|
|
تشهد مباراة الرجاء ومانياما الكونغولي غدا الأحد بملعب العربي الزاولي لحساب الجولة الأخيرة من دور المجموعات لمنافسات عصبة أبطال إفريقيا تواجد مدرب جديد في كرسي البدلاء.
وتعاقد فريق الرجاء مع معد بدني جديد ، من أجل تعزيز الطاقم التقني، بقيادة المدرب حفيظ عبد الصادق، ويهم الأمر عبد الجبار متقي.وحسب معلوماتنا فإن الرجاء راسل الكاف لتأهيل المعد البدني الجديد للنادي والذي أشرف على إعداد اللاعبين لمباراة مانياما.
واشتغل متقي، بالرجاء الرياضي، في موسم 2016/2015، رفقة المدرب رشيد الطاوسي، إضافة إلى تجربة قصيرة مع الوداد ، إلى جانب تجارب عديدة بالخليج العربي.
|
|
|
|
فاسكيز كارثة في الريال
اسرع هدف في الليغا وديما كيتماركى في الجهة ديالو
|
|
|
|
| إقتباس لمشاركة: | admin | 21:36 - 2025/01/18 | | اورلاندو بيراتس ضربو الاهلي أداء و نتيجة فالقاهرة قراوهم كرة و تأهلو فصدارة المجموعة، ماشي بعيد يديوها اورلاند. عندهم فريقة بحال صانداونز ديال 2016. و ديما كيضبرو على مدربين متميزين زينباور من قبل و دبا هاد الاسباني ريفيرا. |
|
الاهلي طلعت عوتاني تانية وغادي يعطيوها اضعف فريق من المتصدرين وغالبا الهلال السوداني
|
|
|
|
مبابي انفجر في الريال مؤخرا
|
|
|
|
التيران عامر وربما ماكاين تا احتجاج على عالا
يمكن بعد الاجتماع لي دار مع المنخرطين وحضرو ليه الالترات باعو وشراو وموراها قرر يبقى في الرئاسة تايزيد يغرق الفرقة مزيآآن
|
|
|
|
يا شماتة ابلا فينا الشوالي معلق على الماتش
غا مالقيتي مادير اسي عصام جاي تعلق على الشمايت بفف
|
|
|
|
لبهيم لي كيدرب لفريق شاف معموري لعب مزين في ليسر ضد الجيش ناض دابا لاحو على اليسار ههه
|
|
|
|
| إقتباس لمشاركة: | عبدالله الرجاوي | 19:03 - 2025/01/19 | التيران عامر وربما ماكاين تا احتجاج على عالا
يمكن بعد الاجتماع لي دار مع المنخرطين وحضرو ليه الالترات باعو وشراو وموراها قرر يبقى في الرئاسة تايزيد يغرق الفرقة مزيآآن
~~~~
عبدالله الفيلم باين ، ميمكنش الالترات و الجمعيات و المنخرطين ... كولشي ضارب الطم غير هكاك ؟؟؟
الرئيس المقبل غالباً غادي يتعين من جهات عليا ، حيت المنخرطين الحاليين مبقا عندهم ما يعطيو للفريق
و باش الرئيس المُعين ميلقاش معارضة خص يلقا الفريق غارق ، بحال سيناريو الوداد
|
|
|
|
|
|
للأسف الخسارة في المباراة الأولى حسابيا كانت سبب الإقصاء
|
|
|
|
يوسف
يلا كانو يغرقو هاد العام (اصلا غارقين) والعام جاي يجي رئيس ديال بصح ماشي مشكل قابلينها
وانا مع ان الرئيس يجي من لفوق حيت مؤسسة المنخرطين خرات ومابقى عندها ماتعطي من غير المخلوضين والحازقين
خاص شي شخصية قوية يقطع الخط على السماسرة والمنتفعين
|
|
|
|
اسوء مشاركة قاريا هجوميا
6 مباريات سجلين 4 اهداف منها 3 بينالتيات !!
|
|
|
|
الدراري سمعو لهاد التصريح
https://www.facebook.com/share/v/1WTVyXpiWK/
|
|
|
|
لا حول و لا قوة إلا بالله
ما رأيناه اليوم يندی له الجبين
خاصة الفرصتين الأخيرتين
لا حول و لا قوة إلا بالله
حزين جدا لما آلت إليه الأمور فالرجا
الحسنة الوحييييييييدة فهاد الباركور هو ربحنا صانداونز فكازا فقط لا غير
الشي لاخر كله بدون استثناء كارثي
|
|
|
|
| إقتباس لمشاركة: | الحاج كريم | 20:58 - 2025/01/19 | الدراري سمعو لهاد التصريح
https://www.facebook.com/share/v/1WTVyXpiWK/
~~~~~~~~~~~
الحاجة المفهومة و الواضحة من هاد الأوديو أن حتى واحد من المنخرطين مبقا قاد يشد الرجاء و لا الفريق غادي يبقى يدور فحلقة مفرغة و تنتقل الرئاسة من حازق لسمسار
|
|
|
|
|
|
السلام عليكم ورحمة الله
الفريق مشى خلا ما بقى ما يتنقذ هاد العام المنافسة على الطيوح مافيها شك
عالا عوال يضبر على راسوا مع هو حازق مع كرو جاتوا الفرصة يعتق راسوا
افشل رئيس على مر تاريخ الرجاء منذ الولادة
|
|
|
|
| إقتباس لمشاركة: | Rajaoui | 01:07 - 2025/01/20 | السلام عليكم ورحمة الله
الفريق مشى خلا ما بقى ما يتنقذ هاد العام المنافسة على الطيوح مافيها شك
عالا عوال يضبر على راسوا مع هو حازق مع كرو جاتوا الفرصة يعتق راسوا
افشل رئيس على مر تاريخ الرجاء منذ الولادة
~~~~~~
و عليكم السلام أيوب ، قولي بحكم خبرتك واش هاد الميساج ديال هواتف شاومي ديال برا فيه المشكل + واش عندو شحل ولا معندوش
|
|
|
|
|
|
بلاغ رسمي جديد من الأدمين
|
|
|
|
علاش الدعوة لجمع عام استثنائي و تعيين لجنة تصريف أعمال و ماشي الدعوة لجمع استثنائي لانتخاب رئيس جديد !!!
|
|
|
|
جمع عام إستثنائي بدون رئاسة جديدة لا معنى لها..
|
|
|
|
| إقتباس لمشاركة: | Rajaoui wanted | 20:41 - 2025/01/20 | جمع عام إستثنائي بدون رئاسة جديدة لا معنى لها..
~~~~~~
السؤال سمير هو واش كاين شي رئيس محترم " سطر على كلمة محترم "
غادي يقبل يشد الرئاسة و الفريق مفلس مالياً و فنياً و إدارياً ... فوسط الموسم ، اللهم إلى كان غادي يشد الرئاسة شي واحد بحال حسبان
المشكل الكبيرماشي غير فـ رحيل الآدمين ، المشكل هو شكون من بين للمنخرطين لي فيه الضو يشد الرئاسة
|
|
|
|
|
|
تماما اخي يوسف .. الرامي عندو شوية المصداقية ولكن خاص لي يساعدو
|
|
|
|
مزيان تكون لجنة تصريف اعمال ولكن بشرط مايكون فيها تا قندوح من هاد القنادح لي خدمو مع هالا في المكتب
اللجنة يكون هدفها انهاء الموسم باقل الاضرار المادية ويشوفو كيفاش يجمعو النقط لي باقة خاصة للبقاء
وفي نفس الوقت يخدمو على الجمع العام ديال الصيف ويقلبو على شي رئيس من دوائر القرار في الجامعة ويبعدو على دوك لبراهش ديال المنخرطين راه مافيهم تاواحد يستاهل يكون رئيس
|
|
|
|
اضطر منخرطو نادي الرجاء الرياضي لكرة القدم، إلى الاكتتاب من أجل عقد الاجتماع العاجل مساء اليوم الإثنين بأحد فنادق مدينة الدار البيضاء لتدارس عدة قرارات بخصوص مستقبل النادي.
وحددت هيئة منخرطي النادي الأخضر مبلغ 300 لكل منخرط من أجل تسديد قيمة استئجار إحدى قاعات الفندق المذكور، من أجل عقد الاجتماع.
وكان الاجتماع مخصصا لتوقيع عريضة للمطالبة باستقالة رئيس الفريق عادل هالا ومكتب المسير من مهامهم داخل الفريق الأخضر في الوهلة الأولى، قبل أن يغيروا موضوعه بعد البلاغ الذي نشرته إدارة الرجاء.
ويأتي هذا الإجتماع مباشرة بعد إقصاء الرجاء من عصبة أبطال إفريقيا و توثر الأجواء في البيت الداخلي للنادي الأخضر في ظل الأخطاء التسييرية الكارثية التي جعلت الفريق يتخبط في سلسلة من النتائج السلبية.
|
|
|
|
عبد السلام بلقشور :
نهضة بركان والجيش الملكي كيدورو بميزانية صغيرة؛ ولكن سر نجاحهم هو التسيير المعقلن، خاص جميع الفرق ياخذو الجيش وبركان كقدوة✅
الوداد هو أغلى فريق من حيث ميزانية التسيير والانتدابات✅
الرجاء مغاداش دير انتدابات جداد في الميركاتو الشتوي شبه مستحيل يرفعو المنع✅
غادي نتعاقدو مع مستشهرين كبار بمبالغ ضخمة، وغادي نعطيو للرجاء والوداد والجيش وبركان الحصة الأكبر من المبلغ✅
|
|
|
|
لبارح شفت لقاء بلقشور مع الرياضية و أهم ثلاث نقاط أثارت الانتباه ديالي هي :
1 ، الرابطة و الجامعة ... قامو بتعويض الأندية على إغلاق الملاعب ديالها ، و الرجاء استفدات بـ 2 المليار سنتيم كتعويض ، شدات مليار مسبقا فالصيف لرفع المنع و المليار غادي تستافد من الآن
2 ، بالنسبة لدعم جهات الملحية بلقشور قال نقطة مهمة ، ميمكنش أن جهة الدار البيضاء الكبرى أكبر جهة بالمملكة و تتعطي للرجاء و الوداد غير 500 مليون ، و جهات أصغر بالمملكه تتعطي للفرق من مليار حتى لـ 2 مليار سنتيم
3 ، قاليك الرابطة خدامة على قانون جديد غادي يتفرض فيه على أي شخص باغي يشد على شخص باغي يترش لرئاسة أي نادي يحط 10% من الميزانية ديال النادي كضمان عند الرابطة باش إلى غرقتي الفريق بالليتيج غادي تعوضها الرابطة من أموال الضمان
والمهم فهاد النقطة هو أنه كلما رفعتي قيمة الضمان كلما قطعتي الطريق على الحازقين لرئاسة النادي و هاد الأمر كاين فاسبانيا
|
|
|
|
حسب آخر الأصداء ، اجتماع منخرطين يوم أمس محضروش الجميع
الأمس كان اجتماع سعيد حصبان و حاشيته ، و تم الاتفاق على ضرورة انتخاب رئيس الآن وأن يكون الرئيس الجديد من داخل الأسرة الرجاوية ، يعني عدم إتتخاب أي رئيس من الخارج
في حين كان اجتماع القسم الثاني من المنخرطين بعيدا عن الأضواء ، قسم عبد الإله إبراهيمي ، الأندلسي ، جواد الزيات فشي ڤيلا
|
|
|
|
حاليا بعد بودريقة صعيب يبان رئيس أحسن منو أو على الأقل بحالو ..
|
|
|
|
| ✅قام نهار اليوم، الاثنين 20 جانفي 2025، الطاقم الاداري والفني لنادي شبيبة القبائل ممثلين في السادة: الهادي ولد علي رئيس مجلس الإدارة، حكيم مدان المدير العام للنادي، كريم دودان مناجر النادي، بزيارة مجاملة للرئيس المدير العام لمؤسسة موبيليس السيد شوقي بوخزاني، برفقة المدرب الجديد للنادي السيد جوزيف زينباور.
✅وخلال اللقاء، عبر السيد شوقي بوخزاني عن ترحيبه بالمدرب الجديد، مشدداً على أهمية استقرار الفريق والعمل الجاد لتحقيق نتائج تليق بتاريخ ومكانة نادي شبيبة القبائل كأحد أعمدة كرة القدم الجزائرية. كما أكد الرئيس المدير العام على التزام مؤسسة موبيليس الكامل بدعم النادي وتوفير الظروف والامكانيات الضرورية لتحقيق أهدافه والاستجابة لتطلعات الأنصار.
✅وفي ختام الزيارة، جدّد السيد شوقي بوخزاني تأكيده على أهمية تظافر الجهود من أجل تطوير النادي والارتقاء به، متمنياً للفريق الإداري والفني لنادي شبيبة القبائل النجاح والتوفيق في تحقيق تطلعات جماهيره ومحبيه.
|
|
|
|
الحل الوحيد للنهوض بالاندية المحلية هو كيما دارت الدزاير
الدولة تفرق شركات محتضنة على الاندية وتكون الإدارة تابعة للشركة المحتضنة مع شرط تعيين مدراء تقنيين للإشراف على النوادي
ماعدا دلك هاد تخربيق ديال مؤسسة المنخرط ماعمرو يسالي وماعمر شي فرقة تقدر تبقى مستقرة ماديا
|
|
|
|
- الدولة فاش كان منصف بالخياط وزير للشباب و الرياضة كانت مشاريع و خطط للنهوض بالاندية و الفرق المحلية
- بعد رحيل منصف بالخياط ، قررات الدولة تحويل الأندية لواجهة للأحزاب السياسية فـ البلاد
- دبا صاحب القرار " الجامعة + فوزي لقجع " مبقاوش مسوقين للاندية
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
