|
|
تماما يوسف هير هو على ماقالو جاه عرض ولكن كان ضعيف و هو تماطل مابغاش يجدد وبقى حتى جابهم لسنة أشهر
|
|
|
|
فضيحة مدوية
احسن لاعب عندك في الفريق ولاعب دولي يتباع ب 600 مليون
شوهة بجلاجل قالك دخلنا لعالم الاحتراف طزززز
لعاب بقى جار بيك الحبل تا بقات ليه 6 اشهر وحشاها ليك
|
|
|
|
لبعابع لا طفراتو هاد الفرقة مزال والبعابع لا ديتي دوري الابطال مع هاد الاقزام
اهم النجوم ديالك كتبيعهم للزمالك والاهلي وباغي تدي الCL طز
|
|
|
|
لي باقي كيتسنى شي حاجة من هاد الفرقة غا كيضحك على راسو
كلشي كيشوفها ناقصة وخاصها تدعيم هوما كينوضو يبيعو لك اهم لاعب عندك والوحيد لي تقدر عن طريقه تخرج بكورة من الدفاع للهجوم ههه
ودابا ديك 600 آش غادي تجيب جيها ؟ 4 الكرارس ديال 120 مليون؟
|
|
|
|
البطاطيش بقيادة العطاش السكيتيوي غادي يجينو كاس العرب ويزيدو الضغط على راس لافوكا ههه
ماخصناش مزال نتواضعو مع العربان كرتنا هآاربة عليهم غا بالفريق الثالت ومفارعين معهم
في كاس العالم غادي يديرو واحد الفضائح هوما لي غادي يكونو سبب في تراجع الفيفا على فكرة 48 منتخب ههه
|
|
|
|
الهدف الاول للاردن
السكيتيوي ضد السلامي في الفينال
اللهم يربحونا هادو اولا يربحونا بنو قريش
|
|
|
|
بلعمري كانت باينة غادي يمشي مني ماقدرتيش تجدد معاه بمبلغ محترم, دبا شكون غادي تجيب بلاصتو بديك 500 مليون ؟ بنتايك اللي كان كيشد مليون دولار كمنحة سنوية مع الزمالك ؟ و فسخ معاهم حيتاش ماتصولش بالصالير ديال شهرين ؟ غادي يجي يسني معاك ب 100 مليون للعام ؟
عطية الله اللي المنحة السنوية ديالو مع الفريق الروسي هي 800 مليون سنتيم للموسم ؟ و مازال ليه عام فالعقد ديالو ؟
شكون هاد 3 اللي غادي تجيبو يعوض ليك بلعمري ؟ تمشي تجيب الزهواني اعارة جافة من تواركة باش تسوقو ليهم ؟ أو شي برهوش من الأكاديمية ؟ أو شي كروسة من القسم الثاني ؟
ولا غادي ديرو بالناقص و نلعبو بباعدي فمركز الظهير الأيسر ؟
دبا ماشي بعيد حتى مورا هاد الأداء اللي دار بولكسوت فكأس العرب يجيب شي عرض و بحال والو يتباع بالخصوص عريبان حاطين العين فهاد الكأس و بولكسوت يمكن أحسن واحد فالمنتخب و غالبا من هنا للصيف على أكثر تقدير بولكسوت غادي يمشي من الفريق
واحد القضية مادام الرجا ماقدراش تفاوض و تجيب لاعبين بكاليبر كبير بمليار و جوج مليار ماعمرها غادي تربح العصبة
مستحيل حتى تأهل للعصبة بهاد الافيكتيف اللي عندك و هاد طريقة التفكير اللي جاي بها الزيات
شنو استفادة الفريق من الشركة يلا كان فينما يبان عندك شي لاعب تبيعو للأهلي ولا الزمالك بجوج دريال و تبقى تفرج فيهم كيربحو العصبة و نتا مقاتل على المركز الثالث المؤهل للكاف ؟
|
|
|
|
كاس إفريقيا جات مع الامطار والعواصف
الخدمة لي دارو كاملة غادي تبان ناقصة حيت الاجواء ماشي ديال كرة القدم
كاس افريقيا كان خاصو يتنظم في الصيف ماشي في هاد الوقت
واحد الفان زون ماعرت فين داروها في كازا طيرتها الرياح بقا فيها غا الحديد هه
|
|
|
|
حتى الافتتاح ماعرت كيف غادي يديرو ليه مع العلم ان الاحد متوقع تكون امطار في الرباط
|
|
|
|
| إقتباس لمشاركة: | عبدالله الرجاوي | 23:00 - 2025/12/16 | كاس إفريقيا جات مع الامطار والعواصف
الخدمة لي دارو كاملة غادي تبان ناقصة حيت الاجواء ماشي ديال كرة القدم
كاس افريقيا كان خاصو يتنظم في الصيف ماشي في هاد الوقت
واحد الفان زون ماعرت فين داروها في كازا طيرتها الرياح بقا فيها غا الحديد هه |
|
كل واحد كيعطيه ربي على قد النية ديالو الدولة و النظام ظالمين الناس بزاااف و الظلم را ماكيقبلوش الله
- الفان زون ديال كازا و ديال سلا طيرهم البرد - كاين مشاكل فملعب مولاي الحسن بسبب الأمطار ( كاين خلل كبير فنظام تصريف المياه ) - الكاف رفضات تغطي المضمار ديال الملاعب الأولمبية ( محمد الخامس - فاس - مراكش - أكادير ) و غادي يبانو مشوهين - الأسبوع المقبل غادي تكون عواصف ثلجية قوية فالمغرب خصوصا فالشمال و قمم الأطلس الكبير و المتوسط غادي تسبب فسقوط الثلوج اللي غادي تغطي مساحات كبيرة فالمغرب الشمال و الجهة الشرقية كاملين زيد عليهم جهة فاس بولمان تقريبا كاملة زيد عليهم مراكش المدينة و النواحي ديالها عاد زيد جهات غادي يعرفو سقوط الثلوج لأول مرة منذ قرون يمكن جهة دكالة عبدة و الصويرة و النواحي ديالها و بنسبة أقل أكادير
|
|
|
|
استعدادات المنتخبات الافريقية بمباريات ودية اليوم قبل بداية الكان, في أول المواجهات بالبرتغال حيث يعسكر منتخب جنوب افريقيا حيث واجه منتخب غانا و انتصر عليه بنتيجة هدف لصفر, و اليوم باستاد القاهرة الدولي انتصر منتخب مصر على منتخب نيجيريا بهدفين لهدف, و ذلك قبيل السفر للمغرب لاستكمال الاستعدادات, كما عرف اليوم مواجهة منتخب السنغال بدكار منتخب غامبيا و انتصر عليه برباعية نظيفة, و بأبيدجان واجه منتخب ساحل العاج منتخب الطوغو و انتصر عليه بنتيجة 4-2.
و غدا سيواجه منتخب تونس بملعب رادس منتخب النيجر, كما سيواجه منتخب الجزائر منتخب مالي بملعب نيلسون مانديلا.
المنتخبات كيلعبو الماتشات و كيوجدو رغم ضيق الوقت ( الفيفا عطاتهم فقط 7 أيام قبل الكان للتجمع ), واحد المنتخب اللي هو البلد المنظم را مازال ناعسين ماكاين لا ماتش ودي لا والو باين العربون
كنقول الله أعلم المنتخب حدو الربع يلا كانت النتائج منطقية و ماكانوش مفاجاءات
كنتوقع المنتخب غادي يتصدر المجموعة ديالو و فالدور الثاني غادي يواجه أحسن منتخب محتل للمركز الثالث و غالبا غادي يكون منتخب أوغندا ثالث المجموعة الثالثة و فحالة التأهل ديالو للربع غادي يواجه المتأهل من الفائز من ثاني المجموعة الثانية و ثاني المجموعة السادسة و غالبا غادي تكون المواجهة مابين جنوب افريقيا و الكامرون و هاد المبارة غالبا غادي تعرف تاهل جنوب افريقيا و كنظن هنا فالربع غادي يسالي مسار المنتخب فالكان
|
|
|
|
حسب المنطق كنظن المجموعات غادي يساليو بهاد الشكل :
- المجموعة الأولى : المغرب - مالي
- المجموعة الثانية : مصر - جنوب افريقيا - أنغولا
- المجموعة الثالثة : نيجيريا - تونس - أوغندا
- المجموعة الرابعة : السنغال - الكونغو الديموقراطية - البنين
- المجموعة الخامسة : الجزائر - بوركينافاصو
- المجموعة السادسة : الكوتديفوار - الكامرون - الغابون
مباريات دور 16
- المغرب ضد أوغندا
- جنوب افريقيا ضد الكامرون
- السنغال ضد أنغولا
- مالي ضد تونس
- مصر ضد البنين
- الكوتديفوار ضد بوركينافاصو
- الجزائر ضد الكونغو الديموقراطية
- نيجيريا ضد الغابون
مباريات الربع:
- المغرب ضد جنوب افريقيا
- السنغال ضد تونس
- مصر ضد الكوتديفوار
الكونغوالديموقراطية ضد نيجيريا
مباريات النصف :
- جنوب افريقيا ضد السنغال
- مصر ضد نيجيريا
مبارة الترتيب :
- جنوب افريقيا ضد نيجيريا
المبارة النهائية :
- مصر ضد السنغال
هادشي يلا كانت 0 مفاجئة فالكان و كان النتائج جد منطقية
|
|
|
|
حسب مصادر مقربة من النادي الفريق سيقوم بانتداب لاعبين فقط و المفاوضات قطعت شوطا كبيرا معهما, و يتعلق الأمر بكل وسط ميدان دفاعي, حاليا الفريق في مفاوضات مع لاعبين يحيى جبران و اللاعب ألاسان كانتي لاعب سيمبا التنزاني, للاشارة كانتي هو الخيار الأول لفريق الرجاء الرياضي. بالنسبة لخط الهجوم المفاوضات جارية مع لاعبين أيضا الخيار الأول هو الجنوب افريقي مونابولي سالينغ لاعب أورلاندو بيراتس, للاشارة اللاعب هو جناح و ليس مهاجم هداف. و الخيار الثاني هو عبد الحميد معالي لاعب الزمالك و اتحاد طنجة سابقا, اللاعب أيضا ليس مهاجم هداف و يلعب كجناح.
و في نفس السياق ادارة الفريق أخبرت كل من اللاعبين موزيس أوكورما و فيكتور أبريغو بالبحث عن عروض, و أنهم لا يدخلون في مخططات مدرب الفريق.
|
|
|
|
جديد.. مشروع إعادة بناء ملعب تيسيما
تم اختيار مكتب الهندسة المعمارية الفائز بمباراة تصميم الملعب
حيث تم تخصيص حوالي 680 مليون درهم للمشروع على مساحة تقارب 7 هكتارات وطاقة استيعابية لـ 20 ألف مقعد (مغطى بالكامل نفس تصميم ملعب مولاي الحسن بالرباط)
للإشارة المكتب نفسه هو صاحب تصميم ملعب مولاي الحسن بالرباط
الملعب سيتم الشروع في إعادة بناءه شهر مارس القادم على أن يكون جاهز في يناير2027
|
|
|
|
مول النواة رشيد الطاوسي في برنامج المجلس ????️
سر تألق المنتخب الأردني يعود لكون أغلب لاعبيه حاصلين على شهادات ماستر، وهو ما يجعلهم قادرين على استيعاب أفكار المدرب جمال السلامي بسرعة كبيرة
|
|
|
|
| إقتباس لمشاركة: | admin | 00:36 - 2025/12/17 | مول النواة رشيد الطاوسي في برنامج المجلس ????️
سر تألق المنتخب الأردني يعود لكون أغلب لاعبيه حاصلين على شهادات ماستر، وهو ما يجعلهم قادرين على استيعاب أفكار المدرب جمال السلامي بسرعة كبيرة |
|
|
|
|
|
السلام عليكم
الكان كان مبرمج فالصيف ناضو الفيفا فرضو اتأجل لدجنبر بسبب كاس العالم للاندية
|
|
|
|
كاس افريقيا من زمان كان خصو يتغير موعد الإقامة من الشتا لـ الصيف ، و يتقام كل سنوات ماشي كل سنتين
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
