|
|
| 01:07 - 2024/02/15 |
 |
 |
| | |
|
|
|
|
الماتش الجاي ان شاء الله ضد تواركة فملعب الحسن الثاني فالرباط السبت مع 20h
الخيش مدخلين وجدة نهار الأحد مع 18H
الوز ضد بركان فملعب البشير السبت مع 18H
الخيش بنسبة كبيرة غادي يضربو وجدة اللي مشى ليهم المدرب و عندهم مشاكل
الماتش اللي من موراه ان شاء الله الرجا مدخلة الحسنية و الخيش خارجين عند بركان
يعني فوز الرجا ان شاء الله ضد تواركة و الحسنية غادي يخلينا ديما فالصدارة و نبعدو على المطاردين أكثر و ممكن نفكو الصدارة مع الخيش
|
|
|
|
السلام عليكم ورحمة الله
مبروووك 3 نقاط
المنافسة انحسرت بيننا وبين الفيران
الباقي خرجوا منها
لقاء تواركة صعب أن شاء الله ننتصرو ونواصلو الطريق للقب
|
|
|
|
البنزرتي سلت وخلاهم فالگعدة
|
|
|
|
نفس الطريقة لي لعب بيها اليوم الداهية الألماني جوزيف زينباور هي نفسها لي لعب بها ضد بركان في نهائي كأس العرش منقوص بلاعب ومتحكم فأطوار اللقاء ..
مشا مع بركان حتال الأشواط الإضافية وانهزم بخطأ بدائي ديال بن تايگ لي عطا پينالتي للبراكنة وبيه باش داو الكوپ وكان أول اختبار حقيقي ليه من بعدما ما ربح أول ديربي ضد الوداد ..
مدة طويلة مابقيناش شفنا الرجا لي كتبني الهجمات ديالها من الگول بالضريبة حتال الكاري ديال الخصوم وهادشي كامل بلاعبين عاديين بدون مهاجم صريح ..
كنتخيل زينباور عندو مالونغو ورحيمي ومتولي والحفيظي وبانون شنو كان يقدر يصنع مع الرجا ولكن من سوء حظو كيلعب بتركيبة محدودة بحارس منتهي وخط دفاع متهالك وبدون صانع ألعاب حرايفي و مهاجم قناص وفظل غياب أبرز لاعب وهو الجمهور ..
كيتعاب على الألماني أحيانا الركون والتراجع للخلف مباشرة بعد تسجيل الهدف وتضييع نقاط مهمة كانت تخليه منفارد فالصدارة ولكن الأهم الأن أنه الوحيد بدون خسارة لحدود الجولة 19 فسابقة فالدوري المحلي ..
وهنا فين كتبان الصنعة ديال المدرب المحنك كيصنع ليك فريق منسجم كيلعب على الإمكانيات ديالو وغادي فالبطولة بخطوات ثابتة لحد الساعة ..
شخصيا كنت أول المدافعين على شخص جوزيف زينباور وسماو عليا طبال ديالو ولكن لمست فيه معالم المدرب لي كيتوافق مع ADN الرجاء ولي يستاهل لاعبين سوپر بحجم الطموحات ديالو.
كازافوبي
|
|
|
|
واحد اللاعب من أحسن الإنتدابات فالسنوات الأخيرة بلعماري اغلبكم هنا كنتوا ضد قدومو للرجاء الا هاد العبد الضعيف ههه مدحت فيه
بودريقة غير يشوفلي شي مكتب فالاكاديمية ورحلة لافريقيا وامريكا اللاتينية نقلبو على المواهب
|
|
|
|
بن ونيس يُلزم إحتياطي الرجاء بأداء تدريبات خاصة بعد نهاية المباراة
|
|
|
|
نهائي ضد بركان راه الزنبور الغبي رجع للور وخرج بوزوق والزرهوني اعدم الفريق هجوميا . هاد الماتش واخا كنا لاعبين ب10 كنا كنوصلو لبوطو + متنساش الماص لاعبين معاك سخفو بسبب الاضرابات| إقتباس لمشاركة: | Rajaoui | 00:07 - 2024/02/15 | نفس الطريقة لي لعب بيها اليوم الداهية الألماني جوزيف زينباور هي نفسها لي لعب بها ضد بركان في نهائي كأس العرش منقوص بلاعب ومتحكم فأطوار اللقاء ..
مشا مع بركان حتال الأشواط الإضافية وانهزم بخطأ بدائي ديال بن تايگ لي عطا پينالتي للبراكنة وبيه باش داو الكوپ وكان أول اختبار حقيقي ليه من بعدما ما ربح أول ديربي ضد الوداد ..
مدة طويلة مابقيناش شفنا الرجا لي كتبني الهجمات ديالها من الگول بالضريبة حتال الكاري ديال الخصوم وهادشي كامل بلاعبين عاديين بدون مهاجم صريح ..
كنتخيل زينباور عندو مالونغو ورحيمي ومتولي والحفيظي وبانون شنو كان يقدر يصنع مع الرجا ولكن من سوء حظو كيلعب بتركيبة محدودة بحارس منتهي وخط دفاع متهالك وبدون صانع ألعاب حرايفي و مهاجم قناص وفظل غياب أبرز لاعب وهو الجمهور ..
كيتعاب على الألماني أحيانا الركون والتراجع للخلف مباشرة بعد تسجيل الهدف وتضييع نقاط مهمة كانت تخليه منفارد فالصدارة ولكن الأهم الأن أنه الوحيد بدون خسارة لحدود الجولة 19 فسابقة فالدوري المحلي ..
وهنا فين كتبان الصنعة ديال المدرب المحنك كيصنع ليك فريق منسجم كيلعب على الإمكانيات ديالو وغادي فالبطولة بخطوات ثابتة لحد الساعة ..
شخصيا كنت أول المدافعين على شخص جوزيف زينباور وسماو عليا طبال ديالو ولكن لمست فيه معالم المدرب لي كيتوافق مع ADN الرجاء ولي يستاهل لاعبين سوپر بحجم الطموحات ديالو.
كازافوبي |
|
|
|
|
|
سبب الهزيمة ديال الكاس من غير الهدهودي مول الحمرة و الخطأ البدائي ديال بنتايك راه هو المدرب شاد الماتش نضتي خرجتي جميع المهاجمين اللي عندك و دخلتي كلشي الوسط وليتي لاعب ب 1-4-5 أنا غادي نعقب فقط على فقرة من هاد المقال حارس منتهي جبد ليك كرة من فوق الخط اليوم دفاع متهالك هو الأقوى فالبطولة بوغرين صانع ألعاب ما عند حتى فرقة فالبطولة الحاجة الوحيدة هي غياب مهاجم فالمستوى و غياب ملعب كبير باش يحضر الجمهور و راك جاوبتي راسك براسك ملي قلتي فعلا راك طبال ديالو حيت غا الماتش اللي فات دار تغيير كارثي ملي خرج الزرهوني ضد الخيش اما داك الماتش كان يتربح لو خلا الزرهوني و خرج لمكعازي و رجع زريدة للوسط فالمركز الأصلي ديالو كيف ما لعب اليوم واخا من بعد الطرد راه ولى لاعب ظهير ايمن كيغطي على بولكسوت
| إقتباس لمشاركة: | Rajaoui | 02:07 - 2024/02/15 | كنتخيل زينباور عندو مالونغو ورحيمي ومتولي والحفيظي وبانون شنو كان يقدر يصنع مع الرجا ولكن من سوء حظو كيلعب بتركيبة محدودة بحارس منتهي وخط دفاع متهالك وبدون صانع ألعاب حرايفي و مهاجم قناص وفظل غياب أبرز لاعب وهو الجمهور ..
شخصيا كنت أول المدافعين على شخص جوزيف زينباور وسماو عليا طبال ديالو
|
|
|
|
|
|
أنا غادي نخالفكم الرأي فيما يخص موهوب فعلا خونا مبرهش و ضيع بزاف الفرص السهلة و متهور فاللعب ديالو و الرجاء ماشي حقل ديال التجارب حيت الفريق لاعب على البطولة و لكن هاد الدري راه فيه حوايج بزااااف مزيانين اول حاجة الدري مازال صغير راه عندو غير 20 عام و بالنسبة للكرة فالمغرب راه مازال صغير الارتقاء عندو فالمستوى الكبير ... كيدير ضغط على اي واحد شد البالون ... عندو لياقة بدنية ما شاء الله و كيعرف يلعب فظهر المدافعين الاشكال اللي عندو هو الفينيش ... راه خاص يخدموا معاه هاد القضية باش يولي يعرف يدير الاختيار الصائب قدام البوطو مايمكنش هاد كمية الضغط اللي عليه راه نقدروا نضيعوا فلعاب حنا محتاجين ليه بزاف خصوصا أننا معندناش البديل فداك البوسط من سوء حظه حتى هو لعب ضدهم فالذهاب تهرس و فالاياب خدا حمرة بغباء كبير و داك الشي جا متابع قودها ضد الخيش و اليوم كون تعادلنا مكاينش اللي غادي يرحمو كلشي غادي يضورها ليه العملود و عطية الله ملي جاو للاوز كانوا ضعااااف و بمستوى عادي و لكن تاقوا فيهم و بقاو كيلعبوا حتى ولاو شي وقت هوما نقطة قوتهم
|
|
|
|
ايوب انا مشي معاك في الحارس منتهي
شكون هاد الفريق في البطولة عندو حارس
مكيستقبلش اهداف وواعر
شوف غير الجيران في البيت الثاني تعطيك
الخبار مع انه كان كيستدعيه حبيبو للمنتخب
|
|
|
|
قدم الإطار التونسي فوزي البنزرتي، استقالته من تدريب فريق الوداد الرياضي لكرة القدم، مباشرة بعد الخسارة، اليوم الأربعء، بثلاثية أمام الشباب السالمي، في مباراة الجولة 18 من منافسات البطولة.
وأعلن البنزرتي استقالته في اللقاء الإعلامي، الذي أعقب المواجهة، التي انهزم فيها الفريق الأحمر أمام الشباب الرياضي السالمي بنتيجة ثلاثة أهداف مقابل هدف واحد.
وقال البنزرتي في الندوة الصحفية:” لقد أعددنا جيدا للمباراة لكن الأهداف التي تلقينها جاءت عن طريق هدايا قدمناها للفريق الخصم وبهذا المستوى لا يمكن تحقيق الانتصارات”.
وتابع:”النتائج مدارتش معانا وسبعة أهداف في ثلاث مباريات استقبلناها بأخطاء، أتحمل المسؤولية وأقدم استقالتي”.
|
|
|
|
| إقتباس لمشاركة: | Rajaoui | 02:40 - 2024/02/15 | واحد اللاعب من أحسن الإنتدابات فالسنوات الأخيرة بلعماري اغلبكم هنا كنتوا ضد قدومو للرجاء الا هاد العبد الضعيف ههه مدحت فيه
بودريقة غير يشوفلي شي مكتب فالاكاديمية ورحلة لافريقيا وامريكا اللاتينية نقلبو على المواهب |
|
واحد كان معانا هنا فالفوروم كان شبع فيه سبان قبل مايبدى كان انتقد جميع انتدابات بودريقة حيتاش بودريقة هو الرئيس كانو انتدابات لا علاقة و كانو انتدابات مزيانة و على العموم الفريق رياضيا و تسييريا ناجح هاد الموسم كان ممكن يكون أفضل و لكن واحد 80% تال 90% ناجح
|
|
|
|
| إقتباس لمشاركة: | الحاج كريم | 10:12 - 2024/02/15 | ايوب انا مشي معاك في الحارس منتهي
شكون هاد الفريق في البطولة عندو حارس
مكيستقبلش اهداف وواعر
شوف غير الجيران في البيت الثاني تعطيك
الخبار مع انه كان كيستدعيه حبيبو للمنتخب |
|
مابغاتش تفهم ليا واحد الفئة من الجمهور من يامات حسبان و هوما مضورينها للزنيتي بغينا و لا كرهنا الزنيتي من أحسن حراس البطولة يلا ماقلتش أحسنهم مازال عندو واحد عامين أخرى فالرجا يقدر يعطي فيها حارس عندو تجربة كبيييرة و عندو الريفليكس ممتاز و كيعرف يخرج كرة برجليه مايعاب عليه بعض الأخطاء الفادحة و هادشي عند جميع الحراس
الناس اللي قدام شوية فالرجا من 2006 فاش مشى الشاذلي و الرجا كتعاني حتى جا الزنيتي دوزنا كوحا ف 2006 دوزنا فوهامي من 2007 تال 2008 دوزنا البورقادي ف 2008 دوزنا عتبة ف 2009 دوزنا الجرموني من 2010 تال 2011دوزنا الحظ من 2011 تال 2012 دوزنا العسكري من 2012 تال 2015
9 سنين جربنا فيها 7 الحراس تا واحد فيهم ماصدق
|
|
|
|
حاجة أخرى خاص يديرها المدرب و اللاعبين فراسهم خاص الفوز بأكبر الحصص حيتاش كاينة امكانية كبيرة البطولة تحسم بفارق الأهداف
الرجا و الخيش تعادلو ذهاب و اياب ( قاعدة الهدف خارج الميدان ماكايناش فالبطولة ) حاليا الخيش فايتينا ب 4 الأهداف و كانو مباريات اللي ممكن نساليوهم بفارق مريح و اللعابة كيبداو يتمرغنو قدام المرمى
|
|
|
|
سبب خلاف السكيتيوي مع زينباور بدأ عندما تدخل أكردوم على الزرهوني بشكل قوي في نهاية المبارة, ما أغضب المدرب الألماني الذي عاتب أكردوم على تدخله, و بعدها تدخل السكيتيوي ليعاتب المدرب الألماني و يدافع على لاعبه.
المدرب الألماني عاتب أيضا حكم اللقاء في الممر المؤدي لمستودع الملابس بسبب عدم حماية لاعبيه طيلة المبارة من التدخلات الخشنة للاعبي الماص.
|
|
|
|
ياك قلت ليكم لبارح تفرجو في الوز وشوفو كيفاش تحول مستواهم بسبب الانتدابات الجديدة ؟
دابا غادي ندوز للخطة B ونقول ليكم راه غي كنت مقوس عليهم وجبتهم لاص دوس ههههه
|
|
|
|
صراحة زراوني ولاد الطييط ضد المحمدية قلت ضافي بنزرتي لقى ليهم التشكيل المثالي وغادي يبداو يسلخو لفراقي
ساعة طلع غي ايت منا بايع ليهم الماتش !
احسن سيناريو يتعادلو مع بركان ويخرجو بجوج من سباق المراكز الاولى على امل تدي ليهم الفتح و تواركة المركز التالت
|
|
|
|
السكتيوي كون اللعابة ترجلو البارح كانو يخرجوه حاني راسو بشي رباعية مكيحشمش غالك حيد ليهم بيرانتي و باااينة اللعاب ضرب الارض و مقاسش رجل تاع اللعاب + 2 أخطاء قراب للبوطو باينين مصفرهومش الحكم لينا ولا غا اللي خسر يلوحها للتحكيم
|
|
|
|
طلال شفتو مزال متعاقب !!! + في انتظار معاقبة جمهور الوز على أفعال البارح
|
|
|
|
| إقتباس لمشاركة: | عبدالله الرجاوي | 16:22 - 2024/02/15 | ياك قلت ليكم لبارح تفرجو في الوز وشوفو كيفاش تحول مستواهم بسبب الانتدابات الجديدة ؟
دابا غادي ندوز للخطة B ونقول ليكم راه غي كنت مقوس عليهم وجبتهم لاص دوس ههههه |
|
الوز من 2015 و هازهم العزي بالكولسة و التحكيم و فلوس المخدرات اللي كتشري كولشي فالمغرب و فافريقيا هاد العام فاش الناصيري قرقبو عليه من الصيف و الفريق ديالهم راجع باللور السيد ولى كيشوف حريرتو كيفاش يفكها و خلا الفرقة و دبا عندهم فراغ تسييري البارح كنسمع زدوق فالراديو قاليهم الوز بغاو يديرو جمع عام و لكن حتى واحد مازاعم يترشح حتى هاد البرماكي مابغاش يترشح
كيعيشو دبا مرحلة الشتات من غير لا شدهم آيت منهم أولا حط شي بيدق ديالو و وخا هكاك صعيييب يشدهم الوز ماشي هي المحمدية على حسب الهضرة اللي قال زدوق الوز غرقو ماديا و عندهم بزاف ديال الملفات جايين فالطريق
|
|
|
|
كنعيبو على البطولة ديالنا و لكن المصريين الهربة ههههه اللي بغى يلعب شي ماتش يلعب شي لاعب 12 شي لاعب 6 الماتشات شي لاعب 9 شي لاعب 7 شي قرب يسالي الذهاب و شي مازال عاد بادي البطولة
|
|
|
|
المصريين اولاد 9 فهاد الايام كوجدو ابنيو معسكرات اعتقال عندهم
|
|
|
|
اللعنة على الخونة والمطبعين
|
|
|
|
خرجة إعلامية لمدرب المنتخب وليد الركراكي يوم الجمعة على قناة الرياضية مع 22H30 ليلا إن شاء الله ????✅️
الناس خدامة و هو خارج يهضر و لكن مانساوش را البداية ديالو كانت مع الطاوسي علمو يبلابلي
|
|
|
|
gm
|
|
|
|
|
|
|
إميليو انسوي هداف كأس الأمم أوقف من قبل اتحاد غينيا الاستوائية بعد البطولة بحجة عدم الانضباط، فخرج في بث مباشر على إنستاغرام اتهم فيه المسؤولين عن الاتحاد باختلاس أموال طائلة ووصفهم بالسرطان.
|
|
|
|
Emilio Nsue: “Estos cánceres y corruptos que gestionan el fútbol de Guinea Ecuatorial se han llevado 1 millón de euros”
https://twitter.com/AfricaFutbolera/status/1758230468258853360
|
|
|
|
الحكم بالسجن 6 سنوات على كوينسي بروميس لاعب سبارتاك موسكو الروسي غيابيا بسبب الاتجار بالمخدرات في هولندا (1360 كيلوجرام من الكوكايين)
|
|
|
|
|
| لا يمكن إضافة ردود لهذا الموضوع لأنه تجاوز الحد الأقصى وهو (500) رد |
Duhok Forum 3.0
