|
|
الأسعد الشابي جردة سيواصل مهامه كمدرب للفريق للموسم المقبل, حيث رفض أن يشتغل كمدير تقني و فضل الاستمرار كمدرب للفريق, و في نفس السياق سيقوم بتغييرات في طاقمه التقني, الإطار التونسي اقترح مجددا مجدي الطراوي ليكون مساعدا أولا له, كما طالب بتغيير المعد البدني جمال صبري و الذي لم يقتنع به, و طالب بعودة مواطنه عمر بنونيس أو التونسي الآخر طلال بوعابن , المعد السابق للترجي التونسي و للمنتخبين التونسي و النمساوي.
الشابي وضع تصورا لمعسكر الفريق الصيفي استعدادا للموسم المقبل, حيث سيقوم الفريق بمعسكر منتصف يوليوز مدته ثلاثة أسابيع, المدرب التونسي طالب بانهاء التعاقدات الجديدة قبل المعسكر, حيث يريد أن يشارك جميع اللاعبين فيه.
في سياق آخر بدأ نادي الرجاء الرياضي مفاوضاته مع مجموعة من اللاعبين, حيث حسم صفقة مدافعه السابق بدر بانون, و اقترب بشكل كبير من حسم صفقة المهاجم السابق للفريق بين مالانغو, و حارس الماص صلاح الدين شهاب.
|
|
|
|
دابا شكون صاحب القرار فـ استمرار الشابي كمدرب للفريق للموسم المقبل ، واش المدرب أو الرئيس المؤقت أو الرئيس المقبل ؟
|
|
|
|
رئيس اتحاد يعقوب المنصور وزير
عاد عرفتها دبا
أييه أ سيدي وزير
هذا شوية غتلقاه مخشي حتی هو فالمعمعة د العصبة و الجامعة بحال لقجع فالأول و من بعد يعوضو
و باينة فيه ربيطي مقطر حتی هو من صحاب أونتي بيضاوا
باينة غير من الطريقة د الهضرة دياو
|
|
|
|
المدير كان عليك تزيد فاللخر ديك تحياتي اللي كيدير يوسف
زعمة زمطتك ههههه
فعلا عندك الصح فكلشي خاصة فالأسئلة اللي طرحتي اللي لولا غووغل حتی حد مغيعرف يجاوب عليهم
و لكن وخا هكاك، أنا غادي بمبدأ إن هبت رياحك فاغتنمها
دبا كاين لقجع خاصنا نبانو فالواجهة بزاف د المرات و فكاع المسابقات
و نوليو بحال المصريين، فين ماكانت شي فئة سنية راه هوما الأكثر تتويج أو عالأقل ديما مذكورين فيها
و هاد البراهش مزيان يكون عندهم احتكاك فهاد المنافسات و يكونو شمو ريحة التتويج
باش ملي يطلعو للمنتخب الأول يكون عندهم ديك الميزة اللي ماعمرها كانت عندنا
|
|
|
|
???????????????????????????????? ????????????????????????????????????-عبد السلام بلقشور
بيان
تنويرا للجميع وخاصة أنصار ومحبي ومكونات نادي الرجاء الرياضي، أعلن عدولي عن قرار الترشح لرئاسة النادي، بعدما أعلنت عن ذلك سابقا، خلال خرجاتي الإعلامية،
كنت ولازلت وسأظل حريصا على الشفافية والوضوح مع الجميع، وبناء على بعض المتغيرات والأحداث التي عاشها النادي خلال الأيام القليلة الأخيرة، خاصة ملف الإنتدابات، الذي يشرف عليه الرئيس الحالي، في غياب إدارة تقنية وإفتقاد النادي لمدير رياضي، ولجنة متخصصة كما هو متعارف عليه، ما يعطي إستنتاجا واحدا، كون الرئيس الحالي متشبث بمنصبه، ولا نية له في التخلي عن الرئاسة.
ولعل ما يزكي طرح رغبة الرئيس الحالي، في مواصلة مهامه وإغلاق الباب في وجه الآخرين، امتناعه عن فتح باب الانخراط بالنادي، بالإضافة كذلك للتأخير الذي يطال، تحديد موعد الجمع العام العادي الانتخابي، مما يحول دون وضع أي برنامج زمني لتنزيل مشروعي الرياضي.
شخصيا كان هدفي لم شمل العائلة الرجاوية، والمساهمة في إعادة الاستقرار للنادي، كيفما كانت صفتي داخل هذا الكيان الأخضر، غير أن واقع الأمر يعارض تماما و يخالف هذا التوجه.
لست زاهدا في منصب رئاسة النادي، لكن مشروعا متكاملا إشتغلت عليه منذ فترة ليست بالقصيرة، كان دافعي الأساسي لذلك، خدمة لنادي كبير وعريق، الارتباط به شرف لكل مسير.
أتمنى من كل قلبي، التوفيق والنجاح للفريق الذي لطالما اسعد المغاربة، ومثل المملكة المغربية أحسن تمثيل، في جميع المحافل، عربيا، إفريقيا ودوليا.
|
|
|
|
معرفتش اش كيتسنا بيرواين باش يعلن على الجمع العام و فتح باب الانخراط ، الله يجازيك بخير على داكشي اللي درتي و لكن راه ماشي البروفيل المناسب للرئاسة... يصلح فقط يكون كعضو في شي مكتب لا اكثر
|
|
|
|
حصري ملف بودريقة في طريقه إلى الحل وإطلاق سراحه مسألة وقت فقط
|
|
|
|
كلام بلقشور بان ليا غي ورقة ضغط على المكتب.. تاحد مغادي يعارض عودة بانون و ملانغو للرجاء و خا مزال مكاينة ادارة رياضية
|
|
|
|
بلقشور ينسحب من سباق رئاسة الرجاء بسبب بلوكاج الرئيس المؤقت للانخراط و عدم الاعلان عن تاريخ الجمع العام
|
|
|
|
قرر عبد السلام بلقشور، رئيس العصبة الوطنية لكرة القدم الاحترافية، بشكل رسمي، سحب التراجع عن ترشحه لرئاسة نادي الرجاء الرياضي.
ونشر بلقشور بيانا توضيحيا على صفحته الرسمية على فايسبوك، يعلن من خلاله قرار سحب ترشيحه لرئاسة الرجاء، معللا قراره بنية عبد الله بيرواين، الرئيس الحالي، في الاستمرار في منصبه وغياب العديد من النقاط التي تساهم في بناء مشروع رياضي.
وشدد بلقشور أن قراره جاء بعد العديد من المتغيرات التي عاشها البيت الرجاوي مؤخرا، والتي يأتي في مقدمتها إشراف بيرواين على ملف الانتدابات رغم غياب إدارة تقنية وافتقاد النادي لمدير رياضي، إضافة إلى رفضه فتح باب الانخراط والتأخر في تحديد موعد الجمع العام العادي الانتخابي.
وكتب بلقشور في بيانه: “تنويرا للجميع وخاصة أنصار ومحبي ومكونات نادي الرجاء الرياضي، أعلن عدولي عن قرار الترشح لرئاسة النادي، بعدما أعلنت عن ذلك سابقا، خلال خرجاتي الإعلامية، كنت ولازلت وسأظل حريصا على الشفافية والوضوح مع الجميع، وبناء على بعض المتغيرات والأحداث التي عاشها النادي خلال الأيام القليلة الأخيرة، خاصة ملف الإنتدابات، الذي يشرف عليه الرئيس الحالي، في غياب إدارة تقنية وإفتقاد النادي لمدير رياضي، ولجنة متخصصة كما هو متعارف عليه، ما يعطي إستنتاجا واحدا، كون الرئيس الحالي متشبث بمنصبه، ولا نية له في التخلي عن الرئاسة”.
وتابع بلقشور: “ولعل ما يزكي طرح رغبة الرئيس الحالي، في مواصلة مهامه وإغلاق الباب في وجه الآخرين، امتناعه عن فتح باب الانخراط بالنادي، بالإضافة كذلك للتأخير الذي يطال، تحديد موعد الجمع العام العادي الانتخابي، مما يحول دون وضع أي برنامج زمني لتنزيل مشروعي الرياضي”.
وكشف بلقشور عن نيته وهدفه من الترشح لرئاسة الرجاء، قائلا: “شخصيا كان هدفي لم شمل العائلة الرجاوية، والمساهمة في إعادة الاستقرار للنادي، كيفما كانت صفتي داخل هذا الكيان الأخضر، غير أن واقع الأمر يعارض تماما و يخالف هذا التوجه”.
وأوضح بلقشور: “لست زاهدا في منصب رئاسة النادي، لكن مشروعا متكاملا إشتغلت عليه منذ فترة ليست بالقصيرة، كان دافعي الأساسي لذلك، خدمة لنادي كبير وعريق، الارتباط به شرف لكل مسير”، مختتما كلامه: “أتمنى من كل قلبي، التوفيق والنجاح للفريق الذي لطالما اسعد المغاربة، ومثل المملكة المغربية أحسن تمثيل، في جميع المحافل، عربيا، إفريقيا ودوليا”.
|
|
|
|
| إقتباس لمشاركة: | عادل | 20:12 - 2025/05/19 | المدير كان عليك تزيد فاللخر ديك تحياتي اللي كيدير يوسف
زعمة زمطتك ههههه
فعلا عندك الصح فكلشي خاصة فالأسئلة اللي طرحتي اللي لولا غووغل حتی حد مغيعرف يجاوب عليهم
و لكن وخا هكاك، أنا غادي بمبدأ إن هبت رياحك فاغتنمها
دبا كاين لقجع خاصنا نبانو فالواجهة بزاف د المرات و فكاع المسابقات
و نوليو بحال المصريين، فين ماكانت شي فئة سنية راه هوما الأكثر تتويج أو عالأقل ديما مذكورين فيها
و هاد البراهش مزيان يكون عندهم احتكاك فهاد المنافسات و يكونو شمو ريحة التتويج
باش ملي يطلعو للمنتخب الأول يكون عندهم ديك الميزة اللي ماعمرها كانت عندنا |
|
ثقافة الألقاب خاص تكون عندك فالأندية و فالتكوين و زيد عليها واحد النسبة ديال الكولسة خصوصا فافريقيا الألقاب كتجي بلعب الجوع و الخبث و هادشي خاص يكون فالأندية كيفما كيديرو التوانسة و المصريين خصوصا المصريين المغاربة مع الأسف كيميلو للعب الفرجوي و كيبغيو يبانو مثاليين فاللعب ديالهم و هادشي ماعمرو يجيب لك ألقاب زيد عليها هاد البهرجة اللي داير دبا لقجع اللي لحد الساعة را مادار والو المنتخب الأول اللي هو الواجهة مازال 0 لقب و كأس افريقيا الجاية من هنا نسيني ليك عليها ماغاديش يديوها حيتاش الصح ماكاينش و زايدها بالمهرج ديال الركراكي
|
|
|
|
محمد المكعازي في مفاوضات مع الرجاء الرياضي للعودة مجددا لأحضان النادي
|
|
|
|
سؤال لأمين و عبدالمالك ، شنو المشكل بين داك محمد امين و بلعودي مع الزيات ؟؟؟
|
|
|
|
بلعودي بيدق تابع لحسبان نهار بودريقة جرا على بلعودي من الرجاء راه حسبان بدا بيه هو الاول عطاه اللي كيتسال مقابل واحد العمولة + ميكتبش عليه حيت كان مكروه ديك الساعة وكلشي باغيه يحيد من الرئاسة اول واحد خرج الكذبة ديال مستشهر 15 مليار و دافع عليها أول واحد استضاف حسبان باش يروج للكذبة واحد الوقت كيكتب جوج مرات اولى 3 فالنهار غا على حسبان هاهو فروما هو مع فلان ها هو مع فرتلان الزيات ملي اجتمع مع الحكماء بدا عليه علاش معيطتيش على حسبان هو اللي خلا ليك فرقة و داك كاس العرش باش شاركتي فالكاف
|
|
|
|
| إقتباس لمشاركة: | Youssef Lucci | 22:38 - 2025/05/19 | | بلقشور ينسحب من سباق رئاسة الرجاء بسبب بلوكاج الرئيس المؤقت للانخراط و عدم الاعلان عن تاريخ الجمع العام |
|
بولقشور مدفوع من طرف لقجع لا أقل و لا أكثر و رئاسة الجمعية ماغادي تبقا تغري حتى واحد ملي بان ليه أن مارسا ماروك باغا الزيات كرئيس للشركة و قرب خروج بودريقة راه دار السبة و انسحب راه من ورا اجتماع الحكماء مع مهيدية الوالي ديال كازا تبدلات أمور كثيرةمهيدية من بعد هالا قاليهم بحال هاد البروفيلات مخاصش يبقاو يشدوا الرجاء
|
|
|
|
الصويري هو اللي بدا فهاد الملف ديال مرسا ماروك هوما بغاو الزيات يكون رئيس الشركة و غادي يكون موظف بواحد الأجر شهري ماشي متطوع وخدامين معاه شهرين دابا و اكثر و راه غادي يتحاسب على كل درهم و متفرغ لرئاسة الشركة دابا هاد الجديد ديال خروج بودريقة المحتمل هو اللي غادي يبدل بزااااف الأمور راه تقدر مارسا ماروك تنسحب حتى هي حيت هوما باغيين الزيات و بودريقة بروفايل مغااااير على الزيات كاين اللي غادي يقول بودريقة يشد الجمعية و الزيات رئيس الشركة ولكن مستحيل حيت مكيتحاملوش اضافة على أن رئيس الجمعية غادي يولي رئيس بالسمية فقط أما الأمور الكبرى ماغاديش تكون فيديه
|
|
|
|
الجمعية غادي يبقا ليها غير الاسم و اللوغو و الفريق النسوي و فريق الفوتصال و 33 فالمئة من الاسهم وغادي يكون عندها 3 اعضاء فمجلس الشركة في حين الشركة غادي تتمثل ب 6 أعضاء اضافة لرئيس الشركة ايلا اختلفوا فشي أمور راه الشركة ديما عندها الاغلبية التكوين راه ولى بيد ocp وشركة أخرى ديال الطاقة الشركة غادي يكون فيديها كلشي أي التسيير الرياضي و المالي ( الانتقالات المدرب المستشهرين ...)
|
|
|
|
إدا كانت فعلا مارسا مروك شرات الاسهم راه منطقيا هي لي عندها حق تعين الرئيس لي بغات
بلقشور غا بالصحة يلا كان غادي يبداها من دابا بالبلاغات والبكا والشكا انا غادي نترشح انا غادي نسحب الترشح حقا الظروف غير مواتية حقا هزوني في العمارية
هاد افعال ديال البدراوي قاعما خدامة
يشدها الزيات او بودريقة يلا رجع ونسدو هاد الباب ويبدا الفريق يوجد للموسم القادم
|
|
|
|
راه مستحيل هاد نظام الشركات يخرج للوجود و يطبق على أرض الواقع و ينجح مدام نظام المنخرطين قائم
مثلاً الرجاء شنو استفدات من المنخرطين و نظام الانخراط ؟ شحال تيضخو هاد المنخرطين فـ ميزانية النادي ؟
ومع ذلك عند المنخرطين الصفة القانونية لإبطال مشاريع و سن قوانين و خلق البلبلة لـ تدمير الفريق
الدولة إلى بغات فعلاً كرة القدم المحلية تقلع ، خص حل نظام الانخراط و الالترات ، حيت ماحد المنخرطين و الالترات دايرين ما بغاو عمر الأندية و الكرة المحلية تقلع
|
|
|
|
| إقتباس لمشاركة: | Youssef Lucci | 02:30 - 2025/05/20 | | سؤال لأمين و عبدالمالك ، شنو المشكل بين داك محمد امين و بلعودي مع الزيات ؟؟؟ |
|
ماكاين حتى مشكل بلعودي عندو مصالح مع حسبان باغيه يشد رئاسة النادي باش يكون ناطق رسمي و مسؤول على التواصل داخل الرجا
|
|
|
|
| إقتباس لمشاركة: | عبد المالك | 02:51 - 2025/05/20 | | إقتباس لمشاركة: | Youssef Lucci | 22:38 - 2025/05/19 | | بلقشور ينسحب من سباق رئاسة الرجاء بسبب بلوكاج الرئيس المؤقت للانخراط و عدم الاعلان عن تاريخ الجمع العام |
|
بولقشور مدفوع من طرف لقجع لا أقل و لا أكثر و رئاسة الجمعية ماغادي تبقا تغري حتى واحد ملي بان ليه أن مارسا ماروك باغا الزيات كرئيس للشركة و قرب خروج بودريقة راه دار السبة و انسحب راه من ورا اجتماع الحكماء مع مهيدية الوالي ديال كازا تبدلات أمور كثيرةمهيدية من بعد هالا قاليهم بحال هاد البروفيلات مخاصش يبقاو يشدوا الرجاء |
|
مهيدية قاليهم رئيس الرحا خاص يكون بعيد على السياسة و رجل عندو مستوى كبير ثقافيا و ماديا باش يشد الرجا. بلقشور كان من اقتراح لقجع و بلقشور ماباغيش فقك رئاسة الجمعية هو ناوي على رئاسة الشركة الرياضية و هادشي صعييب خصوصا مارسا ماروك و الحكماء باغيين بحطو الزيات على رأس الشركة
|
|
|
|
الشركة مازال بزاااف ديال الاجراءات باش تفعل، خاص واحد 3 حتال 4 الأشهر على الأقل و تقدر تكون أكثر.
حاليا كولشي طامع فرئاسة الشركة و كاين تحالفات و تكتلات، كاين واحد التكتل دايرو حسبان. و كاين الحكماء مع الزيات، و كاين بيرواين اللي مازال داير بلوكاج و هو ناوي يخليها لبودريقة. بلقشور كان دافعو لقجع مني شاف مامعاه حتى واحد. انسحب و مشى جاب ليهم الدورة من العصبة. را استدعى ادارة الرجا لمقر العصبة باش يشوف معاهم البروتوكولات فين وصلو خصوصا كايت شكايات ضد الرجا فهاد الموضوع و كيلعب ورقة الضغط ديال العصبة.
الحكماء باغيين شي واحد درويش اللي يشد رئاسة الجمعية و يسهل عليهم المأمورية باش تفعل الشركة. فحالة شدها شي بودريقة أو حسبان أو بيرواين أو بلقشور غادي يكون صعيييب تفعل الشركة. و ممكن صفقة مارسا ماروك تلغى.
|
|
|
|
واحد القضية لي الكل مخداتش الاهتمام لي تستحق هي تجديد عقد الرعاية
واش النادي غادي يدخل فـ صدام مع الداخلية و يجدد عقد 1xbet ولا غادي يحني الراس و يخسر مليار فالعام ؟
و إلى متجددش العقد كفاش غادي تعوض هاد المليار ؟؟؟
|
|
|
|
| إقتباس لمشاركة: | عبدالله الرجاوي | 22:02 - 2025/05/20 | إدا كانت فعلا مارسا مروك شرات الاسهم راه منطقيا هي لي عندها حق تعين الرئيس لي بغات
بلقشور غا بالصحة يلا كان غادي يبداها من دابا بالبلاغات والبكا والشكا انا غادي نترشح انا غادي نسحب الترشح حقا الظروف غير مواتية حقا هزوني في العمارية
هاد افعال ديال البدراوي قاعما خدامة
يشدها الزيات او بودريقة يلا رجع ونسدو هاد الباب ويبدا الفريق يوجد للموسم القادم |
|
باش مارسا ماروك تشري الأسهم خاص تفعيل الشركة و تفعيل الشركة كيديروه أعضاء مكتب الجمعية. حاليا بيرواين داير بلوكاج لهاد الصفقة. حسب مايروج بيرواين كانت عندو جلسة مع بودريقة اللي قريب يخرج باش يعلن على الجمع العام و بودريقة يشد رئاسة الجمعية و ديك الساعة يجلس يتفاهم مع مارسا ماروك أو يدير بناقص و يشوف شركة أخرى أو يشدها هو نيت كمسثمر. كاين بلقشور اللي كان طامع يشد رئاسة النادي و تلاقى مرارا و تكرارا مع بيرواين و المنخرطين. منين شاف القضية ماسهلاش، مشى كيلعب بورقة الشكايات ضد الرجا. و الفريق الوحيد اللي تم الاستدعاء ديالو لمقر العصبة باش يديرو ليه audit على المالية ديالو و خصوصا فالشق ديال البروتوكولات اللي توقع بداية الموسم هو الرجا. و كاين ائتلاف الحازقين برئاسة حسبان اللي الحظوظ ديالهم ضعيييفة باش يشدها حسبان غير دايرين الزحام و صافي. و كاين الحكماء هوما اللي جابو صفقة مارسا ماروك و باغيين شي واحد يشد رئاسة الجمعية باش من بعد يسهل المؤمورية باش تدوز للشركة و تكمل صفقة مارسا ماروك. الزيات كيشوفوه هو الأنسب، الزيات رفض يكون رئيس الجمعية، بغى يكون رئيس الشركة و دبا كيحاولو معاه باش يترشح و حسب مايروج وافق ليهم بشي شروط باش يترشح و أولهم مايفوتش 6 أشهر كرئيس للجمعية حيتاش مارسا ماروك رافضة تدوز الفلوس للرجا حتى تفعل الشركة، الزيات حازق و الفرقة مقاودة عليها. مابغاش يدخل عليها و خصوصا يلا تعطلات اجراءات التفعيل. هادي خلاصة مايقع داخل الرجاء
|
|
|
|
| إقتباس لمشاركة: | Youssef Lucci | 02:51 - 2025/05/21 | واحد القضية لي الكل مخداتش الاهتمام لي تستحق هي تجديد عقد الرعاية
واش النادي غادي يدخل فـ صدام مع الداخلية و يجدد عقد 1xbet ولا غادي يحني الراس و يخسر مليار فالعام ؟
و إلى متجددش العقد كفاش غادي تعوض هاد المليار ؟؟؟ |
|
الشركة زادت 330 مليون فالعام. و العقد ديال التجديد واجد لثلاث سنوات أخرى ب 4 المليار تقريبا مليار و 330 مليون. و قبل ماتبان صفقة مارسا ماروك بيرواين كان ناوي يجدد معاهم. و لكن الآن صفقة التجديد معلقة حتى يشوفو هاد الحريرة فين غاتوصل
|
|
|
|
الحكماء ناويين يشدو نسبة من الشركة حيتاش الجمعية عندها 33% و مارسا ماروك 60% و 7% كتبقى ل 5 أعضاء على الأكثر. هوما طامعين فديك 7%
داكشي علاش تاهما كيجرو لجيهتهم
|
|
|
|
أعلنت إدارة نادي الرجاء الرياضي لكرة القدم، عن إجراء لقاء تواصلي مع المنخرطين والمنخرطات، وذلك عبر بلاغ رسمي على الصفحة الخاصة بموقع التواصل الإجتماعي “فايسبوك”، وذلك عشية يومه الأربعاء.
وأعلن المكتب المديري من خلال بلاغه هذا، عن عقد لقاء تواصلي مع المنخرطين، بحضور اللجنة المكلفة بتفعيل مشروع الشركة الرياضية، وذلك يوم السبت 24 ماي 2025، ابتداء من الساعة الرابعة زوالاً، بمقر النادي بالأكاديمية.
وحسب البلاغ ذاته، الهدف من هذا اللقاء هو تقديم عرض مفصل حول الوضعية الحالية للفريق، فيما يخص مشروع إحداث الشركة الرياضية، وكذلك فتح باب النقاش وتبادل الآراء قبل الإعلان الرسمي عن موعد انعقاد الجمع العام.
|
|
|
|
تطبيق قانون الضرائب الأمريكي على مكافآت المشاركة في كأس العالم للأندية!
|
|
|
|
البارح شفت فيديو على قانون الشركات الرياضية و بان لي كولشي هادشي تخربيق x تخربيق
حيت القانون متيهضرش على بيع الأندية ، القانون تينص على إنشاء الأندية لشركات لإدارة الأندية و عقودها و ايراداتها ...
و القانون تيسمح للجميعة بتفويت أسهم من الشركة لطرف ثاني لفترة محددة من الزمن ماشي بيع الأسهم
يعني تفويت الأسهم لطرف ثاني تيكون محدد بفترة زمنية متتفوتش 10 سنوات
و فهاد الفترة الشركة حاملة الأسهم تتربح و الجمعية تتربح و توزيع الأرباح تيكون حسب تقسيم الأسهم فالشركة
|
|
|
|
راه الدولة مدارتش هاد القانون لبيع و شراء الأندية بـ أصولها و عقاراتها ... كما باقي الدول
هي دارت القانون باش تحسن إدارة الأندية و الإنتقال من تدبير الجمعوي إلى تدبير مقاولاتي
وهاد المفهوم ما عمرو يجذب رؤوس أموال أجنبية ، حيت المستثمر ماعندو ما يبرح فهاد المنامة كاملة
المستثمر يجي يضخ أموال و ينمي إيرادات النادي و يحسن تدبيره و بعد نهاية الشركة لي بين الجميعة و المستثمر تقوليه الجمعية الله يعاون
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
