|
|
لنا عودة لزويتة و انتدابات المزبلة اللي كيدير فيهم
- اليوم فالصباح وصل اللاعب النيجيري ماتياس المهاجم اللي كان فالليغ 2 و كان فالدوري الأوكراني ( الأرقام ديالو كالتالي : موسم 2022-2023 سجل 0 هدف, موسم 2023-2024 سجل هدف وحيد من ضربة جزاء, موسم 2024-2025 سجل هدف وحيد ), غادي يوقع بمنحة سنوية ديال 100 مليون سنتيم
- ثاني الانتدابات و التي من المقرر تكون هاد اليومين التوقيع ديالها هو الدولي المغربي السابق و لاعب فرانكفورت أيمن برقوق العاطل عن الممارسة من ماي الماضي و غادي يجي يهز خط وسط الرجا ( بزاف الناس كيسحاب ليهم برقوق عندو شي 35 عام لا عندو 26 عام فقط هو من مواليد 1998 غير هو زرك داكشي علاش مالقاش شي فرقة يوقع فيها لدرجة أنه فشل فاختبار مع نادي الشعب الاماراتي. و حتى فشل عاد جا للرجا حيتاش كان داير الامارات رقم 1 بالنسبة ليه و المفاوضات معه مع الرجا بدات شي شهرين دبا )
- ثالث انتدابات الفريق و الي وقع مع الفريق عقد اليكتروني و من المقرر يجي الاسبوع المقبل باش يكمل اجراءات العقد هو الأردني شرارة, لاعب ماكيقدرش يكمل الماتش, جد ضعيف بدنيا و زجاجي, سبق للترجي أن وقعو معه فسنة 2022 لعب معهم 4 المقابلات و فسخو مع بعد 3 أشهر فقط. كيلعب ماتش و يتوعت شهر, سبق أن لعب بالدوري الليبي مع أهلي طرابلس لعب معهم فقط 6 أشهر و سيفطوه فحالو حيتاش مسالي ( جا للرجا بتوصية من السلامي , السلامي نهار ماتش المنتخب كان دخلو فالدقيقة 47 و خرجو فالدقيقة 85)
- رابع انتدابات الفريق هو الظهير الأيسر الجزائري لفريق شبيبة الساورة شميشة ( المفاوضات معه متوقفة حتى يفاريوها مع بلعمري اللي مازال ماوقعش فالأهلي بسبب مشاكل مالية الاهلي فآخر لحظة طلبو من الرجا خفض المبلغ من 550 ألف دولار ل 400 ألف دولار ) المهم في حالة انتقال بلعمري للأهلي الفريق غادي يوقع مع شميشة لاعب فاشل جدا فمركز الظهير الأيسر
انتدبات الفريق مشات بأقل كلفة و مشاو قصدو لاعبين أحرار علاش ؟ الله أعلم , ياك مارسا ماروك استحوذت على 60% من الفريق غير باش نانشوفوش هاد الكرارس و هاد الارتجالية و لكن مازال كنشوفوها و بحدة أكثر
|
|
Duhok Forum 3.0
