|
|
في حالة تعثر ألمانيا أمام سلوفاكيا غدا الاثنين (تعادل أو هزيمة ) مع فوز المغرب على أوغندا
أو تعادل كرواتيا مع مونتينيغرو و فوز المغرب على أوغندا
أحد الاحتمالات سيمنح للمغرب المركز 10 و سيكون على رؤوس أحد مجموعات المونديال
في حالة حدث الاحتمالين معا المغرب سيقفز للمركز 9
حاليا مع هزيمة ايطاليا مع النرويج فقدت ايطاليا 16 نقطة و تراجعت للمركز 12
|
|
|
|
الملحق العالمي السداسي لغادي يكون???????? فالمكسيك في توقف فيفا مارس 2026
نركزو باش نفهمو مزيان أول زوج منتخبات لعندها تصنيف أعلى غادي تلعب فقط الدور النهائي بينما الأربع منتخبات الأخرى الأقل تصنيفا غادي تلعب النصف نهائي تم النهائي من إجل 2 مقاعد مباشرة لكأس العالم
التصنيف الحالي للمنتخبات المؤهلة وكذلك لعندها أمل التواجد فهاد الملحق
العراق 57 ???????? أو الإمارات 67 ????????
الكونغو الديمقراطية 60 ????????
بوليڤيا 76 ????????
كاليدونيا 150 ????????
زائد زوج منتخبات من الكونكاكاف حاليا أحسن وصيفين بنما المركز 31 عالميا - جامايكا المركز 64 عالميا
في هذه الحالة بنما و المتاهل من العراق و الامارات سيلعب المبارة النهائية مباشرة
في حين الكونغو و بوليفيا و كاليدونيا و جامايكا سيلعبون فيم بينهم مبارة النصف للتأهل لمقابلة المتأهلين من النهائي
|
|
|
|
تصفيات أمريكا الشمالية غدا قد تشهد تأهل تاريخي لمنتخب كوراسوا الذي يتصدر مجموعته و سيلاقي جامايكا حيث يكفيه التعادل للتأهل للمونديال
سورينام أيضا يتصدر مجموعته و في حال فوزه غدا على غواتيمالا أو في حالة تعثر بنما أمام السلفادور سيتأهل للمونديال
المجموعة الثالثة تشهد تصدر الهندوراس و هايتي و خلفهمها كوستاريكا الهوندوراس في حالة فوزه على كوستاريكا سيتأهل للمونديال
تخيل مونديال فيه كراسوا و سورينام و الرأس الأخضر و العراق و الامارات ... الرفع من عدد المنتخبات المشاركة أسوء قرار في تاريخ الفيفا 32 منتخب الله يجعل البركة باش يبقى المونديال بحلاوتو
|
|
|
|
| إقتباس لمشاركة: | عادل | 00:40 - 2025/11/17 | الرااااااااااااابع للنرويج
علما أنهم لعبو غير شوط
الشوط الأول كله لعبوه اللور و بشوية عليهم
الزااااامطة دارو ليهم
نحب إيطاليا لكن ما قاله غاتوزو لا يغتفر
|
|
را على قبل هاد حلان الفم اللي فيهم اغلب المغاربةاللي في الطاليان مكيشجعوهومش وانا منهملأنهم شبعانين بلا بلا
|
|
|
|
قيمة المونديال كانت حلاوتو فـ قيمته و التنافسية و الصعوبة التأهل ليه ، و لكن مني ولا من هب و دب يتأهل للمنوديال مبقات عندو قيمه
|
|
|
|
| إقتباس لمشاركة: | admin | 03:58 - 2025/11/17 | في حالة تعثر ألمانيا أمام سلوفاكيا غدا الاثنين (تعادل أو هزيمة ) مع فوز المغرب على أوغندا
أو تعادل كرواتيا مع مونتينيغرو و فوز المغرب على أوغندا
أحد الاحتمالات سيمنح للمغرب المركز 10 و سيكون على رؤوس أحد مجموعات المونديال
في حالة حدث الاحتمالين معا المغرب سيقفز للمركز 9
حاليا مع هزيمة ايطاليا مع النرويج فقدت ايطاليا 16 نقطة و تراجعت للمركز 12 |
|
لالمان ضربو سلوفاكيا ب 6 ههههكرواتيا تاهي ربحت
|
|
|
|
غاتوزو غا حزق بداك التصريح
النتخبات الاوروبية لي بقات في الملحق حط اي منتخب افريقي من هادو لي دازو غادي يتأهل منو
ملحق بقات فيه السويد ورومانيا وايرلندا الشمالية وسلوفاكيا وكوسوفو واسكتلندا واوكرانيا والبوسنة وايرندا الاخرى ومقدونيا اضافة لعرة المنتخبات الكبرى ايطاليا
|
|
|
|
الموزمبيق اللي وحل معاها راس لافوكا و ربحها بزز بمجهود فردي ديال أوناحي كانو خاسرين مع التشاد ب 2-1 تال آخر الدقائق و تعادلو معهم بعد طرد مدافع التشاد
البحرين اللي تاهما وحل معاهم و ربحهم بزز تال الدقيقة 95 بكرة ثابتة من كورنير اليوم خسرو فبلادهم ضد الصومال ( الصومال آخر فوز ليهم كان قبل 7 سنوات ف 2018 ضد منتخب بوروندي فتصفيات كأس افريقيا 2019 )
الكونغو برازافيل اللي وحل معهم راس لافوكا و ربحهم بزز تاهما بمجهود فردي ديال الصيباري خسرو اليوم فماتش ودي ضد سطلنة عمان ب 3-1
راس لافوكا تخبى وراء هاد الماتشات باش من بعد الكان يمشي لعند الخلايجية يقوليهم أنا رابع المونديال و صاحب أطول سلسلة انتصارات فالعالم ب 18 انتصار
الكان الجاي أتوقع صدمة كبيرة لمحبي المنتخب و على رأسهم عادل ههههه غادي تبقى فيا أخويا
|
|
|
|
مصر تاهما مكملين مساكن جابو بطاش كبييييير عندهم حسام حسن اللي ماعمرو نجح لا مع الزمالك لا مع المصري لا مع الاسكندرية لا مع الاهلي الليبي جميع التجارب ديالو فاشلة
ناضو عطاوه المنتخب بان ليهم بلماضي جاب الكان للجزائر و الركراكي جاب المركز الرابع للمغرب قالو أرا نديرو بحالهم و نعطيو المنتخب لشي لاعب سابق للمنتخب ففترة التسعينات و بداية الألفية باش نديرو شي نتيجة
و لكن شداتهم أوزباكستان نهار الخميس محطوهم هههههه بصلاح و مرموش ضربوهم بجوج فميطا اللولة و فالميطا اللولة ضربو عليهم جوج بارات و الميطا الثانية زكلو كفة كان الماتش يسالي بسكور تاريخي
اليوم لعب ضد الرأس الأخضر كلاوهم فالشوط الأول ضربوهم ببيت مع الدخلة و بقاو شادينهم الرأس الأخضر اللي تراجعو فالشوط الثاني و صدقات مصر متعادلة بصعوبة
|
|
|
|
| إقتباس لمشاركة: | عبدالله الرجاوي | 00:42 - 2025/11/18 | غاتوزو غا حزق بداك التصريح
النتخبات الاوروبية لي بقات في الملحق حط اي منتخب افريقي من هادو لي دازو غادي يتأهل منو
ملحق بقات فيه السويد ورومانيا وايرلندا الشمالية وسلوفاكيا وكوسوفو واسكتلندا واوكرانيا والبوسنة وايرندا الاخرى ومقدونيا اضافة لعرة المنتخبات الكبرى ايطاليا |
|
و قيدها عندك واحد 90% ماغاديش يدوز كنرشح مرور ايرلندا و سلوفاكيا بالدرجة الأولى
ايطاليا مساليين و غاتوزو ماعمرو كان مدرب و غادي يخرب داكشي اللي بدا ليهم سباليتي واش هذا مدرب اللي معيط على لاعبين من الدوريات الخليجية للمنتخب فين عمرها كانت معيط على مهاجم من القادسية السعودي على قلة المهاجمين فايطاليا
|
|
|
|
اخبار ميركاتو الرجاء :
- الفريق قدم عرض للكوكب المراكشي لانتداب لاعب الوسط الدفاعي الايفواري كلود نغولو, إلا أن العرض المقدم تم رفضه من طرف الكوكب المراكشي الذي اعتبره هزيل ( الرجاء قدم عرض ب 200 مليون سنتيم للكوكب المراكشي لشراء ماتبقى من العرض و عرض على اللاعب 180 مليون سنتيم للموسم كمنحة بعقد لموسمين ). حسب الأخبار القادمة من مراكش اللاعب يريد الانتقال للرجاء و يضغط على الكوكب من أجل قبول العرض رفقة وكيله.
- الرجاء الرياضي دخل في مفاوضات مع لاعبين من الغريم, ويتعلق الأمر بكل من أسامة الزمراوي و حمزة الساخي, كلا اللاعبين دخلا اجراءات فسخ العقد مع الغريم.
- الفريق في مفاوضات مع المالي فيلي طراوري مهاجم السويحلي الليبي, و مهاجم الأخضر الليبي النيجيري سانداي أكينبول, للتعاقد مع أحدهما
- الفريق بدأ في مفاوضة الظهير الأيسر للدفاع الحسني الجديدي سفيان أبعزيز لتعويض الرحيل المحتمل ليوسف بلعماري
- بالنسبة ليوسف بلعماري اللاعب لا يريد التجديد, و يتماطل رفقة وكيله, و قد تضطر ادارة النادي لبيعه في حالة عدم تجديد عقده قبل الكان, للاستفادة منه ماديا. يذكر أن اللاعب يتماطل منذ بداية الموسم و رفض جميع اقتراحات ادارة النادي لتجديد عقده.
- بالنسبة للاعب المهدي المشخشخ, توصل نادي الرجاء الرياضي بعرض ثاني من نادي افسي باريس, و الفريق يرفضه للمرة الثاني لهزالته ( العرض المقدم لم يتجاوز 350 ألف أورو )
- بالنسبة لفيصل فجر, اللاعب عرض نفسه قبل أسبوع على ادارة النادي, و لحدود اللحظة لم يتم الرد عليه, و حسب مايروج فادارة النادي وضعت فيصل فجر كخيار أخير في حالة فشل التعاقد مع وسط هجومي.
|
|
|
|
ميركاتو الرجاء عامر عشوائية و هاد الفرقة ماعمرها غادي تقاد
السؤال شنو الدور ديال المدير الرياضي يلا ماكانش يجيب ليك لاعبين فقيمة النادي حيتاش الأسماء المتداولة هي أسماء اللي كنا كنسمعوها فالصيف و دبا تزادو عليهم أسماء ديال الكرارس بحال العزي ديال الكوكب و الظهير ديال الجديدة على الأقل فالصيف كنا كنسمعو الزهواني و برحمة
|
|
|
|
|
|
|
هادي ديالك اعبدو ههههه الموت ديال الضحك الا كان هادشي بصح
أقسم بالله إلا تا أمجنن قارة فكورة هي إفريقيا ..
تخيل لبارح الماتش ديال الفينال بين الكونغو و نيجيريا مدرب الكونغو ديسابر خرج الحارس الأساسي ديالو فدقيقة و دخل الحارس التالت ديالهم لي كيلعب إحتياطي ففقرتو فدرجة التانية و لاعب ماتش واحد فحياتو مع المنتخب كأساسي . غادي تقوليا باينا عندو مع البينالتيات ألا أسيدي السيد فحياتو كاملة عمرو حبس شي بينالتي . و غادي تقوليا و علاش دخلو ؟ . تخيل معايا قبل الماتش مشا عند المدرب قاليه راه حلمت البارح بلي الماتش غادي يسالي تعادل إيجابي و غادي نربحو بينالتيات و باقي عاقل فين تيراو لعابة ديال نيجيريا و دكشي لي كان نيت الماتش سالا بتعادل إيجابي المدرب تاق فيه و دخلو فدقيقة لخرة باش يحبس البينالتيات و صدق جبد 3 البينالتيات و تأهلو بسبابو ! تخيل !
( السيناريوهات لي كيتسناونا فأمم أفريقيا باش نتقصاو ) ????
|
|
|
|
???? يعلن نادي اتحاد طنجة لجمهوره الكريم وللرأي العام الرياضي عن فك الارتباط مع المدرب هلال الطير، وذلك في إطار إعادة هيكلة المشروع الرياضي للنادي استعدادًا للاستحقاقات المقبلة.
وإذ يتقدم المكتب المديري للنادي بخالص عبارات الشكر والتقدير للمدرب هلال الطير على ما قدمه من مجهودات خلال الفترة التي أشرف فيها على العارضة التقنية، فإنه يؤكد اعتزاز النادي بالعمل الذي قام به وما أبداه من التزام واحترافية طيلة مدة عمله مع الفريق.
ويتمنى نادي اتحاد طنجة للمدرب هلال الطير كل التوفيق في مساره المهني، ويشكر كل مكونات الفريق والجماهير على دعمهم المتواصل للمشروع الرياضي.
???? المكتب المسير لنادي اتحاد طنجة
|
|
|
|
|
|
|
تونس باش تلعب مع البرازيل منظنش خلصات 5 ولا 6 المليون يورو ، حيت الجامعة ديالهم حازقة و دولتهم تعاني اقتصاديا
يعني عند الإمكانية باش تواجه منتخب محترم عوض منتخبات الكيلو هههههه
|
|
|
|
البرازيل لعبت مع السنغال و تونس فهاد التوقف الأرجنتين لعبات مع أنغولا فهاد التوقف الدولي الجزائر لعبو مع السعودية فهاد التوقف الدولي الكوتديفوار لعبو مع السعودية و كوريا الجنوبية فهاد التوقف غانا لعبو مع اليابان و كوريا الجنوبية فهاد التوقف الدولي
من غير الأرجنتين و البرازيل اللي كان بامكانك تلعب معاهم كاين منتخبات اوروبية كانت متاحة فهاد التوقف مثلا فرنسا كان عندها فقط ماتش واحد فهاد التوقف و لعبو بالفريق الثاني ضد أذريبيجان كاين انجلترا اللي لعبو فقط ماتش واحد فهاد التوقف الدولي ضد ألبانيا
كاين منتخبات أمريكية الجنوبية اللي كانو متاحين بحال الأوروغواي الباراغواي الشيلي البيرو كولومبيا كاين منتخبات أمريكا الشمالية بحال أمريكا و المكسيك
كاين منتخبات أسيوية كانو متاحين بحال ايران و اليابان و أستراليا و السعودية
كاين منتخبات افريقية كانو متاحين بحال غانا و الكوتديفوار جنوب افريقيا السنغال
راس لافوكا بانت ليه فقط الموزمبيق و أوغندا ؟؟؟
| إقتباس لمشاركة: | Youssef Lucci | 23:26 - 2025/11/18 | تونس باش تلعب مع البرازيل منظنش خلصات 5 ولا 6 المليون يورو ، حيت الجامعة ديالهم حازقة و دولتهم تعاني اقتصاديا
يعني عند الإمكانية باش تواجه منتخب محترم عوض منتخبات الكيلو هههههه |
|
|
|
|
|
وليد الركراكي ????️ : شفتو اليوم كيفاش كنا هاكا غادي خصنا نكونو فالكان. دابا خاص الجمهور اللي ماعجبوش الركراكي يسد فمو و يحبس الكريتيك و يشجع المغرب بغينا الكان فبلادنا و خاص الجمهور يعاونونا
|
|
|
|
كونميبول يدرس تحويل تصفيات أمريكا الجنوبية لكأس العالم 2030 إلى "دوري أمم أمريكا الجنوبية" كما معمول به في أوروبا "دوري الأمم الأوروبي". سيكون سنويا و سنة 2029 ستكون مؤهلة لمونديال 2030
|
|
|
|
الاتحاد الكروي للولايات المتحدة الأمريكية يرغب بشدة بمواجهة المغرب و البرتغال خلال توقف مارس المقبل, البرتغال وافقو و تم تحديد يوم 26 مارس تاريخ المواجهة بملعب ميرسيدس بينز. في حين الجامعة الملكية طلبت من الولايات المتحدة الأمريكية مهلة لتأكيد اللقاء لما بعد الكان المقبل.
و هذا مايفسر أن الركراكي في حالة عدم تتويجه بالكان أو بلوغ النهائي على أقل تقدير, فلن يكون حاضرا بالمونديال في الصيف القادم.
|
|
|
|
منتخبي اسكتلندا و النرويج يتأهلان لكأس العالم لأول مرة منذ 28 سنة و بالضبط مونديال 1998 بفرنسا, و للصدفة كانا معا رفقة المنتخب الوطني المغربي في نفس المجموعة.
المنتخب النرويجي كان دائما يقصى من التصفيات الأخيرة و لم يسبق له أن وصل للملحق, في حين منتخب اسكتلندا بلغ الملحق الأوروبي سنة 2006 و أقصي بعد الخسارة أمام المنتخب السويدي.
|
|
|
|
الركراكي : دياز دار اليوم أحسن ماتش له رفقة المغرب, و كيبقى من ثوابت المنتخب و هو صانع ألعاب المنتخب و غادي يكون نجم الكان
|
|
|
|
منتخب النمسا يبلغ نهائيات كأس العالم بعد غياب دام 28 سنة من مونديال فرنسا.
بقات غير جامايكا و تكمل لائحة المنتخبات اللي ماتأهلوش من سنة 98 ههههههه
|
|
|
|
ماركو روبيو:
حصولك على تذكرة مباريات كأس العالم لا تعني حصولك على تأشيرة لدخول امريكا
|
|
|
|
الكان الجاي أتوقع صدمة كبيرة لمحبي المنتخب و على رأسهم عادل ههههه غادي تبقى فيا أخويا
===================
لا صافي اليوم رسميا أقولها و أنا بكامل قوايا العقلية ههههه
غسلت يدي علی الكان
لن نفوز بها
الناس كتلعب مع العمالقة د الكرة باش كترودا مزيااااان علی طريقة اللعب و حنا من البحرين للموزمبيق
أ سيدي مابغيتيش تلعب مع منتخبات الصف الأول د افريقيا
لعب مع هادوك اللي عندهم تاريخ فالمسابقة و لكن ناقصين هاد العام
لعب مع غانا لعب مع الكامرون نيجيريا
وا نتا كتمشي تقلب غير علی دوك الفاشلين
هاد المنتخبات اللي تيجيب لنا دبا هاد راس لافوكا كيتسماو بحال الوديات فالرياضات القتالية : السبارين بارتنر
داك المنتخب اللي كتجيبو غير باش تتحرك شوية معاه و ترخي العضلات
وا نتا العام كامل و نتا كترخي علينا فالعضلات ماشي معقول
زيد عليها الجمهور د المنتخب اللي ولی عندنا كله نواعم
أشمن كاس اللي غتجيب بهاد الطريقة أودي !!!!!!!
وخا تبغي دير داك الحماس ديالك و داك التشجيع و النفسية فاللعابة، هاد التحفيز و هاد الطريقة كتجي مع جمهور اللي كيهزك معاه و كتولي تجري و تجاري مثل ما حدث فقطر
أما دبا صااااافي انتهی كل شيء جميل يربط الجمهور الحقيقي د الكرة مع المنتخب
|
|
|
|
علی أي أنا دبا خايف من حاجة وحدة و بدات كتبان ليا تقدر توقع بنسبة كبيرة
اللي هي فوز بلد عربي باللقب
هادي هي الطامة الكبری
و بكل صراحة كل المؤشرات تقول هذا
ملي شفت ماتش تونس اليوم تخلعت تزعزت
لأنه نفس الطريقة بالحرف لعبو معانا و خلقو صعوبات اليوم نفس الشيء مع البرازيل و لكن قدرو يديرو محاولات و فرص أكثر
يعني الناس غادة و كتطور فنظام لعبها
الدزاير خلااااااص هادوك
غير الحافز السياسي بين البلدين زيد عليها مدربهم اللي كيسرع التحولات العكسية راه خصم لا يستهان به
المصريين كما العادة من ديما حاضرين فالكان، الحظ اللي ماعندهمش فالمونديال كيجيهم فالكان (بحالنا حنا و لكن بالعكس)
زيد علی هادشي كاااااااااااااامل و الأمر اللي غيساعدهم أكثر هو عاملي الجو و أرضية الميدان
غيييير الله يحفظ و صافي
|
|
|
|
بالنسبة للمدرب، يربح الكان و لا مايربحهاش خاصو يمشي فحالو من بعد
خاصنا مدرب عالمي لكأس العالم
مع مدرب عالمي بتجربة كبيرة و هاد الخزان د اللعابة نقدرو نوصلو للفينال و لما لا الفوز بالكأس
|
|
|
|
كوراسوا و بنما يتأهلان نحو المونديال من منطقة الكونكاكاف
و سورينام و جامايكا نحو الملحق العالمي
الملحق العالمي ستجرى القرعة يوم غدا 20 نونبر
نظام الملحق تقسم المنتخبات الى مجموعتين كل مجموعة من ثلاث منتخبات المنتخبان الأقل تصنيفا يلعبان نصف نهائي و الفائز منهما يلعب مع المنتخب الأعلى تصنيفا مبارة نهائية
حسب تصنيف الفيفا العراق و الكونغو الديموقراطية سيلعبان نهائي الملحق مباشرة
المنتخبات التي ستلعب نصف نهائي الملحق للتأهل للعب الملحق ( بوليفيا - جامايكا - كاليدونيا الجديدة - سورينام)
|
|
|
|
القبعة الأولى :
أمريكا - المكسيك - كندا - اسبانيا - الأرجنتين - فرنسا - البرازيل - انجلترا - بلجيكا - البرتغال - ألمانيا - هولندا
القبعة الثانية :
كرواتيا - المغرب - كولومبيا - الأوروغواي - سويسرا - السنغال - اليابان - الدانمارك - ايران - كوريا الجنوبية - الاكوادور - النمسا
القبعة الثالثة :
أستراليا - النرويج - بنما - مصر - الجزائر - اسكتلندا - الباراغواي - الكوتديفوار - تونس - البيرو - قطر - أوزباكستان
القبعة الرابعة :
السعودية - الأردن - الرأس الأخضر - غانا - كوراسوا - نيوزيلندا - هايتي - المتأهل من الملحق الأوروبي 1 - المتأهل من الملحق الأوروبي 2 - المتأهل من الملحق الأوروبي 3 - المتأهل من الملحق الأوروبي 4 - المتأهل من الملحق العالمي 1 - المتأهل من الملحق العالمي 2
المونديال الجاي غادي يكون أحمض مونديال فالتاريخ تخيل مجموعة فيها
أمريكا - النمسا - أستراليا - الرأس الأخضر
كندا - سويسرا - تونس - هايتي
البرازيل - ايران - بنما - نيوزيلندا
اسبانيا - الاكوادور - قطر - كوراسوا
غادي نمرضو مع دور المجموعات و حتى دور 32 غادي يكون حامض بزاااف دور 16 اللي غادي تبدى فيه شوية كرة و الفراجة هادشي يلا كانت شي فراجة فمونديال أمريكا تبدى تفرج شوية تسمع حبسو الماتش كاين اعصار الماتش ديال اليوم غادي نكملوه غدا مني دوز العاصفة و التيرانات غادي يبانو ليك خاويين بحال مونديال الأندية الميركان أصلا ماعندهم مع كرة و حابسين الفيزا على بنادم و مغليين بزاااف الأوروبيين تشكاو من غلاء تذاكر المونديال
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
