|
|
هاد لمجاحيم هوما والمدرب ديالهم ضيعونا بهاد الهوس ديال نرجع كورة لور غا باش ما نضيعهاش، را يلا ما خديتيش le risque فكورة ما تمشيش بعيد.
|
|
|
|
را فضيحة يربحك بنشريفة بمحاولة واحدة جات من كرة طائشة ، مكعازي و خصوصا فردوسي خاص يضورو فحالهم معمري شفت وسط الرجاء منخنخ بحال هكا أجنحة ضعييفة مقداش تخترق اللي عطيتيها يردها اللور ولاد الناس
|
|
|
|
فعلا هادي أيضا ملاحظة مهمة
اللعابة د الوسط اليوم كلهم بدون استثناء و علی فترات رجعو كرة للخلف
أش هاد الزمر أش هاد المرض
لاش غترجعها للور و هو الخصم أصلا كله راجع اللور
أش هاد الكلاخ !!!!!!
|
|
|
|
وايلي كاع
علی مرض مع داك الفردوسي
وا فالماضي كنا نشبعو سبان فبامعمر اللي هاد الفردوسي ما يسوی حتی نصف بامعمر
و دبا ولينا قابلين بواحد بحال هذا
لاخر بعدا كان عالأقل تيخرج يشد كرة ي يزيد بها القدام (غير هو كان ديما كيضيعها) ههههه
دبا هذا ما يخرج يشدها ما يزيد بها و الطامة الكبری شفاااااااف دفاعيا ماتعولش عليه يقطع
|
|
|
|
أما واحد مكعازي رطب رطب رطب كثر من القياس
واااا البشر واش كتشوفو فيه ظلمي الله يرحمه و لا شنو
اللي مايتعافر ما يقطع ما يعكل ما يشنضل الخصم
نفسي نفسي نفسي نشوف ليه شي نهار شي تدخل خشن وا وااااااااالو
و زيد عليها اللي دبا وليت معاكم فهاد النقطة السيد فعلا الكرة كتجيه ثقيلة
الكرة ثقيلة عليها
|
|
|
|
من سوءات رجاء هاد العام أيضاً....الريتم الحلزوني باش كتلعب الفرقة (بسبب ضعف اللياقة البدنية)
اللعاب حيت عارف راسو مغاديش يقدر يجري أكثر وبسرعة أعلى يفضل يشد الكورة ويرجعها للحارس أو أقرب زميل في الخلف.
|
|
|
|
فعلا سلمان ريتم السلحفاة اللعابة حرفيا لاعبين كيتمشاو سلكاتهم ديك تيكيتاكا ديال وسط الملعب والحارس ماكين لا تغيير الريتم لا انطلاق سريع باغين يبفطقاو يتمشاو بيها تال الكاري
|
|
|
|
المدرب لي في موسم واحد يخسر الديربي والكلاسيكو 100% ثقب الورقة مع الجمهور
من اصل 15 نقطة امام الثلاثة الكبار الجيش الوداد وبركان يلاه جايب 3 نقط باقي ليه غير يخسر مع الشعباني ويكون حصالة كبار الدوري
|
|
|
|
تماماً رفيقي عبدو....
لعزوة النيجيري للي خدمتو السكرتح في المساحات...ماقادرش يجري ويربح التحامات السرعة ضد مصدق!!!!!
|
|
|
|
كيفما قال يوسف هادشي كامل يتحمل مسؤوليته الزيات
- الزيات اللي جاب داك المدير الرياضي شنو الدور ديالو ؟
- الزيات اللي خليتي الشابي فبداية الموسم و حيدو من بعد جوج ماتشات و ضيع الفريق فالتحضير ديال قبل بداية الموسم
- الزيات اللي جاب فادلو
- الزيات اللي تعطل فالميركاتو الصيفي و ماجاب حتى شي لعاب و كان كيقلب على اللاعبين الأحرار و الأقل كلفة
- و عاود نفس الخطأ فالميركاتو الشتوي
و هادشي كامل الرجا عندها الفلوس و تباعب 60% من الأسهم ديالها و مازال كنعيشو نفس الأسطوانة
|
|
|
|
الرجا كيفما قلت خاصها 11 و 7 و 9 و 3 و طاقم تقني في المستوى
|
|
|
|
الماتش خسراتو الرجاء بيديها فنفس الموسم خسرنا مع الخيش والوز شوهة
لي معجبنيميش هو خاسيرين وبقاو تدورو كورة تتشوف راجعين لور ونتا دور كورة لوح لكاري دير عليهم ضغط متواصل فكاري والو
|
|
|
|
لله ياربي على عدد شحال منحوس خسرتي مع الفيران و بوحمرون نسدو هاد العدد قبل بركان خهه
نداء الى السلطات الممتلة بالمدير الديكتاتوري منع عبد ربه قيد حياته من فتح اي عدد مستقبلا
|
|
|
|
فردوسي لاعب كرة قدم جريمة في حق مشجعي الكرة اولا تم جماهير الرجاء
ينعل الكلب تاع بوك غادي للكوفرا والغريب كيفاش قنع دوك البيادق لي معاه انه قاد بيها
|
|
|
|
الهندي غامق علينا بالنيكي ناكا خلاها عادل امام البوس مايجيبش عيال
|
|
|
|
ميليو فيه مكعازي صاحبي عندك انفراد مع بنعبيد زيد شوية وخشي رجليك ناض الحمار ديال عقله قاليه لعبها فوق الحارس هههههههههههه
|
|
|
|
الشوط الأول كنا حاكمين كان خاصنا فاعلية امام المرمى العملود ك دير الزيادة وبرقوق خانق لي زياش وباكا الهندي في الشوط التاني خرا عليه عقله وخرج اهم جوج لاعابة ودخل المرحوم ساخو والعاهر بولسكوت
هاد ساخو راه حتى دريبل ولا تمريرة ماكديرها رغما نه جناح وفي كل ماتش كتلقاه رسمي وبحال الى الهندي باغي بسوقه على ضهرنا حيت بزاف على التسمسير في هاد الحراگة
|
|
|
|
كان عندنا هار المعگازي وساخطين دبا جابو لينا الانتيم ديالو
سي برغرين ف واحد.اللقطة را بباص واحد يحط العزي ماتياس قدام المرمى ولكن هز خاص يقيصها مع بوغرين
|
|
|
|
زويتة ولد العاهرة سبب المشاكل لي كنعيشو
|
|
|
|
حشومة تخسر مع فرقة كدربها حمودة دار هجمة وحدة وميتف عشرة لور
ونتا يالهندي المجوسي باركا علينا بالتيكي تاكا حتا واحد ماقدر يضرب البوطو
كيصطني داك 10 من اي مسافة كيشوتها وك سخط زعما راه على شوية
عام كامل ماما كا حتى فراب هههه
|
|
|
|
| إقتباس لمشاركة: | الخضرة الوطنية | 05:40 - 2026/05/10 | كان عندنا هار المعگازي وساخطين دبا جابو لينا الانتيم ديالو
سي برغرين ف واحد.اللقطة را بباص واحد يحط العزي ماتياس قدام المرمى ولكن هز خاص يقيصها مع بوغرين |
|
هاد اللقطة فالدقيقة 24 بوحدو هو بنعبيد و بنعبيد خااارج على البوطو ديالو كان ممكن يلوبيها عليه و تسجل عليه هدف تاريخي أو ممكن تضربها للدوزيام بوطو تلصقها عليه اش دار العالييييم ديال المكعازي ضربها فاشلة فيديه 
هاد اللقطة قبل هدف الوز ب 10 الدقائق بالضبط فالدقيقة 28 جاتو فرصة مواتية يحطها لماتياس أو العملود اش دار العاليييم ديالنا المكعازي بدا كيقفقف حتى خداوها ليه
الدقيقة 38 هدف الاوز شوف المكعازي اللي هو بيفو و كان خاصو يكون ساد على القادمين من الخلف كولشي واقف مزيان خط الدفاع زائد برقوق سادين عليهم إلا العاليييم ديال المكعازي واقف بوحدو و مخلي باكاسو بوحدو ( هاد اللقطة دارت جوج مرات وحدة مع الدخلة ديال الماتش جاب الله داك الزماكري ديالهم ماهازش راسو و بقى مدرم حتى داها ليه خفيفي و دارها نهار الماص فالشوط الأول و جاب الله عاوتاني و داك الظهير ديال الماص حطها لداك العشرة ديالهم و جاب الله بانون كان قريب و طلع وقف عليه قبل مايضربها )
هادو فقط 3 اللقطات اللي جبدت و كانو جد مؤثرين على النتيجة أما را كاينين لقطات خراااين وسط الماتش هو و الفردوسي
|
|
|
|
بالنسبة ليا زريدة بكل المساوئ ديالو كيبقى أحسن بألف درجة من ثنائي العواول الرطبين
|
|
|
|
نجيو للفردوسي عامين فالرجا داك العام لعب 24 ماتش مابين بطولة و كأس العرش و العصبة و هاد العام 16 ماتش كأساسي فالبطولة يعني لعب 40 ماتش كأساسي مع الرجا
هاهي الأرقام ديالو فطرانسفيرماركيت خلال هاد 40 ماتش
- 0 هدف - 0 أسيست - 0 مساهمة فهدف ( يعني ماعمرو شارك فهجمة عطات الهدف) - نسبة التمريرات الناجحة 65% ( رقم جد ضعيف بالنسبة للاعب ربط خاص على الأقل تكون عندو 80% أو أكثر ) - نسبة الفوز بالثنائيات 31% ( رقم جد جد ضعيف بالنسبة للاعب ربط خاص على الأقل يفوز ب75% ) - نسبة المراوغات الناجحة 28% ( رقم كارثي ) - نسبة الفوز بالثنائيات الهوائية 41% ( رقم كارثي خاص على الأقل 80% ) - نسبة التمريرات العمودية الناجحة 14% ( رقم كارثي )
هاد الأرقام كلها و زيد عليها تسبب ف 3 ضربات جزاء ضد الفريق جوج منها داك العام و وحدة هاد العام و تسبب فأهداف داك العام كثيرة ضد الفريق كانت سبب فالاقصاء من العصبة داك العام و فالبطولة
هادشي كامل و مازال كنشوفوه رسمي فالفريق علاش ؟ الله أعلم
واش المدرب كيشوف فيه شي حاجة حنا ماكنشوفوهاش ؟ الله أعلم واش حنا ماكنفهموش كرة ؟ الله أعلم
هاهو الموقع اللي بغى يتأكد من الاحصائيات https://www.transfermarkt.fr/hilal-ferdaoussi/leistungsdatendetails/spieler/738952/verein/2068
|
|
|
|
واحد بوغرين وضرها هاد العام و لكن ماغاديش نلومو حيتاش ماعندوش أجنحة و 9 اللي يلعبو معاه
الموسم ديال الدوبلي كانو فالجناب ديالو بوزوق و الزرهوني و قدامو موهوب
هاد العام حداه ساخو و شرارة و قدامو ماتياس را فرق كبيير فالمستوى مابين اللي كانو معاه فموسم الدوبلي و اللي معاه دبا
|
|
|
|
ديك القضية ديال مقدم 3 أكبر تخربيقة
مقدم من اخراج الكرة ماعندوش ميزة تخليه يلعب ظهير أيسر ثقيل فالعودة و عندو مشكل فالظهر زائد هجوميا ماكيعرفش يسونطري و ماكيدخلش للكاري باش يدير الزيادة العددية
من الأحسن الفريق يشوفو شي لاعب اللي يلعب 3 الموسم المقبل هاد العام يديبانيو بالعملود ظهير أيسر و بولكسوت يلعب ظهير أيمن
مقدم يقدر يلعب كاسور حدا برقوق عندو مقومات يلعبها كيقطع الكواري و عندو الرولونس مزيان
الرجا ماعندهاش مشاكل دفاعية
الفريق حاليا دفاعيا ممتاز من غير ظهير أيسر
ولكن هجوميا الفريق خاصو 7 و 11 و 9
و خاصو كاسور 6
يعني الفريق خاصو 5 الانتدابات فالصيف 3-6-7-11-9
و يتخلص من العاهات فردوسي - باعدي - ساخو - شرارة - خافي
و الصراحة حتى المدرب غير مقنع بالنسبة ليا من الأفضل يشوفو شي مدرب كبير بحجم الفريق مايمكنش تعول على سطاجيير هادي ثاني تجربة ليه كمدرب و كان مدرب فسيمبا
|
|
|
|
وخا جات مارسا ماروك و جاو الفلوس و تحلو المشاكل المادية
ولكن الفريق رياضيا و تقنيا مازال كيتسير بعشوائية كبيييرة من طرف الزيات :
- عين مدير رياضي سوماكال اللي فالأصل ماشي مدير رياضي كان مدير تقني فالمنستير و قبل منها كان مؤطر فمدرسة بوردو ( شنو هوما المعطيات أو البالماريس اللي بان ليه فيه باش يتعاقد معاه كمدير رياضي الله أعلم )
- الكل كان كيقول أن الشابي ماشي مدرب من حجم الرجا و خاصو يمشي خلاه حتى بدا الموسم فأول جوج ماتشات سيفطو وخا أنه ماخسرش
- الزيات فاش جا قال أن الرجا غادي تعاقد مع لاعبين كلاس A و مابقاش مكان للكرارس و هادشي اللي ماكانش شكون هوما هاد اللاعبين كلاس A اللي جاب الزيات من غير برقوق و بنسبة أقل العملود و المقدم ( شرارة - خماس - بيلا - الضحاك - حاليمي - ماتياس - خافي - المكعازي هادو كلهم الأرقام ديالهم و المستوى ديالهم ضعيف و جاو حيتاش ماطلبوش مبلغ كبير ) ( بالنسبة لبانون و موزيس و العلوي جابهم بيرواين ماغاديش نسبيها فالزيات )
- تعيين فادلو على أي أساس ؟ حيتاش قاليهم البلغيتي جيبوه راكان مع زينباور و كيعرف الدراري صافي نجيبوه ؟
- الزيات كان غابر فاش ربح فادلو الزمامرة فالذهاب ب 2-0 ناض خرج و بدا كيقول حنا لاعبين على العصبة و البلابلا, من بعد غبر و فاش ربح الفتح فالاياب ناض بدا كيقول مابغيتش نسيفط فادلو حيتاش بغينا الاستقرار و غادي نلعبو على البطولة و دبا فاش خسر مع الخيش و الوز هاهو غابر
|
|
|
|
بالنسبة ليا آخر واحد يتلام البارح هو المدرب راه شديناهم فالقنت جودة الاجنحة ووسط الميدان و حتا المهاجم هوما السبب ، ماتياس خاص يبقا كاحتياطي فقط لا هو لا شرارة وداك الحطب تاع ساخو و الضحاك و حافي كلهم مصالحينش خاص اجنحة بحال حذراف و حمودان و سليم و رحيمي لاعب قوي فالاختراق و تياكل المساحة ماشي اللي تعطيه كورة يرضها ليك
|
|
|
|
مكعازي و برقوق يبقاو كاحتياط خاص لعابة واقفين بدنيا تما ، المهاجم نقطة ضعف ماتياس هي الكاري خاص مهاجم قوي بدنيا و قادر ياخد كورتو فالكاري يا بالراس يا بالرجل و تيسبق المدافعين راه اوساغونا بجميع مساويئو برجليه كان اي كرة فالكاري تاعو
|
|
|
|
الوز اعطيناهم جرعة فرح و صافي مستحيل ينافسو على اللقب بهاد اللعب و مفعول الديكليك ايسالي
|
|
|
|
الماص و بركان رابحين خارج الميدان من الرتبة الأولى متوقع نتلاحو للرتبة الثالثة
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
