|
|
وا مصيبة هادي
وا جيبو غير الحيمر
لاش نتا جايب مدرب بزبالة د الفلوس هو و مساعديه و فاللخر مغنديوش البطولة
اللهم جيب الحيمر ماتعرف يصدق بحال زيدان
و حتی إلا ماصدقش هانية راه أصلا بهذا و ما دايرين والو
|
|
|
|
سميًا :
جيم راتكليف سيكون المسؤول الأول عن الأمور الرياضية في نادي مانشستر يونايتد.
هو المسؤول الآن عن الفريق الأول والفريق النسائي وكل فرق الأكاديمية بعد امتلاك 25% من النادي
|
|
|
|
وا عادل راه عبدالله جاب المفيد ، بوملاسة ديما عزيز عليه ال Buzz و السباحة عكس التيار
السيد جاب مدرب الماني ، لاعب عراقي ، محترف اصله هندي ، دابا لاعب بوليفي ، و ماشي بعيد مستقبلا يجيب مدرب مصري و لا افريقي بحال ابينغي ههههه
|
|
|
|
راه حتی الحيمر سباحة عكس التيار و و اليابسة بعيدة
إلا جينا غير نديرو هنا استفتاء غتلقی أكثر من النص ماباغيينش الحيمر
|
|
|
|
| إقتباس لمشاركة: | Rajaoui | 23:57 - 2023/12/24 | الحكم كل ماتش يحيد بينالتي ولا شي خطأ صحيح مؤثر
اليوم بينالتي للزرهوني وتنادى عليه من الفار والو رفض يصفر للرجاء خاص المكتب يدير شي ردة فعل لا يعقل هادشي بزاف
راي حكم معروف اسيويا ومن اجودهم
|
|
شوف هاد المريقي اش قال كون غير بقيتي ساكت
يرى محمد الموجه الخبير التحكيمي، أن قرار حمزة الفارق حكم مباراة الرجاء الرياضي ونهضة بركان، بعدم احتساب ركلة جزاء للفريق الأخضر بالدقيقة 33 صحيحا.
وتوقفت المباراة في الدقيقة 33 من زمن الشوط الأول، بعد عودة الحكم حمزة الفارق، لتقنية حكم الفيديو المساعد (فار)، للتأكد من إحدى الحالات التحكيمية، بعد احتكاك بين نوفل الزرهوني وحارس نهضة بركان، أمين الوعد.
وقال الموجه في تصريح لموقع “سيت أنفو سبور”:”د 33 لا وجود لركلة جزاء الدفع وقع خارج منطقة الجزاء.في مثل هذه الحالات يكون الاعلان عن الخطأ في مكان التقاء بين الطرفين”.
|
|
|
|
مباراة الرجاء الرياضي واتحاد طنجة ستجرى ببرشيد وبحضور 3000 مشجع فقط
|
|
|
|
صراحة مكرهتش يدار نيطواياج لكرة المغرب من جميع الرؤساء مالين الشكارة لي فيهم شبهة فساد
كرة المغرب من نهار دخلو صحاب الشكارة و السياسين ليه وهي عامرة فساد و كلها مشاك
|
|
|
|
واحد القضية كنت هضرت عليها فبداية الموسم و ماعقلتش شكون هاجمني عليها
المدرب ديال الرجا عندو نسبة فشركة الوكلاء MIR SPORT و نفس الشركة شادة دبا كل من دومينغو و العراقي أيمن حسين و حتى البوليفي فيكتور و المدرب باغي يجيب أي واحد من الشركة أو كيحاول يقنعو بالارتباط بالشركة أولا و ديك الساعة يجي للرجا, و حتى بعض اللاعبين اللي غادي يغادرو الرجا منهم سوبول و البدوي و المكعازي و الوردي كلهم موقعين معاها.
|
|
|
|
بالنسبة لبودريقة جا للمحكمة بصفته ممثل للشركة ديالو و أحد الموثقين اللي كيتعامل معهم مشدود فقضية الناصيري و خاصو ضروري يوقع لشركة بودريقة على شي وثائق باش يقدر ينقل الملف ديال الشركة ديالو من عند داك الموثق لموثق آخر
|
|
|
|
تحت شعار الرئيس ديال الوز تشد حتا بودريقة خاصو يتشد باش نتعادلو اش هاد التفكير القاصر كاين فالفايسبوك ههههه
|
|
|
|
على هامش تعادل بركان وان سببه المدرب وبعض اللاعبين...
الحكمة الكربوبي تمسكت برأيها ان الرجاء كان يستحق ضربة جزاء رغم عناد حكم الساحة.. وهذا ما قالته حتى بعد المباراة ...
الحكام استغربوا ، وكلهم أجمعوا على أنها ضربة جزاء .... المثير للجدل هو مخرج قناة الرياضية الذي لم يقم ببث لقطات غرفة الفار ..
لا نبحث عن ان نعلق شماعة "التعادل" ، لكن جزئيات اخرى أثرت في نتيجة المباراة....
المهم لاني كتبت في الموضوع سابقا ، لاداعي لفتح التفاعلات....
نشرت الموضوع مرة أخرى بناء على نقاش دار بين الحكام والذين اقروا جميعا بضربة جزاء..
|
|
|
|
تم حجز 15 مليار من فيلا رئيس الوداد سعيد الناصيري
|
|
|
|
✅ بعد محاولة منعه من الإستقبال بملعب الحسن الثاني، وحرمانه من جماهيره أمام الجيش.
✅ سونارجيس تمنع المغرب الفاسي من التدرب بالملعب الملحق للملعب الكبير بفاس.
✅ الشركة اشتطرت الحصول على 100 مليون ديون عالقة بذمة الماص، الفريق الفاسي أدى 50 مليون للشركة وتعهد بدفع المبلغ المتبقي، لكن يونارجيس رفضت وأصرت على الحصول على مبلغ 100 مليون كاملا.
|
|
|
|
بودريقة نجح اليوم في إبرام صفقة سيحصل فيها النادي على 300 مليون سنتيم تخص مركز التكوين
|
|
|
|
كيجي رئيس كلنا عارفينوا فاشل كيبداو عليك خاص الهدوء و الاستقرار كيجي راس حربة كارثة كيقولوا ليك خاصنا نصبروا عليه كيجي مدرب نكرة كيقولوا ليك خاصنا نعطيوه فرص يتبث راسو المدرب من اول ماتش فكاس العرش ضد الوز عرفتوا مدرب ضعيف كتكون شاد الماتش تماركي بيت ترجع للخلف كون غير ترجع باقي 10 دقايق اولى 5 هو كيرجع من بداية الشوط الثاني و نهار سالا الفينال ضد بركان كان خاص يتفسخ معاه العقد حيت التغييرات اللي دار فداك الفينال هوما اللي خلاوهم يربحوا الكاس .. خرج جميع المهاجمين و بدا يدخل فالمدافعين و لاعبي الوسط دار لينا كارثة ضد النصر فكاس العرب جينا للبطولة و تقول شي ماتش ربحناه و حنا مرتاحين ضد فرق ضعاااااااف كنربحوا بفارق هدف اولى كنتعادلوا معاهم خارج الملعب سطاف فيه 7 الناس و تقول واش كيدير سي تغيير مزيان ديما كيضعفنا تصور كتفرج فالريال اولى السيتي اولى ليفربول كتقول خاصوا يخرج فلان و يدخل فلان داك الشي اللي كيطرا كتجي لهاد المدرب المعفون كيدير عكس اللي خاص يدار لبارح تخرج بوزوق و تدخل موهوب ... تخرج الشيخة السخفانة ديال لمكعازي و تدخل زريدة و تعمرهم بالضحك المدرب هو التغييرات و هذا فاشل فيهم و حرام يكمل معانا حنا لاعبين ب 10 و الله لا بقيتي شفتي البوطو ديال الفريق الخصم ... الفريق الخصم لاعب ب 10 كيهجموا علينا تقول حنا اللي مطرود منا واحد
|
|
|
|
مكاينش لعاب فالرجاء حاليا غير قابل للمس قبل ما يبدا الموسم قلت خاص المكتب يترجل و يببع بوزوق و اهولو كانت عندهم عروض مزيانة كنتي ضبر فيهم واحد 2 المليار ... قاليك لا ما يتباعوش هاهوما بقاو ما يجيبوا ليك دابا حتى 20 مليون
|
|
|
|
هاديك اللقطة سواء فيها بيلانتي او مافيهاش كان خاص تتماركا عيب و عار و حرام و سبة فحق الكرة ان كونطر فيه 3 اللعابة و فتيران زربية ينوض السي النفاتي يحط داك الباص اللي لاعب من الزنقة ما يديروش النفاتي اللي ديما داير فيها دور البطولة و انا اللي كاين لبارح حط الباص عوض يمشي يفرح مع صاحبو غادي بوحدو و كيتسناهم يجيو يبوسوا ليه يديه حتى نهار الزمامرة دوز كرة ضربات فالعارضة و ماركاها بوغرين بغاهم يجيو عندو هو دوز ماتش واحد مزيان ضد الفتح ما تبقا مستواه عادي جدا باش كيقتلني كاع الكورنيرات كيمشي يجري ليهم و تقول واش كيوصل شي واحد كلهم فاشلين
|
|
|
|
عندك زريدة احسن واحد يلعب 8 كتفضل عليه سخيفة ديال لمكعازي و الواعرة ملي دخل زريدة لعبتيه جناح ايسر هههه لمكعازي ملي كيدخل فشي التحام على الكرة و الله لا خداها مكيجيبش البالون و مكيطلعش بالراس و ماكيحطش باص طويل و مايحطش ليك باص يخليك فاص مع الحارس ما كيضربش للبوطو نهائيا لبارح مازال 0.0 حط ليه الزرهوني كرة قدام البوطو ضربها فاشلة كون غا مشات عند الحارس اولى خرجات ضربة مرمى لا الكرة مشات للشرط و فلخر ديال الماتش خونا صافي مات واحد الكرة شدها الوسط باش يزيد بيها والو مقدرش عيا و قال اجي ندوز باص بغا يدوزوا بخارج القدم مشات فاشلة عند مدافع بركان بقا ليك غا خارج القدم و لعب الماتش كامل
|
|
|
|
تقرر إجراء مباراة الديربي رسميا بمدينة مراكش يوم 3 يناير القادم
بحضور 20ألف متفرج للفريقين
|
|
|
|
| إقتباس لمشاركة: | Rajaoui | 16:06 - 2023/12/26 | تقرر إجراء مباراة الديربي رسميا بمدينة مراكش يوم 3 يناير القادم
بحضور 20ألف متفرج للفريقين |
|
ولينا بحال الدوري المصري و التونسي مازال هوما عندهم الثورة و المشاكل الامنية حنا اش عندنا ؟
|
|
|
|
تقارير تؤكد أنّ أليو سيسيه مدرب السنغال وأفضل مدرب في إفريقيا 2022 لم يقبض رواتبه منذ ستة أشهر حاله كحال طاقمه الفني.
راتب سيسيه يقارب 30 ألف دولار شهرياً (أقل من راتب كوبر وطاقمه مع منتخب سوريا).
السنغال فازت بلقب كأس إفريقيا وتأهلت إلى كأس العالم مع سيسيه.
|
|
|
|
اجتمع يوم أمس المكتب المديري للرجاء مرفوقا بالمدير الرياضي، للنظر في أمر الطاقم التقني للفريق.
و بعد اجتماع دام أكثر من ساعتين بسبب تبادل الآراء حول بقاء المدرب الالماني. هناك من يرى أن الفريق كان بامكانه أن يحقق أكثر و أن بقاء المدرب يضر به. و هناك من يرى أن المدرب يجب أن يكمل عمله خصوصا أنه لا زال ينافس على البطولة. و لم ينهزم لحدود اللحظة. القرار الأخير كان بلسان رئيس الفريق هو الابقاء على الطاقم التقني لغاية نهاية مرحلة الذهاب و من ثم تنقيط عمله و الخروج بقرار نهائي بالاستمرار أو التغيير.
|
|
|
|
| إقتباس لمشاركة: | Rajaoui | 17:18 - 2023/12/26 | تقارير تؤكد أنّ أليو سيسيه مدرب السنغال وأفضل مدرب في إفريقيا 2022 لم يقبض رواتبه منذ ستة أشهر حاله كحال طاقمه الفني.
راتب سيسيه يقارب 30 ألف دولار شهرياً ، السنغال فازت بلقب كأس إفريقيا وتأهلت إلى كأس العالم مع سيسيه.
~~~~~
ماشي بعيد بوملاسة فاش يقيل زينباور يجيب سيسيه ولا شي مدرب من إفريقي بحال ابينغيه ههههه
|
|
|
|
|
|
تفاصيل كأس دبي للتحدي 2024 بمشاركة الزمالك والرجاء المغربي والأهلي السعودي ووهان الصيني
- الزمالك يواجه الرجاء المغربي يوم الجمعة 26 يناير في تمام الساعة الرابعة عصرا بتوقيت مصر في ستاد آل مكتوم ملعب النصر بدبي
- الأهلي السعودي يواجه ووهان ثري تاونز الصيني يوم السبت 27 يناير في تمام الساعة الرابعة عصرا بتوقيت مصر في ستاد آل مكتوم ملعب النصر بدبي
- المركز الثالث والرابع الأحد 28 يناير الساعة 2 ظهرا بتوقيت مصر والنهائي الأحد 28 يناير الساعة 6 مساء بتوقيت مصر على ستاد ال مكتوم ملعب النصر بدبي
- اسعار التذاكر للبطولة:
Silver بـ700 جنية
Goald بـ1300 جنية
Platinum بـ1700 جنية
VIP بـ4400 جنية
VVIP بـ8500 جنية
|
|
|
|
بابابابابابابا مباراة فالقمة بين الإتحاد و النصر
3-2 للنصر لحدود الدقيقة 70
|
|
|
|
شحال كنتمنی الرجا و لا المنتخب يكون بحال النصر أو الهلال
كتحس بيهم أقوياء و يقدرو يماركيو فأي لحظة وخا كاع ما يكونوش تيدورو كرة
حنا الرجا مكتماركي داك البيت حتی كدير 100 تمريرة حتی كتفقصك نتا اللي كتفرج أو تشجع
|
|
|
|
الرااااااااااااابع للنصر بعد تمريرة جميلة سريعة فالعمق من كريستيانو
ها اللي قلنا
بغيتي المتعة قصد الشبكة
لعب طولي و ليس عرضي
تبقی تعجن ليا فكرة تماك حتی يخوروك بشي مرتدة
|
|
|
|
يا سلااااااام
الخاااااااامس
و غاياردو حال فمو مافهم والو
|
|
|
|
| إقتباس لمشاركة: | عادل | 22:42 - 2023/12/26 | بابابابابابابا مباراة فالقمة بين الإتحاد و النصر
~~~~
واش الماتشات تتنقل فالنايل سات !!!
|
|
|
|
|
|
الوداد تعادلو اليوم فأكادير
بالهزيمة إن شاء الله فالماتش الجاي
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
