|
|
الصراحة بعض الأخبار اللي وصلاتني بودريقة مازال هو هو ماتبدل والو فيه
صحيح أنه خلص مجموعة من الملفات و دار انتدابات و لكن فالمقابل را ديما كيخلي للسماسرية يضورو بيه و يديرو فيه مابغاو,
نبداو بأول ملف ديال فخر اللي كان كيتسال 200 مليون عوض يلقاو مع حل ودي ناضو جددو ليه لموسمين اضافيين و صيفطوه اعارة للزمامرة, اليوم اللاعب سيفط انذار للرجا باش يخلصو ليه المستحقات ديالو اللي وصلات ل 350 مليون
الملف الثاني دومينغو وقعو معاه ب 200 مليون مازال ماخذا منها والو, و اللاعب تاهو غادي يمشي للفيفا ( مانهضروش على الاقامة اللي سالات ليه هادي 3 أشهر و دبا خاصو يرجع لجنوب افريقيا باش يعاود يقاد الأمور ديالو عاد يرجع و هذا خطأ اداري فادح )
الملف الثالث البوليفي أبريغو موقع تاهو ب 200 مليون المدرب قاليهم اللاعب غير مقنع و اللاعب ماعجبوش يبقى فالبون توش و باغي يمشي فحالو ( كيتسنى يكمل شهرين باش يطلب فسخ العقد من الفيفا حيتاش مازال ماخذا حتى سنتيم بحال دومينغو)
الملف الرابع الفريق وقع مع باعيو حتى هو باغي يمشي يفسخ العقد ديالو حيتاش مازال ماتوصل بحتى سنتيم
الملف الخامس أهولو تاهو دعى الفرقة على شي حاجة كيستالها
بودريقة كيفما 2012 خلص الليتيج القديم و جاب فرقة و دار موسم مزيان و فنفس الوقت ضور بيه السماسرية و جابو ليه روينة ديال اللعابة من جميع الجنسيات و غادي يمشي و يخلي الفرقة غارقة عاوتاني كيفما دار ف 2016
|
|
Duhok Forum 3.0
