتش تبدلات مع طرد بولكسوت
- فرقة بحال الرجا ماخاصكش فقط تربح بالنتيجة, خاص الفوز يكون نتيجة و أداء و هادشي اللي كنحاولو نخدمو باش نوصلو ليه, و الهدف ديالنا فنهاية الموسم هو المنافسة على لقب البطولة و الكأس
|
|
|
|
ما عندنا رئيس ، ما عندنا فريق ، ما عندنا تخطيط رياضي واضح ... هادشي واضح و مفهوم
و لكن راه حتى مدرب لي يوقف فرقة و يطور اللاعبين مكاينش ، حيت المدرب الحالي و لسعد جردة بحال بحال
فقط تخربيق الرئيس و عدم القيام بتعاقدات محترمة هي لي مخلية المدرب بعيد على الانتقادات
|
|
|
|
| إقتباس لمشاركة: | عادل | 01:34 - 2026/01/26 | واحد القضية شفت المغاربة تيقولك الإعلام الجزائري هو السبب فهادشي
أودي هادوك عشرة فعقل غيديو عليهم الناس، كتكبرو الشان لبوجعران
اللي دار هادشي كامل هو داك الحمار داك البهلوان فقناة ليكيب (شنيدير) اللي ديما خاسر فالثنائيات و ديما كيضحكو عليه و يطنزو عليه فالبلاطو
هو السبب فهادشي ملي خرج بعد مباراة تانزانيا و هدر
و لكن هنا فين غنقولو الإعلام ديالنا مكيدر
كون دارو عليه كونطر حملة و شبعو فيه طنز و ضحك كون البراني جمع راسو معانا
و مع ذلك كلشي كان غادي مزيان و الحكام كانو ديما معانا و مكاين غير الدفيع الدفيع حتی جات لقطة البينو و الأحداث المصاحبة لها
اللي أقولها و أكررها كان بإمكان براهيم يخشيها فالشبكة و اللي بغا يطرا يطرا
يقوليهم هو كاع أنا مافهمتكمش أنكم اتافقتو معاهم و يخرج من باب واسع |
|
الاعلام الرياضي عندنا ضعييف بزاف غا توانسة هاربين علينا في هاد المجال فما بالك الفرنسيس..ماعندناش محللين ماعندناش ناقدين رياضيين وتا طبالة واعرين ماعندناش هههالرياضية 20 عان دابا باش تحلات ماعمر قدرو يديرو برنامج حزاري بحال ديال توانسة يكونو فيه صحافة ومحللين ولاعبين سابقينكانال بلوس دارو تغطية واعرة للكان حتى الديكور صرعوه داروه في اوطيل بحال رياض في مراكش وعندهم محللين واعرين وكيديرو لقاءات مباشرة مع المدربين والنجوم المشاركةحنا الاعلام ديالنا غا حكيمي ما كيقروش يديرو معه حوار مباشر عاد تسناهم يديرو حملة على داك البهلوان ديال ليكيب لي شعل علينا الاشاعة
|
|
|
|
حتى دانييل ريولو ديال RMC قال ان السبب في ديك الاحداث هي البوليميك لي تخلقت واشار بشكل غير مباشر لداك خونا ديال ليكيب
قال ما معناه ان السنغال كانو معمرين روسهم انهم غادي يتضلمو وكان معولين يرونوها
هاد الفكرة كان طبقها البوصيري الله يرحمو مع الترجي في 99 المسيرين والتقنيين ديال الراجا وصلتهم خبار ان الحكم مشري واتفقو يبلبلوها يلا دار شي حاجة وداكشي لي كان ملي تطرد جريندو
|
|
|
|
امين
10 المليون في النهار مزيانة ولو ان الاردن ماغاديش يطولو في المونديال هه
ولكن القليلة غادي يربحو منو واحد 100 مليون سنتيم
اما سبب الاصابات ديالو راه واضح انه كيغش في التداريب كتبان من الجرية ديالو والالتحام مع الخصم..رطييطب بزاف غا تكوفري عليه يطيح...ولعاب يلا ماكانش مخدوم مزيان بدنيا كيكون معرض للاصابات في اي احتكاك بسيط
|
|
|
|
معبرة هاذ الصورة ..و الشيء بالشيء يذكر..
واقعة كانت قبل بداية المبارة و فيها مغزى كبير و نسبة الترجاويت كتلعب دور مهم في نجاح المهمة ..
المهم و بعيدا عن الشأن التدبيري و الاداء العام للفريق و تحقيق مطالب الجماهير و غيرها ..
المهم قبل الماتش و انا غدي ندخل صدفت مشكل عند بعض الإخوة الرجاويين و عدد تقريبا 20 واحد .. المشكلة انهم شراو تذاكر VIP ديال 500 درهم و فاش وصلوا بوابة الملعب منعوهم من الدخول بحجة أن تواركة لم يطرحوا هده التذاكر هههههه المهم دخلت بدينا نشرحوا لامن الوطني و الامن الخاص ..اشنو كاين و خاص شي مسؤول من التواركة يجي يلقى حل مع الناس ..و منين مبغاوش و في إطار كبرها تصغار كان لابد من الحيحة و في الأخير لقاو الحل و قاليك المشكل كان في موقع البيع و تم السماح لهم بالدخول حثى بدا ماتش ب 10 دقائق.
المهم و علاش صورة زيات مع هاذ المنشور ..هو ان سعادة الرئيس المبجل في وقت لي كان المشكل ..تزامن مع دخوله بسيارته..و احد الاشخاص قصدو و قاليه راه الرجاويين عندهم مشكل و ديبلاصاو مع الفرقة و خلصو رزقهم ( 500 درهم ) لكن سعادته اخد الموضوع بلامبالاة و متسوقوش و دار الضحكة و قال وخا وخا دبا نشوف..و هدشي انا كنشوف فيه و كنت متأكد مغدي يدير والو لانه اصلا ماشي رجاوي قح ..
عبدو ربه ما مسؤول ما رئيس لكن بقيت مع خوتي الرجاويين و حيحت و صحة دخلوا ..عاد مشيت منطقتي و دخلت بعد ربع ساعة من بداية المبارة.. الفيديو في التعليق
#سلات_الهضرة
|
|
|
|
كبرها .. تصغار ..
دخل نادي ريال مدريد الإسباني على خط الأزمة التي رافقت نهائي كأس أمم إفريقيا، في خطوة مفاجئة وضعت الاتحاد الإفريقي لكرة القدم (الكاف) تحت ضغط غير مسبوق.
وأكدت مصادر متطابقة أن تدخل النادي لم يكن مرتبطاً باللقب الرياضي، بل جاء لحماية أصوله الاستثمارية وقيمة لاعبه الدولي المغربي إبراهيم دياز، بعد الأحداث المثيرة للجدل التي رافقت توقف المباراة لمدة 17 دقيقة وتنفيذ ركلة الجزاء الحاسمة.
وبحسب التسريبات، أرسل ريال مدريد، بتوجيه من رئيسه فلورنتينو بيريز، تقريراً طبياً ونفسياً مفصلاً إلى الاتحاد الدولي لكرة القدم (فيفا)، يوثق ما وصفه بـ”الترهيب والضغط غير القانوني” الذي تعرّض له دياز خلال فترة التوقف الطويلة، مؤكداً أن اللاعب وُضع في “بيئة عدائية غير آمنة” أثرت على سلامته الذهنية والتركيزية.
كما لوّح الفريق القانوني للنادي بإمكانية مقاضاة الكاف والمطالبة بتعويضات مالية في حال ثبوت الإهمال التنظيمي، مع تحميله مسؤولية تعريض لاعب في أعلى مستوى أوروبي لظروف نفسية ضاغطة قد تؤثر على مساره المهني وقيمته السوقية.
وفي مدريد، شرع الطاقم الفني بقيادة ألفارو أربيلوا في برنامج خاص لمواكبة دياز نفسياً وذهنياً بعد عودته من المعسكر، بينما أبلغ النادي الجامعة الملكية المغربية لكرة القدم بدعمه الكامل لأي مسار قانوني محتمل أمام محكمة التحكيم الرياضية (CAS)، مع تقديم استشارات تقنية حول قاعدة “الـ15 دقيقة” والإجراءات التنظيمية المصاحبة للتوقف.
وأكدت مصادر قريبة من دوائر القرار أن ريال مدريد استغل ثقله داخل مؤسسات كرة القدم الدولية، حيث تواصل مع أعضاء نافذين في مجلس الفيفا لضمان فتح تحقيق ومراعاة مبادئ النزاهة الرياضية وحماية اللاعبين.
وأشار النادي إلى تخوفه من أن يؤدي الصمت على ما وقع إلى خلق سابقة قد تدفع أندية أوروبية كبرى إلى إعادة النظر في إرسال نجومها للمشاركة في البطولات الإفريقية.
|
|
|
|
????رئيس الإتحاد السنغالي اليوم يدق مسمار النعش الأخير!
وصفت الصحافة الرياضية والخبراء القانونيون تصريحات عبد الله فال، رئيس الاتحاد السنغالي، صباح اليوم (الأحد 25 يناير 2026) بأنها "مسمار النعش الأخير" في قضية الدفاع عن السنغال.
باعترافه رسمياً اليوم أمام وسائل الإعلام بدعمه لقرار المدرب بابي ثياو بالانسحاب المؤقت، يكون "فال" قد أسقط أهم حجة قانونية كانت السنغال ستستخدمها (وهي أن اللاعبين انسحبوا عفوياً أو بسبب الخوف). الآن، أصبح الانسحاب "قراراً إدارياً رسمياً" مدعوماً من رئيس الاتحاد، وهو ما يضع السنغال تحت طائلة المادة 82 (الانسحاب المتعمد) التي عقوبتها خسارة المباراة 3-0 وتجريد الفريق من مكاسبه.
هذا التصريح لم يترك لـ "موتسيبي" أي مساحة للدفاع عن السنغال تحت ذريعة "انفعال لحظي". المسمار الأخير دُق، والقرار القادم من "الكاف" (أو من المحكمة الرياضية "TAS" لاحقاً) أصبح محاصراً باعتراف رئيس الاتحاد السنغالي نفسه.
|
|
|
|
إلترات الرجاء الرياضي تقاطع المدرجات إلى غاية نهاية الموسم
أحسن حاجة داروها
|
|
|
|
الرجاء الرياضي في مفاوضات متقدمة مع مهاجم منتخب الرأس الأخضر و نادي اسطنبول باشاكشهير نونو داكوسطا
|
|
|
|
الالترات مالهم ولاو بحال مصارع طواحين الهواء..غا مضاربين مع شي خصم موجود فقط في الاوهام ديالهم
اشنو سبب المقاطعة عوتاني ؟
|
|
|
|
|
|
|
رافاييل لوزان رئيس الاتحاد الإسباني لكرة القدم:
نهائي كأس العالم 2030 سيُقام هنا في إسبانيا — شاهدنا بعض المشاهد في كأس أفريقيا في المغرب تضر بصورة كرة القدم عالميًا.
وإسبانيا أثبتت قدرتها التنظيمية
|
|
|
|
| إقتباس لمشاركة: | عبدالله الرجاوي | 21:18 - 2026/01/26 | الالترات مالهم ولاو بحال مصارع طواحين الهواء..غا مضاربين مع شي خصم موجود فقط في الاوهام ديالهم
اشنو سبب المقاطعة عوتاني ؟ |
|
كاين صراغ خايب مابيناتهمالأحداث اللي كتوقع فالاجتماعات خارج الملعب تعطيك الخبار ديما مضاربين و شي كيتلقى لشي شحال من مرة كيريحوا يتفاهموا على شي أمور تنظيمية و لكن فالأخير ما كيتمش الاتفاق الناس اللي داروا هاد القرار راه غلبوا المصلحة العامة حيت لا قدر الله فأي لحظة تقدر توقع شي كارثة
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
