|
|
البارح فراديو مارس جابو محمد مديح و خالد فاكرني اللي عاودو على هاد السنة
محمد مديح قال أن بودريقة جابو باش يقاد الفيستيير فالأول اقترح عليه بودريقة باش يكون مساعد لزينباور و رفض و من بعد قاليه غاتكون مدير رياضي للفريق و لكن الدور ديالك الأول هو تخلي الأجواء مزيانة مابين الطاقم التقني و اللاعبين
مديح قال فعلا كان ناض واحد الصداع بينو و بين زينباور فماتش الحسنية فالذهاب قال أنه كان ناض شي صداع مابين جوج لعابة و تدخل هضر معاهم و زينباور دار فيه و قاليه ماتهضرش معاهم أنا اللي غنهضر معاهم و بقى الصداع نايض بيناتهم لفترة حتى هضر مع بودريقة و فاش تدخل بودريقة لقى شي وكيل من الحرس القديم ديال الرجا كيسيفط لزينباور أخبار ديال جريدة اليكترونية كبكتبو أن مديح هو اللي غادي يخلف زينباور و مديح مخاصم مع زينباور ... و هادشي اللي خلا بودريقة يتدخل و من بعد ولات الأمور مزيانة مابيناتهم و نوه بزاف بدور أنس الزنيتي اللي كيجمع اللعابة و كيتدخل فحالة الخصام
خالد فاكرني هضر بزاف فالمجال القانوني و هضر على ليتيج اللي لقاو و على الاقتراحات اللي قدمات ادارة الرجاء للعصبة الاحترافية قال يلا دخلنا ليوتوب دبا 15 ماتش الأكثر مشاهدة في لايف الرياضية هوما ديال الرجا و بالارقام واصلين لأكثر من 8 مليون مشاهدة فهاد الموسم فماتشات الرجا على اليوتوب موراهم ماتشات الوداد ب 3 المليون مشاهدة حتى من الجيش اللي كتنافس الرجا طيلة الموسم عندها فقط 1,7 مليون مشاهدة. مايمكنش الرجا تكون عندها نفس منحة النقل التلفزي ديال الفرق الأخرى, و هضر على نقطة الجمهور قال أن أي رئيس ديال شي فرقة ماباغيش جمهور الرجا يحضر بالعلاقات ديالو كيهضر مع سلطات المدينة و كيمنعو تنقل جماهير الرجا, قال هادشي ماخاصوش يكون يلا ماكانوش قادرين ينظمو فالمدينة ديالهم يلعبو عن الرجا ذهاب و اياب ولا يستقبلو فلمعب آخر
هضر أيضا على الديربي عوض يتلعب ويكلو يكون فيه فقط الجمهور المضيف يلا كانت الرجا مستقبلة يكون 100% جمهور ديال الرجا و العكس للاوز
|
|
Duhok Forum 3.0
