|
|
بودريقة للتوضيح
مدرب الفريق لم يضع الشرط الجزائي و لم يفسخ العقد
المدرب هو في عطلة الآن
المكتب المديري مع اللجنة التقنية وضع برنامج الاستعداد للموسم المقبل ينشر قريبا على الموقع الرسمي
المكتب المديري يضع جميع الاحتمالات بخصوص الطاقم التقني
البقاء او الرحيل المهم حنا واجدين
الرجاء من تصنع الأشخاص و ليس العكس
|
|
|
|
زيمباور هو لي طلب من بودريقة إعادة النظر في الطاقم المساعد و ناقشو أهداف الموسم المقبل لو كانت عندو نية المغادرة يقولها وجهو حمر حتى حد مايلومو بحال هاد الإشاعات ماعندها حتى أساس
|
|
|
|
| إقتباس لمشاركة: | عبدالله الرجاوي | 02:26 - 2024/07/04 | الخووت غا فرحو مزيان بهاد الموسم الدهبي
الراجا عوداتنا ملي كتوصل للقمة كتبدى تفرتك في العطلة الصيفية هه
الطاقم التقني بدا كينقص..ولا مجال للمقارنة متلا بين مدرب الحراس السابق وتأثيره على الزنيتي مع هاد الدغاي لي رجع بلاصتو
مساعد المدرب خاص زنباور لي يختار البديل وبلا مايلصقو ليه تاني دوك ولادها السابقين عشران اللعابة
استقالات بعض اعضاء المكتب تثير القلق خصوصا مع الصعوبات المالية للنادي ولي مهما كانت مداخيله ديما كتكون اقل بكتير من المصاريف كيما قال الإبراهيمي |
|
نحن لم نأتي من فراغ X2
|
|
|
|
راه صعيب تجنح رياضوا في المغرب يلا ماكانش عندك منصب قوي في الدولة او تكون عندك الغبرة هه
الفرق كتعلق راسها بمصاريف اضعاف مضاعفة ديال المداخيل وخصوصا مع اغلاق الملاعب
باقي غا عادل هلا يلا تاهو سلت عولو على عودة مول الدجاج وباقي الرفاق يعاودو يقولو لينا يلا مشا بوزوق كاينين بوزوقات ويلا مشا زنباور كاينين زنباوروات ههه
|
|
|
|
بودريقة تاهو جا يكحلها عماها
قال الخبر اشاعة ولكن ختمها بالراجا من تصنع الاشخاص وليس العكس هههه
ملي دوك المساعدين بداو كيسلتو باينة كاين مشكل ديال فلوس وتا اللعابة غادي يكون عندهم هاد الاشكال
واخا كتسمع كلشي مخلص في لنح المباريات والرواتب ولكن ديما كنقول ان الهمزة الصحيحة ديال اللعابة هي منحة التوقيع..يلا ماتوصلش بها اللاعب فأكيد اول عرض يجيه غادي يكون في موقف قوة وغادي يقولك خليني نمشي ونسمح في جزء من المستحقات
|
|
|
|
هاد العام اصلا مفروض انه كان فقط للبناء عا تالقينا روسنا ابطال الدوري والكاس
العام التاني هو الاختبار الحقيقي لبودريقة
ماشي ضروري يديه الCL وقاع الالقاب المحلية ولكن الاختبار هو في الحفاظ على الركائز ومواصلة البناء
يلا قاع فرضنا مشا المدرب واش البديل غادي يكون بنفس الستيل اولا غادي يدير كيما 2013 ملي مشا بنزرتي مول اللعب الهجومي وعوضو ببنشيخة النقيض الكلي للبنزرتي ولاسلوب الراجا
الركائز واش غادي يقدر يحافض عليهم او لا
الانتدابات شكون المشرف عليهم واش الادارة التقنية او المدرب الحالي او المدرب القادم او السماسرة؟
الموسم القادم غادي يكون صعيب بصراحة
|
|
|
|
| إقتباس لمشاركة: | الحاج كريم | 23:59 - 2024/07/04 | بودريقة للتوضيح
مدرب الفريق لم يضع الشرط الجزائي و لم يفسخ العقد
المدرب هو في عطلة الآن
المكتب المديري مع اللجنة التقنية وضع برنامج الاستعداد للموسم المقبل ينشر قريبا على الموقع الرسمي
المكتب المديري يضع جميع الاحتمالات بخصوص الطاقم التقني
البقاء او الرحيل المهم حنا واجدين
الرجاء من تصنع الأشخاص و ليس العكس
~~~~~~
ما محل هاد الجملة من الإعراب ؟
ميمكنش هاد القيامة و الاستقالات المتتالية ديال أعضاء المكتب المسير و الطاقم الفني جات غير هكاك !!!
|
|
|
|
|
|
بودريقة و الفريق مع المدرب كانوا محظوظين بزاف حيت وقت هروب الرئيس كانت النتائج حاضرة و الفريق مزال ما خسر و بقا كولشي ضارب الطم
أما كون كانت غير ازمة نتائج كون خرجات المعارضة تنتقد سفر الرئيس الطويل و الغير مبرر و كون ركب الإعلام على الموجة و كبر الفيلم
بودريقة و خا يكون هو فلورنتينو بيريز ميمكنش يسير الفريق وهو فبلاد اخر ، و هاد الازمة عاجلاً أم اجلا غادي تنفجر
|
|
|
|
التاريخ يحتفظ بالألقاب و الأرقام فما بالك بالإعجازات الرياضية
بودريقة يا حبيبي شكرا جزيلا علی كل ما قدمت للعالمي الذهبي
معاك و بسبابك بدرجة كبيييييرة انتقلنا من الرجاء الرياضي للرجاء العالمي للرجاء العالمي الذهبي
مثلك مثل الركراكي يا حبيبيي يا راس لافوكا و يا بونو يا حبيبي يا بونو
|
|
|
|
عادل اشنو بان لك في الاولمبي بعد الاعلان عن اللائحة
كاينة شي ميدالية اولا كيف ديما الخروج من الدور الاول؟
|
|
|
|
نجم كرة القدم بالخميسات عزيز لكراوي مساعدا لعموتة بالدوري الإماراتي.
|
|
|
|
ما جاب رحيمي حتی معول يدير نفس خطة الركراكي فمونديال 2022
و مع حكيمي غيلعب علی سرعة الارتداد
إن شاء الله غتكون شي حاجة
|
|
|
|
وااااااااحد اللي مكنحملش فديك اللائحة
و لكن ماتعرف فالأولمبي يدير شي حاجة
حيت عاوتاني مع الكبار اللعب تيكون قاصح
|
|
|
|
حسب بودريقة غنلعبو مع الترجي و بيتيس و العين فالاستعدادات للموسم القادم
|
|
|
|
عادي يقول الرجاء من تصنع المدرب بدليل في مرحلة الذهاب الجميع طالب برحيل المدرب بسبب طريقة تدبير السوط التاني و الوحيد لي تشبث به هو الرئيس مع القلة القليلة من الجمهور لي شافت فيه إلى قدر يصلح أخطاء تدبير هدف السبق ..
|
|
|
|
????⚫️ بعد خطف صفقة المحمدي من الوداد.. نهضة بركان تتوصل لاتفاق مع العملود في انتظار التوقيع
|
|
|
|
كشفت صحيفة ماركا الإسبانية يوم أمس عن انسحاب ثلاث مدن إسبانية كانت مرشحة لتنظيم كأس العالم 2030 مع المغرب و البرتغال ، بشكل مفاجئ بمبرر غياب السيولة المالية الكافية
أو بالأصح عدم جدوى استثمار أموال طائلة في البنية التحتية لاستضافة منافسة عائدها الاستثماري لا يغطى هذه الاستثمارات الكبيرة
الناس بدات تتعيق بقالب كأس العالم هههههه
|
|
|
|
|
|
|
انا كنشوف كاس العالم ايكون عندو وقع ايجابي على المغرب شوفو غير الاوراش اللي مفتوحة حاليا فالدارالبيضاء طرق و قناطر و تقوية للبنية التحتية و فضاءات خضراء جديدة خدمة 20 عام اتدار ف 5 سنوات
|
|
|
|
ملعب الحسن الثاني الجديد ، الذي ستبلغ طاقته الاستيعابية 115 ألف متفرج و يحتل مساحة تقدر بـ 100 هكتار ، وسيكون مظهره الخارجي على شكل خيمة بيضاء عملاقة تجسد ثقافة الموسم المغربية و من تصميم شركة Populos البريطانية
سيكون أجمل من ملعب البرنابيو الجديد و أجدر باستضافة نهائي كأس العالم 2030
|
|
|
|
المغرب هير مسنطح النخوة على الخوة غادي تخرج من جيب الشعب مزيان هير بلاتي
|
|
|
|
زينباور فراديو مارس البارح قال أنه مازال محددش الاهداف ديال الموسم القادم مع الفريق. و أنه غادي يدير جلسة مع الادارة باش يرسمو خارطة الطريق ديال الموسم المقبل. و أن العصبة خاصها لاعبين ديالها.
البارح فالليل كتسمع موكوينا فسخ العقد مع صانداونز. اليوم فالصباح زينباور قالك غادي يمشي
|
|
|
|
المغرب رونها قروض من البنك الدولي و مع هاد الأزمة و هاد العشوائية اللي عايشها غادي يجيبها فراسو. أصلا متوقع أنه غالفترة مابين 2026 و 2030 المغرب غادي يعيش تضخم كبييير بسبب رفع سقف الديون ديال الابناك اللي كان 50 مليار فالسنة لكل بنك دبا رجعوه غير محدود باش يساعدو المقاولات و يمولوها باش تسرع وثيرة الاستعداد للمونديال.
|
|
|
|
بيريز بارون العقارات فـ اسبانيا و هز القالب فـ البيرنابيو الجديد لي خرجات تكلفته على السيطرة
و المغرب تيظن بلي سي لقجع غادي يخلي تكلفة هاد المشاريع تحت السيطرة !!!!!
مواد البناء عرفت ارتفاع بنسبة 7% بعد الكورونا ، و مباشرة بعد حرب اوكرانيا زاد إرتفاعها و وصلت ل 18%
قبل كورونا كانت الفائدة المركزية على القروض التي سيحصل عليها الممولين بأقل من 2%
و لكن بعد الكورونا وصلت 5% و بعد حرب اوكرانيا وصلت ل8%
البارسا هربات من شركات اسبانيا كاملين و مشات جابت شركة تركية للحصول على سعر معقول لتجديد الكامب نو
مثلا ملعب الدار البيضاء الجديد مغاديش يهبط على مليار يورو إلى دوزها لشركة أجنبية ، دون احتساب سعر الفائدة على قرض التمويل
|
|
|
|
بابابابابابا الإكوادور ماخايباش
بالعكس أقوی الفرص للإكوادور
ميسي غير موجود بتاتا
|
|
|
|
لا لا لا لا
3 فرص حقيقية للإكوادور فأقل من 20 دقيقة
|
|
|
|
غووووووووول أرخنتينا
كم هي صعبة صعبة صعبة هذه المباراة
علی العكس من المنتخب
الأرجنتين تفتتح التسجيل بعد معاناة
الهدف جا من ركنية بعد أول فرصة حقيقية اللي أصلا جات من مرتدة
سير أ راس لافوكا الله ياخذ فيك الحق علی ديك الكان اللي ضيعتي علينا بالفهامات و التحنقيز ديالك
هاهما أبطال العالم و لاعبين علی المرتدات
|
|
|
|
حتی هاد الزمر د السكتيوي إلا بدا يطير من المقلة و يبدا فالفهامات ديال خاصنا نضغطو و نهجمو
غنخسرو و نرجعو دغيا
ويلا لعب علی المرتدات و حصن الدفاع و اللعابة د الوسط كانو أغلبهم دفاعيين
راه غنديرو شي حاجة و لما لا الذهب
|
|
|
|
وا سي عادل راه منتخب المغرب مع راس لاڤوكا أو غيره مكانش غادي يطفرها فالكان ، حيت فاقد الشيئ لا يعطيه
|
|
|
|
لا لا إن شاء الله غنجيبو هاد الكأس اللعينة اللي معكسة معانا
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
