|
|
الخيش بعدما استقبلو ماتش العصبة فمولاي عبد الله نهار الأربعاء غادي يرجعو يستقبلو الحسنية فالملعب البلدي ديال القنيطرة
|
|
|
|
الديربي واش بالجمهور !
زعما ماخايفينش ينوض شغب في ديربي مبرمج بالليل وقبل اسابيع من انطلاق كاس إفريقيا؟
|
|
|
|
ماتش القمة في إقصائيات دوري الابطال تاواحد ماداها فيه هو ديال الاتحاد الليبي وبركان
شفت دابا الملخص تيران ديال ليبيا دار بالجمهور وهاد الفريق عندو اللافي وحمدو الهوني والمدرب المصري لي كان كيدرب الاهلي يامات بوتريكة
|
|
|
|
التوانسة الترجي بوحدها لي دازت لباقي كلشي تقصى
تفرجت في برنامج رياضي لقيتهم كيبكيو على المنستير قالك تقصاو حيت باعو النجوم ديالهم وماكانش خاصهم يبيعو اكبيلو للراجا
قلت ليهم مع راسي يلا بغيتوه نرضوه ليكم فابور غا نقصو علينا اجنبي محسوب علينا باطل ههه
|
|
|
|
التوانسة فاتهم القطار وهربو عليهم شمال افريقيا في الكورة من المغرب تال مصر دول كاملة عندها تطور في تيرانات إلا هوما عندهم داكشي لي كان عندنا في التسعينات
حتى ليبيا مزال غادي تفوت تونس في كورة
|
|
|
|
| إقتباس لمشاركة: | عبدالله الرجاوي | 01:08 - 2025/10/27 | الديربي واش بالجمهور !
زعما ماخايفينش ينوض شغب في ديربي مبرمج بالليل وقبل اسابيع من انطلاق كاس إفريقيا؟ |
|
كاينة حاليا لجنة من الكاف باش بعاينو الملاعب قبل مايتسلموهم نهاية شهر نونبر المقبل قبل شهر من الكانلجنة الكاف كانت حاضرة فافتتاح كأس العالم للسيدات بالملعب الأولمبي و حضرو البارح بملعب مولاي عبد الله لماتش الخيش و غادي يحضرو نهار الأربعاء لماتش الديربي و غادي يضربو دورة على بقية الملاعب اللي قريبة تكمل داكشي علاش كيجريو هاد الأسبوعين اللي دازو باش يكملو ملاعب البريد و مولاي الحسن و ملعب طنجة و برمجو الديربي بحضور الجمهور باش لجنة الكاف يشوفو الأجواء زعما
|
|
|
|
الأهلي دازو بصعوبة مع فريق من بوروندي
أولاندو بيراتس اللي كان عندهم فريق قوي داك العام و وصلو لنصف النهائي و تقصاو بصعوبة مع بيراميدز و كانو ضربو الأهلي ألي روتور مع المدرب الاسباني ريفيرا ناضو جابو البطاش ديال وادو و تقصاو من دور قبل المجموعات مع فريق نكرة من الكونغو برازافيل
|
|
|
|
اه قول ليا القضية فيها لجنة الكاف وأنا كنقول كيفاش لجامعة غادي تغامر تلعب ديربي بالليل ووسط الاسبوع هه
ملعب مولاي عبدالله في ماتش الحيش بان الغازون واكل الدق في وسط الملعب مع العلم ماتلعبوش فيه ماتشات كثار
الله يستر من شي فضيحة بلا طاحت الشتا في كاش افريقيا مع العلم المنتخب هو لي غادي يلعب فيه قاع الماتشات
|
|
|
|
وايلي على وادو كيدرب كايزر شيفس
باينة عندو شي وكيل واعر حيت منطقيا السيفي لي عندو مايدرب بيه تا في الهواة
|
|
|
|
الفرق المؤهلة لدور المجموعات لهاد العام : الأهلي - الهلال - الترجي - شبيبة القبائل - الملعب المالي - الخيش - مولودية الجزائر - صانداونز - سيمبا - بيترو أتليتيكو - ريفيرز النيجيري - ديناموز الزامبي - لوبوبو من الكونغو - بركان و بيراميدز قراب من التأهل بنسبة كبيرة
الملاحظ من غير الأندية التقليدية اللي ديما حاضرة الترجي - الأهلي - صانداونز
دبا تزاد عليهم أندية أخرى اللي تقريبا دبا 3 أو 4 سنوات ولات حاضرة سيمبا - بيترو أتليتيكو - بيراميدز
الملاحظ أيضا أندية الكونغو الديموقراطية اللي كانت ديما حاضرة توضرو مازمبي و فيطا كلوب و كانت معاهم ليوبار غبرو بخطرة
بركان طاحو فالمستوى الأول ممكن يمشيو بعيد فالعصبة هاد العام عندهم فرقة واقفة و عندها تجربة افريقية كبيرة و حتى الأندية المتواجدة دبا فالعصبة عادية
مازال الخيش لاعلاقة هاد العام و كنتوقع على حسب القرعة عندهم يا اما الدور الثاني أو المجموعات
الخيش طاحو فالمستوى الثالث يعني غادي يطيحو مع أحد رؤوس المجموعات بركان - بيراميدز - الأهلي - صانداونز و أحد ثواني المجموعات الترجي - المولودية - بيترو أتليتيكو - سيمبا
مثلا الخيش يلا طاحو مع الأهلي و الترجي ماغاديش يدوزو حتى مع المولودية صعيب يدوزو حتى مع بيترو أتليتيكو و سيمبا غادي يوحلو معاهم
|
|
|
|
سؤال :
الحمرة بعد إنذارين فالليغا شحال من ماتش مكيلعبش هداك اللي خذاها ؟؟؟
|
|
|
|
بريم من الزيات للاعبين للفوز بالديربي 5 مليون سنتيم لكل لاعب في حالة الفوز.
التحفيز مزيان و لكن ماشي دبا وقتو فكرني فالبدراوي فاش جا تسلف 200 مليون و دار بريم 10 مليون للفوز بالدربي و هو داك العام ماكان لاعب على والو الوز كانو داو البطولة و الرجا ضمنات المركز الثاني كان فوز من أجل الفوز فقط و عطاهم 10 مليون لكل لاعب ههههه
الزيات هادي الدورة 5 فقط الفريق خاصو تعزيزات فالميركاتو اللي جاي ماشي البهرجة الخاوية
|
|
|
|
| إقتباس لمشاركة: | عادل | 02:33 - 2025/10/27 | سؤال :
الحمرة بعد إنذارين فالليغا شحال من ماتش مكيلعبش هداك اللي خذاها ؟؟؟ |
|
ماتش واحد فقط
|
|
|
|
هادشي بعدا ديال البريمات المبالغ فيها علی ود شي ماتش ماعمرو ما عجبني و لا كنت من المؤيدين له
البريمات خارج الإطار نديرهم فماتش خارجي (افريقي أو كأس العالم) و يكون فدور متقدم
أما ما تبقی من المباريات بما فيها الديربي أو الكلاسيكو ضد الجيش أو مباراة فالدوري للفوز باللقب مانعطيش سنتيم للعابة
علاه نتا بالسلامة ماعارفش راسك لمن كتلعب ؟؟؟؟
راك كتلعب للرجا اللي عندها كل سنة هاد الماتشات يعني ماشي حاجة اللي غريبة
|
|
|
|
واااااايلي علی ماتش
ونا خدام تنقول لبنادم بعدا فهاد الشوط الثاني استافدنا من الحمرة د بيدري و غيزيدو يضيعو النقاط
صدقات ماتش واحد فقط اللي هو ضد إلتشي و فبرشلونة
موفيزافير يخ ههههه
|
|
|
|
| إقتباس لمشاركة: | عبدالله الرجاوي | 02:10 - 2025/10/27 | وايلي على وادو كيدرب كايزر شيفس
باينة عندو شي وكيل واعر حيت منطقيا السيفي لي عندو مايدرب بيه تا في الهواة |
|
كيدرب أورلاندو بيراتس عاد شدهم نهاية الموسم الماضي بلاصة ريفيرا اللي كان شد الأهلي فكأس العالم الأندية و جراو عليه
|
|
|
|
| إقتباس لمشاركة: | عادل | 02:39 - 2025/10/27 | واااااايلي علی ماتش
ونا خدام تنقول لبنادم بعدا فهاد الشوط الثاني استافدنا من الحمرة د بيدري و غيزيدو يضيعو النقاط
صدقات ماتش واحد فقط اللي هو ضد إلتشي و فبرشلونة
موفيزافير يخ ههههه |
|
الليغا فحالة الطرد المباشر دايرين ماتش كحد أدنى وتقدر تكون أكثر على حسب حالة الطرد مثلا التهجم على الحكم بكلمات نابية 2 الماتشاتتدخل عنيف تسبب باصابة لاعب الخصم اصابة خطيرة أو ضرب الخصم بدون كرة 3 الماتشاتاعتداء جسدي أو سلوك عدواني 4 الماتشات
|
|
|
|
| إقتباس لمشاركة: | عادل | 02:38 - 2025/10/27 | هادشي بعدا ديال البريمات المبالغ فيها علی ود شي ماتش ماعمرو ما عجبني و لا كنت من المؤيدين له
البريمات خارج الإطار نديرهم فماتش خارجي (افريقي أو كأس العالم) و يكون فدور متقدم
أما ما تبقی من المباريات بما فيها الديربي أو الكلاسيكو ضد الجيش أو مباراة فالدوري للفوز باللقب مانعطيش سنتيم للعابة
علاه نتا بالسلامة ماعارفش راسك لمن كتلعب ؟؟؟؟
راك كتلعب للرجا اللي عندها كل سنة هاد الماتشات يعني ماشي حاجة اللي غريبة |
|
البريمات تقدر ديرهم فاش تكون لاعب على العصبة مثلا فالنهائي أو لاعب المونديال و قريب دير شي انجاز شتي الرجا تكون لاعبة على البطولة ماخاصش يكون بريم استثنائي الا في حالات استثنائية بحال 2024 فاش خورنا الخيش الماتشات الأخيرة بودريقة كلهم دارهم بيرمات للرجا و لخصوم الخيش من غير هادشي ماعندها حتى معنى
|
|
|
|
عميد الرجاء بدر بانون:
كنطلب من الجمهور يقبل علينا ويساندنا، حنا كلاعبين متافقين معهم كين أخطاء خاصها تصحح وكنأكد ليهم أنه النتائج غاديا تجي والصورة لي بغاوها في الفرقة غادي يشوفوها ، وكنطلب منهم مايخلوش المشوشين يوصلو لداكشي لي بغاو
|
|
|
|
أودي الله يهديك غير سكت و بعد من بحال هاد التصريحات و ركز علی خدمتك نتا نيت
راه إلا كل واحد فيكم صلح و قاد راسو و دار داكشي اللي كيعرف يدير راه أوتوماتيكيا الفرقة غتولي مزيانة
|
|
|
|
إدارة فريق المغرب الفاسي تتجه إلى إبعاد مدكور من لائحة الفريق للمباراة القادمة و ستبدأ المفاوضات مع اللاعب من أجل فسخ العقد...
بعد الأداء الكارثي في كل المباريات التي لعبها خاصة الماضية ضد طنجة تسبب في ركلتين جزاء وكان سبب رئيسي في فقدان نقطتين...
فكرة على الكوارث اللي دازو فالرجا
أما واحد البدوي ماعرت فين شدها
الهبطي را بدون فريق بعدما فسخو معاه أسفي
سوبول تاهو ماعرت فين توضر كان مشى لطنجة و فسخو معاه
و خيري و الزمراوي اللي مزيانين را مادازوش فالفريق الأول خيري يمكن لعب شي ماتشات قلال مع كارتيرون فواحد الفترة كان كيدخل كبديل أما الزمراوي عمرو لعب مع الفريق الأول كان رجع من قطر و بغى يوقع و مابغاوش ليه هي فاش مشى للمحدية
|
|
|
|
|
|
|
التهراس و الشغب ماعمرو كان عندو علاقة بنتيجة المبارة غالبا اللي كيكون وراء الشغب هم أعضاء الالترات
|
|
|
|
يرغب مدرب نادي الرجاء الرياضي، دفيدز فادلو، في الاستفادة من الانتقالات الشتوية المقبلة، عبر تدعيم الصفوف وخاصة المراكز التي تشهد بعض النقص.
وعلم موقع “سيت أنفو”، أن فادلو يريد التعاقد مع لاعبين من جنوب إفريقيا، أحدهما يلعب لنادي ماميلودي صن داونز.
وتابع أن فادلو يسعى لتمكين الرجاء من الانفتاح على سوق جنوب إفريقيا، بعد نجاح تجربة الوداد مع اللاعب، تيمبينكوسي لورش.
ويرتقب أن تعرف رغبة فادلو في ضم الثنائي الجنوب إفريقي، تفاعلا من مسؤولي الرجاء، الذين بدوره يستهدفون الميركاتو الشتوي المقبل، لإجراء بعض التعاقدات التي تهدف إلى الرفع من مستوى الفريق.
|
|
|
|
إعصار قوي غادي يضرب جمايكا ودول الكاريبي هاد الليلة
هاد المرة سماوه ميليسا
|
|
|
|
بعد هدا البلاغ واضح ان الماتش صعيب يخرج تعادل حيت غادي يبداو يقولو كومبين وعاد غادي يديرو الشغب هه
فريق واحد غادي يربح والمنهزم غادي يبات في التيران ههه
|
|
|
|
بداكشي لي شفت ضد الدشيرة القضية حامضة عندنا
لا دفاع مزيان لا خط وسط مزيان
الامل في الظهيرين وبوغرين يلا فاقو من النعاس
|
|
|
|
| إقتباس لمشاركة: | عبدالله الرجاوي | 01:35 - 2025/10/28 | بعد هدا البلاغ واضح ان الماتش صعيب يخرج تعادل حيت غادي يبداو يقولو كومبين وعاد غادي يديرو الشغب هه
فريق واحد غادي يربح والمنهزم غادي يبات في التيران ههه |
|
را حاضرة لجنة الكاف اللي دارت على التيراناتاللي غاديا تتسلمهم شهر قبل الكان ولهدا الجامعةقالت لهم مبغيت صداع حيث خاصنا نبينو بلي بطولتيننزززززززززيهة و احسسسسسسن بطولة
|
|
|
|
???????? حسب طبيب النادي فإن بولكسوت غائب عن مباراة الديربي بداعي الإصابة ... نتمنى أن يكون باعدي في المستوى ????.
الله يحفظ وصافي فهاد ديربي لا خرجنا بتعادل مزيانة لينا ????
|
|
|
|
بعيدا عن الاشاعات الفارغة
خبر حصري : الفيفا تمنع الوداد الرياضي من التعاقدات..
و اتحداهم ينكرون او ينفون الأمر بما فيهم ايت منهم
Mounir rejani
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
