صراحة خاص الكان يتقام كل أربع سنوات بحال كأس أوروبا حيث كل عامين باسل بزاف
المشكل أن أوروبا مثلا عندها مسابقات قوية لا للأندية لا للمنتخبات
مثلا كل عام عندك عصبة الأبطال و الأوروبا ليغ
عندك كل عام كتقام مسابقة اليوروبا ليغ للمنتخبات كتقام على شكل دوري
العادي عندهم ان كأس أوروبا تكون كل 4 سنوات
افريقيا المسابقات الافريقية ميتة نعطيك غير احصائية وحدة كافية باش تعرف الفرق غير نهائي دوري المؤتمرات الأوروبي أكثر مشاهدة من نهائي كأس عصبة الأبطال الافريقية و بفارق كبيير فالمشاهدات
افريقيا و آسيا و أمريكا الجنوبية العادي أن أحسن مسابقة عندهم تقام كل سنتين أو 3 سنوات
حتى من آسيا كيلعبو فالشتاء فجميع النسخ الأخيرة ديالهم آخر كأس آسيا تلعبات فالصيف هي ديال 2007 جميع النسخ اللي من بعد منها تلعبات ففصل الشتاء و حتى واحد ماهضر معاهم حيتاش بكل بساطة افريقيا عندهم نجوم كبار فكبريات الأندية الأوروبية عكس آسيا اللي ماعندهم والو
المشكل الثاني فافريقيا مايمكنش تلعب فالصيف دورة مصر 2019 أغلب الماتشات تلعبو مع العشية و فدرجة حرارة فايتة 30
اما واحد الماتش تلعب مابين السنغال و جزر القمر كانو لعبوه مع 32 ديال 3 العشية فدرجة حرارة 41 درجة و الماتش كان تم التأخير ديالو لمدة ساعة باش تنزل شوية الحرارة
هادشي فمصر اللي كانت أول دورة فتاريخ الكان تلعبات فالصيف فما بالك أن الدورة الجاية غادي تلعب فكينيا و تنزانيا و أوغندا فشهر 7
فالمغرب و صعيب تلعب فالصيف خصوصا كيجيو شي موجات حر عالية فشهر يوليوز و غشت مثلا واش تقدر تلعب ماتش مع 4 فمراكش فشهر 7 ؟
أو ففاس ؟
افريقيا المناخ ديالها كيفرض عليها تلعب فالشتاء و ضعف المسابقات ديالها كيفرض عليها الكان يتلعب كل سنتين
لا يمكن إضافة ردود لهذا الموضوع لأنه تجاوز الحد الأقصى وهو (500) رد
Duhok Forum 3.0
